Hallo ihr liebe..

Zerst mol möchti mi bi öich allne bedanke för die liebe und mitfühlende wort – häd mir sehr vil bedütet! Chas immer no chum fasse aber es bitzli besser als letscht woche gohts mir scho.. hüt inere woche isch d’beerdigung.. muess probiere a die schöne erinnerige a mis grossmami wos unzähligi devo git i mim härz z’dänke.. si wird mir immer fähle, aber bin unglaublich dankbar för alles wo si mir gäh und witervermittlet häd..

uiuiui 40 sitene zum noläse aber eifach zu spannend zum s öberflüge :p

Danke allne förs verständnis wägem brunch – schön z’wösse dassi nedso falsch gläge bin :p

@sue: gratuliere zo dim schöne chleid gsehsch hammer us! :)

@daenu: das mitem standesamt häd gottseidank glich no klappet :) haha din polterobig dönt jo geil!!! Han soooo müesse lache woni vo dim outfit gläse han hihi de hammer =) und voll cool mitem „next top braut* und „brautsecurity“ :p und isch jo de hammer wäg de limofahrt! =) jöö und am negste tag händer arielle gluegt hihi de hammer =)) dönt nach emene super glungnige polterobig! =) ah und witzigs foti ! =) hmm müehsam wägem standesamt.. bi öis ischs ähnlich.. in aarau mega fröndlich und alles aber det machets am SA jo kei trauige.. in SA: händ kei ahnig wer öis traue wird, werdet die person nie vorher gseh und s’ganze goht 15 minute (för das zahlemer 250.- extra plus jo die 300.- womer z aarau scho zahlt händ naja.. bin au bitz verunsicheret und han letschtmol gfrogt wies isch ob mer dänn glich öbis persönlichs chönni säge und ringe tusche und es lied loh laufe.. jo sig alles möglich ok wenigstens das.. aber göl öis isch eifasch s’datum wichtig sust s’standesamt nedso vo dem her.. aber verstoh di dasses di närvt.. De typ isch doch sicher eifach voll verbitteret… aber guet händer chönne wächsle! :) hih demfall hürotisch du standesamtlich genau en tag vor mir! =) machet doch eifach no öbis am namitag (je nach wätter gönd mir go mini golf spile oder go bowle) und dänn go znacht ässe :)

@nisliker: han dir scho uuuh lang welle schribe!! Du häsch dis hochzyt jo scho hinter dir!!! Verzell verzell verzelll? =) ich hoffe du häsch dini traummärliwinterhochzyt gha!! =))

@claudilein: oh han grad nogläse – zum glück isch alles i.o. mt dim härzli!! jo bin also au froh wägem theolog – ächt en zangegeburt gsi do häsch du meh als rächt… oh jo sorry voll vergässe! Han dir grad en PN gmacht!!

@littlefoot: oh was isch das dänn för es fotigschäft wo dir das abote häd? Isch jo en hammer pris? :) würd mi au no interessiere wennd mir verrotisch wie wo was? :) ooh es meega süesses chleidli wod för dis töchterli gfunde häsch und erst no so günstig :) boah d’michael kors schueh sind de hammer!! Au d’perle und die letschte sind super! =) han mir ebe au scho öberleit keilabsatz azlegge so düend eim d’schueh sicher ned de ganz tag weh ;) muess au mol chli go stöbere ;) und woow die sandale mit de blueme sind jo au mega schön!! Müehsam wägem domino :p isch scho chli masseabfertigung teilwis det gäl? :p wänn häsch de termin zum abändere wänd seisch endi april? Ich han ne ebe am 25.4.! vilicht gsehnd mir öis jo dänn sogar hihi weisch wie witzig? :) oh jetzt hani grad gläse dassd öbis gschrebe häsch wägem termin – bisch sicher, dasses ned de 25.4. (FR) isch? mir händ si ebe gseit es gieng nur am FR go abstecke und das isch för mich ebe mega doof wili immer witerbildig dänn han und drum muessi au scho endi april goh anstatt erst endi mai, afangs juni (hetti meh zyt zum abnäh :p) aber ebe s’gieng nur am FR… wäg de keratinbehandlig: han das au mol gmacht und has super gfonde för d’hoor ABER 2 noteil: 1. D’hoor sind wörkli stäckegrad – weiss ned ob das guet isch wennd ev. au öbis verspilts wetsch mit de hoor? Wörd mi erkundige.. 2. D’hoor werdet sooo schnäll fettig also bi mir isches ganz schlimm gsi.. defür sinds im nu troche muesch chum no föhne :) (guet machi eh nur im winter) aber guet duets de hoor glaub scho :) oh nei arme spatz din sohnemann.. hoffe bringsch si gli weg! Hehe jo coop@home isch voll praktisch.. aber siti mi det mol bi go vorstelle und es katastrophe gspröch gha han (schaffe jo inzwösche au sit öber 6 johr im personal und vorallem au i de rekturtierig und weiss dassmers so sicher ned söt mache) hädsmer abglöscht mit dene :p aber s’gi tjo no leshop hehe aber nütze au das fast nie wili eifach müehsam finde dassd för sache wod muesch id chüeli due extra so en chüeltäsche muesch chaufe & wild so vil zyt bruchsch has scho oft wider abbroche :p

