nicht registriert

Hola guapas novias

Ihr hend ja hüt fliessig uf Taste druckt. Ha jo jede Menge no z'lese!

Familieplanig: So wiie mir all unterschiedlich sind, sind au unseri Familie-Plän unterschiedlich. Und da isch doch genau richtig so, sus wär's langwillig. Ich mit miine junge 21Jöhrli möcht au no keii Kiind. Ich fänd's eiifach z'früäh für miich persönlich. Aber ii miiner Familie isch es scho fast eh Tradition früäh Kind z'bechooh

Talu: I ha dini Gschicht vom Kleiiderkauf glese. Meeeega schrecklich. Bisch echt grad eiifach an eh Hex graate oder bisch in Kontakt mit mehrere Verkäufer chooh! Bin froh, hesch du diis Traumkleiid denn gliich no gfunde und chasch mit diim Kleiid ganz viiel positivs jetzt verbinde!

Sasileu: Wooow, meeega kuuli Frisur! Au genial dass zweiimal darfsch go pröble. So hesch jetzt scho es Bild und gliich muäsch ned ewigs warte bis nomol go darfsch
I ha no niiä vo Folsüri ghört. Do gseht meh, wiiä intensiv iich miich mit dem Thema beschäftige Jetzt Pause verbii?? Demfall muäsch na lang schaffe! Viiel Kraft für dini Schicht!

Nala: Forum-Telepathie Viellicht liest sii au heiimlich, war ihri Bruut so schriibt Wünsche diir viiel Erfolg für dä Sunntig! Dass du d'Problem aspreche chasch und eh Lösiig gfunde wiird!

Bruuttreffe: Jetzt han ii de Link au gfunde Danke fürs nomol inestelle! I wär meega gern debii. Aber meiistens schaff iich am Weekend, will ii ja unter dä Wuche in d'Schuäl muän. Aber viellicht will's denn so de Zuefall, dass ii denn dä Tag, wo iihr uswählet, freii bechum

Pfingstrose: No Prob weg em erwähne I denke ja ned, dass dä Schuälleiter tschäggt wer dä swuishy wär. Geschweiige denn, dass er sich in Hochziitsforums umetriibt

Claudileiin: Herzlich Willkomme retour us eune Ferie! Schön hend iihr so eh guäti Ziit gha. Jetzt biisch erholt und chasch voller Elan in d'Hochziitsplanig stürze?

janedoe: Suuper eui Liederwahl und bsunders kuul findi, dass gad d'Youtubes mitgschickt hesch. So muän ii ned langs suächä Vor allem will mir amigs Liiädtitel und Sänger nöd soo viiel seget
Meega schöni Ohrring. Sind's vo Etsy?

Malinchen: Woow, danke viiel mol für all diä tolle Fotis.

Littlefoot: Bii Pinterest chum ii ned drus Chum mir denn vor wiiä es alts Fraueli wo nöd miit PC drus chunt

Me: Mersii für all eui Tipps I merke, dass es zum Motto "gemeinsam ist das leben bunter" passet. Aber gliich fehlt mir denn s'piink und es isch fast too much I denke, mir werdet halt ned würkli "bunt" machä, sondern halt mit verschiedene "pinks". I dä Farbwahl bin ii wohl no uuuh meeeega es Meiitli
Und denn han ii no entdeckt, dass meh Kerze und Wachssand cha machä. Da find ii no passend zu unserem Farbpulver. Denn chunt s'Pulver gliich no irgendwo vor. http://www.aura-shop.de/easy.htm
Was meiinet iihr dezue? Jetzt han ii so viiel chlini Idee, muä nur no es Gsamtkonzept werde. Wer weiss, viellicht hilft mir unseri kreativ Floristin
Danke für eui Tipps I denke, jetzt han ii viiel Idee für farblichi Touch in unserer Deko :-*

Guuät Nacht iihr liiäbä!

Morge mitenand :) Iher händ gester ja würkli alles geh!! Bis jez isch es ja no sehr ruhig…

Broncos
Voll härzig dini Manschette.. Passed würkli voll zu eu und zu euem Thema :) Und au kuhl, dass iher händ d'Städt chöne uswähle…
Dini Hochsteckfrisur gfallt mer mega guet!! Die isch de hammer..
So schön hät sich dini Cousine mit Baby agmolde :)

Sasileu
Aso vo de Siite findi d'Frisur au mega lässig :) Und voll kuuuhl, dass zwei Mal verbi gah chasch..
Händer no was bueched für Hawaii / Amerika? Mier nöd, chömed gad nöd so vom Fläck..

