Hey Mädels, sorry ich mues mal Ärger abloh:
Wiesoooooo hend dMänner immerno sGfühl sie müend de Koleg wo hüroted so quäle vorem Hochzit?????? Wieso?
Läck ich han grad sooooooo en Hals *furios*
Geschter het GG sin Poleri gha. Sie sind am halb 1 los und er isch mega nervös gsi. Im Vorfeld hemmer mehrmals betont gha, dass er nöd möcht so Lüüt aspreche und so scheiss. Dezue chunnt, dass er kei Alkohol trinkt.
Sie sind denn zerscht go Paintball spiele...was ihm au seeeehr gfalle het!
und denn hetter nocher ide Stadt müese Lüüt us verschiedene Gründ aspreche. So e Petition hetteds sölle unterschriebe...wo nix mit de Ehe oder so ztue gha het. Niemert isch druscho vode Lüüüt und er isch nöd verkleidet gsi, sodass klar gsi wär - aha Polterabig! Sini Kollege (wo ja nur 2 devo organisiert hend) sind eifach abseits vo ihm ide Gruppe gstande. Er het sGfühl gha die heged selber s'Fremdschämä gha. denn hetter no müese Tel.-Nr. vo Girl zw. 20 und 30 ergattere. Die hend natürli de Sinn au nöd gseh...wenn er doch hüroted. Er het sie denn eifach irgend Fake-Nr. ufschriebe loh. Was hends demit welle??? Ussserdem macht mer das ja schomal amene Polteri, aber niemert macht das nüechtern. Und en Sinn sötts scho chli ergeh!!!!!
Er het denn div. so Ufgabe müese erfülle, 2h lang. Obwohl er klar gseit het im Vorfeld, das möchter uf kein Fall. Er het denn mitgmacht, will wer will scho de Spielverderber si vor 10 andere Männer.
Merkt mer's wieni mi nerv?
Denn hends ihm na d'Auge zueghebed und mit Kaltwachsstreife d'Haar ade Ärm weg grisse!
Sie sind denn go esse und er isch scho so düre gsi und het sGfühl gha "kenned mich mini Kollege so schlecht, dass sie nöd wüssed, dass mir daaaaas voll nid gfallt".

Er isch denn so überrennt gsi, daser nöd het welle mitem TZ heifahre und so hässig, daser de TM grad wett uslade, wiler Angst het, daser det au nöd berücksichtiget was üs wichtig isch.
Es isch etz 13 Täg vorem HZ. d'Stimmig isch grad voll ide Hose. Mir hend 4h gschlafe will mir nöd wüssed wie mir söled demit umgoh!?!?!?!?!

nicht registriert

Ach, finde ich gaaanz schlimm. Wüsste jetzt nicht wie reagieren. Sicher das Gespräch suchen. Finde es sehr schade wenn wegen so was dummes die Freundschaft auseinander ginge. Für viele Kollegen ist der Polterabend so eine Freikarte, die heiratende Person blosszustellen. Habe schon viel schreckliches gehört, von Fesselspiele mit Oralverkehr zu SM Masken anziehen und gefesselt mit Umziehdildo durch die Stadtziehen, natürlich alles gegen den Willen des Bräutigam. Ich denke dein GG hat einen Krassen Vertrauensbruch erlebt und ich wüsste nicht ob ich das verzeihen könnte. Wohl eher nicht....

Hallöööchen zäme und en schöne, sunnige Sunntig! Ich hoff ihr sind alli s schöne Wetter am gnüsse? Mir hend hüt morge es super treffe gha idä Location, sind denn am See go laufe und ez hemer de Grill iigweiht mmmhm. Und später gömmer na go Badminton spiele. Ez hani aber uunbedingt mal wieder welle schriebe und eigentlich na nahläse aber liebi Fraue, es sind fascht 100 Siite!! Also entschuldiged bitte wenni nur en chline Ego-Biitrag mache und versueche wieder iizstiege:)

@Daenu: han vorig na din Biitrag gläse und grad mim GG müesse verzelle, han mich echt mit dir ufgregt!! Ich verstahn so Sache überhaupt gar nöd, din GG het klar gseid dasse so Sache nöd möchti und gnau so öppis macheds! Ich dänk es wär s bescht wenn er sini Kollege druf aspricht und fröged was sie sich debii denkt hend, und obs würklich denkt hend er findi das witzig? Isch doch mega schad wenn dich dini Kollege so verarsched und dich anschienend gar nöd kenned..

