@pfingstrose: hihi, so cool... I bi ou immer schnäll fürs zügle z begeistere. Bi irgendwie nid so sässhaft gsi bis jetz (die längsti duur inerä wohnig isch 5 mönet gsi. ) Also so ländlech wär gloub nüt für mi, aber es tönt troumhaft mitem See u wie de d Wohnig beschribsch. Bi de gspannt was verzellsch nach dr Besichtigung. Ufm Land ischs halt scho schnäll mal günstiger, mi Brüetsch wohnt ou inerä hammer Wohnig, ir Stadt chönnt me so öpis nie zahle aber det usse ischs würklech easy.

@squishy: mini duume wärde langsam blau...

@nala: oh nei, jetz hesch ou no sones TZ-Problem am Hals... I dänke ou, es wär villecht nid schlächt wenn du no mal mit ihre würdsch redä. Muesch ihre ja nid sägä: "Mach mal öpis" sondern so chli diplomatisch atöne, dass dini Schwo froh wär umd Hilf und villecht drbi hälfe die Termine z koordiniere? De merkt si dass es dir wichtig isch...

@broncos: Wow, meeeeega cool wäge däm Job! Wär ja hammer wenn das würd klappe! Drücke dr d düme, dass dir das gli chöit fixe...

@taeboyana: Ui, i ha di Geburi ou überläse... Gratuliere dir nachträglech ou no vo Härze u wünsche dir alles guetä!!! Hesch ja scho schöön gfiiret, super! Haha, di GG isch ja hammer! Bi de gspannt was vo däm Kurs verzellsch. U was isch de das fürne Highheels lade?

@me: Üsi wiiblechä TZ hei sich gester troffe und es Chleid usgwählt fürs Hochzyt, i findes meeeega schön und füehlä mi ächt gehrt dass sie sich das wei leistä. Sie hei sich für das entschiede:
http://www.bhldn.com/index.cfm?fuseactio...rchString=Ariel
När hani scho dänkt: So, jetz isch das Chleidergstürm ändlech abghackt. Aber denkste, jetz isch es gliir wöu das nid allne gfallt u was de die söue mache wo das nid wei und wär weli farb - blablabla... I mah mi gar nümme mit däm befasse. Ha när eifach i chat gschribe mir isch egal was sie alegä und es söu jedi säuber entscheide.

@maeva: jo i bi sehr froh hani mini schwöster as tz.. aber wie gseit i vrstand au das si, wenn si scho zweite sin gärn chli unterstützig hätti. ha die ander as tz gwählt wil mir scho sit dr schuel fründine sin und ichs halt au schön gfunde ha wenn si e rolle a mim fest het.. aber jo i mues mol mitere rede und sage wasi für wünsch han.. s problem isch nur, si het ebe au kei zyt sich mit mir z träffe oder so…
oh je das mit eurem gli ex tz dönt ächt au nid toll! aber ich finds voll "muetig" das ihr ihn jetzt absetzed und s ihm saget. s het ächt kei wärt wen so e person sich eifach gar nid drfür interessiert.
juheeee de simer scho zwei bim "hugo danach…"

@littlefoot: du hesch rächt, wenigstens öper hoff nur es wird ihre den nid z viil de vrleidets ihre de vilicht plötzli *hilfe*
jo das isch schön, au die guete/schöne erreignis z läse!

@broncos: jep i glaub das "durch die blume" gspröch isch nötig. susch wird ebe au mis schwösterli plötzli frustriert.
whatsapp smiley petition.. sooo e gueti idee!

@malinchen: ich hoff i bi das problem gli widr los nei i wird glaub ächt ihre mol miesse erkläre das mini sis nid alles ellei mache miessti und si nid nur bi de "schöne" sache mitmache ka… hoff das ränkt sich de schnäll widr ih.
aso s kleid gfallt mir mega guet. finds au schön hän si sich könne einige, aber das de grad s nägste wäg farb usw los guet isch ächt miehsam. vrstands voll das du do nüm magsch diskutiere!

malinchen: wow find s chleid meeeega toll !
was isch etz gnau no s problem ? ha gmeint sie hend sich für eis entschide ? und wie viel TZ hesch denn du überhaupt ? :) ich meine 3 setted sich doch scho mitenand chöne einige ...grr.. ehrlich so schad.

nala: ja mach doch das...aber wenn du seisch sie het nidmal zit für sich mit dir z treffe findi das aso scho eher komisch..

broncos: was isch HIMYM ?

me: ha grad enere nette brut vo da ine photobooth artikel, es set mit 32 artikel chöne für ganz wenig abchaufe, ha u froid

TGIF liebi Brütli!!! Hoffe dir startet aui guet i dä (letscht) Sunnetag!

@nala: Hmm, mega quer dass sich dini anderi TZ nid mit dir cha träffe. Wohnet dir de wyt usenand? Also i ha ja ou oft viel am Hals und gseh mini Fründinne zum Teil ou mal ei / zwöi Wuche nid aber wenns wichtig isch sötte me sich ja scho mal chönne paar Minute freischufle.

