Nervigi Gäst: Ou ihr arme. Ich lide amigs au mit. Ich weiss echt ned wieso sich lüt immer so unmöglich müend benäh, sobalds um hochzyte gaht. Da han ich ja echt grad no Glück gha. Min Götti isch seeeehr Alternativ und sini Frau weigered sich d Bei z rasiere Also mir wär das echt peinlich (wobi ich so ganz helli blondi hörli han und sie so richtig dicki schwarzi). Aber das isch ja ihres Ding. Suscht hend mir echt Glück gha mit de Family. Mir hend ja au bim GG sinere Site all Tante/Unkle iglade und bi mir ned. Das lit aber ned dra das ich ned viel Kontakt mit ihne ha, ehner im Gegeteil, mir gsehnd si meh als am GG sini Familie. Aber sie sind halt eifach so viel. Nur mini Familie (also mit Tante/Unkle und Cousine/Cousin) wäred über 50 Lüt!! Und sie hends all voll verstande und freued sich eifach mega, dass si zum Apero dörfed cho

Fitness: Wow, Taeboyana, Speedball tönt cool. Das muesi glaub au mal usprobiere. Ich han ja erst grad mit Volleyball ufghört (3x mal Training, 2x Chraftrum und Match am Weekend). Und bin jetzt mega happy dasi die Zit i so viel andere Sport chan investiere. Im Moment muesi weg em Marathon 4x ide Wuche go jogge, aber das wetii den nachher wieder biz reduziere. Und suscht gangi 3x ide Wuche in Chraftrum (vor allem aber Freigwicht, Maschine findi chli blöd, wil den immer nur ei Muskel trainiert wird, ich liebe Üebige für ganzi Muskelgruppe) und 1x go schwimme, aber das schaffi ned immer
Pfingstrose, han grad müese lache bi dinere Ussag. Ich han min GG über s Volleyball kenne glernt und am Afang hemer üs nur so ca all 3 Wuche gseh, will mer beid so viel Training und Spiel gha hend. Mittlerwile probiered mer 1 Abig pro Wuche für üs zha, aber meistens möchemer den zäme Sport Üses Sofa chunt üs also praktisch nie z Gsicht über

littlefoot: Also was wetsch den genau für Ergebnis? Eifach abnäh (also Fett abbaue) oder au Muskle ufbaue. Also nur für de Fettabbau schwör ich uf HIIT (High Intensity Intervall Training), han bis jetzt no mit nüt anderem mit so wenig Ufwand so viel Erfolg gha. Und mer chans sehr abwechligsrich gstalte (mit renne, velofahre, Seilspringe,...)

Zuletzt bearbeitet am 18.03.14 14:52

Taeboyana
Ja du häsch aber au es rechts Sportprogramm.. Speedball und DeepWork döned nöd schlecht :) Aso wenni vo Bern chämti, würi glaub mal ine TaeBo-Stund gah vo dier .
Ja das stimmt mit em Fortschritt im Bodypump. Abr jeze hani s'Gfühl sneue Programm killt mi .
Wenn machsch den du amigs Sport? No z'Abig am 8i oder 9ni? Oder häsch den bereits gmacht?

Pfingstrose
Jaja Sofa und du .
Er hät sid neustem au es Fitnessabo, es dörf aber niemert wüsse . Er isch de lustigst.. Er wet ebe, dass mer den d'Resulat gseht. Und was er amigs verzellt, was d'Manne so alles möched i de Umchleidekabine, da gasch abe. Mit em Bizeps agspannt vor em Spiegel stah zum luege, wie vill Muskle das händ .
Entweder gömer amigs zäme am Abig oder ich gahn direkt nach em schaffe, den bin den eh am 6i diheime, den hämer no gnueg vonenand :). Und er gaht weniger wie ich..

Zuletzt bearbeitet am 18.03.14 14:58

Taeboyana: Ja so es schlächts Opfer bisch also au wieder nöd gsi. Haha!

Und ja… Anderi Ziit mit andere Prioritäte werde ja den viellicht bald cho. Wobie mer im Migrosfintesspark d Chinde gratis chan abgeh. Wieso also nöd… Vorallem wers cool will mer den zu Ziite gah chan wos fast kei Lüt hät.

Fitness: Dörf jetzt den gad wieder nüme mitläse... Weni nöd die Wuche agfange heti, würdi mi gad total schlächt fühle. Min GG gaht hald immer über de Mittag. Würd das au lieber so mache... Den chönti am Abig eifach chli id Badi.

Zuletzt bearbeitet am 18.03.14 15:01

littlefoot: Also es isch eigentlich eifach Intervall Training, wo uf mega viel verschiednigi Arte chasch mache. Du hesch eifach immer über en bestimmti Zitdur (z.B. 1 Minute) voll Intensität) und den wieder es lockerers Intervall (z.B. 30 Sekunde) und den machsch das meistens so um die 15 mal. Am beste googlisch eifach mal. Was mir am Afang no viel Spass gmacht het isch das: http://www.dailyhiit.com/ die hend amigs u lässigi 12Minute workouts wo dihei mache chasch (mit kei oder wenig Equipment). Mitterwile findis aber ned so lässig, wils mer chli zu sexy isch. Das tönt jetzt mega prüd, aber ich gfinds eifach ned nötig, dass bimene Workout Video irgendwelchi zooms uf Brüst oder so brucht. Aber wen ned so viel zit hesch, hets sicher gueti Sache debi.

Taeboyana: ou ja, also bimene Tae Bo Bruttreff wäri sofort debi

HIT: oder was haha, isch ja mega kompliziert. ich gang eifach witerhin i mis tolle fitnesscenter ohni grät (usser spinnig velos) ha eh es abo det und erneure das au. mini nachberin chunt au det, de gömmer amig zäme.

taeboyana: ou ja das wer luschtig :) taebo hani au mal gmacht, hani no gern. hugo sowieso