Bi eus isch idä letschte Ziit trotz Ziitmangel einiges gloffe. Mir hend de Termin gha bi eusne Floriste, dass isch würklich super gloffe und sie macheds soo guet. Sind zwei jungi Fraue wo sich selbstständig gmacht hend und sie hend super Idee gha. Es wird zwar bitz tüürer als mir denkt hend aber defür hemer alles womer wend und ich liebe halt Bluemedeko, freu mi ez scho druf. Idä Chile hemer Stüehl und kei Bänk, drum hemer am Gang entlang eso Ständer wos obe es Reagenzglas drin het womer Blueme drii tüend, die tüend eusi Floriste nach de Trauuig denn grad id Location bringe und det rund um de Saal ufstelle, würklich perfekt. Denn hemer na min Bruutstruus, de Astecker für min GG, Gsteck uf de Tisch und es grössers für euse Einzeltisch. Und für eusi zwei TZ hemer Bluemearmbänder und Bluemestecker für id Haare :)
Denn hemer na de Termin gha für eusi riese Turte, eusi Konditorin isch sooo super gsi und het u froid gha a eusne Idee, die wird würklich meega :)!! Mir hend ez die gwählt wo min GG het welle mit zwei Stäge uf de Siite und miteme Springbrunne idä Mitti ;) S bruutpäärli obe druf wird so gmacht das sie öppe nach eus usgsehnd :) S einzig womer chli Sorge macht isch, dassmer ez sit 3 Wuche ufd Offerte warted und na nüd ghört hend =/.. aber die chunt hoffentich bald.

Letscht Wuchenend hemer denn auna eusi Apéro Iiladige bastled und verschickeds die Wuche. Denn hemer auna de Prototyp vo eusne Freudetränen Tüechli gmacht und nächst Wuche chömed na d Menü und Programm Heftli. Hüt Morge hemer na en Termin gha idä Location und das chunt würklich super guet, die sind soo nett und guet organisiert, erfülled eus jede Wunsch! Mir chönd am Abig vorher nöd ie wills na es Fescht hend, defür macheds alles nach eusne Wünsch und stelled alles uf wie mir wend, tüend d Parkplätz absperre und Candy Bar ufstelle eetc.

Bin also grad sehr positiv gstimmt will alles öppe lauft wies sött :) S einzig womer chli Sorge macht sind eusi zwei TZ will sie gar nöd würklich öppis mached im moment und ich hoff sie schaffed alles wo sie setted mache, es isch zwar nöd soo viel, aber glich setteds z.Bsp. es 2h Programm mache für eusi Gäst und das brucht ja au chli Vorbereitig.. ah und denn hemer na de Termin fürs Zivile chöne mache, het leider nöd klapped mitem letschte Termin am Nammitag wills am 20. Juni am NM kei Trauuige mached :( ez isches halt am 11:30 uhr und denn müemer eus mal na überlegge wassmer am Nammitag mached.

So ich glaub das wärs mal vo mir. Ich bin leider immerno 10h am Tag am schaffe, verfolge aber über s Natel immer wieder eui Biiträg und bin i Gedanke bi eu, het so gern meh ziit zum da schriebe und aktuell chöne mitzdiskutiere :)

Oh und denn hemer übrigens na so etikette bstellt mit eusem monogramm drufe bi casa di falcone, het suuper klapped und sind mega worde, die bruchemer ez fürd candy bar gläser und d seckli dezue :) hend ihr d sache für eui candy bar scho bstellt? Bstellt ez na öpper die personalisierte m&ms? Ich wot die unbedingt aber glaub es isch na chli z früeh..

So, ich wünsch eu allne na en schööne sunnige sunntig und morn en guete Start i die neu Wuche!!

