so egooo post
@me: bi uns sin au e paar sache glofe. zerst mol die erfreulige…. mi gg het vorere wuche si azug kauft är isch mit sim TZ in s gliche gschäft gange wo ich s kleid kauft ha und het sin azug postet. ich weiss nur das är dunkelblau isch susch nüüüd. und das är 850€ kostet het. ha scho mega vorfreud ihn den im azug zseh an unserem dag
den simer im reisebüro gsi.. mir hän uns jetzt e offärte für seychelle erstelle loh. hän uns gege südafrika entschiide wil mir das lieber mol chli usdehnter und zunere andere jooreszyt mache wänd. die erst offerte isch jetzt scho ko, hän aber s budet um fast 1000.- pro person übrschritte ha de gseit, das giengi aso nid, jetzt luegt so nomol und schiggt am donstig die neui offärte.
den hani erfahre das am 31.5. mi polterobe statt finde wird aber mini zweiti TZ loht mini schwöster eifach alles ellei mache obwohl si gärn hilf bim organisiere hätti. jetzt muessi mol mit ihre rede, es ka shco nid sii das si nume bi de tolle sache wie kleid ussueche usw sich iibringt und bim organisiere loht si mini schwöster eifach uf sich gstellt. vrstandi scho das mini schwö das närvt
so kömme mir zum unerfreuliche.. mir hän jo d iladige vor guet 2 wuche vrschickt.. das wucheänd het mim gg sini familie e familiefest ka. mir hogge so am tisch und de kunnt plötzli sin götti und seit är heigi den e problem mitem dresscode (zur erinnerig: mir hän eifach gseit summerlich elegant und hän au das bild uf dr homepage wo relativ viili do inne au gno hän) är kunnt sicher nid in schale us und goht go neui keider kaufe.. em gg sis mami het die chance grad packt und au gseit das sigi voll doof das mir e dresscode hän, si würde aso au nid welle go neui kleider kaufe usw und alles wo si für das mien usgäh gits halt weniger für uns! den kunnt em gg sini schwöstr und bringt de best! erstens findet si das au drnäbe und ihri kollegin wo bi uns zum apero iglade isch het gmeind wen mir e dresscode mache und si nid ko ka wie si will, kunnt si gar nid!! die kollegin hürotet sälber dä summer und gg's schwö isch dört TZ.. hey ich has die grösst vrda*** frächheit gfunde! eini wo sälber hürotet und doch söt genau wüsse wie mieh meh sich git bim plane usw macht so e dummi? i bi soo entüscht gsi s ganze wucheänd und erhliggseit regi mi grad widr uf! em gg sini ganzi familie het niemerd nur eimol könne sage, hey schöns kärtli und HP händr gmacht oder susch öbis positivs, nur uf däm kack dresscode hän si umeghackt! drbi wän mir nur das d lüt aständig agleggt kömme, s mues jo niemer idr schale odr im lange kleid ko i bi wirkli grad widr mega entdüscht. has geschtr au no mim papi vrzellt, und är isch so hässig worde. är findet au voll drnäbe das mini bald schwigis mir d hochzytplanig und d vorfreud wäge sonere kleinigkeit kaputt mache. wenigstens hani mini famile und mini lüt wo sich alli gfreut hän und komplimänt gmacht hän. wil am samstig bi ich und gg wirkli nur so dört ghoggt und hän uns nur no könne vrteidige und uns erkläre.. und so söts doch wirkli nid si….

sooo sorry lange ego post gsi!

Bürtlis, mer sötted e Regli iführe i dem Forum! Suscht hämmer bald mal alli en Nervezämmebruch... Bitte nöd meh als ei Negativi Neuigkeit pro Tag. Ich steigere mich immer gad mit eu i die Sache ine wills eim ja irgendwie amigs au selber so troffe hät...

Nala: Oh nei! Es isch also ganz schlimm. Find das extrem fräch! Und den schlüsst sich eifach jede gad no am andere ah. Das isch ja total unfair und wie du seisch die Schwöster wo no TZ isch chönti ja sogar s gliche Chleid alege und vorallem - ja sie sötti vorallem Verständis ha. Verstahn das du total truurig bisch und vorallem hässig! Was seit den din GG oder was isch am Schluss stah blibe? Guet häsch du mit dim Papi gredet... Ich mache das amigs lieber nöd willi den immer finde werded d Vorurteil verständlicherwiis grösser de andere Familie gegenüber.