@maeva: oje müehsam.. verstoh das au ned ganz isch jo keis nöis thema das mit dene babies.. ich liebe babies jo au öber alles aber finde au so en wunsch sötmer respektiere.. bi öis sind zwar alli för alles iglade aber chas sehr guet novollzieh! Hey cool händer d’flüg scho buechet dönt hammer öichi flitterwoche! =) jöö isch jo mega süess wäg dim papi :) und d’trändli im lade vo dine eltere jöö so schön :) ganz es schöns chleid gfalltmir au sehr guet!! =)

@fara: ich danke dir härzlich för dini liebe wort wäge mim grossmami! Si wird sicher vom himmel uf öis abeluege a öisem tag.. bin mega froh, hani ihre mol no s’föteli zeigt vo mir im chleid und si häd gfunde ich gsechi wunderschön us wie en prinzässin.. das duet mir guet wenni dra dänke dass si das nüme wird döfe miterläbe, dass si mi doch mol i mim chleid gseh häd.. han mir au öberleit, obi mini tantene söl froge, obi ächt ihri perlechetti wo si immera gha häd würkli immer siti mi mag zrugg erinnere – döfti alegge am hochzyt.. weiss zwar ned obs wörkli passt aber fänds halt mega schön.. wär sicher en öberleggig wert… und jetzt zo dir: oh es duet mir so unglaublich leid z’läse, dasses dir so schlächt goht! :( entäge dem wo du dure machsch, sind doch all öisi problemli eifach nur peanuts! :( do gsehtmer widermol wie nöch fröid und leid eifach zäme isch.. findes unglaublich muetig, dass du trotz dem wo du dure machsch no d chraft häsch das alles dure z zieh! Ich bin mir sicher du wersch MORN bez. hüt - isch jo scho mitternach tgsi!!! en wunderschöne, sehr berüehrende tag döfe erläbe und zumindest för de tag morn möglichst alli sorge chönd vergässe! ich wünsch dir för alles witere ganz vil chraft und dass du no möglichst lang döfsch läbe & die zyt mit dim GG no in volle züg chasch gnüsse! Drück dich <3