@broncos: haha, soooo geil wägä dr Intervention! I gloub das machi ächt gli mau wenn das so witer geit...

@littlefoot: Also mir hei 4 TZ, jewils dr Brüetsch und die besti Fründin. Also vo mine 3 Fründinne isch nur mini Besti (das tönt so blöd - si mir ja alli u wichtig!) TZ, die anderi TZ isch die Besti vo mim GG. Die zwöi hei jetz das Chleid usgwählt. Aber das "BM"-Chleid chönnte näbe mine 2 anderä Fründinne ou no d Partnerinne vo de Brüetschä und GG's Schwo alegä. Das hei mir ja de am Schluss so gmacht wöu mir nid hei wöue dass sich öper usgschlosse füehlt und mini 2 Fründinne si när apisst gsi wöu äbä nid nur sie das Chleid dörfe ha. Jetz versueche sie so hinde düre die anderä use z bugsiere i däm sie z.B. liire dass ja jedi e anderi Farb sött ha (es het jetz aber nur no 3 übrig u dadrvo isch eini z nöch a wiiss - luschtig oder?!) und hinde düre hani ou ghört dass es ihne z tüür isch. Das findi ja ou völlig ok wenn sie nid so viel wei usgäh. Aber de söue sie eifach sälber luege und irgend öpis ga choufe. Ds tragische isch ja eigeltech dass es mir würklech egal wär was sie alegä, sie chöi vo mir us ou imnä 15-Franke-H&M-Usverchouf-Chleid cho und es mues ou nid zämä passe oder so.

Mega cool wägä de Photobooth-Artikel. Was isch de da so alles drbii? I weis äbä no nid so genau was mir da wei mache... Es bestimmts Thema oder eifach Querbeet.

@me: GG geit morn si Azug ga ussueche. Er isch mega härzig, öpe glich ufgregt wie ig bi gsi woni denn bi ga Shoppe. Fröie mi mega für ihn und hoffe dass ers de cha gniesse u sis Mami nümme igschnappt isch.

@littlefoot: oh nei, bisch immer no unglücklech mit dim chleid? Das duet mir mega leid dass du da so drmit haderisch... Wenn hesch nöime dr Termin zum Absteckä? Villecht weisch ja de wieder würum du di für das hesch entschiede wenn's anne hesch? I gseh ou immer wieder Chleider woni dänke: "wow, das wär ja ou dr hammer!" u ab und zue fragi mi ou, obi nid gschider eis hät gnoh wo nid sone schlichte schnitt het. Aber de luegi aubes wieder d Föteli a vom Shoppe und de hani wieder mega fröid und alli zwiifel si verfloge. Isch natürlech chli doof dass es dis Mami het zahlt. Aber i dänke es wär o nid eifach das witer z verchoufe... Es git soooo viel Brüt wo ihres Chleid wei loswärde im I-net. Dis wär halt no untreit, vo däm här hättsch sicher besseri Chance. Aber das müesstisch wahrschinlech gli mal mache süsch längts eh nümme für es anders?

Ja i ha ou z Gfüehl es geit nid nur ums Chleid... Aber i ha mir jetz vorgnoh dasi nümme gross wott druf igah. Es isch jetz klar weles dass zur uswahl steit und de sölle sie die Entscheidig sälber träffe. Ha scho überleit obi eifach gad usm chat söll usträtte, eigetlech geits mi ja jetz gar nüt meh a.

malinchen: ich würd au us dem chat ustrete ! susch hesch nur no erinerige a doofem getue.
hach... bin nid unglücklich aber het eifach gern nomal anderi probiert. ich weiss zwar es staht mer u guet, vom schnitt her und es isch wunderschön aber ebe...
am 15.5 ani ja erst aprob, wasi au so komisch finde...has im dezember bstellt und sie hend gseit märz-april. afang mai sells etz cho und zum sicher ga hämmer erst abem 10.5 termine gsuecht. zerst het sie ja gseit mis chleid sig cho. alles chli komisch.
verchaufe wirdis eh nid, ich gsehn au so vill inserat und glaube da häsch wenig erfolg. dass s domino dass zrugnimmt glaub ich nid, die sind eh chli uf geld use. villiicht weni afange brüele haha sie händ das chleid ja a lager gha, eifach nid i minere grössi. ich wette die chented das locker is regal zruggtue und mir es anders verchaufe. aber das mached die sicher nid. und ich wett denn au nid säge es gfallt mer nid, und die säged denn sie nehmeds nöd zrug.- de gani miteme doofe gfühl usem lade.

pfingstrose: schick ders nomal :) ich bin alig nid so die guet shopperin. ha viles im schrank woni nid alegge
ha ich chum so nöd dezue GNTM z luege i dere staffle.
aso du häsch zit...verzell emal chli, bi eu gahts ja nüm so lang. häsch di für deko entschiede ?