... bi minere frag handlet sichs um en katholischi chile

nicht registriert

Guätä Obig mitenand

Nisliker:
Dä oberhammer dini StD-Poscht! Sii sind wunderschöön und total passend zu diiner Traumhochziit! Kompliment!!

novia-mayo:
Ich bin ned katholisch und chum deshalb überhaupt ned drus. Wenn’s uns allnä gliich ergot, würd ich Google fraage, da weiss in der Regel ALLES. Oder sus nomol am Pfarrer alütä... Ich würd bii Unsiicherheite nomol nofrooge, anstatt dass aah diim Hochziit überrascht wirsch.

an alle:
I mach hoffentil am Friitig guäti Fotis. Denn chönt ihr alli eis als PN ha. Miin GG isch scho chlii iversüchtig gsii, dass ihrs darfet gseh und er sich immer no so lang gedulde muän.
Wie machet ihr da mit dä Chind? Mir möchtet eigentli kaii chliini Kind bii uns am Hochziit. d’Eltere chönt jo denn s’Fescht au ned würkli gnüssä, sii müänd früäh go schlaafe und dii ganz chliine Babys ziähnt nur d’Ufmerksamkeiit vo uns weg. Mir hend uns drum entschiide, kaii Kind iizlade. Findet ihr da z’streng??

Gniässet euä Fiirobig (falls ihr hend) und äs liäbs Griässli
squishy

squishy: Hihi, fingi ä cooli idee d Ching nid izladä. Das hani mir no gar nid überleit! =D Auso i fingä immer, arä Hochzyt söll ds Brutpaar chönnä entscheidä wän iladä u wän nid (ou wenn's um ungliebta Unglä/Tantä oder wän o immer geit...)! Wenn dir keni Chind wöit, isch das völlig ok. Wenn viel Chind drbi si muesmä när fasch äs Beschäftigungsprogramm für die organisierä das sie när nid duurend närvä wöus nä längwilig isch, das isch zudäm no ä witerä Choschtäpunkt. I üsem Umfäld het no praktisch niemer Chind, es si numä 2 ume vo mirä Schwägerin in spe. Wahrschinlech wärdä die drbi si, aber 2 geit ja no so... D Idee ä Hochzyt ohni Chind ds fiirä gfallt mir sehr, mues de das vllt no mau mit mim GG besprächä.

chind: das muess natürli jede sälber wüsse aber ich fröimi eigentli druf dass bi öis relativ vil chind werdet debi si :) mis gottemeitli und no anderi wo dänn so um die 2,3 sind werdet bluememeiteli und en ringträger hämer au scho in ussicht de wär dänn 1.5 ;)) (göttibueb vo mim schatz) :) hamer au überleit en clown oder so z'organisiere oder öber usem bekanntechreis z'froge.. aber s muess jede wüsse wäge chind kenne au lüt wo kei chind iglade händ a de hochzyt finde au a dem tag söl s'hochzytspaar so sache entscheide gründ defür und degäge gits jo gnueg :)

bin erstunt, dass ihr alli mis budget so höch findet wil han scho mit anderne lüt diskutiert & die händ zum teil öber 40i usgäh bi glich vil lüt wie mir (was mir jo def. ned wänd!) aber bi öis wird de grösti chostepunkt würkli s'ässe & de wii sii (öbe 20'000.- mit apéro) dän isch klar blibt nüme so vil übrig für de räscht.. aber dänke mir müend no witer umeluege mit günstigere locations..

kennt sich do öber mit pauschalhochzyte us? s git jo restaurants wo en pauschalpris abmachet mit deko, hochzytstorte, chline apéro, ässe & wii, getränk - so häsch die volli chostekontrolle findi no cool...

schöns tägli allersits :)

Hey ihr liebe!

han mol no en anderi frog und zwar: sind ihr die locations wo öich interessieret eifach mol go aluege & händ dänn jenachdem offertene igforderet oder händer au scho eifach so en offerte mol verlangt?

danke fürs feedback!

@laprincipessa: Mir hei deheime e Bankettdokumentation gha, wo mir ar MariNatal letscht Jahr brcho hei. Si de ufs Internet ga gugge, u hei üs derte ou mau no einisch aus gnau agguget, u de eifach aglüte, u gfragt, ob si a üsem Datum no Kapazitäte hei, u e Termin abgmacht, zum ga gugge, u gad mit öberem chönne rede.
Hei üs aber ou anderi Restis agugget, aber si de schlussendlich glich immer wieder bi üsem Resti glandet...