@daenu: Ou nei, so gemein!! Das tuet mir sehr leid für di GG und di und vor auem so churz vorem Hochzit... i würd glich versueche, ds Gspräch zsueche. We dir aber würklech merket, dass sie ke Verständnis hei für euchi Wünsch, würdi dene Lüt ou dUfgabe wägnäh... so schad het är nid eifach e tolle Polterabe dörfe ha!! Hey und wie füusch di süsch? Aus parat? Nid mau meh ganz 2 Wuche, hui da wird ig gad säuber närvös...
@Pricana: schön, wieder mau vo dir zläse! Oh du Armi, immer no so sträng... Aber dir sit ja sehr fliessig gsi! Hesch Föteli vo dine bastlete Sache? Vor auem d Freudetränenastüechli würde mi interessiere. I tendiere äbe o drzue, die säuber zmache, o wes viu ztüe git. Die fixfertige entspräche aube nid so mine Vorstellige bzw. üsem Farbschema
@Fara: wow du bisch ou mega fliessig am bastle! Tönt super was de machsch, darf me de Biudli gseh? Und wie geits dir süsch?
@Broncos: Oh wie schön, gratuliere! Hihi ig hoffe o, dassi gli wieder mau darf TZ si. Bi zwar scho 2x gsi aber das isch Jahre här und mis eigete Hochzit no soooo wit entfärnt gsi, das wär jetz ganz öpis Angers Bi mire einte TZ besteit aber scho e grossi Wahrschinlechkeit, dass sie ide nächste Jahr hürate und ig de TZ chönnti wärde (het sie ämu scho so atönt). Das wär dr Hammer. Aber eis um ds Angere
@Squishy: Schad wägem Job aber wie gseit, i ha zGfüu da gits no öpis Bessers für di! Witermache und füreluege, das chunnt sicher guet!
@me: Mir si am Samsti z Züri gsi und hei ganz e schöne Tag gha bi däm Wätter mit lädele, käfele ar Sunne, am See sitze... Und ig ha mi Guetschin im Hot Heels iglöst und es paar tolli High Heels kouft. So schwarzi höchi Peeptoes us Satin Si sogar rächt bequem! I lege die vorussichtlech am Ziviler a und e schwarze Blazer zu mim Chleidli wo o chli glänzt, de würd perfekt zu de Schueh passe.
Letscht Wuche ischmer bim schaffe no öpis mega Schöns passiert: Dr Chef het mi zu sich is Büro grüeft und gseit er heig no öpis für mi. I ha natürlech dänkt, e Uftrag, aber de het är mir e 250.--Guetschin i d Hand drückt, wome i ganz viume Gschäft ir Stadt Bärn cha ilöse. As Dank und Anerkennig für mi Isatz bi däm Event womer chürzlech hei gha, i heig das super gmacht. Bi fasch vom Stüehli gheit!! Itz wetti dä evtl. bruche für no es Halschetteli zchoufe
Wünsche euch aune e guete Wuchestart und gniesset d Sunne!
Malinchen Und heiter guet bastlet?? Gits fotis??;O)
Taeboyana Ha langsam ou gmerkt dases gar nüm so lang geit und mir hätte no so viu zum bastle vor gha und Dekomässig und debi chöme ize eh no viu Termine und me het ja süsch o no Sache los nid nume Zit fürs hochzit…i ha ize eifach gestern gad mit mire Muetter gluegt, si wird sich iz zum bischpil mau drum tue wieme selber us spitze chönti serviette-ringe mache….de wenn si das macht de bini scho mega froh. Vilicht hesch ou öper wott eis „Projekt“ gad chasch abgeh?;O)
Broncos Woooow so schön gratuliere zu dim TZ-Amt!!! De chasch dini Erfahrig de gad ibringe
Daenu Ou neeei das tuetmer de leid…..was isch denn ou los gsi mit dene kollege??i würdi sicher probiere ds gspräch z sueche und zwar so schneu wie müglich….het di GG no öpis ghört vo öperem sitem Polterabig?? Dänke ganz fescht a euch und hoffe dass dirs chöit kläre und euch das nid daf d Vor-freud neh uf EUE speziel Tag!!
