Haha Janedoe, jetzt hesch scho wieder Maeva gschribe Haha, das mit em stress bim schaffe, aber kei lust gaht mer genau glich Ich han Denver gwählt, wil mer det ja scho mal längeri Zit gsi sind und mer am liebste det ane würed uswandere und Las Vegas, wil mer det au scho mehrmals gsi sind und min GG ja no det ane gaht go poltere.
Han irgendwie au immer chli angst, das da öpper mitlist wo mi kennt
@maeva: oh je, die wos i däm alter no nid gschafft hei ufzhöre besteit äuä nümme viel hoffnig. Ha ou so paar Kiffer i mim Umfälg ha, die meiste heis inzwüsche gschafft und mit de andere hani nix meh z düe wöu sich eifach irgendwenn die ganze Vorstellige und Läbenstistellig z starch hei unterschiede... Tja, und de wirds no immer so abegspielt mitm Kiffe... Isch sicher ä gueti Entscheidig, dass dir dä TZ "uswächslet"...
@nala: haha, i dänkes scho. Er isch eigetlech no rächt stilsicher... Also wenn igs ihm nid zuetrout hätt, dass er sich ä coole Azug ussuecht wäri ja eifach mitgange. *Brautzilla-Alarm* haha
@sue: I ha mi Probetermin bir Coiffeuse i 2 Wuche... *fröi* I weis zwar weli Frisur dass i wett aber ha ou no kei Schmuck für dri. Dr Plan isch aber, dass mir zersch mal die Frisur usprobiere und de chani de när ou gezielt nach Schmuck sueche für dri. När ganig de sowieso so 2-3 Wuche vorm HZ no mal ga töne und Spitze schniide und de chanis ihre de denn zeige für was dasi mi ha entschiede und ev. no mal usprobiere...
@broncos: jööö, isch ja mega cool vo derä Cousine!!! So lüt findi eifach super, wo so unkompliziert si mit de Chind (klar, wes de us irgend emnä Grund glich nid geit chöi sie ja immer no mälde...)! Hoffe i bi de ou mal so weni früschbachnigs Mami bi.
@me: ha gad mini Studi-Mails checkt und gseh dass hüt 2 Seminar usfalle wöu d Dozäntinne chrank si (ha, die mache sicher zämä blau...)... Fröi mi gad, de längts no für is Fitness bevor mir am Abä när Team-Abschluss-Ässe hei.
maeva; haha neiii übelst...mir hend au sone kolleg, 32 und kifft nur und gamed. völlig gaga imfall. und denn wunderet er sich wenn er depressione hät und nüm cha go schaffe. nei echt. mi GG isch ihm scho paar mal go helfe und einisch, wo sogar sis mami (er schafft bi ihne im gschäft) gseit hät etz isch fertig, isch mi GG alles wieder go richte. dem sini fründin isch aber au schli schräg. cho jammere dass nüt hilft wo sie macht, aber gaht eifach ständig in usgang wil sie nid mag dehei neb ihm ufem sofa hocke, und gaht s geld go vershoppe. det het sie sich täglich bim GG gmolde. wos denn guet gsi isch, es danke (immerhin) und das wars...nüme vill ghört. haha so guet en selbsthilfegruppe
janedoe: ah denn isch ja guet. aber versta dass es di nervt. immer die opfer, schlimm. statt selber mal was id händ z ne... cool weg de ferie !!! wow wow wow :) haha neiii di ex gaht ja gar nid :) ui nei, mischt wegem forum ;/) ou gaht mer glich ich sett schaffe aber naja d luscht haltet sich in grenze. vill lustiger da ine :)
sue: ich ga ja erst am 15 mai, det wirdi scho etsy accessoires ha (pfirsich und mint farbnigi blueme haarclip, eventuell en gurt, ohrering hani scho und s armbändeli luegi de no) schueh hani au scho, ha de weddingbee ihri tolle 8 cm (haha) pumps chöne abchaufe und wirde de zum wechsle die goldige ballerinas vom dosebach ne. sind denn zwar nid mini wedges mit blueme aber isch au egal. de luegi denn no wegeme mintfarbne cardigan, findi u herzig. zu dinere frag wegen probetermin, de isch ja e monet vorem HZ und ich wird d blueme deby ha.
