Hehe ich glaube da gahts no vielne Manne so mitem fötele :)

Mier hend halt i dem Priis scho alles dinne gha, die ganze Dokument und so. Vielleicht macht au das de Priisunterschied chli us.

So, ich wünsche eu en schöne Abig, ich gah ez nochli id Sunne und spöter as James Blunt Konzert *yaaay*

Janedoe: Bisch lieb suechsch du gad nach Lösige... Han eifach mal chli welle umehüle. Haha! Han au garkei Lust mich a das anezmache... Glaube das git e Lastminute Aktion!

Ja es chan sie will mir nacher de zweiti Teil imene andere ZSA ha werdet. Dete gits den sicher nomal öpis zum bläche...

Tindli: Den hend ihr aber scho einiges erledigt... Nöd schlächt... Gaht ja doch no 6 Mönet.

Verwaltig: Grr!! Das isch für mich wie es Fluechwort! Mir wohned inner Neubauwohnig und es git nur Puff mit dere Verwaltig. Eifach Abzockers und ehrlichgseit riise Holzchöpf... Ich chume im Mieträcht besser drus wie die Nüss wo dete schaffed. Jetzt simmer scho s zweite mal den vor de Schlichtigsbehörte. Lapped mir das us de Ohre use...

Huhu liebi Brütli

@Trindli Härzlech wiukomme! Aso i finde für dass dir im Septämber hüratet heit dir ja scho uuuuu viu! Sogar scho Tischchärtli gmacht !

@aui: Danke für euchi liebe Komplimänt für d'Iladige und d HP, das freut mi würklech extrem dass sie so guet achöme. Vor auem bir HP woni ja u lang nid bi sicher gsi, obi überhoupt eini söu mache und obi de das so härebringe. GG het mi ja da völlig la mache, er hätts jetz nid unbedingt nötig gfunge, aber findet se schlussändlech gloub o guet. Mir bechöme würklech viu positivi Rückmäudige und viu hei sech o scho agmäudet. Bi würklech happy.

@Gebühre ZSA: Aso 400.- - 500.- si gloub Durchschnitt und mit däm muesme scho rächne... Klar isches mau hie weniger mau meh. Mir hei insgesamt 417.- zaut, hei aber no 50.- Zuesatz zaut wüu mir Uswärtigi si. Das läpperet sech aus so zäme, 75.- für d Trouig, 175.- für ds Ehevorbereitigsgspräch und d Trouigsermächtigung, e Gebühr für ds Ehebüechli, 10.- für d Plastichülle (ke Scherz!)... Mir hei CHF 500.- budgetiert gha für aus, vo dämhär isches im Rahme.

@Getränk Apéro: Ah dir sit fies, i wett iz gad e Hugo... chum isch d Glüehwy-Saison vrbi, stiege mer wieder uf d Summerdrinks um I fänd e Bowle o mega fein bim Apéro, aber wie viu scho gseit hei, chunnts meistens viu türer as Wi... u de vielech e chli e süessere, e Moscato oder so öpis? U Bier mues sicher si für d Manne.

@Pfingstrose: Oh so schön, ig ha am Samsti as Start afang 4 Primeli iz Vorgärtli gsetzt . Das Wuchenänd hani sturmfrei u de nimi ds Outo u ga ga Blüemli ichoufe, freue mi scho. We GG drbi isch, het er aube nid so Geduud und fingt de aube, ob das o würklech aus nötig sig woni wott choufe Ha no u viu härzigi Töpf und Behälter im Chäuer zum bepflanze u drum nützi de das gad us.

@Weekend: mir hei ou es u cools Wuchenänd gha, d Superhero-Kostümparty am Sa isch dr Hammer gsi... bi scho lang nümm so richtig im Usgang gsi und has richtig gnosse. Und dr DJ isch geniau gsi, dä hätti gad 1:1 so gnoh für a üsem Hochzit, perfekte Mix und mega mi Musigstil. Ha jetz mini Kollegin wo ihn buechet het gfragt, was sie zaut het und füre Kontakt und gad e Afrag gschickt. Mau luege ob das öpis wird.

@me: Hüt Mittag bini mit ere ehemalige Arbeitskolegin ga ässe und ha e Reifrock zum uslehne becho. So cool, de muesi dä nid äxtra choufe. Mir hei itz e Termin mit GGs Mami und Schwoscht abgmacht zum ga Azug shoppe am 5. April. Das git es mega Hochzit-intensivs Wuchenänd! Am Friti Nami hani dr Termin zum Chleid abstecke und no gad mit mim Mami für es Chleid luege, am Abe gömer zu üsem potentielle Sänger gane "Live-Hörprob" lose, am Samsti äbe Azug-Shopping, am Abe TZ-Sitzig und am Sunnti gömer no zum malinchen ga dr Mini luege wo mir vo ihne dörfte uslehne (@malinchen: meeeeeerci scho jetz!!). Wow, aber de isch ämu de wieder Einiges erlediget. Jetz sötte mer eifach de mau no luege wägem Apéro am Zivile. Aber dä Mittwuch (mim Geburi) gömer zu GGs Mami is Restaurant ga Znacht ässe und de müesse mer das definitiv plane. Mues da GG chli iz Füdle stüpfe, sis Mami organisiert so viu und är sött da mau chli meh mithäufe... Mängisch isch mi GG eifach chli ZU relaxt (so ds Gägeteil vo mir...) u das chami aube mega närve... i würs so Züg am liebste sofort plane und erledige.

