Shapedinger: Han das nur als Alternative zum Corset gseit... Ich würdis nöd allege wills mir eifach zheiss wer und no umständlicher für ufs WC...
Broncos: Ah schön händer eifach nix for! Ich liebe das! Mer fühlt sich eifach im Geist frei will mer selber nach lust und laune ussueche chan. Suscht isch immer so viel vorgeh.
pfingstrose: woe mega schön die etikette ! chunt das uf jedi wii fläsche am abig wo trunke wird ? was isch tandem ? ou super idee weg dere palette...wo bechumi das echt ? meinsch würkli dass vom morge bis am abig s wasser längt ? kenn mi nid so guet us
broncos: hey das isch schön wenn er mal chend gniesse :) was di GG polteret in LV ? nöööd schlecht :)
taeboyana: coool high heels lade und shoppe .) mir gönd in züro zoo morn go d fotografin treffe (unter anderem hehe) schöni blueme hesch da :) stells mer cool vor mitem rote chnopf :)
Pfingstrose Nei gar kes problem ha scho recht viel bi ebay.com bstellt und git det ou u viel abieter wo sogar portofrei verschicke und bis ize isch alles acho und i super Zuestand gsi;O) Macheter selber wii-ettikette?? Ah iz hani se gad gseh bim link – gseh super us! Was fürnes Tandem??
Taeboyana Woow mega härzig die Blüemli für id Haar!! Irgendwie gsehni bi dem link die Ohrringe nid??
Broncos Ou das fägt doch….mau es weekend nüt das magi öich doch gönne!!;O)
Weekend Mir hei morn es witers treffe dure tag mitem Pfarrer. Ner am Abig chöme die 2 Fründes-Päärli zu üs cho esse und mir hei e Flitterwuche-Thailand-Bali-Besprechig mit ihne womer d Reiseroute chli wei festlege;O) und am Sunntig denn nüüüüüüüüüüt wasi sehr froh bi ;O)
Etiketten: Die dümmer uf de Portwii wo mir sälber mitnämmed. Min Schatz isch ja Portugies und de Wii gits zum Chäsbuffet. Suscht wer d Fläsche so Nackt.
S Tandem isch fürs Fingerprint Gästebuech... https://www.etsy.com/de/transaction/188968242
Weiss öpert per Zuefall wos en Bilderrahme für es A3 Papier git? Holz chli im Vintage Look wer cool. Muss das unbedingt no organisiere...
Händ ihr no Nastüächli für d Gäst?
Littlefoot: Ich glaub das sötti imfall scho lange... Ich han jetzt diheime so chlini Väseli mit 3 Blueme drin jewils die mussi nur ca. all 4 Tag uffülle. D Frag isch meh obs voll id Sunne stelle chasch. Oder...
@shapedinger: I cha mir irgendwie ou nid vorstelle so eis azlege. I gloub ou weni när chli dünner usgseh würdi mi drmit dermasse unsexy füehlä dass es schlussändlech dööfer würd usgseh als ohni. Wüsseder äch wieni meinä?
@pfingstrose: Wow, die Etikette isch mega schöön! Cooli idee!!!
@littlefoot: hmm, kei Ahnig wägä de Blueme. Aber üsi wärde äuä ou rächt lang ar Sunne stah... Geit organisatorisch fasch nid anders. Aber das sötte die ja eigetlech scho möge verlide, nid? We sie irgendwo im Fäld stöh geits ne ja nid anders...
@broncos: ou coool, es freis weekend!!! Bi gad chli niidisch...
