@Pfingstrose: Hoi
jep, isch komisch, u glich isch iwie nüt anders... Setti viellech mau afah dr Name zändere...
Ersch afe vom Zivile, di andere hani no nüt.

Jep, isch e mega seich. Aber ja, u putze ja sooooo gärn... Aber immerhin chunnt das umi guet.

@Talu: Hoi u härzlech Wilkomme bi üs!
Öbe so wies dr ringer geit... Git beides

nicht registriert

Guuuätä Nomiitag mitenand

Het eu dä Schnee zuägschnaiit? Es isch so ruhig do innä

LaPrincipessa: Es tuät miir au leiid, dass bii diir sooo viiel schwers und asträngends erlebsch. Chunt immer alles mitenand I tuä diich fest druucke! Dass bald wiider eh Liiächtblick hesch und dä Stress nalaht! :-* Umso schöner isch es zum lese, dass so liäbi Bridesmaids und TZ hesch, wo siich für eu so iisetzet!

d'Schueh sind echt de hammer! Vo wo hesch diiä? Dass in dene überhaupt laufe chasch

Pfingstrose: Meeeega kuul, hend iihr also es richtigs erfolgriichs Wuchenend gha! Hend iihr es Foti vo euem Ring? Es isch so wertvoll wenn dä Berater sich Ziit nimmt. Dä Ring sött eiim ja ned nu eh Wuche gfalle, sondern wär schön, wenn iihr ganz lang Froiid dra chönt ha!
Soo gailh, eh Pünktletli Flüge. Denn chunt dii GG uuh modern ans Hochziit

Lula: Gern darfsch dii eiifach wiider aschliesse. Sind zwar scho einigi Sachä gloffe I bii gspannt uf dii Bricht. Aber natürli darfsch diir gern Ziit näh und eue grosse Tag z'verarbeiite. So schön, somit wär diiä erst Mrs GG aktiv derbii

Munggi: Mir hend Cupcakes aber vom Resti selber. I denk es got gar nöd umbedingt um dä Teller, sondern eher dass denn Gäscht nöd en Dessert vom Resti esset. So wiiä meh Zapfegeld muä zahle, wenn dä eiiget Wii chunt. Oder irr ich mii da?

Janedoe: Wiiä gots euem TZ? I hoffä fest, dass eui Sorge nöd bestätigt worde siind. Sondern er viellicht s'Handy verloore het oder so ähnlich… Aber diiä Sorge zeiiget voll herziig, wiä gern iihr eue TZ hend. Find iich schön! <3

Littlefoot: Find ii kuuli Idee so farblichi Akzent! Da gfallt mir bsunders guät! Du wiirsch gseh, denn wiird s'Kleiid gad persönlicher und halt ebe DIIS! Bii denn gspannt uf dini Erfahrige vom bstelle! Denn passisch farblich total guät ins Konzept! Find ii meega lässig!

Talu: Herzlich Willkomme bii uns im Forum! Wotsch uns no chlii gnauers vo diir verzelle? Vo wo sind iihr? Wiiä hend iihr eu kenne glernt? Hend iihr es Hochziitsmotto? Und und und I schriibe Schwiizer-Dütsch, darfsch dii aber freii fühle

Me: Danke fürs Nafrage vo dä Bewerbige Dä erst Ort het scho abgsaiit, so wiiä ii au denkt han. Jetzt wart ii no uf dä ander Bscheiid. Vom Züüglä her, chöntet mir scho nöcher ziiäh. Aber es isch eh Ort mit viiel Hüüser und fast keii Wohnige. Und miit miim Löhnli chönt mir uns doch keii Eiifamiliehüsli leiiste Aber ii wart eiifach ab und ha d'Auge offe für anderi Stelle.
I de läscht Ziit merk ii, dass ii nöd wiiterchum ii dä Planig. Mir hend ja ganz ä farbefrohi Iladig mit em Slogan "Gemeinsam ist das Leben bunter!" Jetzt möchtet miir gern da au am Hochziit umsetze. Aber d'Frag iisch wiä? Farbpulver fallt ja weg, will mir hend all schöni Kleiider anä…
Wa chunt eu spontan in Sinn??

Wünschä eu eh guäätä Nomittag

Nur schnell, sött mich eigentlich uf d Vorlesig konzentriere

Squishy villicht gfindsch ja da öppis wodi inspiriert: https://blog.etsy.com/weddings/real-wedd...made-geometric/

Hallo Mädels! Es isch ja würkli mega ruhig da inne...