Guete Mooorge zeme...

Ja mir hend scho viel organisiert..aber ich mues dezue au no sege ich ha e super Trauzüügin wo mir do würklich viel abgno het..au mit dene Kärtli zügs..da bini also würklich gaaar nid kreativ..und da si ezt den gil ihres 2e chind überchunt het si denkt si machis lieber vorher:o)) mir sölls recht si:o)

Da min GG im Summer ufem Feld täg und nächt verbringt hemmer drum ezt scho fliessig müesse sie..suscht bliebt den würkli alles a mir hange bliebt..obwohl..weni ehrlich bin isch da au suscht so..das macht mi amed würklich halbe waaahnsinnig..schatz isch da guet so...Ja ja isch guet..du machsch da scho..ich ha echt amed es gfühl...ich hüroti allai...grrrrr!


ich wünsch eu ganz e schös Tääägli

Grüessli Tindli

Guetä Morgä liebi Brütil!

Wow dir heit ja mega Gas gä gester! I gange jetz nümme uf alles i...

@tindli: Welcome ou vo mir!

@Jane: cool dass dir d Deko-Frou engagieret. Das nimmt öich ja würklech einiges ab...

@pfingstrose: dis Wärk vom Fritig gseht ömu scho mal super us! I bi nid so wit cho dasis scho chönnt vorzeige, ha nur fang mal chli gjätet (das wachst immer als ersts ) und abgstorbnigs zügs abgschnitte.

@Taeboyana: Meeeega schöni Iladige! D HP gfallt mir ou sehr guet... Dr Schriftzug isch würklech dr hammer!!!

@broncos: jööö, dis Grosi isch ja mega härzig! Wär ja hennä schön wenn sie dis Chleid chönnt änderä! D Ringchüssi wärde sicher ou mega härzig... haha, ja da müesst dir scho luege dass sie nid no Stritt bechömä ir Chille.

@lillian: meeeeega schöni Föteli!!! Sit so es härzigs Päärli!

@me: Mir hei gester chli ne Töifpunkt i üsere Planig erläbt. Isch ja klar gsi, dass das ou no irgendwenn mues cho bi üs. GG's Mami het ihm i Träne ufglöst aglüte wöu sie (hingedüre - u das isch halt würklech üse resp. GG's bock) erfahre het, dass ihri Gschwüsterti "nur" zum Apéro iglade si während mir d Gschüwsterti vo GG's Papi zum Ässe hei iglade. Drzue muesmä sägä dass ig die Verwandte no nie ha gseh wöu GG die ziemlech doof fingt und ne sit Jahre so guet wie müglech usm Wäg geit. Sis Mami het das när mega persönlech gnoh u gfunge das sig nid fair, ihri Gschwüsterti heigä ihre (also am Mami) immer so viel ghulfe u mir hättä ja mängisch d Müglechkeit gha die Lüt z gseh idä letschtä 5 Jahr etc. Die träffe sich halt immer am 24.12. und ar Ostere und mir hei d Prioritäte halt immer anders gsetzt - wöu GG die äbä nid mah ha. Ds ganze ids Rolle bracht het natürlech GG's Schwo wo sowieso alles chli scheisse fingt wie mirs mache, wöu mir nid sone traditionelli Bünzli-Hochzyt wei wie sies hei gha (wot mit däm niemer beleidige - cha ja jede so wies gfallt). Sie het sim Mami schiins aglüte u gseit sie fändi das göng ja gar nid dass mir die eintä Ilade u die anderä nid blabla... Mir hei halt würklech rein nach Buuchgfüehl iglade - die wo mir gärn hei chömä as Fest u die angerä maximal as Apéro.
GG isch jetz gad mega down, es duet mir hennä Leid für ihn. Drbi heter am Samsti si Termin zum ga dr Azug uswähle u het sich scho ds ganze Weekend mega druf gfröit. Sis Mami isch det ou drbi und jetz isch d Stimmig natürlech gad nümme so dr hammer. Hoffe das leit sich no chli bis denn...
Abgseh vo däm hei mir mega viel härzigi Reaktione becho uf üsi Iladige. Ha gad gester ä Fründin troffe wo sich mega bedankt het und d Amäldig hennä härzig het usgfüllt.

So, sorry für dä läng Ego-Post... Duet immer guet wemä hie chli cha cho "ablade".

SOOOOO... Zum mal ali wieder chli ufwecke! Haha... Ich möcht ja nöd immer die alleinig Erschrockeni sie:

Daenu16 --------- 25 Tag
Janedue --------- 60 Tag
Cathie --------- 60 Tag
Lela85 --------- 60 Tag
Heart --------- 67 Tag
Novia Mayo --------- 67 Tag
Orelia --------- 67 Tag
Cristina89 --------- 67 Tag
Lilmonkeyme --------- 67 Tag
StellaBLack --------- 74 Tag
Weddingbee85 --------- 74 Tag
Canella --------- 74 Tag
Pfingstrose --------- 87 Tag
Claudilein --------- 87 Tag
Broncos --------- 88 Tag
Malinchen --------- 95 Tag
usw.