nicht registriert

Guuuätä Moorge mitenand and happy Friday!

Nala: Ojeeeh, chlii eh Schön-Wetter-TZ… Find iich sehr schwierig zum do öpis machä. Mir hends so, dass mir d'Ufgabe gnau verteiit hend, wer was machä sött. Also TZ1 isch für mich verantwortlich, sii sött vor allem luägä, dass Bruutpaar verpflegt und grichtet isch. TZ2 iisch für's Gäscht und s'Programm verantwortlich. Klar au unusgwoge, iisch aber so so sind d'Arbeiite ufteiilt und dä Stress giits gar nöd. Viellicht mol mit beiidne zämäsiitze, To-Do-Liste machä und denn ufteiile? Will Zämäarbeiit iisch ja gliich nöd jedem siis…

Maeva: Het siich d'Ufregig um dä TZ vo diim GG gleiit? Ha gad wiiterglese, das Gspräch na astot. Wünschä diir viiel Erfolg und nachher es befreiits Herz. Meega schad, cha siich dä TZ ned für eu iisetze, wenn er doch dä sogenannt best Kolleg isch
Es tönt nachhere meega kuule Hochziitsreiis! Cha mir vorstelle, dass iihr gad losdüüse wönd. So gots uns nämli au
Unglaublich dass siich Gäscht so mit lahme Usrede abmelde. Chan ii jo gar nöd verstooh… Joh, viellicht chunt dodurch Platz für anderi Fründä über. Und isch doch schöner, s'Fest mit Lüüt fiire, wo au würkli debii sii wönd!

Malinchen: Find's au es hammer Kleiid. Und natürli chasch dir vorstelle welli Farbe mir am beste gfallet Ojeeeh, ii ha denkt, sii hend sich für das entschiide? Theoretisch müänd ja ned all dii gliich Farb ha. Denn chönt dii andere Gäscht dini Mädels au besser usenand halte. Ode meiinsch würd das eues Farbmotto ruiniere? Ojeeeh, dene Hüehner müässt meh wiiä öpis anders geh zum sich beschäftige. hesch ned no irgendwelchi Pompons oder so zum machä. Denn müänds nöd immer über Kleiider nadenke

Whatsapp Smile: Jaaaaaah Da hettet mir viiiiiel meh Uswahl und Smiley-Invasion würd miinersiits voll duurestarte

Littlefoot: I denke, bii Kleiider giits meh als eiins, wo zu de Bruut passe würd und jedes het doch irgendwo es "manko". Ich han miis zu MIIM gmacht, durch es rosa Band. Viellicht hilft dir so en "Accesoire" au, da cha en Bolero sii, ä Schmuck oder en farblichi Änderig. Im Moment isch es ä Kleiid wiiä all ander vo dä Stange, jetzt darfsch diin persönliche Touch no inägäh. That's the best!

Germany's: I luäg da soooo gern und mii GG muäss amigs mitluägä (aber ii glaub, er tuät nur so, als ob ers doof findet ) Aber diiä Staffle bin ii no niiä dezue choooh Wiä lang gots no bis zum Final. Lohnts sich no zum iistige?