@me: bi mir sind au paar sache gloffe in letschter zyt… bin no bi minere kollegin gsi wo mi schminkt go luege ob si au mini hoor chan mache und vertraue ihre do voll und ganz, dassmer öbis cools hibechömed :) düend no mini clip in extensions ine so dassi richtig vil volume han – si isch ned mol coiffeuse und bringt das aber 100x besser hi als die dummi coiffeuse wo mi voll abzockt häd :p bini froh du mit ihre chömer au no paar mol üebe wänns muess si :) <3 mis schwigermami in spe häd meega härzigi bluememeitlichliedli gfunde und wösseder wo? :p im vögele! :p bin froh muessi nüme im interent umesurfe und alles.. s’röckli mitem passende jäggli chostet 40.- also vooll easy :) han jetzt grad alli 6 bstellt also 3 bereits kauft und die restliche 3 no bstellt :) dänn hani mir in madrid no schueh kauft för as zivile för 20 EUR :) (siehe anhang) und so en bling bling clutch för 12 EUR :) also glich no bitz gspart :p ah und dänn hani mir no es meega schöns swarovski armband kauft passend zum chleid am zivile woni aber sicher au sust no oft werde alegge :)
Und hüt mittag händmir i de traulounge in wädenswil öisi wunderschöne ringe mit de perfekte gravur und alles chönne goh abhole hihi händ so fröid! =) si sind wörkli wunderschön worde eifach perfekt! :) wägem standesamt häd au ändli glich no klappet (dank kulanz vo site Italia :p) aber hey die zocket öis jo mega ab! Händ jetzt fast 300.- in aarau zahlt för das 10 minütige bürokramzügs und nacher zahlemer no 250.- in basel – voll vil ned?! naja.. si wösset halt wiemer s’gäld chan mache.. wäge minere öberraschig mitem wellnesse nachem zivile häd leider ned klappet mi GG häd nämli de glich plan gha und häd mi dänn gfrogt obmer ned chli wäg wänd nachem zivile.. han dänn nöme möge verheimliche bin au voll am truure gsi a dem tag und han ned möge mich verstelle – jetzt weissers halt scho aber so chömer öis zäme fröie au guet :)

Hetti soo vil wo söt erlediget werde: azug go probiere vom GG, es hömli för ihn finde förs zivile (er chillts widermol! :p) deko, schueh & schmuck bsorge etc.. aber mis läbe bestoht zur zyt us schaffe, schuel & lere :/ han am MI quartalsprüefig (6 prüefige hiiilfe!!) und am 2.4. no d assistenzprüefig (ebefalls à 6 fächer aber weniger schwirig) und die muessi aber bestoh sust werdi ned a die eidgenössische zuegloh.. puh und am 5.4. isch jo scho s’zivile also morn i 3 woche! Goht so schnäll jetzt alles… hoffe s’wätter blibt so schön, so dass mir chönd go mini golf spile und schöni fötelis mache dusse :)

Zo mim weekend: usser lere stoht nüt ufem programm :p muess alles i mis churzzytgedächtnis biige för am MI! :p so und jetzt ab is bett sust magi morn ned uf! :p

NOMOL GNÜSSETS LULA & FARA! WERDE A ÖICH BEIDI DÄNKE!!!! <3 <3 <3

Guete Mooorge mitenand
Iher sind ja no fliessig gsi am Friitig..

Littlefoot
Ich fänds jeze au nöd schlimm mit dene vom Gschäft.. Ich han au all vom Gschäft vo mim Team (6 Lüt) zum Apero iglade und eini (mit ihre gahni immer go esse und mier händ au susch scho Sache zämä gmacht) fürs volle Programm.
Oh de armi!! Hoffendli verwütscheder dänn alli .

Taeboyana
Daanke villmal für dini PN!! Ich finds ganz herzig dini Iladige!! Sind aso super usecho .
Hmmm wegem Schmuck, ich chauf mier ja no was vom Thomas Sabo (es Perlearmchetteli und vilicht no ein neue Ahänger), Perleohrering hani scho und den weti eifach no es fiins Halschetteli ha. Weiss aber au nonig wo ich das chaufe söll.. Vilicht luegi au zersch mal im Lade was chönti passe..

Pfingstrose
Schön händer öber anders gfunde für eui Ring.. Dete würi au lieber mis Geld usgeh als bim andere

Broncos
Ah voll kuuuhl mit de Charte. Gseht mega lässig us mit de Pins.. Wird sicher super usgseht am Schluss..

Fara
Schön häsch di nomol gmolde vor em grosse Tag :). Han au ganz fest a dich dänkt am Samstig.. Jez bini gspanne uf din Bricht .

Janedoe
Mier planned amigs es paar Täg so meh oder weniger und den möchemer eigendli am Weekend scho en grössere Ichauf. Aber ich gahn au susch unter de Wuche glich no die chlinere Sache go poste..
Ich wür aber au lieber chli meh vorus plane, Klappet amigs nöd ganz so wie ich das gern heti..
Haha so geil en pinke Grill
Mine schwört halt ufs Cheminée. Meh schmöckt ebe de Unterscheid vome Gasgrill zume Cheminée und de Gschmack isch halt scho viiiil besser *augeverdrehe* .

