@littlefoot: haha, ach soooo... Chönnt mir scho vorstellä dass es öpis bringt! Kohlehydrat si ja scho chli die Fiislinge wo ir Nacht d Chleider änger näihe im Schrank. I chönnt gloub mit däm Druck nid umgah, i würd vor Angscht nur no Schoggi ässe und brücht am Schluss äuä 2 Nr. grösser.

@Pfingstrose: Du meinsch e Önolog - e Onkolog isch e Mediziner wo uf Chräbserkrankige spezialisiert isch aber irgendwie u härzig vo ihm, nid? Dass er so närvös isch wüu du hüratisch...
Bi mir gits ou gli e Kafipouse!

@Broncos: Mir isches im Fau vo letscht grad glich gange, d Kollegin het mir vrzeut sie heige im Depot u viu so Hochzitssache und ig am nächste Tag gad ab uf Bärn und sie hei genau gar nüt gha Hihi was hesch de für Chleider kouft? I ha zGfüu i sött mi mega zrügghaute im Momänt wägem Hochzit aber hätt o Luscht zum shoppe... ha de bi La Redoute dr passend String zu mim Hochzits-BH bsteut und de si haut no paar Sache meh i Warechorb grütscht

@Littlefoot: Wow gratuliere zu dire Disziplin! I ha mir ir Letschti o chli vorgnoh, nid geng so viu Brot u Kohlehydrat z'ässe, vor auem am Abe. O weme nid unbedingt mues abnäh, schadets ja nid chli schläuer z'ässe...

@malinchen: Zum Thema sech nach dr Hochzit la gah hets gad chürzlech uf 20min e Studie veröffentlecht gha wo sie hei usegfunge, dass e rächt höche Prozäntsatz vo verhüratete Froue nach dr Hochzit im Schnitt 2kg zueleit. Da isch aber de o no viu dri ine interpretiert worde... Und Kommentär het das ghaglet online!

Zuletzt bearbeitet am 21.03.14 14:33

i wirde no arm hüt - 20gi is Kässeli...

@pfingstrose: Hihi, di Papi isch ja ou ä luschtige! Kennet dir süsch niemer wo öich chönnt berate?

@Taeboyana: was ächt? Guet 2kg geit ja no, das cha ja ou vom Alter si und ganz alle "Baby-Späck" wird me halt äuä ou nid immer los... Mues gad schnäll ga luege, die 20 Minute "Studie" si ja eh immer hammer... hahaha

@weddingbee: wtf? 800.- für nes Satingürtli?! Mini Besti het mi gester gad gfragt obi ihre de würd hälfe eis ussueche für zu ihrem Chleid, dämfall luege mir de da gad vo Afang a uf Etsy...

Janedoe: Oh hoffe au das nüt isch mit euem TZ. Heter keis Festnetz? Oder Gschäftsmail? Chund bestimmt guet. Notfalls chan mer de ja au schicke. Mir werdet de den eh au no in Papierform abgeh.

Min Papi: De isch für mich so oder so de Besti! Hihi! Aber das isch jetzt würklich wieder mal öpis ganz lustigs gsi. Er isch chli en Witzbold i de Hiesicht Hochziit. Er wott mit mir nöd gross drüber rede, er frögt eifach immer klapped alles und das langed ihm. Aber mini Schwöster/TZ guetschter immer voll us... Haha! Ich lahn im das. Isch mir ja glich. Bin den gspanne obs mal anderstrum isch wenn mini Schwöster mal hürated.

malinchen: haha so lustig cholehydrate als näher :) ich han aber au scho zwei mal müesse esse am abig. einisch ebe bolo und einisch ris mit gmües. ...gaht halt mängisch nid anders.
aso mit schogig gahts erstunlich guet...oder sägemers so, nachem dritte tag leit sich die ständig luscht :)

pfingstrose: jö din papi. finds etz aso au eher herzig :)

janedoe: ha GG gschickt scho zwei fläsche ? die hend ja chum alkohol dine, de gahts
ich wett ja au en gurt. lustigerwis hani de wiss in mintgrüen au i mine favorite (wie chas au anders si haha). und de ander würd mer au no gfalle, aber weiss nid obs de git in mint. einere hani mal no gschribe weg dem mit de grosse blueme aber die het nie was degliche ta. ha au no überleit eifach sone blueme für id haar z bstelle det, sind ja chli günstiger und s satin band selber hole. im endeffekt chunsch zwar au auf die 25-30.-. findi etz nid soo tür. die prise i de brutläde sind ja wahnsinn. hesch dini fotografin gfragt weg de kamera ?
ui ja komisch weg em TZ...hoffe dass alles ok isch.

taeboyana: weiss nid ob me scho vo disziplin cha rede nach 5 täg :)

depot: die hochzits kollektion isch ufem prospekt scho immer uf endi märz akündet gsi. und susch ebe uf d hp ga und bstelle. ich han das ja mal gmacht, isch tiptop und versandchöschte sind nid so wahnsinnig. oder mir säge, euse depot isch top da, wenn er gnau wüssed was.

specknachhochzit: aso ich denke nid dass das extra isch. isch doch eher so dass me zum hochzit abnimmt wil mer top wil usgseh und danach nüm so luegt, i de flittis usw :) 2kg isch ja echt nid alli welt. aber ha au müesse lache, GG seit au immer er heb e horrorvorstellig wenn e frau verhürated isch : blüemleti leggins, es rosa shirt mit essensreste uf de brust und d haar im wischmopp stil :) haha, ich sägs eu, ich muss scho luege dass ich nie so wirde :) legge dehei nämli u gern trainerhose a, das isch scho grenzwertig haha :)

@littlefoot: haha, i gloub weni di wär würdi mir sones Outfit ga poste und am erstä Abä nachm HZ so ufs Sofa lümmlä... Trainerhose hani am Abä ou gärn anne, u was ganz schlimm isch: i legä mängisch Socke a zum schlafe. Ha IMMER chalti Füess u wes ganz schlimm isch chani nid schlafä... Aber GG findets nid so schlimm solangs härzigi Söckli si und nid so chratzigi Wullesocke oder so.

@jane: hmm, i hoffe natürlech ou dass nüt passiert isch! Villecht het er ja ds Handy verlore oder so und drum kei Whatsapp und isch nümme erreichbar (ha ä Kollegin wo Spezialistin isch für so Sache )? Isch sicher nid schlächt wenn di GG schnäll verbi cha go luege ob alls ok isch...

@pfingstrose: haha, so härzig di Papi... Wär natürlech de scho usglichendi Grächtigkeit wenn er de di würd löchere wenn dini Schwo hüratet.