@pfingstrose: duet mir leid, hani au no unerfreulichs postet.. stimmt scho eimol pro dag längt
mi gg het allne au gseit es bruchi niemer i schale ko und ebe das mir eifach wän das d lüt aständig aglegt sin. är vrstoht dases mich närvt, aber är seid au ich sölls nid persönlig näh, si sin halt eifach so.. i probier au ame nid z fest mit minere familie übr "schlächts" vo gg's familie rede, aber är isch de ersti gsi wo ich ellei gseh ha, und es het eifach use miesse. mi papi isch zum glück nid so das ärs den ihne würd zeige was är wirkli dänkt.
es isch ebe nid d schwöster wo so doof hindedure(!) doh het sondern die zuekünftig bruut! find das no schlimmer!

@malinchen: jo am liebste hätti ihne au gseit si sölle doch dehei blibe! aber ha mi so in d ecke drängt gfühlt, ha nur no könne vrteidige ich ha jetzt uf d homepage no e text drzue gschribe das niemer sich neui kleider oder öbis miessi kaufe, sondern das mir eifach nur aständig aglegti gäst wän. das hän mir ihne au grad am samtig so gseit.

ha de best het den nochär gg's götti nomol brocht, är het gmeind "ich ha de rächt lang ka bis ich die iladig gläse ha, bi so viil informatione und de no d homepage drzue" tzzzzz den no z fuul zum läse! hätte mir keini infos drzue do, wär wohrschinli ko… wo sin de d infos… grrrrr aber är het de au no gfrogt ob mir für ihn fcb-tickets könne organisiere wen si witrkömme und är de bi uns übrnachte ka! ha gmeind i spinn!! normalerwiis bi immer ich die wo tickets für alli organisiert, weiss jetzt scho das dä keis wird kriege

Zuletzt bearbeitet am 18.03.14 10:35

Nala: De Götti isch ja ächt zviel... Ich würd em es Ticket verkaufe vom Erzfeind. Ohni dassers schnalled. So en fräche Hagel (oder besser gseit Gagel)!

Aber wie du seisch... Wenn kei Infos gha heti wers au wieder nöd rächt gsi. Ich denke amigs eifach wenn mer chli nahgit und seit ja eifach schön agleit den isch de Begriff so wiitläufig dass die einte glich i Churzehose und Adidas Adilette chömed will sie das schön findet. Aber eigentlich hetti din GG ächt chöne säge den chömeder hald nöd. Fertig!

Sodeli wünsche allne en Guete! Bi mir gits Gold! Hm... Nei Scherz, mir gönd zum Goldschmied. Juppi! Bis nachher!

Lillian: Wo gasch du is Fitness?

pfingstrose: haha du armi, lidisch voll mit ois :) mir lided defür au mit dir wenns bi dir öpis negativs git
jaaa klar die lischtet mer denn scho alles ganz gnau uf wasi zahle, kei angscht :)
vill spass bim goldschmied !

nala: gratuliere zum azug...dolce vita oder ?
ou mann die sture cheibe ich glaubs nid !!! für vili isch das doch eifach normal go shoppe füres hochzit. das isch doch meistens die erscht frag : ou was leg ich a haha .sogar bi de ältere lüt weiss ich dass die sich eifach in schale werfed für anes fescht, es hochzit sowieso... mi ex stief vater het mini sis ja so herzig gfragt gha ob er an azug und e crawatte dörf alegge
hauptsach mal eifach als erschts alles schlechtmache. das sind niider und fruschtrierti lüt. sorry ich hoffä dass sie susch nid so sind zu dir ! ich ghörä so vill negativs wenns um hochzite gaht, was i familiene (und fründeschreise) passiert, ich GLAUBS FAST NID ehrlich...sett etz afig chli abghärtet si aber jedesmal frag ich mich gopf was isch mit dene nid guet, warum chend sie sich nid eifach freue oder de astand ha wenigstens so z tue ?
ha und de götti...det hends d vetterewirtschaft denn scho nid vergesse...neiiii bäh.
aber ich finds super dass du gschribe häsch uf de HP dass sich niemer öpis neus muss chaufe. eigetli überflüssig wil bi summerlich elegant sicher jede was im schrank findet, und wenn nid, de selber entscheide cha go shoppe muahaha bi gad froh het mini schwö ufem brief mitem dresscode au summerlich elegant und nid cocktail agä.

Zuletzt bearbeitet am 18.03.14 12:14