Guguseli!!!

Sooo wieder mal Dunnstig! Wie henders den alli? Han hüt vieeel Ziit! Also ihr dürfed gern chli Gas geh hüt.

Me: Gester bini gmüätlich no is Fintess, den hät mich die ganz Ziit so en grüsslige Muskelprotz mit Hundehalband agmacht. Ächt eklig gsi... Immer so nahglische und welle rede. Bruchi also garnöd. Den hani ihm hald gseit er söll mich in rueh lah ich hebi kei Interesse und er isch nöd min Gschmack. Den heter voll doof tah... Haha!

GG und ich sind vorgester im Bett gläge den seit er so... Hm, ich würd imfall gern wieder zügle. Haha! Ich bin ebe glicher Meinig. Wott gern wieder zügle. Mir hend zwar jetzt würklich e top Wohnig. Sie gfallt mir mega und isch ächt alles ume wo mer brucht und Neubau. Aber das Dorf... Ich han ja nüt gäge Usländer min Schatz isch ja au Portugies... Aber dete bin ich als Schwiizerin e richtig rari Sorte. Es isch ächt schlimm die Mensche wo dete läbed. Jetzt hämmer scho e Wohnig gseh... Meeega cool und sie wer je nach dem welle Block mer nimmt ab Oktober, November oder Januar bezugsbereit. Hihi! Jetzt hämmer gad mim Papi sis Auto unter de Nagel grisse und gönd am Wuchenend mal go luege. Es isch würklich ländlich und s Dorf het nur 1000 Iwohner. Het en See dete und d Konditione vo de Wohnig sind eifach de Wahnsinn. S einzige doofe isch das min GG sini Bachelorarbeit i dere Ziit schriebe muss und ja mit de Hochziit hämmer au scho viel Geld usgeh... Dete müsstemer den warschiendlich au no es Auto chaufe. Aber mal gugge... Defür weremer den würklich parat für Chinde...

Ich bin scho wieder total euphorisch! Chönti morn gad zügle...

pfingstrose: hui ja du, grad chli plän :) wo wohnsch denn jetzt, ....SB ?
weisch ich säge dir gnau 3 wörter : pass uf !
(ich find divertimento so luschtig)

ich kenne das. mir hend mal in emmebrugg, gnennt emmebronx gwohnt wo de gross uf d welt cho isch...hend denn unbedingt welle weg wil mer en det nid hend welle ischuele. aber de simmer no susch irgendswo gsi und etz sit zwei jahr, inere neubau siedlig in luzern, im coolschte quartier obe a de stadt (rotsee 10 minute vo eus, e chline berg wo über de ganz virewaldstättersee gsesch 20 minute zum uelaufe...perfekt). fühled ois echt u wohl det
zügle choschtet halt au geld, aber im november hender eu scho lang erholt vom hochzit meinsch nid ? :) (finanziell meini)

me: GG findet mini tafele nid so super

Pfingstrose: Ahh ich chan dich so guet verstah, ich han mim GG letschti gseit, das ich au wieder gern zügle wür. Obwohl üsi Wohnig eigentlich perfekt isch Wo isch den die neu Wohnig? Das tönt so, als würs mir au gfalle

Littlefoot: Haha, ich find Divertimento au sooo lustig. Han bis jetzt jedes Programm live gseh
Was stört den din GG ade Tafle?

Me: Ich han gester Hammer news becho, aber ich bin no mega vorsichtig mit kommuniziere, will no nüt fix isch. Also es weiss no gar niemer i mim Umfeld. Aber üch chanis ja verzelle Es gseht sehr guet us, das ich en Job in Kanada bechume Also wenn das würklich klapped und de Visumsatrag schnell duregaht, lebe mer imene Jahr (ev. au scho früehner, Ziel wär September, aber das wird schwirig weg em Visum) scho in Kanada.. Huch mir hend grad voll de Adrenalin schub gha, das wär ja sooo krass, wenns würklich klappe wür.