@me: Mir hei mega viu vor u es schisst mi gad a wöui ou lieber chli ufs Velo möcht, oder zmingscht chli ga wanderä oder so... v.a. am Sunnti chunnt GG's Schwo mit dr Family, u sie "müesse" scho am 12i chönne ässe wöu dr Chlinst denn hunger het (obowhl er no gar nid richtigs Ässe nimmt sondern Brei, würum dass dä nid fang allei cha ässe isch mir es Rätsel), d.h. ohni zytumstellig scho am 11i!!! U morn isch ja mi Basteltag mit de Mädels... D Stimmig isch wieder chli agspannt sit gester, bi mal gspannt wies wird. GG u i hei eigetlech hüt üse Zwöisamkeitsabä planet gha, aber mir sie die Wuche no kei Abä dehei gsi, drum hei mir jetz beschlosse dass mir d Reservierig im Resti absägä u zmingscht hüt chli dehei si. Hei no Unterlage becho vom Pfarrer wo mir wei bespräche.
Als allererst müänd iihr miir verrate,wiiä iihr immer so tolli Sachä uf Etsy findet?! Wenn z.B. en Ohrring suächsch giits ja eiifach tuuusig Siite und meh cha nirgends d'Farb oder ähnlichs iistelle? Oder han ii diiä Knöpf nonig gfunde? Sött meh würkli eiifach durch alles duurewüähle? Oder het öper vo eu kuuli pinkigi Schuähclips schomol dert entdeckt?
Fara: Herzlichi Gratulation zu euem Hochziit! Es tönt nacheme wunderschönä Fest! Wünsch eu alles Glück vo dä Welt für euen Ehestart!
Pfingstrose: Woow, kuuli Etikettene! So Details machet eues Hochziit denn siicher total einzigartig! Kuuls Tandem-Bild I überlegg gad ob miir als Bruutpaar so Sachä bstelle söllet oder unseri TZ so was machet?
Sue: Gratulliärä diir zum Schnäppli Dä Kamm gseht meega schön us! Und dä Priisunterschiid isch ja würkli beträchtlich! Und dä Schleier isch traumhaft!
Unterwäsch: VS? Wa isch denn dass? I fühl mii hüt,als ob ii vom Mond chum Gecheckt I ha nu chlii wiiter zrugglese müässä I würd mii niiä getraue bstelle. I chum im Lade scho amigs ned drus,welle jetzt passt I find wiisi Strümpf au gar nöd kuul… Macht ja mini Beii meeeega bleiich Aber vo erfahrene Fraue siind mir Strümpf empfohle worde,will sus diiä schwitzende Beii anenand riibet und da ned so agnehm isch. Bii chlii am hadere…
Janedoe: Ha z'erst mol googlet was Turtespitze isch. Voll herzig,dass dii GG dradenkt.Und geg dä Priis cha meh ja wirkli gar nixx sägä!
Malinchen: I wünschä eu, dass iihr Gmeinsamkeiit au dehaii chönt gniässä! s'Resti lauft ned devo
Me: Miir hend gescht uns mit unserne TZ troffe. Es het meega guät taah und sii hend würkli au mol chlii uf Tuube druckt, will mii GG und ich nehmets im Moment doch easy. Sii hend welle, dass mir s'Datum für dä Polteri festlegge und und und… Somit wird ich am 12. Juli poltere Mir hend gmerkt, dass au wenn's no 113 Tag got, nüm so eiifach isch, en Termin fiinde wo allne passt. Drum han ii hüt morge gad losgleiit und dä Floristin, dä Apéro-Planerin und dä Coiffeusin gschriibe Mii GG darf s'gliich machä mit dä Band und dä Abig-Location Usserdem han ii gad Lust zum go shoppe, ii sött unterwösch ha und schuähclips und schmuck und schuäh und und und und Weiiss gar nöd mit was afange
Wünschä eu alle en guätä Endspurt in dere Wuche! <3
pfingstrose: so super, portwi lieb ich und chäsplatte, echt prima :) ja stimmt scho, das sett länge s wasser. :)
malinchen: aso ehrlich gseit verstani das au nid, warum sich s mami nid in rueh dem breili ge widmet, und nacher pennt das chline sicher, de chent sie in rueh esse ??? schla ihre doch das so vor häsch recht ufem feld sinds a de pralle sunne....hortensie und schleierchrut sett ja nid so schnell verwelke. bi tulpe hetti etz me angscht :) was isch denn etz scho wieder mit dine girls ? warum agspannt ? was tender baschtle ? (sind sie polizischt littlefoot haha)
squishy: uf etsy chasch scho im suechbegriff ige : schuhclips pink oder so :) und uf de site hets au immer e farbleiste wod farbe chasch wähle. ich gibs aber halt immer grad uf englisch i, denn chömed scho me. :) wow so guet mitem treffe, das findi guet dass es eu etz grad en astoss ge hät :) etz weisch denn nüm wohi mit tatedrang :)
SQUISHY: VS heisst Victoria Secret... Hihi! Ja das mit em Ribsche ohni Strumpf... Ich glaub mer weiss dass ob mer das überchund oder nöd... Häsch das sucht amigs wenn Jeansröck ahäsch im Summer? Ich nöd vo demher, wirdi sicher kei Aha... Ich füle mich so unwohl... Und schön findis ebe bi de Füäss au nöd.