Boah, daenu, ich wär au voll sauer... So öpis gaht gar nöd. Ich verstahn eh gwüssi Hochsigsbrüch gar nöd. Au, dass mer d Wohnig vom Bruutpaar gaht go verwüeschte. Mir händ das de TZ und em TM ganz explizit gseit, dass mir das nöd wänd und würklich ziemlich würed dure dreie, wänn's so wär. Ich ha vollschtes Vertraue gha, dass es nöd passiert, i minere Situation sowieso. Und s isch dänn au so gsi. Sie händ's äfach uuu mega schön dekoriert, euses Dihei. Das hämmer gwüsst, dass sie das werded mache und händ u Freud gha. So sölls doch sii.
Aber das Vertraue händ ihr ja au gha... Ich mein, mer gaht ja würkli devo us, dass TZ und TM gueti Fründe sind, wo nie s Vertraue so würded missbruche... Ich hett, falls es bi mir en Polterabig geh hetti, au chli Schiss gha, dass so was chunt. Mini einti Fründin hät da nöd so verstande, dass ich das nöd so geil fänd, mich irgendwie müesse z verkleide und was Peinlichs mache. Isch halt au biz überraschend, wil ich mich gern öpe mal sälber zum Aff mach. Aber dänn entscheid ICH, wänn und wie das isch - und nöd öper anders.
Es Hochsig söll doch rundum schön sii für s Brutpaar. Das sött doch s oberschte Gebot sii für alli, wo beteiliget sind. Ich verstahs sooo nöd. Bi grad mit eu sauer, hey.

Ich würd glaub voll Tacheles rede mit dene beide. Dass eu das richtig, richtig verletzt hät. Und ihr jetzt eifach Angscht händ vor euem eigete Hochsig, dass det wieder so öpis passiert. Das dörf eifach nöd sii! Sie münd eu garantiere, dass nüt meh sotigs chunt und dass sie eui Wünsch voll und ganz berücksichtiget. Und ich weiss halt au nöd, je nach Reaktion wär dänn vilich würklich besser, öper andersch übernämmt s TM-Amt? Ich wünsch's eu aber nöd. Sondern, dass die zwei würklich verstönd, was das bi eu usglöst hät, und dass sie sich entschuldiget. *umarm*

So, und ez gang ich go Asteckerli baschtle. Zeigs eu dänn mal. Machs ez mit dem Motivpapier und emene Uni-Streife drüber, wo dänn de Name druf staht. De isch längs drüber kläbt. Und links tuni no es Spitzeband ane. Ha Freud, gfallt mer.

Guete morge mini Hübsche

Han hüt eigentlich gar kei Zit zum im Forum schriebe, bin bim schaffe und Uni total im Stress. Aber han doch ganz schnell öppis welle loswerde. Will mich glaub niemer so guet verstah chan wien ihr. E Fründin vo mir hed mich gester gfragt, öb ich wet TZ si und d Hochzyt isch no das Jahr!! Am 29. August! Ich han mich sooooooooo gfreut und ich hans echt ned erwartet. Also es isch e gueti Fründin vo mir, aber sie hed au no anderi Fründine und ich het nie denkt, dass si mich uswählt. Hahaha, min GG het scho gseit, das ich ja den nach üsem Hochzyt doch no wiiter plane chan und ned ines Loch gheie

Ich wünsche üch allne e guete Start id Wuche und ich hoff ich chan den morn wieder min Senf dezue gä

guete morge mitenand :)

broncos: wow so schön, gratulierä :)

daenu: ou nei sone mischt. unglaublich das ganze..bi chli schockiert. vor allem de mitem lüt aspreche...wenns scho explizit gwünscht wird, denn findis mega fies gegenüber vo dim GG. das isch eine inebremse vom feinste .(
ich würd au rede mitem TZ, aber getrennt natürlich und mal fröge ob er au so spass ghe hät oder obs ihn da so inedrängt hend...wil er isch ja de wichtigscht. TM würdi etz glaub au d ufgabe wegne, hett au angscht dass er sache macht wo ich nid wett. aber würd au zerst rede mitem und frage was ihn da gritte het...
ou nei tuet mer leid, drück dich

fara: hey schön vo dir z läsä ! häsch schön baschtlet ?