@littlefoot: ja gäll, coop@home isch super, bi ou fan!!! Mir hei das agfange wo GG d Chnöi-op het gha und i ke bock ha gha sini süessgetränk umezschleppä...

oh nei, mega doof wägä de Lüs!

@pfingstrose: wenn ä supbercard hesch chasch d lieferig ou mit pünkt zahle, mir maches immer so. Meistens gits füre Ichouf gad ca. so viel pünkt wie mir fürd Lieferig würde zahle...

@jane: hmm, findes glich chli komisch... Also geisch jetz eifach drvo us dass die alli nid chöme? I gloub i frage de bi denä scho nache wo sich nid amälde. Es närvt mi de viel meh we sie am HZ plötzlech uf dr Matte stöh ohni sich agmäldet z ha.

malinchen
Ich übergib das Thema eifach am GG.. ich bi da amigs viel z emotional und wenns d Lüüt ebe eifach 'nume' vergesse hend, denn chunnt das nöd so guet a wenni de e doofe Spruch lah lah gheie. Er cha das viel besser. Abkläre söttmes denki scho will du hesch recht. Das würd no viiiiiel meh nerve.

littlefoot
Ich bin au meeeeeega hässig gsi und grad wider wenni drah denke und vorallem findis voll schad, dass GG das mit sich laht lah mache. er hett nämli zerscht nüt gseit und ihn halt eifach au ignoriert aber ich find da darfmer scho ehrlich sägä dasmer sauer isch.

Ah ja stimmt für uf dServiette sinds chle zgross :D Ich han glaub meh Schichte gno. mine isch ja meeeeeega dicht. weiss aber nümme wie viel genau. Aber imfall, wenn mini chömed woni bstellt ha, denn zähl ich mal gschnell dene ihri Schichte, das isch sicher en guete vorgabewert...
Ja mier wend eusi ufhänke, da dörfeds natürli gross si :)

Finde s Agebot mitem liefere lah ebe scho no geil. Vorallem für Familie ohni Auto, hehe

Coop@Home
Genau, du bstellsch alles in Warechorb und vorem zahle chasch uswähle wenn de Lieferant söll bi dier sii, chasch us verschiedene Täg jewiils dini Ziit uswähle. Die liefert so bis am 8i glaubs (ebe, has scho lang nümme gmacht) und denn trägeds dier das bis vor d Türe :)

hehe gell, min GG blibt immer voll ruhig und ich bi am tobe. Drum ischer ebe so perfekt für mich

Ihr Liäbe

Danke vill Mal für eui liebe Wort und Ateilnahm. Han grad müsse hüle, woni eui Biträg gläse han.

Mir gahts zum Glück chli besser, au mit de Verdauig. Nur hani ez no chli Ruggeweh. Nime morn sicher Medis mit und halt au es Schmerzmittel, falls es z müesam wird. Aber Voltaren hilft schomal. Strichi morn halt vilich glich au ii, stinkt zum Glück nöd so wie anderi Salbene.

Gester bini no mis Chleid go hole... Leider häts zerscht nöd passt. S isch einersiits z wiit gsi. Vermuetli hani nomal abgno i de letschte Wuche. Isse ja au no fascht nüt. Hani nöd so kuul gfunde. Bin zwar nonig gförlich nöch am Undergwicht, aber glich... Wänn das so wiiter gaht.
Und d Längi hät au nöd gstumme. Die händs dänn uf ihri Chöschte apasst, wil's au ihre Fehler gsi isch.

Ha aber gester trotzdem nomal fascht 1000 Stutz det ligge lah. Grr... Aber isch ez halt so. Han ebe no kän BH gha bim Abstecke und drum eine vom Brutmodegschäft gha und dänn hani gfunde, wänn de scho so tüür isch, nimi de Slip gliich au no dezue. Zägg... über 200 Stutz schomal weg. Und dänn hani halt zwei Änderige müsse zahle und no die für es Cocktailchleid. Das wetti eifach umbedingt als Backup ha, falls ich nüme mag im grosse Hochsigskleid umeschuene. Hans aber no müse ändere lah und drum das dänn au grad dete mache lah. Hät natürlich meh koschtet als s Chleid sälber.
Und Schmuck hani au no kauft. De isch aber prislich no gange, hani gfunde. Nime jetzt Perle Ohrering, woni scho gha han. Und es Perlechetteli und Armband vom Brutmodegschäft für 90 Franke.
Defür hani de Gürtel chöne gratis gäg en andere ustusche. Mis Chleid hetti ja rächt en dunkle Gurt gha und das hani nöd so schön gfunde. Jetzt hani eine usgwählt, wo so beige isch und so Blueme druf hät. Isch vill fiiner und passt mines Erachtens vill besser zum Chleid. Bin aber immer no unsicher, öb ich en in Gottesdienst alegg oder erscht nacher.

@Taeboyana: Du häsch ja no gfrögt wäg em Schmuck. Also, ich bin no überrascht gsi, wie mer sich chan tüüsche drüber, was ächt zum Chleid passt... Bin froh, hani nöd vorgester no im Manor öpis kauft gha (de hät no schöni Chetteli und so im Fall). Ich hetti sicher öpis gno, wo dänn z fiin gsi wäri für s Chleid. Han dänn zersch eifach Sache usprobiert, woni scho gha han. Unter anderem es mega schöns Perlechetteli. Aber das isch au z fiin gsi. Hät mi no überrascht.

So, ich glaub, mir händ zimli alles vorbereitet. Ich muess nur no mini Sache parat mache. S Outfit und e Täsche, woni minere TZ mitgib und Sache für im Hotel. Händ eus gseit, mir gönned eus e Suite im Hotel. Wänn scho Flitterwuche eher nöd so richtig drin ligged...
Händ uf de Wunschlischte aber glich Flittergäld druf. Vilich chömmer ja chürzeri Usflüg mache, mal es Wuchenänd oder eifach en Tagesusflug. Oder suscht Freizitaktivitäte. Händ das au uf de Wunschlischte so gschribe.

Nacher muni no es paar Sache zügle... Eifach mal s wichtigscht (es paar Chleider wär no guet ) Und nacher wirdi wohl so tröpfliwiis halt s Züg übere zügle. Bzw. vilich lahni au no Sache da. Ich wird vermuetli witerhin vill bi de Eltere sii. Das müemer dänn mal no aluege, wie mer das mached mit Chemo und so, v.a. a dene Täg, wo min Maa weg isch.

Bin mittlerwiile mega froh, dass mir dänn soooo nöch vonenand wohned. Luftlinie sinds so 300 Meter.

Gester isch no euses Sofa cho, nachdem letscht Wuche au s Bett scho cho isch. So sind doch di wichtigste Möbel scho jetzt mal ume. Sind froh drum.

So, ich wünsch eu no en guete Namitag! Ich mach mich mal an letschte Pompon, woni no muess usenand falte. Han letscht Wuche no bi HoneyHome bstellt. Wobi ich minere TZ gseit han, dass sie au nöd alles Dekozügs muss bruche, won ich ihre gibe. Sie wird sicher so oder so öpis schöns mache. Sie hät da rächt s Händli defür.

Liebs Grüessli,
Fara