Pricana Tönt super eui bluemedeko;O) wie gsehnd d Bluemebänder für TZ us?? Und stecker für id Haar? Bi da drum no am überlege;O)
Pfingstrose Bi mir am überlege wiene Galerie z mache vo allne wo scho ghürate sind mit Fotis. Am Zivile hei-mer sone Powerpointpräsentation gmacht mit Föteli vo allne gladne Gescht. Würdi u gern no öpis mit Föteli mache aber weiss no gad nid was?!;O)
MiMa27 Das mitde Föteli hani ou scho mau nöime imne Blog gseh und has uuu härzig gfunde…macheters bestimmt? Und macheter de wiene schild oder öpis dass dir säget me chas mit heineh oder wie? Ou döftni ou d Iladige gseh…?
Fara Vo wo hesch die perleähnliche dinger?? I sött ou no ha;O) Chnöpf hani uuu viel gfunde ire Brocke-stube;O) was machsch für Table numbers??
ALL Ha mir no überleit gits evlt. no meh sache womer gad wette teile oder wo e Brut scho weiss, dass sis wett witerverchoufe nachem Hochzit? Wüll de chöntme das evlt. ize scho luege??;O)
ME Mir hei am Samschtig Gspräch mitem Pfarrer gha. Ize heimer e Termin abgmacht woner mit üs d Kirche chunnt cho aluege zur Verbereitig und im nöchschte Termin bi ihm Ends Mai mache mer de de ganz Ablauf ab vor Trauung. Am SA Abig sind üsi Fründe zu üs cho und mir hei d Flitterwuche planet und paar Resorts gad buechet i freue mi sooooooooooooooooooooooo;O) und Gestern hei der GG und ig fürs Hochzit Bastlet. Er het afah Bier braue und Etikette fürs Bier gstalte und i hane erschti Ladig Limoncello gmacht und d Fläschli dekoriert und bi gad froh hani agfange wülls mega viel z tue git!!
squishy: oh tut mer leide wegem job. aber me het ja meistens nid grad en job nach 2 bewerbige :) du findsch scho öpis !
sue: wow so cool wegem gastschänk baschtle/mache ! da bini denn au uf fotis gspannt :) mega weg de flittis :)
taeboyana: yeah so guet weg de high heels. sind sicher sexy :) nei di chef isch den super !
artikel-sharing: findi super sue. wemmer en thread eröffne oder so ? wär glaub am gschidste. mir hend ja scho einiges im chopf womer chented tusche.
me: ich bin au grad happy, am mittwuch gani id ikea und mache denn endli min tescht tisch, und am dunstig chunt de caterer verbi. GG isch eifach au voll dine, u herzig. ha denn no mini nachberi agsteckt .) sie isch scho ghürate und wett etz no in honduras bi de familie vo ihrem ma es fescht mache, chirlich mit chleid usw.. etz gani negst wuche mit ihre zu einere eis go probiere..
Guete Morge iher Liebe Bin am Samschtig denn glich plötzlich in Stress cho, nüt meh mit ‚Langwilig‘ gsi :D
Daenu Bin immernochli ungläubig und sprachlos ab so viel Unsensibilität. Hoffe das iher das so schnell wie möglich chönd ine Richtig lenke wies für eu stimmt. Idiot das, sorry.
Pricana Hallo wiedermal! Bi eu isch ja echt einiges gloffe! D Torte tönt riiiiiiesig und ziemli ufwändig. Was zahleder für d Floristin wenni frage darf? Ich glaub eus allne isch bi de Planig klar gsi, dasmer z Budget irgendwenn chli wärded überzieh bi bestimmte Pünkt. Und wenn du dich so über die Blueme freusch, denn isches ja nume recht :) Bi eu tönts wirkli sehr positiv und als ob alles en guete Lauf nimmt. Freut mi für eu!