Laprincipessa
Woow du häsch ja en richtige Lese- & Schriebmarathon hinter dier.. Nöööd schlecht..
Dönt guet mit de Coiffeuse.. Ja mini hät au gfunde ich söll mers mal no überlege mit de Extensions wegem Volume. Es gid jeze irgend e neui Methode wo no recht schonend für d'Haar isch.. Muens aber mal no abkläre. Will sie sälber machds nöd, müsst mal zu de Coiffeuse vo de Coiffeuse gah . Ich kenn die aber au, bin au scho bi ihre gsi..
Booahh isch aber würkli tür mit de Trauig. Vorallem das iher den au grad nomol CHF 250.- in Basel druflegged.. Was zahlsch den druf, will iher uswärtigi sind?
Aber isch doch härzig, dass er au no hät wölle wäg gha nach em zivile.. Jez chönder eu würkli zämä freue .
Den druck ich dier de Dumme für dini Quartalsprüefig und für d'Assistenzprüefig. Fühl mi grad chli zrug erinnered, han ja au en Fachuswiis gmacht, zersch hämer Probeprüefig gha (die hät aber für gar nüt zellt) und den Zuelassigsprüefig.. Muesch lang warte bis s'Resultat bechunsch?

Me
So jez schriebi no chli über mich :)

Als ersts: d'Föteli sind uf em Blog <3 Ich finds de hammer . Han mega freud. Und am GG gfalleds au, er isch ja mega skeptisch gsi.. Vorallem s'Föteli uf em Baum, das isch meeeeega .

Am Samstig hämer mega vill gmacht. Zesch simer mini Eltere am Flughafe go abhole (am Morge am 8i ). Sie sind us de Ferie vo Thailand cho. Mit im Gepäck händs mis Chleid gha fürs zivile. Ich han ebe es Chleid wo mier mega guet gfallt (vom Schnitt) ihne mitgeh und sie händs dänn in Kopie und in wiis witer mitheibracht . Bin recht skeptisch gsi, öbs wird klappe, aber bin vom Chleid voll überzügt. Es isch au ganz en schöne Stoff.. Was mer den eifach no müend mache, es isch es bitz zgross, meh muens den no uf de Siite ihne.. Abr susch isch es eifach perfekt .
Sie hät sich den au es Chleid mache lah und en Blazer dezue und er en ganze Azug.

Dänn hämer eus mal um de Azug für de GG kümmeret. Mier sind uf Bade in Herre Globus. Leider hät eus niemert wölle bediene.. Er hät den zwei Sache probiert, den simer chli dumm umegstande und händ gwarte.. Und irgendwenn hämer den d'Nase voll gha und sind wieder usegloffe.. Hät eus recht entüscht.
Am Namitag simer den no uf Züri. Au in Globus go luege, PKZ und Herre Globus. Vo de Azüg isch ihm eis Model gange vo Strellson, extra slim. Und den hämer no öbis gseh vonere andere Marke, eifach d'Jagge, die wär de oberhammer gsi, aber leider gids kei Hose dezue . Und susch simer gar nöd würkli fündig worde. S'Problem isch ebe, will er recht schmal isch. D'Verchäuferin hät sogar empfohle, mier sölled mal is Mery's go luege. Ich mach jeze mal en Termin ab. Han ja au no en Guetschi, den lösemer doch de eifach für ihn i .

Und aschlüssend simer den no zämä zu eusem Liebslingschines go esse. Isch super gsi. Mier sind scho ewigs nüm gsi. Die vom Resti hät au scho bi sine Eltere nahgfräged, wieso ich nüm cho bin. Bin ebe amigs au no mit Kollegine dete gsi.

Und gester bini no bim Göttibueb gsi. Han svolle Programm hinter mier, öbe 5 Mal schöppäläd und görbsläd bis er gnueg gha hät und den hämeren no umzoge und gwicklet. Und den han en no im Arm gha bis er den zfriede igschlafe isch . D'Kollegin isch uu lustig gsi, sie hät gfunde es chönd jeze all Kollegine verbi cho zum mal chli go üebe mit em Chline :).