nala: haha ja das stimmt. aber gaht ja au nur no 3 mönet und 2 täg.du häsch no chli zit :) genau mir sind eus einig .) perfekt weg dinere TZ !
broncos: jöö so herzig, freut mi dass es glich klapped mit de cousine. und sones chlises pennt eh fast nur, usser wenn s trinkt .) finde die hochgsteckt au super. bisch eigetli au uf pinterest ? ich han det afig so vill frisure, weiss gar nöd weli ne.
malinchen: haha en wisse azug gaht ja würkli nid. ich wette din GG het gschmack, hane zwar nur uf zwei fotis gse aber das gseht me doch .)
frisur: wie scho gschribe, weiss gar nid weli ne. da ich ja keratin mache devor musi eh luege wie d haar sich verhaltet. ich han mal welle nafröge ob me au cha d glättig so mache dass d haar schön sind aber nid komplett grad. sett glaub ga :)
Broncos: So schöni Manchettechnöpf! Sind doch mega passend!!!
Janedoe: Super klappeds doch no mit Ferie. Unverhofft und überraschend isch doch fast no besser. Isches nöd eifach extrem tür will ihr jetzt eher spat drah sind mit bueche?
Malinchen: Ah schön wers bi mir im Gschäft wer das au so wenn öpert nöd chund gits kei "Unterricht"! Haha! Ich gönns der und gnüsses im Fitness. Bi gester Abig no gsi mega voll. Het mi chli gstress... Und de Glüstler isch wieder ume gsi.
Kiffe: Ich hans nöd mal eimal usprobiert i mim Läbe. Und ja wenn mer das i dem Alter immer no macht weissi au nöd. Han nie welle mit so Lüt ztue ha.
@nala05: Hoi, jo ich bi die gsi mit de dräht, ich han in türkis und lila. ich henk grad es foti ah.
@Coiffeur: Also ich ha letst wuche 1.mal probefrisur cha... Aber bi mir ischs so, ich han kei Coiffeusin woni immer gah und da die woni immer id Kosmetik gaht au mis Hochziitsmake-up macht, het sie superlieb was igfädlet, nämli dasi 2x probe derf und 1x isch den s'richtige.also 1x bini jetzt scho gsi zum luege ob mir ihres könne gfallt und das woni mir vorstell gaht und 2.te isch den paar wuche vorem HZ und 3.mal den wens sowit isch, s'gliche machema mitem make-up nur das ma bim 1. alles echi usprobieret, bim 2.mal eso machet wienis den wot(farb etc) und alles ufschriebet und 3. mal den wens HZ isch.
Also weg de Frisur nomol, es isch super gsi. Sie het au Fotis gmacht mit ihre Kamera und ich ha paar mitem Natel, die sind vom Liecht her nid so toll, aber i zeigs eui. s'Einzige wo na isch, ich will Haare hine am Kopf nid so stark gschnörchelt, das gaht den aber guet will jetzt hend ald na viel strähne grad öbe ide mitti vom knolle gendet.
broncos Ich has aber no verbesseret :D Ja schaffe isch im Moment sone enorme Knackpunkt bi mier. Min Job schisst mi richtig heftig a und ich ha wirkli gar kei Luscht meh. Ha sone uh müehsami Mitarbeiterin, ha mal im Forum vo ihre gschribe und die hed ez Vertretig gmacht woni i de Ferie gsi bi. Vo dem merki ez null, han Berge vo Arbeit wo so halbe agfange sind und blicke grad ned dure was die gmacht hed. Das regt mi so uf. Wett amigs am liebschte frischtlos chünde. Aber uf die ander Siite wetted GG und ich ja nach de Hochziit ad Familieplanig und de vorher en neue Job sueche isch chli doof will ich nah eh möcht deheime blibe oder max. 30%-40% schaffe und i dem Gschäft ez chönnti das zum Teil au vo deheime us... Denn isch ja umso cooler, mit dene zwei Städt :)
malinchen Ah chli Ziit spatzig isch doch immer guet :)
littlefoot Mich nerved Mensche so, wo immer s Gfühl hend ihne giengs eso schlecht und immer umejammered, aber nie s Buech selber id Hand nehmed. Bi ihm hani drum au überhaupt keis Problem, ihm das grad is Gsicht zsägä. Hehe wegem mitläse im Forum, alles wasi da über d TZ gschribe ha, hani ihre ja au gseit eigentli, vo dem her wärs ned sone überraschig :D Ha de Broncos obe no gschribe, wieso dases mi so aschisst, grrr... Und du hesch voll recht. Isch viel luschtiger da, wenns schomal lauft :D
Pfingstrose Genau das macht mer enorm Sorge. Getraue mi no gar ned wirkli z luege. GG hed gfunde mier warted ez erstmal s definitive okay ab. Will mich schisst denn jede 100er a woni meh muess zahle willmer 'zspat' bueched hend. Ich ha eimal kifft i mim Lebe. Und eimal hed min Ex sone Schoggichueche bacht. Das isch in etwa die schlimmscht Erfahrig i mim Lebe gsi. Ich bin voll duredreiht und has nidmal luschtig gfunde während ich druf gsi bi. Ha voll Panik gha dasi öpperem öppis atue oder usem Fänschter gumpe. Han denn 24Std am Stück pennt Nie wieder!!!
