@ Pfingstrose: Hmm, wieso verhürateti? Es werded Föteli mit Gäst si, wo mind. min GG oder ich, oder natürlich am liebste beidi mit druf sind uf em Föteli.. mit Fründe oder Familie... Eifach vo schöne, gmeinsame Moment.
Mima: Ah jetzt hani öpis verwächsled... Öpert hät ebe gschriebe gha vo allne es Hochziitsfoti... Ja das wer aber sicher e cooli Variante! Händer gnueg gueti Fotis zäme? Das isch bi eus chli Mangelwar abgseh vo de Verlobigsfotis... :)
Pfingstrose: Da mir scho sehr lang zäme sind und mir beidi en sehr enge, inzwüsche gmeinsame Fründeskreis hend, gits da doch einigi unvergässlichi Moment wo mir fotografisch festghalte hend ;-) da bestaht eher die Qual der Wahl, welli z'näh ;-)
Janedoe Zersch 3 Täg Bangkok und ner 2.5 wuche Bali;O) Was händer für Fürbitte/lesige? De prototyp gseht ja scho mal super us! ;O) hmmm ufne weg isch ja guet wenn si di frage und du chasch säge wasd NID wetsch aber cha si nid mit dire TZ luege? Wie het dini TZ de reagiert wo du das gseit hesch? Nei das isch ganz klar ihre part zum organisiere…
MiMa Hihi witzig, ha ds genau gliche Foti ou gspicheret;O) tüeter se de la usdrucke d Fotis die woder Digital heit?
Lil.lian Hihi de heiter ja es produktivs weekend gha;O) hmm meinsch es chönte de no viu meh änderige dezue cho bim azug? Ganz härzigi chörbli hesch kouft!!! Bi de gspannt wieds machsch!!
@MiMa: findi ou ganz e härzigi Idee mite de Föteli.
@Pfingstrose: I ha das ou scho vo verschiedene Site ghört wäg de Fläcke mit de Seifeblätterli... wär da scho novorsichtig. D Gescht hei ja de je nachdäm o nid gad Fröid we sie Fläcke uf de schöne Chleider hei... aber mines Wüssens gits äbe so äxtra Hochzitsseifeblätterli wo ni nid sötte Fläcke mache aber äuä o dementsprächend gad wieder meh choschte...
@Pfingstrose: Das mit de extra Wedding Bubbles, wo nöd söttet fläcke, hani ebe au mal gläse. Ev wär das öpis?
@Broncos: Juhuu, du wirsch TZ und chasch no chli wiiter Hochsig plane! Freu mi für dich!
@littlefoot: Schön, isch natürlich Gschmacksach. Aber mir gfallts zumindest. Hänke no Föteli a.
@Taeboyana: Japp, Bildli zeigi grad. Mir gahts rächt vill besser. Danke der Nachfrage. Am Mittwuch staht wieder Chemo a. Ich hoffe, dass das Mal nöd wieder sonen Seich passiert. Ich wird eifach sicher mit em Ässe ganz vorsichtig sii und eher en Gang zrugg schalte. Muess eifach glich au luege, dassi chli uf Kalorie chum. Ich han sehr vill abgno. Han e Hose, wo mir immer eher z äng gsi eigetli. Dänn nach de OP im August isch das die Hose gsi, wo mir dänn super passt hät. Wili det halt au scho Gwicht verlore han. Und jetzt im Momänt isch die mir au VILL z wiit, gseht richtig doof us. Zimli fruschtrierend. Also, ich han natürlich jetzt di vill besser Figur, wänn mer's am schlanke Schönheitsideal misst. Bi vorher nöd übergwichtig gsi, aber sicher eher robuscht baue. Und ich wär scho lieber eher wieder chli so. Eifach, demit ich chli Reserve han. Das hani jetzt ebe nüm sooo vill. No paar Kilos, aber dänn wärs langsam nüm luschtig. Und wie schnäll die letschte Kilos weg sind, gfallt mer halt gar nöd. Tja, und au für s Hochsigskleid wärs guet, wäni wieder chli meh hett... Im Momänt (hans am Samstig aprobiert) isch es eher scho wieder chli z wiit. Aber ich würds momentan trotzdem nöd nomal ändere lah. Aber sett echt nüm abneh.
Aber ebe: eigetli hani ja welle säge, dass es mir besser gaht und das isch au so und da bini dankbar defür.
Hey super wäg em Dankeschön-Gschänk vo dim Chef! So öpis macht immer Freud und cha mer vor em Hochsig sowieso bsunders guet bruche!