pfingstrose: oje, ja das verstahni guet wegem spielplatz. mir isch ebe au sone szene igfahre det i de bronx (haha) : en u chline bueb het so öpis schlimms zume andere gseit (uf schwizerdütsch aber), s het mi schier glitzt. zum glück isch mi sohn det jöhrig gsi und hets nud verstande...

lilian: ich säg ders de isch sone komische. er het d frau am liebschte wenn sie frisch usem bett chömed, und ungschminkt :) aber herzig, er und sini frau meined das ich schöner sig als es bekannters model us de innerschwyz

tafele: danke, aber ich gfaub er het eifach chli schlechti luune gha. s esse isch au nid so toll gsi. er isch go schwümme und glaub eifach kaputt gsi. er het eifach gmeint ich gäb mich schnell z fride. deby isch es scho de dritt versuech mit de chride und gar nid so eifach. ha mal luege, frögen denn nomal :)

taeboyana: au vo mir alles gueti nachträglich !

broncos: nei wow so guet, drück der beid duume :) bisch scho die dritt woni "kenn" wo uf kanada "uswanderet" (aber all für es zitli, mini ehemalig super fründin isch im 2006 für 1.5 jahr übere wegem fründ und sie sind afig das jahr zruggcho, mitere bürgerschaft vo kanada i de täsche )
ha de bruchsch ja d wohnig vo de pfingstrose gar nid

Guete Morge!

Merci für euchi liebe Gratulatione! Ig ha eifach e wunderbare Tag gha... ha freignoh und bi mit mine Eutere (ig ha drum mini Geburt lustigerwiis uf ihre Hochzitstag timet - nid schlächt oder ) chli ga zugfahre und de vom Mt. Pélérin obe a Vevey bis uf Epesses dür ds Lavaux gwanderet, herrlech säg i euch... und am Abe fein ga ässe.
Ig ha de ou ganz cooli Gschänk becho: Mi GG het mer jetz würklech sone Highheels-Laufkurs gschänkt, nume 90min aber i bi mega gspannt. Am 12. April gani Und drzue hani no e 200.--Guetschin für sone spezielle High heels-Schuelade becho. Är het sech auso würklech nid la lumpe mi Liebste U mini TZ het mir es Chörbli mit aus so Gsichtsmaske, Nagellack etc. gmacht und drzue e Guetschin für d Negu z mache am Zivile. Ig ha scho e Termin gmacht drfür aber es chostet es Vermöge und ha mega Fröid het sie mir das gschänkt!

@Pfingstrose: Zügle isch haut scho immer tür, aber i cha di vou verstah und würd die Wohnig unbedingt ga aluege! Nachem Hochzit chöiter sicher gad wieder guet spare. I säge mir das o immer, wüu mir düe scho jede Monet e rächte Betrag für ds Hochzit uf d Site und im Momänt mues aus Angere chli hinge astah und i ha zGfüu i mües mega luege geng...
Mir is mega happy i üsere Wohnig (guet eigentlech isches ja es Hüsli, aber zur Mieti) u chöi dert o guet no mit 1 oder o 2 Ching bliebe, aber i luege glich immer gärn zwüschine Wohnigsinserat a, hehe

@Broncos: Hey so tolli News, gratuliere! Das tönt doch scho mau sehr vielversprechend.

@me: Am Zischti het no GGs Haubschschwoscht, wo o bi üs az Fescht iglade isch, aglütte und sech für d Iladig bedankt. De seit sie so: Mir chöme de z'dritt. Itz isch sie schwanger und im Juli chunnt das Meitschi uf d Wäut, isch ja klar hani nid gseit, sie müessis de däheime la we's sones chlis isch. Hami aber mega gfreut, sie hei sechs mega gwünscht und sie glich beidi scho 38... i säge euch, im Momänt haglet das Ching um mi ume... mi 2. Brüetsch wird de o im Septämber no Vater.