Squishy Hehe schön dass dini Vorstellige sich mit dim GG sine chrüzed <3
Broncos Sooo cool, gratuliere! Und wies d Pfingstrose scho seit, en anderi Rolle ineh und glich nochli Hochziitsfeelig, isch ja wie en sanfte Abgang us dem :D
Taeboyana Gratuliere zu de Schueh.. UND zum Guetschii vom Chef. Isch ja mega grosszügig und vorallem uh schön, das er Wertschätzig zeigt :)
Sue Coool wege de Flittis. Wohii gönder schowider? Mhhhhm vo dem Limoncello nähmti glaub au no es Fläschli ;)
Hochziitsverkauf&-sharing Aso fürs Sharing bin ich vielleicht bitzli spat mich no izbringe.. Bi eus isches ja scho mega bald sowiit. Ich wirde uf jedefall en Verkauf nach de Hochziit starte. Vor de Hochziit findis chli heikel, will was isch, wenn öppis kaputt gaht?
Me Bi eus isch am Weekend ned so viel gloffe Hochziitstechnisch. Mier hend beidi am Samschtig de ganz Tag gschaffet und hend eus de am Abig gmüetlich ufs Sofa kuschelet und en Film gluegt. Am Sunntig simmer go tschutte luege und bi de Lula go d Kerzeständer abhole (DANKE nomal!!). GG hed sini Muetter gfragt, ob sie würd d Lesig mache bi de Trauuig und sini beide Gschwüschterti und mini Schwöschter, obs würded d Fürbitte lese. Alli sind total begeischteret gsi und hend sich gfreut, dass sie öppis dörfed biiträge bis uf mini Schwöschter. Sie hed gseit ‚ja wenn das eue Wunsch isch, denn machis scho....‘ Sie cha sich glaub eifach echt ned begeistere mit mier. Sie isch ja TM und hed denn gester au no so gfragt was ich am Polteri well mache (ich find allei scho d Frag chli komisch… Schliesslich organisier ich de ja nöd.) Hanere denn gseit, dasi de TZ scho gseit heb, dasi uf kei Fall will go Züüg verkaufe oder miteme Wägeli durs Niederdorf zieh und mich peinlich beneh. Das bin eifach nöd ich. Und denn seit sie ‚Ja was willsch de mache?? Deheime vorem TV hocke?! Isch no schwierig mit all dem wo du ned willsch öpis schlaus zgstalte?!‘ Bin denn grad chli sprachlos gsi und ha eifach z Thema gwächslet. I dem Moment heds mi aber au no ned so gnervt wies mi jetzt tued. Am Schluss lönds mi denk au no min Polteri selber organisiere :/
Ah und en Prototyp für d Chilebüechli hani mal agfange am Friitig. (Muess no einiges gänderet wärde) Aber in etwa so stellis mier mit de Nastüechli vorne vor:
@ Sue87: Ich bin scho mal fliessig am Föteli vo früenere Ziite am zämeträge.. mal luege öb min GG denn au no paar chan usgrabe ;-) Mir hend eus das öppe so vorgstellt:
Aber ich wird denn uf jedes Föteli no druf schriebe, wenn das xi isch und wo. I han mal denkt, entweder chönd Gäst die Föteli heineh oder mer chans vor Ort ines Buech ine chlebe und denn chönd d'Gäst ihri Erinnerig da dra ineschriebe... Aber grundsätzlich sölls meh es Deko-Element si und schöni Erinnerige ufrüefe... ich finds hüt zu Tags chli schad, dass so viel Föteli eifach digital verstaubed...
Daenu Ou nei!! Unglaublich so öbis.. Findi voll dänäbet!! Vorallem will er das halt gseit hät, dass ers nöd wöt. Den macht mer doch eifach nöd! Es duet mer mega leid für din GG! Abr susch laufts guet mit de Vorbereitige? Bisch im Endspurt?
Pricana Schön wieder mal vo dier zlese :) Häsch es dämfall immer no so streng.. Dönt super mit dine Vorbereitige.. Gids Föteli vo dine bastlete Sache? .
Squishy Ou nei so schad wegem Job.. Den druck ich dier Dümme für villi wiiteri Vorstelligsgspräch :) So schöön, häsch no chöne go shoppe am Friitig!! Kauft häsch d'Sache aber nonig?
Fara Du bisch abr au sehr fliessig momentan!! Bin gspanne uf dini Föteli :) Und susch gahts der besser?