@Sue: D Chnöpf lahni jetzt weg. Ich glaub, s gsächt eh nöd so toll us. D Perleähnlichi Dinger hani im Advänt mal i de Landi kauft. Ich weiss nöd, öb's die no hettet. Sind eifach so elfebei/cremefarbigi Chügeli in verschiedene Grössene, also nöd richtig Perle, aber finds fasch no chli schöner. Ich han gseh, dass de Migros Do it im Momänt au sotig hät (hät zumindest sehr ähnlich usgseh). Aber in violett und grüen glaub. Anderi Farbe hetti nöd gseh. Ich lueg mal, öb ich mini überhaupt bruche, bzw. öbs au dänn no vorigi hetti. Dänn chent ich dir die au mal schicke. Aber cha grad nöd ganz abschätze, wie vil's no sind. Ich würds sicher zerscht fötele, dänn chasch chli abschätze, öb's dir überhaupt öpis bringt i dere Mängi. Table Numbers machi die, wo d janedoe mir mal verlinkt hät da. Sind schöner als die, woni sälber gfunde han. Und dänn tuenis so uf wiissi Staffeleie. Die hani mal enere andere Bruut da ine abkauft. Die da sinds: http://www.elli.com/blog/wp-content/uplo...eTableCards.pdf Wobi bi eus d Farbe chli andersch, biz weniger schön sind. Händ ebe farbigs (so beiges) dicks Papier kauft und schwarzwiss usdruckt.
@janedoe: Danke gäll für de Link zu de Table Numbers. Gfalled eus sehr!
@littlefoot: A propos Migros Do-it. Han det au no e plus/minus Mintgrüeni (vilich eher chli es "saftigers" Grüen, aber rächt nöch a Mint - zumindest so, wien ich Mint verstahn), sehr schöni Holzlaterne gseh. Han grad a dich dänkt. Isch glaub 30 Stutz allerdings.
@lil.lian: Han grad de Taeboyana chli verzellt, wie's mer gaht. Japp, gaht besser! Fliissig sii muess ich ebe. Euses Fäscht isch ja am 12te. Glichzitig wie d daenu. Ez hani da ihne sogar zwei Hochsigs-Zwilling, wil mir ja zwei Mal fiired. D Lula und d daenu.
@Teile/Wiiter verkaufe: Findi e gueti Idee, Sue! Ich wär sicher debi. Ich stell eu dänn (glaub hüt no) mal es paar Sache ine, dänn chönteder die dipse, falls er's würded welle. Und ich mach dänn wahrschinli mal no en Verkaufs-Thread uf. Vilich nach em Hochsig erscht dänn. Isch ja scho i unter zwei Wuche. Chämt allefalls aber erscht gäg Ändi April/Afangs Mai dezue, das alles würklich suuber ufzneh, z fötele, ine z stelle. Aber ebe, es paar vo de mines Erachtens kuulschte Sache stelli hüt oder morn schomal ine und chönt's au scho chli früener verschicke.
Oder mir mached tatäschlich en separate Thread? Oder isch schlöier, wänn dänn würklich äfach jedi ihri Artikel imene separate Thread ine stellt? Det chönt mer ja immer no e Wiitergeh-Chetti organisiere.
D janedoe hät allerdings au rächt wäg em kaputt gah. Ich han vo gwüssne Sache aber rächt vill. Aber klar, dipse bi mir vor em Fäscht wär natürlich mit bizli Vorbehalt. Wobi, die wo eher spat hüratet, hettet dänn sicher no Ziit, en Alternative z organisiere, falls würklich en Seich passiert.
Als erschts, eusi Tischdeko (s fehled no d Staffelei mit de Tischnummere, e Menücharte (falls mer dezue chömed, die z mache), es paar Rechaud-Cherzli, und allefalls wissi Gipsherzli (au da: falls mer dezue chömed), und d Farbe vom Sand i de Sanbitterfläschli werded chli andersch (zum Teil au us Versehe: händ de falsch Sand bstellt ), defür falled d Namenskärtli weg und d Serviette hämmer jetzt die lachsfarbige, und d Schieferplattene nememer au nöd, hettemer aber 11 devo, gfalt eus aber jetzt bi dere Tischdeko nüm).