LITTLEFOOT: Ich glaub au nöd das dene das öpis macht. Hortensie sind ja sehr rabuscht.
ME: Ich bringe eu hüt uf Palme. Aber hüt isch min Tag vo de Details ich muss mal endlich fürschi mache. Han gad nomal öpis bstellt... Burlington Socke für min GG in Dunkelblau wie sin Azug. Dete machi jetzt so öpis rundume...
Guete Morge! Cha mi am TGIF leider nöd aschliesse willi morn au nomal muess anechlotze -.-
Littlefoot Ja, härzig wärs im Prinzip scho, aber er hed 30 Stk kauft statt 50 und ez gits die nienets meh :D Mit 30 chömmer ned alli Tisch dekoriere und denn nützeds ja gar nüt, haha :D Hesch dini au im Aldi kauft? Demfall ischs sicher so es Usverkaufsprodukt gsi und mier bechömed die restliche 20 niemeh :/
Sue Mega wegem Kamm! Mängisch lohnt sich s Vergliiche ebe scho mega!
Pfingstrose Sooooo schöni Etikette. Mier hend au welchi, sind aber gratis :D Haha ich mit mine Printables Mir werded für eusi Mamis und am GG sini Oma Nastüechli besticke lah und für de Rest/ alli werdemer normali Tempo Nastüechli (finde die Motivnastüechli ganz schlimm) uf die erst Siite vom Chileheft ine Lasche stecke oder so. Es isch so eusi erst Idee, wie mers umsetzed weissi no nöd Hehe ich schenke mim GG au Socke, mit dem Teil drum, nomal es Printable, hahaha
Broncos Min GG isch imfall i de Regel nöd so, aso vorallem was d Hochziit betrifft isch er seeeehr zrugghaltend. Er möcht zwar immer überall debii sii und jedi Entscheidig absegne aber schlussendlich organisiere muess es scho ich. Ha das aber au gar ned andersch erwartet Das glaubi, dass di gern würdsch i Koffer schmuggle und mit uf Vegas. Was sött din GG denn mitbringe?
Squishy Aso ich sueche immer bim Suechbegriff direkt zeme mit de Farb. Mängisch gibi eifach nume en Farb i, z.b. ‚blush‘ und entdecke so cooli Sache.
Anmelden
Aber das sötte die ja eigetlech scho möge verlide, nid? We sie irgendwo im Fäld stöh geits ne ja nid anders... 
v.a. am Sunnti chunnt GG's Schwo mit dr Family, u sie "müesse" scho am 12i chönne ässe wöu dr Chlinst denn hunger het (obowhl er no gar nid richtigs Ässe nimmt sondern Brei, würum dass dä nid fang allei cha ässe isch mir es Rätsel), d.h. ohni zytumstellig scho am 11i!!! 
U morn isch ja mi Basteltag mit de Mädels... D Stimmig isch wieder chli agspannt sit gester, bi mal gspannt wies wird. 
)
Dä Kamm gseht meega schön us! Und dä Priisunterschiid isch ja würkli beträchtlich! 
I würd mii niiä getraue bstelle. I chum im Lade scho amigs ned drus,welle jetzt passt