Gester het mer de no mini Cousine zum Geburtstag gschriebe und het de no gfunge, es sig no kompliziert mit üsem Dresscode, ohni sech zersch für d Iladig zbedanke... (Nala, ha gad a di müesse dänke). Ihres Problem isch wüui ha gschriebe nüt Wisses (zum Glück hanis no gschriebe!!)... Findet dir das so kompliziert??

De hani no Antwort vom DJ woni ha agfragt becho, leider bad news... dä wott 1500.-! Isch definitiv zviu. Mini Kollegin het ihm für ihri Party genau 500.- zaut, guet isch e Fründschaftspriis gsi, aber glich... Hm itz müesse mer wieder witerluege, müehsam.

morge zämme! jeee scho donstig! und hüt söll jo e wunderschöne dag wärde, leider hockiidr uni bis am 6i

@sue: dini prototype gfalle mir aso mega guet, vor allem d limoncello fläschli.. *daumenhoch smiley vo whatsapp* erinnert mi grad dra das mir jo no d fläschli bstelle sötte
ich fän glaub zu dim kleid sone facinator au no schön

@weddingbee: mir wär spontan au m&m's, praline oder so öbis igfalle für in d schächteli.

@malinchen: ah schön hän dir e schöne brunch ohni hz-zickereie könne vrbringe

@squishy: viiiiiiiil erfolg a de vorstelligsgspröch!! mini düüme sin druggt!

@sunds: ohhh toll händr d iladige duse dörfi ächt au spienzle?
uiii tanzkurs, do mien mir no luege. mir hän dänkt dänkt mir mache dä bi dr klubschuel und üebe den nochär dehei no chli. mi gg isch nid so de tänzer und het kei lust e richtige tanzkurs wo meh alli standardtänz lernt mache.

@broncos: soo geil das bild vo de nid rasierte bei hey sooo cooli news! ich drugg dr ganz fescht de duume das d stell bikunsch! wär jo hammer! was isches de für e stell?

@daenu: ohhhh nur no 15däg bis zum zivile freut mi mega für euch het sich de wächsel vom zsa glohnt. s tönt aso as ob bi euch alles genau so lauft wie's si mues! freut mi aso wirkli mega! und ich glaub fest dra das es im april au no so super wättr si wird

@littlefoot: aso mir gfalle dini tafele guet!

@janedoe: ohhh dis makeup seht super us! und mir gfalle die offene hoor suuuuper guet! du hesch ächt mega schöni hoor!!! *neid*

@pfingstrose: ohh i ka di so guet vrstoh wägem zügle.. mir wohne imene block wos äntwäder nur sehr alti lüt het oder usländer… und i ha au übrhaupt nüd gege usländer, bi jo sälber nid 100% schwizerin.. aber zum teil frogi mi aso scho ab däne.. sobald mir s studium dure hän wärde mir au zügle *freu* lueg immrwidr wäg wohnige ume..
drugg euch aso duume das die wohnig öbis isch und ihr si de au bechömed!

@taeboyana: au vo mir no nochträglig alles gueti zum geburi! es tönt as hätsch en super dag vrbrocht und dim gg sis gschänk isch ächt mega toll, bi gspannt was de vom highheel workshop z brichte hesch
uiii jo aso i find eure dresscode überhaupt nid kompliziert! vrstand nid was die lüt so doof mien due! hallo, wiis isch doch ganz klar d farb vo de bruut.. grr.. macht mi ehrlig grad widr hässig! vrstand eifach nid wiso gwüssi lüt de hochzytsdag vo anderne so uf sich mien bezieh! meh passt sich doch eifach ah, fertig basta!

@taebo-brutträff: dörfi den au nur zum aschliessende hugo-trinke ko?

@me: lauft grad nid sooo viil hz-technisch. mini schwöster/tz regt sich grad chli ab minere zweite tz uf… si het nie zyt und loht mini schwöster alles ellei mache. nur für die tolle sache nimmt si sich ebe zyt. vrstand scho das si das närvt abr i ka jo nid guet de andere sage si MUES sich meh zyt näh.. oder wie sehnd ihr das?

Zuletzt bearbeitet am 20.03.14 11:38