| Bräute 2014 |
|
|
1 .. 349 .. 695 696 697 698 699 .. 848 .. 997
|
20.03.14 11:40
Maeva 
|
Re: Bräute 2014
Hallo Mädels!
Ändli, ändli hani wieder Ziit zum mitschriebe, juhuiii! Han geschter ide Mittagspause meega lang alles nahgläse, aber zum antworte häts dänn leider nüme glanget. Derfür chani ez wieder Gas gäh, han eu scho vermisst!
@ Fara: Ich bin absolut gschockt gsi über dini Nachrichte und zu Träne grüert über d Unterstützig vo dinere Familie. Ich chan gar nöd in Wort fasse, was ich fühle und ich wünsche Dir eifach nume s Beschte und dass viellicht glich na es Wunder passiert. Ich bin in Gedanke bi eu. Ich hoffe, ier händ es ganz schöns Hochziitsfäscht ka und es isch alles so gsi, wie du dir das vorgstellt häsch.
@ broncos: Yeeeeeeyyyyy, das wär ja de Oberhammer! Freumi gad mega für dich und chan mier dich scho super guet in Kanada vorstelle. Was wärs denn für en Job und a was hangets na, ussert em Visum? Und was wür din GG det mache? Viellicht hät Hombi ja en Ablag in Vancouver, hihihi? :-)
Ich find dis Grosmami mega härzig und han gad es Freudetränli verdruckt. Mis Grosmami isch au Schniedrin gsi und hätti uh gärn mis Chleid gschniederet. Leider isch sie vor 3 Jahr verstorbe und isch ez derfür i eusne Härze am Fäscht derbi. Du wirsch wunderschön usgseh und mit de Änderige vo dim Grosi isches gad nachli spezieller.
@ janedoe: Ich find s Foti wo du d Haar offe häsch mega schön. Das wos ufegnah sind, gseht chli wirr us, findi. Gschminkt bisch au uh guet, wür eifach de rot Lippestift miteme Lippgloss ersetze, aber das wirsch wahrschienlich eh mache :-)
@ lilian: Wow, das Chleid fürs zivile tönt ja wükli super. Toll hät das klappet mitem schniedere lah. Törft ich ächt au na de link für eue blog *ganzliebfrög*? Ich hoffe, ier findet na en schöne Azug für din GG, aber mer hät dir ja scho gueti Adressene gnännt, da werded ier sicher fündig.
@laprinipessa: Ich hoffe, du häsch dini Prüefige guet hinter dich chöne bringe und gnüssisch jetz chli di (prüefigs)stressfreii Ziit!
@ squishy-fishy: Wow, so cool häts glich na klappet mitem ga Vorstelle. Ich heb der uf jede Fall Düme! Das chunt sicher guet.
@ Nala: Ui nei, das findi ja scho rächt heftig wie die sich verhalted wägem Dresscode. Mängisch frögsch dich ächt ab de Lüüt. Klar isch nöd für alli das Hochziit glich wichtig wie fürs Brutpaar sälber, aber bizli Freud zeige chönt mer ja scho und nöd an allem umemotze! Ich bin amigs mega happy, wäni an es Hochziit iglade bin und empfindes als Ehr. Chämt im Läbe nöd uf Gedanke, na igendwelchi Asprüch zstelle und umemotze wägem Dresscode. Usserdem bütet eui Formulierig ja wükli gnueg Spielruum. Reg mich gad mit dir uf!!!
Scho rächt doof wäg de andere TZ, aber ich wür mich da als Brut eigentlich au nöd imische. Hät dini Schwöschter dänn scho mit ihre gredt?
@ Pfingstrose: Das Problem mitem TZ vo GG käni nume zguet. Mir häts letscht Wuchenend so de Nuggi usetätscht (mir händ sit em 15. Dezember nüt meh vo ihm köhrt, au kei Reaktion ufd Iladig), dass ich spontan entschiede han, dass er ersetzt wird. Sorry, wott dä absolut nöd so nöch um eus ume ha a däne zwei Täg! Törf gar nöd wiiterschriebe zu däm Thema, suscht reg ich mich nume wieder uf. Was isch denn bi eu s Problem??