@pfingstrose: wääääh, dä würd mi ou närve. I däm Fitness woni jetz bi ischs no cool, det hets rächt viel Profisportler, die intressiere sich eh für nüt anders, und alti Lüt, die si härzig... Aber det woni vorhär bi gsi ischs ou ganz schlimm gsi, mega viel Tussis wo nur so zur Show si cho ufm Crosstrainer umefüdele und so ufpumpti Machos. Muesch eifach luege dass müglechscht schnäll is Schwize chunnsch und nümme so appetittlech usgsehsch...
@littlefoot: haha, danke! Dues ihm de verzelle... Da fröit er sich de!
sasileu Wow, dini Frisur gfalltmer hammermässig uf de Siite. Gibe dier aber recht, hinne würdis au weniger gschnörklet und chli lockerer mache lah. Aber suscht, super! :)
@Broncos: Whatsapp zrug Ich finde beidi Frisure top und han mir für mich au so öpis ide art vorgstellt. Di ober gfallt mer glaubs nachli besser und stell ich mir miteme Schleier au sehr schön vor (Ich han au en Schleier, hihi)
So schön händ sich d Cousine mit GG und Baby agmeldet. S macht ebe scho sehr Freud, wänn sich d Lüt ameldet und sich d Müeh mached zum cho :-)
@Janedoe: De hammer für eui Flitterwuche und so schön, dass din GG sehr wahrschienlich 3 Wuche törf näh. Min GG und ich händ stinkfrecht 4 Wuche igäh und im Prinzip gseit, dass säg ez so und immerhin en eimaligi Sach, wils ja d Flitterwuche sind. Mini Chefin hät grossi Auge gmacht und nume gmeint, ja klar...keis Problem, muesch nume luege, dass mindeschtens öpert anderscht während däre Ziit au ume isch
Hey super wägem Lohn vo dim GG! Das isch eus im Januar so gange. GG isch au beförderet worde und hät au ungefähr soviel meh monatlich ufem Konto.
Doof, dass dich din Job momentan so aschiesst. Aber im Hinblick uf dini Zuekunftsplän würi ez aso au nöd wächsle. Auge zue und dure. Und nachem Hochziit wirsch schnäll schwanger und dänn muesch dich det au nüme ufrege
Ui, die Kifferfahrig chunt mer bekannt vor. Han genau das au mit 18 erläbt und mir au gseit NIE WIEDER!!!!
@Malinchen: Cool falled dini Seminar us und du häsch hüt chli meh Ziit als erwartet.
@Pfingstrose: Ja, ich hätt eigentlich mit so Lüt au gar kein Kontakt, aber wil dä ja mim GG sin ältischte Kolleg isch, chani ja nöd so si. Wobi ich muess säge, dass mir beidi mit ihm sit mir züme sind nöd wükli sehr viel ztue händ. Das "Ehelebe" seid ihm sowieso nöd so zue und mir sind ihm glaubs zu stier. Wobi, eigentlich glaubi ja, dass er sich insgeheim genau das wünscht. Wenn er nüechtern isch, dänn chan er au wükli en Liebe si. Isch eifach voll verperpeilt und verhängt und dass passt nöd wükli so in euses Läbe ine.
Anmelden
Haha, das mit em stress bim schaffe, aber kei lust gaht mer genau glich
Isch sicher ä gueti Entscheidig, dass dir dä TZ "uswächslet"... 
*Brautzilla-Alarm* haha