Talu
Joah ich hans au no nahglese wegem Chleiderdesaster.. Voll scheisse!! :(( Voll dänäbet vo dem Lade..
Abr schön, dass doch no dis Chleid gfunde häsch und nöd immer ade Lade und die Madame muesch erinnered werde.. :-/
Ja mier händ leider gar niemert vo de Verwandte wo chan singe :(

Littlefoot
Ich finds au kuuuhl, wemer jung Eltere isch. Und mini Eltere sind au mega jung gsi. Mit 22i und 24i händs mich becho.. Aso min Papi isch letzt Jahr erst 50i worde.. Aber wo mier 22i und 24i gsi sind, hanis scho recht krass gfunde.. Und ich han au no 3 Urgrossmüetere gha, isch au no speziell..
Ich find dini Plän guet, es isch nie z'spat zum e Wiiterbildig zmache.. Muesch schliesslich no gnueg lang schaffe..
Hihi häsch halt hine agfange mit de Chind, den d'Wohnung und jez no hürate :))

Janedoe
Wooow voll die schöne Ohrering!! Gfallemer sehr guet..
Ja es gaht mer glich mit em Geld usgeh. Am Afang dänksch würkli, isch alles so tür, phuuu und jez dänksch, scheiss egal, es chunt eh nüm druf a, dass chömer jez au no poste :)) haha

Squishy
Hani au gha am Afang mit Pinterest.. Abr wenn chli dri chunsch isch nüm so schwierig.. Und du findsch würkli ganz en huufe schöni Bilder :)

Guete Morge liebi Brüütlis

@squishy
Ja sind vo etsy :)) Klaro, hehe
Eui Floristin cha eu sicher no super Inputs geh, bi ihre würdi uf jedefall mal nahfröge :)

@Pfingstrose
Hett sie au lieber in Gold aber LEIDER würdeds denn nid zum Chleid passe -.- Es git sie nämli in Gold :D https://www.etsy.com/de/listing/12423942...p_home_active_6

Guete Morge Brütlis

@malinchen: Aso da stimmi dir 100% zue dassi das nid wett mit gnau berächne wenn as die fruchtbare Täg si u de denn uf Chnopfdruck müesse u wehe dr Ma het denn öpis los... findi schrecklech u cha o mega belastend si für d Beziehig. I verstah, weme das macht wes lenger nid het wöue klappe, vielech würdi de denn o angers rede. Aber zum afah wett igs eifach gniesse, nid müesse z'vrhüete u eifach luege, was passiert...

Ir Letschti hani gad vo mehrerne Froue ghört wo schwanger si u das mit bau 40i... vo dämhär dänki, sötte ja mini Chance mit 31 no nid auzu schlächt stah hoffentlech

@littlefoot: Tönt super wie dir das machet und euch arrangiert heit. Und hingedri hets doch für euch eifach gstumme so. Es git für aui chli e angere Wäg u das isch guet eso.

@janedoe: Das si sehr schöni Ohrering! Ig ha hüt gad es paar uf Fashionfriends gseh wo eigentlech genau so sie wienis mir vorsteue: http://www.fashionfriends.ch/de/flash/pr...03-MES/1403-MES$007e1403-MES-A859397$007e1403-MES-1403-MES-A85939701
Überlege mer würklech, die zbsteue, würde guet zu mim Chleid passe (het o chli Bling, aber nid viu) und si ja o nid tür, aber äuä glich nid auzu schlächti Qualität. Müesst de eifach no es passends Chötteli finde, das isch für mi ein Muss. Und es Armchötteli o.

@Broncos: so cooli Manschettechnöpf, passe super! I wott GG o es paar schänke, aber äuä settegi mit me Velochötti-Teili. Oder roti Legosteine, das wär o no witzig

@me: I ha gad wieder chli Einiges erlediget:

- Termin für Apérobesprächig mit dr Metzgerei abgmacht
- Termin bim Passbüro für neue Pass und ID abgmacht (mir gö äbe churz nachem Zivile no id Ferie, wobi i schlimmstefaus ja o no mitem aute chönnt reise)
- verschiedeni Afrage für DJs gmacht und e cooli Rückmäudig becho: dä wo ar Geburiparty vor Kollegin het ufgleit und 1500.- hätt wöue, het itz gfunge 1000.- wäre o ok. Das isch ja no so üblech fürne DJ, oder was zahlet dir so? Has no luschtig gfunge wüu ig ihm eigentlech ha abgseit, da sis Agebot üses Budget sprängi und mir eigentlech so 1000.- hätte kalkuliert gha
- Ungerwösch für ds chirchleche komplett

Het öper vo euch scho mau die Schlüssuahänger gseh wo's uf etsy git mitem Druck: Thank you for raising the man of my dreams? I möcht gärn mim zuekünftige Schwiegermami e settige schänke am zivile. Oder findet dir das doof?

Ah Pfingstrose hesch gseh, Fotibüecher sind nur innerhalb Dütschland erhältlich

Janedoe: Ja ich weiss, ich würdis zunere Kollegin schicke. Du hetisch ja so oder so au no öpert dete...