janedoe:
Danke für d Uffklärig bzgl. GG :)

S Problem isch, dass sie denn schlussändlig gfunde het, sie chönnti s Kleid nun doch mit Rissverschluss bstelle (obs au wirklich so cho wär wie i probiert ha, isch die ander Frog)... d.h. sie isch juristisch gsi em Vertrag nocheko und do kani glaub denn nüt meh mache

sasi: aso ich han ja zwei chind und möcht eigetli kes dritts bi GG isch es nid so klar haha. drum tuni etz übermorn d spirale ine. obwohl ich eigetli lieber e non-hormonelli verhüetig gha hett. aber das temperatürle isch mer z kompliziert und zitufwändig, bzw. laht sich chum mit mim tagesablauf veribare und au z wenig sicher. wegem alk trinke, also vili merkeds ja erst 2-3 mönet spöter. kenne es paar wo det glich über d strängi gschlage hend und am chind gahts guet. nur cha das au spöter nachwirkige ha, wie zb konzentrartionstörige etc...ich selber trinke öppedie, früener halt fast jedes weekend im usgang und ha aber bi beidne schwangerschafte
quasi nüt trunke. glaub mal es glas wi oder so :) ich has immer sehr früeh gwüsst und bi da sehr diszipliniert gsi. es isch nid so schwer das alles z plane wenn me wie die meiste vo eu verhüetig absetzt und druf luegt, de weisch es ja grad sofort. tescht chasch scho u früeh mache :)
demfall tusch au gümmele nimi a ? :) super dass folsüri nimmsch devor...obwohl ich selber denke dass wenn me sich gsund ernährt das gar nid so nötig isch. has au immer drü mönet lang gno, aber da ich so erbroche ha weissi gar nid wieviel schlussamend im körper gsi isch :)

janedoe: ohh :( ich find persönlich dass es nie würkli de richtig zitpunkt git zum schwanger werde. finds schön dass vieli dass so greglet vorhänd, nur d luune vo de natur chame nid vorusgseh :) und so schlimm isch es au nid schwanger z si, vo wege entschedige treffe usw. :)))
klar isch me chli hormon gstört aber wenns um e wohnig gaht...denki da würsch sicher nid die falsch entscheidig treffe sondern grad ebe no chli "müetterlicher" haha :)

maeva: de bini denn au gspannt wenns bi euch so wit isch :)

talu: musi grad go nahläsä :) schöööns chleid .) super weg de ring, da hend es paar aber doch günstigi modell gwählt. mir sind eus no unschlüssig ob mer doch no wend chaufe. mal gucken :)
(mir hend verlobigsring, de glich woner uf mi 30. isch go chaufe :)

geld und chind: seli eu säge wie das gaht haha. aso mir hend mit 24 null geld uf de site gha. hend mängisch au chli müsse unedure und z b s hochzit lang useschiebe wie villi das scho wüssed..aber hey, es isch gange, gaht au jetzt, schaffe sit 25 40% und mi GG het z gl en guete lohn. aber sind au nid krösus ! defür sind mir persönlich z glück froh dass mer so jungi elterä sind geld isch nid alles ladies...
aber ich frög mi selber amig au wie e vierchöpfigi familie vo 4000.- läbt

Hüt wird ich definitiv arm i dem Forum :D

littlefoot
GG übertriibt amigs gern chli wenns um mini Luune gaht :D
Magsch mal chli verzelle, wie das iher das finanziell handled... oder au ghandled hend, am Afang? So Sache würded mi extrem interessiere :)

wow hüt gäbet dr aber ächt Gas

Spannends Thema hihi... heimer ja scho öfters gha, aber wird immer wieder aktuell . Ig wirde ziemli grad nachem Hochzit d Pille absetze. Si denn ziemli gnau 10 Jahr dassi se nime und mi dünkts gnue Bis zum HZ wotti se aber sicher näh, 1. wie dir o scho heit gseit wüui öpis wott chönne trinke und nid ds Risiko igah, dasses mir den chotzübu isch a däm Tag... und 2. wüui so o genau cha stüre, wenn das mini Mens chunnt bzw. dass sie sicher a däm Tag NID chunnt

@janedoe: Dr finanziell Aspekt macht mir o immer wieder Angst - aber sit ig dr Job ha gwächslet und ou 1000.-/Monet meh ufem Konto ha, chli weniger... trotzdäm isches haut so, dass mir bis itz nid riesigi Ersparnis hei und was mir spare im Momänt zumne grosse Teil is Hochzit geit. Aber nachem Hochzit wotti glich witerspare wiemer jetz düe und da wärdemer scho no e Bitz chönne uf d Site tue.

Sit dir aui (wo gli d Familieplanig agöht) völlig relaxt, ob und wie schnäu ases de wird klappe? I ha irgendwie immer sone Gedanke im Hingerchopf, dasses ja evtl. nid chönnt klappe I weiss das isch sicher blöd weme jetz scho serigs überleit, aber i ha haut o chli Angscht, dass när vo usse mega d Erwartig da isch (z.B. vo Familie und so) dasses de ziemli grad sofort ischlaht und i möcht eigentlech nid dä Druck ha... Angerersits sägi mir o, dass me handkerum äbe no chli lenger chönnt spare und ig hätt äbe no so einigi Idee a Witerbiudige etc., woni mau no wett mache Es wird äuä eifach so cho, wie's mues und i hoffe, dasses de stimmt für üs. Bi mir ir familie het haut gad mi eint Brüetsch letscht Jahr ds 3. becho und mi anger wird im Septämber Vater, de wärs u schön wes de bi üs o nid auzu lang gieng...

@sasileu: Folsüri isch gloub scho no wichtig, aber 3 Monet vorhär dänki muesme se nid scho näh. Die meiste säge 1 Monet. Mi Frouearzt het sogar gfunge, i söu Pille absetze u stattdesse afa Folsüri schlücke, me müessis nid übertriebe