Wünsche eu no en schöne Wuchestart :)

Schöne (!) guete Morge liebi Brüüt

@Taeboyana
Danke villmal fürs zeige vo de Iladige und de HP. D Iladige gfalled mer bsunders guet aber au d Homepage isch eu echt guet glunge. Da gits sicher e huuuufe Feedback :)

@principessa
Ich ha dier no gar ned mis Biileid usgsproche und möcht das somit gern nahhole. Mer spürt wirkli wie nah iher eu gstande sind und wie gern du sie debii gha hettisch. Vielleicht chönder sie würkli irgendwie ibinde?
D’Kate würdi unbedingt mal afrage!Schriibe de unne nomal was zu dem Thema :).
Neiii, ich han überhaupt ned s Gfühl dass min GG mich belügt oder so. Gar nöd. Ich denk mier isch das alles immerwider ufecho wills halt ned abgschlosse gsi isch. Und min liebe GG hed zerscht mal müesse verstah wie wichtig dases für mich isch, das abzschliesse. Aber e zisch ja guet :D
Geeell d Tischordnig isch hübsch :D
So guet hesch jez öpper wo dier dHaar im Vertraue macht. Die ander isch ja wirkli de Hammer gsi mit dene 120.-. Ich glaub din Ahang mit de Bilder vo dine Errungeschafte fehlt :D Aber tönt uf jedefall schomal hammer! Au wege de Ring. Cool.

@lil.lian
dFöteli sind echt mega schön worde!! Und das mitem Baum chani aso unterschribe: Hammer! Sie macht ihre Job echt guet.
Ouu, gits es Bild vom Chleid? :)
In Sache Azug isch ebe vlt scho schlau, emal nacheme massgschniderete zluege. Vorallem wenn er so schmal isch. D Pfingstrose hed da ja grad en guete Input chönne geh :)

@Pfingstrose
Eues weekend tönt richtig schön! Cha mi grad i dich inefühle :)

@Lula & Fara
Ich hoffe iher hend en wunderschöne Hochziitstag dörfe erlebe! Han fescht a eu denkt am Samschtig Gratuliere eu zwei vo ganzem Härze! (und bin scho seeehr gspannt uf dBricht und Bilder :D)

@me
Ich han s beschte Weekend sit langem hinter mier. Am Samschtig bini ebe mit minere alte Mädels-Clique furt. Mier wäred eigentli die komplett Konstellation vo früeher gsi bis uf öpper und die hed eus denn vorem Resti womer hend welle go esse überrascht. Nachem esse simmer no i eusi alt Stammbar und hend dett echt en hammer Abig verbracht. Hend tüüf id Nacht tanzed und für mich ischs nomal chli spezieller gsi will ich ganz viel Lüüt vo früeher troffe ha. Ich wohne ja scho 10 Jahr nümme a dem Ort und denn ischs immer speziell wenni ‚deheime‘ i Usgang gah :) Denn hani bi minere Schwöschter gschlafe und am Mittag simmer bi mine Eltere zum Zmittag iglade gsi. Yummie, Mummyfood s Wetter gester isch ja de absoluti Traum gsi. Am Nami hani denn mit mim GG und paar KollegInne abgmacht go tschutte luege und mier hend eus es Plätzli i de pralle Sunne usgsuecht und debii chli gsünneled :D Nachem Match hemmer no e Kollegetruppe us Bern troffe und hend dette no es paar Bierli kippt :) Und zum Abschluss vom Tag sind GG und ich uf de Terasse gsässe und hend gmüetlich zNacht gesse.
Mier hend eus de no wege de Dekoration berate und eus denn entschiede, dass mer sie wirkli wend bueche. Wenn sie alles übernimmt. Aso au das Züüg ufstellt wo mier selber müessted mache wills ned vo ihre isch. Mier sind ez zwar um die 300.- über em Budget aber janu. Han ihre jetzt mal es Mail gschribe und bi gspannt uf d Antwort.

No wege de Aperoameldige:
Ich glaub echt es isch chli Gedankeüberträgig gsi. Vorgester und gester hend sich no ¾ vo de Lüüt agmeldet. Tatsächlich! :D