@pfingstrose: i liese blog? i wott ou infos!!! Hihi, i wott de morn ou no gntm nache luege. Verrat mir nix! Aber d Natalie isch sooooo schrecklech! Scho nur die Schnute wo sie immer macht regt mi tööödlech uf... hahaha

@littlefoot: ach soo... Ach du wirsch sicher wieder happy si wenn du dis Chleid anne hesch! Stimmt das gstürm mit däm Termin isch ja ou no gsi. Findi ou ächt müehsam... Mis Chleid hani ja scho im September bstellt, aber isch när ou ersch Endi Januar da gsi, die bruuche halt scho rächt lang. Isch eifach doof vo ihne, dass sie dir zersch hei gseit es sig scho früener da. I finde immer bi so sache sötte die ja ou chli überlegä und eher z viel zyt agäh, wenns när früener chunnt fröit me sich umso meh, wenns später chunnt närve sich d chunde ja nur...

Guete Morge und TGIF

@Pfingstrose: Hihi aber nid so wie gester u när ghört me nüt meh vo dr dr haub Tag Säg nüt die Natalie isch sone arroganti Chueh - und usserdäm gar ke Schöni! Hihi, i lueges o immer gärn

@malinchen: Aso mir tönt das scho chli sehr nach Wiibergstürm wo mitem eigentlech Problem nid viu ztüe het... isch wou eifach chli Ifersucht im Spiel. I würds gloub o chli diplomatisch mache, aber vorhär vielech säge, du überlöngsch das itz ihne u düegisch di usem chat zrüggzieh. Da närvsch di ja nume.
Ah cool wägem Azugsshopping morn! Du geisch nid mit, gäu? Mir gö am 5. April, o scho gli. I freue mi aber momentan gloub no fasch meh as är
Dr Guetschin woni vo GG ha becho isch vo Hot heels - Achtung es het dert ou sehr abgfahrnigs Züg woni nie würd alege aber sie hei äbe o sehr chici, edli High Heels, zum Teil eifach mit schwinduerregend höche Absätz.

@littlefoot: Ach das isch es Dilemma mitem Chleid... We's itz nid dis Mami hätt zaut und du d Möglechkeit hättsch gha, zums umegäh oder umtusche, de hättsch ja mau eifach no ine angere Lade chönne ga aprobiere zum luege ob du bimne angere Chleid es bessers Gfüu hättsch. I gloub du bisch dr vor auem greuig, dass d nid meh Glägeheit zum verschiedeni azprobiere hesch gha, oder? Isches de vom Stil här es Chleid wie du dirs hesch vorgsteut gha, oder gar nid? I würd o gärn es Biudli gseh vo dim weni darf, has gloub verpasst gha... I bi bi mim Chleid wonis z'erste Mau ha annegha o nid völlig überwäutiget gsi, ersch när im Verglich mit angerne u wonis när es zwöits Mau ha agleit hani plötzlech gmerkt mou, das isches. U itz freui mi wahnsinnig druf, dassi i 2 Wuche wieder darf drischlüpfe, isch ja glich 6 Monet här...

@me: Ig ha es sturmfreis Weekend vor mir, GG het Skiweekend. Zwüschine gniessi so Zite gad, isch drum extrem säute bi üs. Hüt Abe gani ad Muesumsnacht zBärn u morn hani mit mim Mami abgmacht zum Zmörgele und Blüemli choufe für i Garte Hoffe es schiffet de no gad nid dr ganz Tag dassi no chli cha gärtnerle...

Gniesset dr Friti und dr letscht sunnig Tag fürnes Wili!

Maeva / Littlefoot / Nala
Ah sisch scho nöd schlimm wegem verschiebe…
Im Gschäft vom GG händs ebe no öber gsuecht wo am Namitag chan go schaffe gah am Samstig und ich han den gfunde ja gahn doch. Sisch ja eh guet wemer vill frei bruched das Jahr (Flitterwuche ), dass er chli Überziit chan mache. Es wür scho no lange für de Termin, aber den chömer würkli nur is Mery's und den müemer wieder hei. Das kakt mi chli a… Drum gömer nächst Wuche und den chömer au na zu Sunitas Suits und susch no chli go luege :)

Nala05
Es gid vorallem es Update..
Sie sind eigendli no nüt am organisiere… s'lauft eigendli alles über eus.. Abr sie möched den sicher mal no es Schriebe wegem Gschänk, wege de Flitterwuche.. Und dönd das chli koordiniere.. Abr susch händs eigendli momentan würkli no nüt z'tue (ussert em Polterabig).
Ja ich verstah scho au es bitz dini Schwöster, für sie isch d'Situation au blöd . Abr ich wür mi würkli au nöd zgross imische..

Littlefoot
Das isch ja au e gueti Ussag vom TZ, er hät gad au nöd so vill Ziit für de Polterabig!! Tztztztztz… Fräg en mal öb er Doodle kännt und Whatsapp-Gruppe?
Kuuhl mit dine Photobooth-Artikel..

Squishy
Und ischs guet gange?

Malinchen
Oh nei, das gid ja würkli kes End mit dine Fraue .

Pfingstrose
Ah kuuhle Biitrag :)
Mier müend au no bstelle

Zuletzt bearbeitet am 21.03.14 08:59

pfingstrose: ou musi gad go luege uf stylehäppchen :)

malinchen: ja s domino isch nid so de hit, aber ok :)

taeboyana: schick der s gern weni dis au därf gse ? hani glaub au verpasst
aso wen ich d möglichkeit vom lade het umztusche, wärs ja egal weg mim mami. nur es anders chaufe chani nid, das wär denn blöd.
haha genau, pfingstrose, nid so wie gester
mir hend en hot heels lade da, muss amigs immer stuune wie hoch die dinger sind. und die s&m schueh wos teilwis det het haha :)

lilian: haha jaa er kennt das scho aber d ussag isch ja nid mal zum organisiere, sondern dass er selnber au vill los hät..klar vier mönet lang jede fritig / samstig schisst en doch eifach a.