Hihi, luschtig schriebsch wägem Zügel. Mir händ gad letscht Wuche de Mietvertrag für es 5 1/2 Zimmer Eifamiliehüsli inere super Gägend vo Urdorf unterschriebe :-) Es isch jetzt na im Bau und mir chönd am 1. Juli izieh. Wird zwar chli stressig mit Hochziit und Flitterwuche 1.5 Wuche später, aber mir händ ja jetzt gnueg Ziit zum plane und irgendwie wirds scho guet gah. Mir freued eus meeeega fescht und es isch für eus eifach perfekt! Denn chömer nachem Hochziit gad afange mit üebe für de Nachwuchs...Platz hämer ja dänn :-)
@ littlefoot: Ich find die Tafle mega schön und viellicht änderet din GG ja na sini Meinig und sie gfalled ihm plötzlich au!
@ Me: Sodeli, jetzt na es paar Wort zu mir. Bi eus isch eigentlich nöd mega viel gange, ussert ebe de Ufregig minersiits, was de TZ vo mim GG betrifft. Und dass mir jetzt di ganzi Hochziitsreis, also au d Hotels für Bali und Singapur buecht händ. S wird glaubs e mega schöni Reis und mir würed am liebschte jetzt scho verreise :-)
Usserdem bini längeri Ziit chli enttüscht wäg de Iladige gsi. Zerscht händ sich gad es paar agmeldet und mir händ uh Freud ka und nachher hämer gar nüt meh köhrt oder Absage übercho mit fadeschinige Gründ: Ja sorry, han halt a däm Tag scho öpis anders ztue (kei Erchlärig was). Ja nume, ez wüssemer wenigschtens, wer dä Tag gärn mit eus möcht verbringe und de Rescht chan mir eh id Schueh blase. Wahrschienlich werdemer ez die freigwordene Plätz mit anderne Fründe fülle, womer zerscht us Platzmangel nöd händ chöne ilade.
So, muess ez vorem Mittag na churz so tue, wie wänn ich schaffe wür :-D
|
|
|
|
|
|
|
|
|
|
20.03.14 13:41
Maeva
|
Re: Bräute 2014
@ Pfingstrose: Ja genau, mir händ eus au gseit, dass mer ja nöd innerhalb vo zwei Täg müend igrichtet si. Hauptsach isch, de ganzi Kasumpel isch züglet und nachher nämed mers easy mitem Rest. Im Prinzip bruchemer nume euses Bett, de Chleiderschrank und d Chuchi muess igrichtet si und mir chönd sehr guet "überläbe" 
@ lilian: Danke fürd PN, han der gad zruggschriebe :-)
Isch eu öpis dezwüschet cho, dass er händ müesse de Termin verschiebe? Immerhin ja nöd uf so lang und e Wuche gaht ja mega schnäll verbi.
Viel Spass bi Gspräch mit de TZ!
|
|
|
|
|
|
|
|
20.03.14 15:20
Maeva
|
Re: Bräute 2014
@ littlefoot: Ja GG sin TZ isch s Strietthema Nr. 1 gsi bi eus. Ich han ja scho gwüsst, dass vo ihm nöd so viel zerwarte isch (ussert, dass er natürlich hät welle Komasuufe bim Polterabig mache und is Puff gah), aber dass er sich gad wükli null und nüt fürs Hochziit interessiert, hättemer beidi nöd dänkt. Min GG häts vor es paar Mönet (woni scho mega blöd ta han) nanig gstört, aber igendwenn häts ihn denn au enttüscht und verletzt. Min GG leit halt nöd so viel Wert uf Organisation, Deko usw., aber ihn häts eifach trurig gmacht, dass sich de ander nüme meldet. Die zwei Manne känned sich sid 35 Jahr und händ sich ide letschte 10 Jahr eifach komplett anderscht entwicklet. Min GG hät mit sinere Wahl eigentlich es Zeiche welle setze, dass de TZ ihm immer na sehr wichtig isch, aber igendwie isch das nöd so bi däm blöde Aff acho...
