Maeva
So hanis mit de Flitterwuche au gmacht im Gschäft, ha minere Chefin gseit dasi 6 Wuche ned da bin und sie hed schier afah brüele aber sie hetts bewilligt. Da ja jez am GG sini neu Stell dezwüsche cho isch, gömmer halt nume 3 Wuche. Au easy aber gell, mängisch muessmer d Chefe halt au chli vor vollendeti Tatsache stelle damit öppis klappet :D
Denn Gratulation zrugg a din GG wegem Lohn
Hehe, ja, GG würd lieber gester als hüt schwanger werde, ich bin an und fürsich eher nochli fürs spare.
Und nomal e Gmeinsamkeit :D d Kiffererfahrig. Das isch echt schlimm gsi. Ha grad wider es mulmigs Gfühl bim drah denke.

@Janedoe: Ja gäll, han au dänkt, ich stell sie jetzt eifach vor vollendeti Tatsache, suscht wird das nüt

Säg nüt, bin au zrugversetzt worde zu däm schlimme Tag. Ui und am nächschte Tag isch mer soooo grotte schlächt gange

Hihi, han gad namal e Gmeinsamkeit gfunde...min GG wär au am liebschte scho vorgester schwanger Mir händ eus aber jetzt druf geinigt, dass de Startschuss nachem Hochziit fallt. Mal luege, ob ich nöd doch na chalti Füess überchume

Ich bin au mega gspannt wie das mit eus wiitergaht

@sasileu: Ich han d Pille vor über einem Jahr abgesetz und mir verhüetet "natürlich", d.h. mir tüend gümmele Han die Hormon welle gnueg früeh loswerde und han mich nach fascht 15 Jahr Pille eifachau nüme wohl gfühlt.

Abgmacht hämer, dass mer de Rescht Verhüetig eifach gad nachem Hochziit tüend wäglah oder jeh nachdem wenn min Eisprung isch, halt au scho vorher. Ich möcht eifach am Hochziit sälber nanig schwanger si und chöne Alkohol trinke usw. Usserdem isch am Afang halt d Gfahr, dass eim schlecht gaht scho rächt gross und das hani nöd welle riskiere. Möcht ja au öpis vom Tag ha

maeva:
Mir gahts ziemli glich wie dir, i wot au chöne alk trinke und vorallem nid müesse mit übelkeit kämpfe, aber das mitem alk isch eso dass ide erste 2mönet das chline praktisch na nix gspürt, wills erst ab de 9-12wuche mit de mutter verbunde wird, aber klar i weiss wies meinsch. aber ha agfange babybuech läse, will für mich de teil mit rauch und alk au na sehr wichtig isch(obwohl ich selber nid rauche und alk au nur wenig und selte)

Hallo zäme

Hui, do het sich jo hüt viel do :)

Malinchen, squishy, janedoe, littlefoot
Ich ha mis Kleiddesaster unter Brautkleider, Make Up, etc. gschilderet um anderi hoffentlich drvor chönne zbewhre in dä Lade zgoh (isch chli en lange Texscht worde ;-)) (d Verlinkig goht do grad nit...)


Malinchen:
Hoffemr, dass es kei pinkige Azug isch odr so, wenn d Farb ussergwöhnlich isch
Wäge Ring simer am Samschtig in Freiburg gsi (Trauringzentrum vo 123gold . de) und döt ischs ächt cool, chasch Dr dr Ring zämmestelle so wie de möchtsch und denn sehsch au grad, was was für e priislichi Usswirkig het. I glaub, in dr Schwiz gits au so Läde wo mit däm schaffe, lueg mol uff 123gold . ch
Mir händ au unsere Ring zämmegstellt und sind voll happy. Au wenn mr ca. 200 überem Budget sind, so hämer jetzt für 1100.- unseri Ring nach unsere Vorstellige


Squishy:
Mir händ en Border Terrier, "Romeo". Är döff denn an dr Hochziit en Azug azieh (dä arm ). Vo dr Grössi här chunnt är öppe bis zu de Knü, also nit e riiiiese Tier


lil.lian:
Mir händs uns au zerscht überlegt mitere Sängerin, aber sie sind jo rächt happig vom Priis. Händer niemerds uss dr Familie wo würdi singe? Meischtens e persönlichi und koschtegünschtigi Variante). Mir händ jetzt d Cousine vo ihm wo zwei Lieder singt und händ chönne unseri Wunschlieder durregeh und hoffe jetzt, dass sies uffd Reihe kriegt


Sue87:
I hängg eis unte dra ane - in dr Hoffnig, dass es sus niemerds so im Net seht vo mine Bekannte ;-)
Viil Glück bir Kleidersuechi vo de BM Mir händ länger ka als fürs mis Kleid, bis mr eins gfunde händ wo allne drey passt het. Ha ursprünglich e hellblaus welle, aber ha miesse devo abseh. Jetzt hämer e graus und mache e hellblaui Schleife drum sowie hellblaui Schueh.
Dr Bluemeboge isch soooo schön! I ha immer dänkt, dass die tüürer sind und ha vo Afang ah devo abgseh...aber dini Priisagob bringt mi jetzt zum grüble.
Wäge dr Probefrisur - e Kollegin vo Coiffeur isch het gmeint, dass me d Probefrisur scho 2 Mönet vorhär sött mache - aber i find das scho chli gar frieh - well s setzt ebe vorus, dass me d Accessoires het. Hesch denn scho genaui Vorstellige?


janedoe:
How long will I love you - das Lied isch dr Hammer! Gänsehuut garantiert!
Boyce Avenue hani no nie ghört oder gläse - denn hüt bi Dir zum erschte Mol gläse und grad was in Onlineziitige gseh


nala05:
Zum Glück händer Euch degege entschiide döt innezgoh I ha no paar anderi Gschichtli vom Lade ghört. Wo bisch denn schlussändlig fündig worde? Jo, mir sind rächt wiit in de Vorbereitige... i närv glaubs au scho alli demit. Aber das ghört jo au e bits dezue


maeva:
Was isch denn passiert mit Eurem Ex TZ?


sasileu:
Schöni Frisur, gfallt mr sehr guet! Bezüglich schwanger wärde - ich würd jo am liebschte baaald - aber min Liebschte het d Vorstellig dass mr no öppe 2 Joor miend spare - v.a. nach dr Hochziit




Mi würd no interessiere, händ Ihr au Bridemaids? Wenn jo, wievieli? Wie mached Ihrs während dr Trauig, wo sitzed denn die?


Und jetzt vilicht no chli e doofi Frog: s isch zwar klar, was GG isch, aber welles Wort ischs genau ussgsproche, ohni Abkürzig?

Datei-Anhänge

brautmode-plus_112930967775249d3c499956134.jpg (29x) Mime-Type: image/jpeg, 166 kB