@principessa: oh nei, schaad hesch di no nid so chönne fröie uf öie Ziviler. I hoffe du chasch no müglechst viel erledige vorhär und när doch no chli d Vorfröid gniesse. D Schueh gfalle mir ömu seeehr guet! Das wird sicher super usgseh...

@Lula: Heeeey du verhürateti Frou! Du spannsch üs ja echt ufd Foltere mit dim Bricht... Fröie mi scho druf!

@pfingstrose: Cool, gratuliere zum Ring! Super het das klappt... Und wägem Azug tönt ja ou scho rächt guet, hehe. Die pünktleti Flöige würd sicher super ugseh!!!

@talu: härzlech willkomme! Öii Love-Story tönt ja mega cool... Das wird sicher es mega schöns Fest bi öich. Was hesch de fürnes Theater gha wägem Chleid?

@squishy: I cha mir bunt ou guet vorstelle. Kennsch dr Blog Festival Brides? Det si mega viel so bunti Hochzyt postet worde idr letschte Zyt, villecht findesch det no Inspiratione...

@me: Jetz folgt dr Ego-Post: Mir hei es mega ereignisriichs Weekend gha was ds HZ betrifft. Am Samstig isch GG ja si Azug ga ussueche mit sim Mami, sinere TZ und no eire vo üsnä gmeinsame Fründinne. Er isch zersch im Mery's gsi, det hets ihm gar nid gfalle. Er het gseit sie sige mega schlächt - oder besser gseit gar nid - berate worde und sie sige mega unfründlech gsi. Denn si sie no zum Mettler, det heige sie nur so klassischi Azüg gha, nüt wo ihm gfallt. Im Globus het er när paar Sache gseh wo ihn hätte agsproche, aber halt eher so für im Job oder so... Und denn het er no e Termin gha bide Sunita und det sigs super gsi, er het mega gschwärmt und het det ä Azug bstellt. Meh weisi ou nid, wot mi lah überrasche so wie er sich vo mim Chleid. Aber i bi natürlech scho meeeega gwundrig... I weis daser e Veston het, das ds Jacket 2 Reihig isch und dases e Farb isch woni nid würd dänke (omb - hoffentlech nid zu usgfalle!!!).
Denn hei mir gester no mega lang besproche wägem Apéro und Band und all däm... Mir hei bis jetz üses Budget ja rächt strapaziert u irgendwie hei mir när gfunde - ou wenn mirs üs ja jetz chönnte leiste dank GG sim nöie Job - wei mir nid meh usgäh als mir afänglech budgetiert hei. Drum hei mir schweren Herzens entschiede, dass mir üs gägä Crèpes am Apero entscheide. Es wär när halt inkl. Getränk und allem doch uf 40.-/Person cho, das isch eifach würklech viel findi. Jetz hei mir scho ä anderä Caterer gfunde vo Bärn wo es W.Nuss-Apéro macht. Das isch ou mega riichhaltig das me würkli gässe het drvo und inkl. Getränk und allem si mir när bi ca. 28.-/Person. Das isch ja würkli immer no gnue und glich chöi mir gad ziemlich viel ispare.
Hüt morge si mir de no chli ga umeluege wägä Ringe. Mir hei ja dr Tango vo Niessing is Oug gfasst gha - und si de ziemlech schnäll drvo abcho wo mir dr Priis hei erfahre. Für beidi zämä knapp 8'000.-! Und das isch eifach viiiiel z viel. Stellet öich vor i würd dä Ring irgendwo lah liegä.... Jetz göh mir de ou mal no id Trauring Lounge gah luege, ob mir det öpis finde wo chli eher im Rahme isch. Mir hei scho gwitzlet, dass mir üs ja mal ufm Märit chöi so billigi Fake-Ringe ga hole oder so... Es isch wie verhäxt gsi, alles was üs hätt agsproche isch eifach mind. 3'500.- pro Ring gsi. Bi gad chli frustriert gsi wo mir si hei cho. Aber inzwüsche hani mi chli erholt... Hei gseit, dass mir üs jetz fang mal eher günstigi ussueche und de i paar Jahr we mir riichi erolgriichi Säck si die für 8'000 göh ga poste.

Sorry für dä läng post, i cha mi eifach nie churz fasse!