Ich han am Afang scho verstande, dass GG ihn nöd wott ustusche, damits keis böses Bluet git, aber ez letschts Wuchenend häts mer de Deckel glupft. Wieso sötted mir ufd Gfühl vo some A* Rücksicht näh, wenn er sich kein alte Huet um eusi Gfühl schert? (ier merked, ich reg mich scho wieder tödlich uf!) Mir wänd Lüt als TZ wo sich über eusi Liebi freued und au öpis zume schöne Fäscht tüend biträge, i welere Form au immer. Er isch natürlich immer na Gascht am Hochziit und herzlich willkomme, ich wott eifach nöd, dass er igend en offizielli Funktion übernimmt. GG hät das igseh und laht mich ihn ustusche. Ich törf sogar am Gspräch derbi si, womer d News am TZ (bald ex TZ) tüen eröffne. Ich freumi scho druf, hihi (bin nöd ufs Mul keit )
@ littlefoot: Wieso händ ier de TZ usgwählt?
@ Nala: Oh jeh, das tönt ja wükli nöd guet und ich han dir und dinere Schwöschter so guet nachfühle. Bis froh häsch dini Schwöschter, suscht gängts dir wie eus mitem TZ! Chan dini Schwöschter igendwie au verstah, dass sie sich wünscht, du redsch mit ihre. Wär das ächt nöd en Option, wänn du ihre namal dini Wünsch und Erwartige ane TZ würsch mitteile? So tuesch dich ja nöd direkt imische. Wieso häsch sie überhaupt usgsuecht? Isch sie dir mega nöch? (Sie schient sich ja nöd so mega izbringe und welle Ziit freizuschfle für dich/eu?)
Ich bin sowieso im Lauf vode Hochziitsvorbereitige vo däre (romantische) Idee abcho, dass TZ müend die allerbeschte Fründe us Chindheitstage si, wie mer das ja au immer ide Hollywoodfilm gseht. Isch ja mega schön, wenns so isch und denn sell mers umso meh gnüsse, aber ich dänk, dass es vor allem Lüt setted si, wo sich Ziit nämed für Vorbereitige und viellicht Überraschige und es gwüsses Organisationsflair händ. Was nützt dir en sogenannt/i beschte/i Fründ/in, wenn die kei Ziit händ, sich nöd interessiered oder eifach nüt mached? Die Lüt chan mer ja glich ilade as Hochziit und hät e super schöns Fäscht mit ihne, aber mer regt sich während de Planig nöd di ganz Ziit über si uf...
Ier gsehn, das Thema beschäftigt mich und wäni ez nöd ufhöre, schrieb ich eu di ganz Siite voll :-)
|
|
|
|
|
|
20.03.14 15:44
littlefoot
|
Re: Bräute 2014
nala: ich find au, wenigstens häsch eini wos vo herze macht.
maeva: ui ja du, de schinsch nid so gern zha  schint sich aber au dumm z bene. ich bi völlig dinere meinig, me sett nid nur nachem herze uswähle, wobi bi gwüssne isch es halt eifach ge...wie bi ois...GG isch bi ihm TZ gsi und er isch sin Seelekumpel obwohl GG nie seit er heb 1. Bescht Kumpel, es sind mind. 3 aber so isch es halt und ich han das würkli gwüsst und ha au nid sones problem demit. het mi denn nur mal gstresst wo er aglüte hät vor 2 wuche und mi GG gfragt het weg Polterabig..ob er etz die Stripperi wett haha (all kollege hend mi GG mal gfragt ob sie das derrfed organisiere, mi GG het aber kategorisch nei gseit, eifach wils niveaulos isch eini z organisiere und er muss denn da de joggel si...glaube eifach die hetted das all gern mal  ), und de het denn GG gseit ebe nei, aber mal sone abig chli go trinke und jasse wie sies susch möched sicher...de hani nur gseit er müss de mir alüte, weg de vile termine womer hebed...de seit doch de TZ, (4 mönet vorem HZ)...er heb eh au u vill z tue usw...so quasi me chends au in sand la verlaufe..hallo ?? de wird ja wohl schaffe 7-8 kollege azlüte und es datum z finde ? er wett ja nüt speziells...aso nei du. aber has minere schwö gseit. sie lüted eh mal am TZ a und machtem chli dampf...sie chas ebe au nid versta wil sie ihn nid kennt. ich ha gseit ich well nur e polteri wenn GG au eine het. drum denki das wird etz scho cho 
gsesch isch au lang worde
aso ihr verkündets dem etz de, du darfsch deby si und hender denn scho en neue ?