Z ha wäred nacher: d Sanbitter-Fläschli (Ziel isch, sicher uf 60-66 z cho) gratis,
d Paris-Vintage-Väseli (händ eus 3.90 pro Fläschli kostet - Wiitergeh-Priis müsst mer ushandle) - da hämmer 15 devo
d Schieferplattene (da weissi de Priis grad nüme) - da hämmer 11
d Tischläufer/Dekostöff (händ glaub öpe 7.90 kostet - Wiitergeh-Priis müsst mer ushandle) - da hämmer au 11 (wobi mir vilich nur 10 würded welle abgeh - gits aber no im Depot z ha)
d Gipsherzli, fallsi mach (gratis) - sind äfach nonig uf em Bild
d Staffeleie (muessi no fötele) - da hani glaub no 2.- defür zahlt - händ 16 devo
Dänn hani es Herz gfötelet us so Gras-Zügs (han zwei devo, han je 5.- zahlt)
Dänn hani no es paar Candy-Bar-Gläser gfötelet. Muss die dänn nacher no mässe, demit ihr e Vorstellig vo de Grössi händ. Jedefalls: die zwei näbed enand sind sehr chlii. D Priise wäred rächt unterschiedlich - Di einte hani gschänkt becho,
di andere im Brocki kauft
und anderi bi Ikea (die kelchförmige mit Deckel für öpe 15 Franke - da hetti 2 abzgeh),
dänn no zwei (eis muessi no fötele) im Migros (das uf em Bild (mit "Kekse, Cookies,..." druf) für 6.90 - gäbtis au jetzt no z ha, dänki, händs erscht grad kauft).
Muess mir ehrlich gseit no überlegge, weli ich würklich wett abgeh - wobi mer chönt au uslehne abmache.
So, das wärs glaub mal. Ah, no d Namenskärtli zeigi eu. Nei, s heisst niemert Rapunzel. Aber hans mit eme Blödelname welle teschte. Min Papi hät gseit, er weli dänn das Schild. Ich gib's em glaub würklich - näbed eim mit em richtige Name). De Name machi dänn uf de richtige Chärtli aber glaub silbrig. Und ich überlegg mer no, öbi di erwähnte Perle dezue tuen.
Aso, s erste Glas nememer GANZ sicher ohni de schrecklich Deckel.
Die chline Gläser, woni vorher erwähnt han, sind di kelchförmige uf em dritte Bild. Sorry, han obe vergässe, dass es drü Bilder git mit zwei Gläser druf...
fara: schön z ghöra dass es bessre gaht :) wow schöni tischdeko hender da. ich wär ev interessiert a de staffeleie... da no niemert wegem separate thread öpis gschribä hät warti no mit eröffne. wegem kaputt ga, aso ich ha au scho a gwüssi sache denkt woni sicher nid vorem hochzit würd abge, wils eifach schätz sind und verstah dass au bi jedem wo das so nid wett. aber bi tischläufer und wedding bubbles teile machi mir da weniger sorge wegem kaputt ga. :) es wär sicher mal guet i dem thread azbüte was mer wett uslehne/verchaufä und wens datum vom HZ amig obe aneschribsch denn chame ja selber säge, davor oder danach verfügbar oder ? ou jö so herzig weg de laterne, aber 30.- isch scho u tür :)
lilian: ou die sind aber ganz herzig die chischtli. ich gang i de negste zit mal in jumbo und luege obi det no öpis finde. wow di GG het en azug, so guet !
janedoe: oje das härt nid uf mit dene organisations sache hä ? aso finde au dass dine polteri nid selber musch organisiere ! ich han minere TZ gseit dasi au nid so doofi sache mit aspreche/verchaufe wil mache, sondern lieber mit de ladies chli aperöle und fein go esse, usw..ich fänd en überraschig glich lässig, wenn all z b e sunnebrülle oder sone miss banner würded alegge. :)
mima: ganze herzig die idee mit de fotis :)
pfingstrose: ich wär au für wedding bubbles weg de fleckä. findemer sicher irgendwo günstiger ! separate thread ? selli ?
sue: wow das tönt denn toll alles mit de flittis :) was denksch du wegem separate thread ?
Anmelden
Hänke no Föteli a.
), defür falled d Namenskärtli weg und d Serviette hämmer jetzt die lachsfarbige, und d Schieferplattene nememer au nöd, hettemer aber 11 devo, gfalt eus aber jetzt bi dere Tischdeko nüm). 
Min Papi hät gseit, er weli dänn das Schild. Ich gib's em glaub würklich - näbed eim mit em richtige Name). De Name machi dänn uf de richtige Chärtli aber glaub silbrig. Und ich überlegg mer no, öbi di erwähnte Perle dezue tuen.
