Sue
So genial häsch es viiiil günstiger gfunde :) Würkli es Schnäppli.. De Unterschied isch scho no vill .

Taeboyana
Viiiill Spass bim shoppe morn :) Ich bin den au no in Züri, mier gönd no is Merry's für ihn go luege wegem Azug..

Broncos
Schön, mit dinere leere Agenda. Und s'Wetter wierd ja de hammer!!

Pfingstrose
Dini Ettikette gfallemer mega guet und s'Tandem-Bild isch au kuuuhl :) Hihi bisch in Shopping-Luune?

Malinchen
Wieso sind den dini Mädels wiedr agspannd? Was händer vor zum bastle morn?
s'Mittagesse isch scho chli früeh . Verstahni au nöd so ganz mit em Chline..

Squishy-fishy
Hihi dänn häsch gad chli Gas geh, wenn hüt allne gschriebe häsch.. Isch doch toll :). Und häsch scho was ghört wegem Job?

Me
Mier händ au nöd so vill vor das Wuchenend.. Morn eigendli nur de Termin im Merry's und susch nix.. Ah doch am Abig gömer no go Ishockey luege :)

Oh mis ganze 'me' isch verlore gange

me
Gester Abig hemmer ja euse Pfarrer troffe, ich zum erste Mal... Hend ne vom Flughafe abhgolt und zerscht hani denkt 'hmmmm hoffentlich hemmer jetzt ned de ganz Abig Gspräch über Gott'. Mier sind de aber vooooll guet is Gspröch cho und hend ihm zerscht mal chli dStadt zeigt. Denn simmer is Crazy Cow go esse. Er hed obeinne es Hotelzimmer gmietet, will er am halbi 7ni am HB ufe Zug hed müesse, wärs ihm vo eus us zstressig worde. Isch no luschtig gsi im Restaurant, kenneders? d'Charte isch ja uf Schwiizerdütsch und ich has e luschtigi Idee gfunde :D. Mier hend de bis nachem esse eigentli gar ned über dTrauuig gredet sondern villmeh über Züri, über eus, über ihn usw. Nachher hemmer müesse sones Ehedokument usfülle (wo vo minere Siite no d Hälfti fehlt, mer muess defür en Taufschiin organisiere)
De Ablauf vo de Trauuig hemmer grob besproche, er isch total locker druf und laht eus alles selber entscheide. Mier hend vo ihm au kei Ablauf oder so becho, was ich gar ned mal schlimm finde. Er hed gseit, er welli de Bruutpaar immer d Möglichkeit lah, die ganz Trauuig chli frei zgestalte. Mier hend jetzt au einigi nicht-biblischi Element dörfe ibaue id Trauuig, z.b. en teil vo de 'weisst du eigentlich wie lieb ich dich hab'. Hetti niiiie denkt, dass en katholische Pfarrer/Diakon das eifach so locker animmt :) d Lieder sind au alli abgsegnet und am 12i hends eus denn usem Retaurant gschmisse. :D De Maa hed no Durchhaltevermöge Für mich ischs en mega glungne Abig gsi, vorallem au, will ich gseh ha, wie glücklich min GG mit dere Entscheidig isch
Wünsch eu allne en happy Friday, ich mach mi mal parat zum go schaffe :D

jane: du chasch mini ha ! ha 30 stuck kauft, 20 chasch ha. schicksch mer e pn mit dinere addi ?

pfingstrose: nei so herzig die socke haha. ich find das super wenn du sache postisch und eus lasch la teilha .)

@littlefoot
Du bisch sooone liebe Schatz, danke villmal!

@Pfingstrose
Ich han mich gester voll oft chli geniert will ich halt nie id Chile gah und so und er hed denn gseit, das es doch au völlig langet, wenn mier eus s Ja Wort vor Gott WEND geh. Das hani no schön gfunde.

Da wär übrigens, für die wo d Idee schön findet, aber nöd so kreativ sind wie d Pfingstrose , dVorlag zum downloade für d Socke
http://somethingturquoise.com/2012/07/06...old-feet-socks/

lil.lian
Mier hend eifach chli en persönliche Touch welle inebringe, vorallem mit dere Hasegschicht. Denn hani en wunderschöne Text scho lang i mim Büechli und de heder scho chli vorher abgsegnet. Und mier wärded halt keis Chilelied singe, das isch ja mängisch au no chli z Problem bi de katholische.
die meischte printables hani vo elli.com. Aber au wenni grad drüber stolpere speicheris gschnell ab, mer weis ja nie :D

Pfingstrose
mier MÖCHTET Seifeblase, hend aber no kei Ahnig wo bstelle. Riis wemmer uf kei Fall :/

Zuletzt bearbeitet am 28.03.14 10:36