Fara
Hey, schön meldisch di nomal vor dim grosse Tag und schön gahts chli besser! De hesch ja grad nomal chli Action gha jetzt. Aber d Hauptsach isch doch, dass du dich morn wohlfühlsch i dine Chleider!
Voltaren schmöck ich meeega gern, die hed min Grosspapi früeher immer brucht, isch sone Erinnerig a ihn

Du bestätigsch mier übrigens grad no d Sorg wegem Schmuck... dases denn ned zum Chleid passt. hmmmmpf. Vielleicht probieri denn au eifach bim abstecke mal es paar Sache a.

Ich wünsche dier en wunderwunderschöne Tag morn!

malinchen
hihi, ich versuech di mal ufzheitere, ich han jez grad mini Pause dure und muess ez no bis am 9i durehebe. Du schaffsch das!! :D

Choche
Planed iher amigs en ganze Wucheninchauf und wüssed z.b. am Mäntig scho, wases am Friitig zesse git?

Fara: Schön hesch dich nomal gmolde! Ich wünsche dir vo herze en unvergässliche, wunderschöne und mega spezielle Tag! Es wird sicher uuu schön und einzigartig. Gnüsseds und suged jedi Sekunde uf es gaht so schnell verbie. Bin au gad chribelig wie d Malinchen... Ohohoh!

Janedoe: Ja schön wers. Ich nimms mir amigs vor, dassi nöd so viel in Migros muss aber ich han den immer uf anderi Sache Lust also hani chli ufghört mit zviel vorus poste. Aber jetzt würdis mal probiere. Im Summer isches eh eifacher... Gits Grillzeugs und Salat... Hihi! Bis Endi Monet machi das mal. Bi Le Shop bstelle meini...

Malinchen: Chum das schaffemer no so schlimm wie d Janedoes het chömers ja fast nöd ha. Ich han jetzt no genau 52 Minute! YES! Bin jetzt gad nomal schnell im Jumbo gsi und han no zwei Töpf meh kauft. Wird es mega Gschleick im Zug aber isch mir glich. Mini Freud chan mir hüt nix und niemand neh.

Hender alli scho Plän fürs Wuchenend?

Malinchen: Wow din GG isch ja en Traum! Chani mine mal verbie schicke... Guet ich chan au gad mitcho. Ich chan zwar guet choche und maches au gern aber ich han nie Idee wasi söll mache. Ich ghan immer nach aktuelle Glust... Und GG ist eh alles er nimmt was es git. Aber so wie ihr das mached isches ja super effizient. *TRÄUM*

Haha du bisch die Best... So machts min Schatz... Eifach 3 verschiedeni Cornflakes das gilt bi ihm scho fast als usgwoge! Haha!

Schön... Den dümmer synchron Grätnerle und schicked Fotis am MO... Haha, wobie bi mir wirds no kei Blueme ha dun ja nur Same setze. Aber vo mine Töpf und em ufgrummte Balkon chani ja eis mache.

Janedoe: Wiso musch du eigentlich bis am 9ni blibe? Isch ja würklich en Frust... Wenn fangsch den am Morge ah? Wie überbrücksch jetzt die Ziit... Haha so viel Frage.

@Pfingstrose
Genau so gahts eus au. Mier essed jede Tag das wo eus spontan gluschtet und das isch ebe nöd sehr schlau. Aber im Summer - wie du seisch, Grill und Salat, perfekt ;D Hani schomal erwähnt das mier en Knallpinke Grill hend?? :D
Frage über Frage :D Eigentlich schaff ich ja ime Bio Fachgschäft und mache da s'Büro aber am Morge und Abig simmer immer nume z Zweite. Und da im Prinzip nur mini Chefin und ich Verantwortig träged, und dLehrling und dUshilfe nie allei 'dörfed' sii, schaff ich jewiils am Friitig Abig de Abigverkauf, damit sie au mal chli früeher cha heigah (sie isch suscht immer vo 06:30-19:30 im Gschäft) Defür muessi aber au erst am 11i afange. Au ned sooooo schlecht :D Wenn iher denn alli deheime sind tuen ich mal unabglenkt chli ernsthaft schaffe :D hahahaha.

@malinchen
Hahahah ha soooo müesse lache! Din GG isch ja voll ds Organisationstalent :D So geil. Bi ihm chönnti sicher mal no was lerne. Bi wie d Pfingstrose. Ideeälos. Das woni cha choche und regelmässig mache, da ghöri immerwider, das seg zbeschte, aber es gits halt au zweimal im Monet, vo dem her hani halt Üebig haha :D

@littlefoot
ich glaube a dich!! de nächst wird besser!!

@weekend
Da ich hüt Abig lang schaffe gits keis Programm für mich. Morn Morge heissts erstmal putze und wäsche und denn gahni am spötere Nami zu minere Schwö. Am Abig hemmer Mädelsabig mit de alte Clique us de Schuelziit - freu mi soooo! Denn pfuusi bi minere Schwöschter und gah am Sunntig morge zu mine Eltere go brunche und denn gömmer uf Züri a GC Match und treffed dett min GG. Am Sunntig Abig simmer de öppe gmüetlich deheime :) Und nachher hani FERIEEEEEEEEEEE :)))

Jandoe: Haha... Min GG würd das also garnöd zuelah... En pinke Grill. Mir hend en richtige Manne Grill... Het richtig viel Platz und isch robust. Ja guet wenn uf die 11i chunsch isch doch super so... Aber wieso muss s Büro vomene Bio Fachgschäft bis am 9ni offe ha? Oder gasch du den de Verkauf go mache? Den hanis falsch gläse.

Frage: Kennt öpert Halloumi? Wo chan mer das chaufe??? Ich han öpis gseh woni choche möchti.

Allne es schöns und erholsams Wuchenend!!! Bsunders de Fara... S allerbesti für dich!

Fara: So schön nomal vo dir z ghöre. Ich wünsch der morn en wunderschöne Tag, wirde sicher a dich denke

Janedoe: ou du armi, ich chum zum Glück gli zum Büro us Also de Grill wär mir jetzt zu pink, aber isch mal öppis anders

Ichaufe/Menuplan: Mir mached das zimlich glich wie d Malinchen (oder ehner ihre GG) Mir mached amigs en Wucheplan mit allne Menus und den gits ei Grossichauf pro Wuche und 1-2 mal gömer den no go s früsche Züg hole.

Weekend: De Marathon isch ja scho bald, drum isch morn en 32km Lauf agseit. Am Abig hani den sit eeewigkeite wieder mal mit mine "alte" Unikollege abgmacht und am Sunntig gömer zu mine Grosseltere. Wohned beid im gliche dorf, den chömer das amigs grad super verbinde. Falls es gnueg warm isch gömer mit em Rennvelo. Uuuu freu mi scho riisig druf, s Velo wieder us em Cheller z hole

Schöns weekend üch allne