allgemein TZ: mir hürated ja eigetli ganz eifach, standesamtlich... drum mönd bi ois TZ eigetli ja nüt überne i dem sinn, nur s unterschribe...aber mini TZ isch ja mini sis und macht etz alles, eifach zum mir helfe. sowie au mis mami und mini andere schwöschtere (aso eini )
isch villicht au nid s gliche z erwarte wie bi de chirchliche, oder tüschi mi da. bi uf allfäll froh dasi so super Lüt han, wo mini wünsch unterstützed und die au völlig als normal alueged. für sie isch es normal z helfe und da z si und sie findets sogar voll spannend glaub ich 
darum chani's easy ne mitem TZ.
bin aber au dankbar um teils vo eusne gäscht, wo trotz mine afängliche undererwartige sich chömed go erkundige ob das chleid guet sig, oder wie sie selled cho, sich übernachtisgmöglichkeite sueched (vo allei stell der vor), sich frei nehmed für ad trauig z cho usw..ich han gmerkt es freued sich fascht all recht und das isch schön.
lang worde aber das muss au mal gseit werde -> pfingstrose: etz häsch mal luuuter positivs ghört
wo bisch überhaupt, am morge häsch gseit hesch vill zit ?
|
|
|
|
20.03.14 15:49
Broncos
|
Re: Bräute 2014
Taeboyana: Din Geburi tönt ja echt Hammer. Und so herzig vo dim GG. HEt er sich ja richtig was überleit debi. Was bitteschön isch a euem Dresscode komplizier? Vor allem a nüt wisses? Also wenn ich ned scho zivil ghürate het, heti bestimmt keis wisses Chleidli. Und mir chunts also ned i Sinn das ane anderi Hochzyt azlegge. Ich verstah so Lüt echt ned, ich freu mich selber immer mega, weni uf e Hochzyt iglade bin. Denk den immer grad: jaay es neu chleid chaufe
Nala: Schrib der grad e PN weg de Stell. Wets da ned eifach so umeposaune. So blöd weg dinere TZ und schwöster. Ich wür glaub au wied Maeva eifach mal mit ihre allgemein Rede, was ihr so vonere TZ erwartet. Villicht merkt sie so durch di Blume, dass sie sich vilicht chli meh zit söt nä.
littlefoot: Also ich gfinde isch doch egal, öb ide chile oder "nur" standesamtlich mer hilft doch eifach. Aber ich han da inne müesse erkenne, dass das ned so selbstverständlich isch. So schön, weg de andere Gäst. Ich han au scho uu viel Kolleginel, wo mer ihres Chleid zeigt hend
Maeva: Ach du bisch eifach golding. Han grad gester a dich denkt und mich gfragt wo du blibsch Mir chönted bald wieder mal abmache D Stell wär in Calgary, haha er chönt ja det e Hombi Ableger eröffne
Da hani also kei Angst, das du üchem "ex" TZ mal d Meinig gigisch Isch eifach würklich Schad für din GG
Weg de andere Gäst isch supi das es so locker gsehsch. So gender immerhin kei Geld für Lüt us, wos ned schätzed 
So cool weg de Wohnig, hender s jetzt "offiziell" bekannt gä?
Squishy: Uuund wie isch gloffe?
Whatsapp smile: Haha, mir chönted bim Forum e Petition ireiche, das mer d whatsapp smiles bechömed
TZ: Bi üch arme chume ja scho fast chli es schlechts gwüsse über, das mir so super TZ/TM hend. Ich tuen sie üch suscht mal chli uslehne
|
|
|
|
|
|
1 .. 349 .. 695 696 697 698 699 .. 848 .. 997
|
Anmelden
.
. Hät den dini Schwöster ihre scho was gseit? Ich persönlich wür mich eher nöd drimische.. Susch müssti mal dini Schwöster was säge.. 