Me: Danke für alli gedrückte (sogar blaue!) Düüme! I bii dä ganz Tag chlii agspannt gsii und ha mii chum chönä uf dä Unterricht konzentriere und am dreii han ii endli darfe miich uf dä Weg machä…
Im Zug hani nomol s'Leitbild agluägt, mir überleiit was für Fraage chömet und und und… Ha mii recht wohl gfühlt. Denn chum iich iin's erste Büro. Siind zum Glück nur dreii Zuähörer umegsii. Aber es Gspräch isch es ned gsii, diä hend miich bombardiert mit Fraage I ha bii paarne z'erst mal ??? gha und denn irgendöpis gsaiit, wo ii mir ned siicher bin, dass z'friide sind dermit. Vodem her würdi sägä, es isch eh guäti Üebig gsii, aber wenn ii s'Jobagebot bechum, denn würd ii us dä Latsche kippe Bim zweiite bin ii viiel entspannter gsii. Da liit chum dra, dass ii durch's ander Gspräch ruhig worde bin, sondern dass nur scho Stimmig im Ruum besser gsii isch. Es isch ned es Abfrage gsii vo mim theoretische Wisse, sondern würkli es Gspräch. Ned nu ii ha müässä schwätze, sondern dä Schuälleiter isch immer uf das iigangä was ii gsaiit han. Het miir viiel besser gfalle. Und au diiä andere Awesende siind keii stummi Fisch gsii (am andere Ort ebe scho ) sondern hend sich aktiv am Gspräch beteiligt. Has eh wunderbars Team gfunde und en richtig perfekte Ort zum afangä Schuälgäh! Denn han ii ewiigs bruucht bis ii dehaii gsii bin (22:30 isch worde) und drum schriibi erst jetzt Biim zweiite Ort befürchti chlii, dass ii dä Weg unterschätzt han. Aber mii GG het gmeiint, da packet mir, wenn's denn sowiit wär Jetzt heiisst Dümli drülle bis nächst Wuche!
Danke viiiel viiiel mol für eues Duumedrucke!

Und no chlii "hochziittechnisch". Hüt chunt unser wunderbar Grümpel vo Engelberg zum GG Haii. Somit würdet mir scho züügle, nu chan ii ned helfe. I muä go Schuäl gäh in dä Ortega. Bii gspannt, was alles für unser neuu Huushalt dä Weg zu uns findet
Wiiä eh grossi Überraschigstüte

Wünschä eu allnä eh wunderbare leschte Wuchetag

@jane: ou cool lehrsch dr Pfarrer kennä. Mega lieb dass er extra zu öich chunnt...

@squishy: Oh je, die Vorstelligsgspräch si zum Teil scho chli schlimm we no die halb oder ganz SchuKo drbi hocket. Finde das ou nid so fair am Kandidat gegenüber, da chunnt me sich ja vor als wär me vor Gricht. Aber ds zwöite Gspräch tönt ja super... Wüsst dir de scho wo dir wärdet wohne? oder chönntet dir je nach däm no chli druf luege dass dir chli nöcher vo dinerä Stell chönntet züglä?

@pfingstrose: das wär ja dr hammer wenn du det chönntsch mitschribä!

Bewerbigsgspröch: Da drüber chönti mer glaub au es Buech schriebe! Haha... Mer isch hald immer mega nervös. Vor allem wenn mer de Job brucht und wott. Darum findis fast am beste wenn mers mal tested, wenn mer garnöd dringend wechsle wott. Den chasch nämlich au bim Lohn viel besser verhandle, wills der glich sie chan ob nachher gno wirsch oder nöd.

Ich han es Gspröch gha nach de Lehr das isch eifach Katastrophe gsi. Ich han mich nachher fast nüme getraut überhaupt neumeds go vorstelle gha. Dete hets 3 Type gha. So mega wichtig tuer, de eint en Asiat, den ander en Engländer und de dritti irgend en Pol. Und die händ nur Englisch gredet. Chani ja scho aber nach de Lehr bini nöd so güäbt gsi. Und e best de Asiat hät wie s Mul nöd richtig ufgmacht bim Rede... Ich han eifach NÜT verstande. Haha! Mega peindlich. Han sozäge nie chöne Antwort geh und isch mer am Schluss ächt scheiss egal gsi. Haha! Hetti garnöd welle dete schaffe.

Taeboyana: Genau darum hani au dänkt... I zwei Mönet hani eh wieder GGAAAANZ viel Ziit. Das Passt perfekt...

Ja mach doch mal en Doodle wer cool! Mir isch glich fallsi den scho verhürated sötti sie. Bzw. wer mer fast lieber. Will mer garnüme so viel Wuchenendi hend wo mir ume sind und Ziit zum organisiere hend.