Broncos Voll schööön!! Chasch gad wiiter mache nach dim Hochziit!! Gratuliere..
Taeboyana Dönt kuuhl mit de Schueh.. Passt sicher sehr guet zum Blazer.. :) Und mit em Guetschii vom Chef isch ja genial.
Sue So guet mit eune Gaschtgschänk! Schön händer eui Flitterwuche und de Resort bueched. :) Jez chönder eu so richtig uf d'Flitterwuche freue..
Littlefoot Häsch sie gad mit dim Hochziitsfieber agsteckt? hihi jez chönder zäme druf hi fiebere. Mier sind no im Bouhuus gsi, han no es paar Föteli aghänkt. Sind aber scho chli anders wie uf dim Föteli. Ich han au no eini kauft, verzelle une no meh dezue.
Janedoe Ja das mit dinere Schwöster isch scho chli e komischi Frag. Ich mein, mer chan so vill schöni Sache mache a some Tag.. Hät dini TZ ächt die bessere Idee?
MiMa27 Ja d'Idee mit de Föteli sind echt schön. Ich han au scho dänkt so was zmache.. Chunt eifach no chli druf a, öb miers dete chönd abringe.. Und susch hani dänkt (wemers nöd chönd ufhänke), dass mer no noimets die Föteli uflegged wo mier gmacht gha händ am Shooting.. Und susch no chli Föteli vo eus..
Me Mier händ am Samstig grosse Posti-Tag gha.. Zersch simer im Bouhuus gsi und ich han e Holzchiste kauft. Us dere möchti so chli e Shabby Chic Charte Box bastle mit Spitzebänder, Wimpeli, etc.. Dezue hämer no en wiise Lack kauft.. Duen eu s'Bild une anehänke..
Ah und letzt Wuche hani no Chörbli kauft für zum Bluememeitlichörbli zbastle. Möcht sie eigendli öbe so mache, wie sie d'Sue scho bastlet hät :). Falls öber au no so Chörbli brücht, wär jeze e super Ziit zum poste wege Ostere .
Und nach em Bouhuus simer den is Merrys gange wegem Azug vom GG. Er hät öbis wölle wo nöd glänzt und wo nöd umbedingt schwarz isch. Es hät den ein graue Azug gha, de hät ihm den super gfalle. Er hät sich den grad für de entschlosse und hät ihn kauft. Sie hät eus au no es guets Agebot gmacht mit 30% wills de nüme chönd herstelle, will de Stoff usgange isch.. Abr es chömed leider ganz en huufe Änderige dezue (er isch recht dünn und schmal). Sie isch eus dete au chli entgege cho, abr ich glaub es sind nonig all Änderige debi wo sie ufgschriebe hät. Duen den ihre morn no alüte und nafräge. Nach em Termin hani eigendli es mega guets Gfühl gha, abr so im Nachhinen bini recht verunsicheret mit dene Änderige :-/
Mima: Das isch ganz cool! Mir hend aber zwenig verhürateti a eusem Hochziit das das lässig würdi usgseh! Haha...
Janedoe: Ah dini Schwöster isch ja au e lustigi! Aber evt. chönti sie sich ja mal bi de TZ melde. Die weiss doch sicher öpis und weiss au was du möchtisch?!
Lillian: Läck sind ihr produktiv gsi! Mega cooli Sache händer gmacht! Ach jetzt hani wieder es schlächts Gwüsse minere Hochziitsplanig! Haha...
Seifeblase: Weiss nöd ob alli min Post gseh händ... Wege de Fläcke... Was meined ihr jetzt dezue?! Riskiereders eifach oder ischs eu glich oder suecheder au e anderi Lösig?
Anmelden
Bi mire einte TZ besteit aber scho e grossi Wahrschinlechkeit, dass sie ide nächste Jahr hürate und ig de TZ chönnti wärde (het sie ämu scho so atönt). Das wär dr Hammer. Aber eis um ds Angere 
Si sogar rächt bequem! I lege die vorussichtlech am Ziviler a und e schwarze Blazer zu mim Chleidli wo o chli glänzt, de würd perfekt zu de Schueh passe.
