@lil.lian: Also, falls ihr fescht unsicher sind und das det no wänd storniere. Ich chönt eu de Suozzi in Uster herzlich empfehle für en Masskonfektions-Azug. Grad für schmali Manne sicher guet, wird nämli in Italie hergstellt, die schniideret eh eher schmäler als d Ängländer zum Bispil. Also, min Maa hät super usgseh. Sind sehr zfride mit dem Azug. Ich glaub, er hät öpe 950 koschtet.
@lil.lian und Taeboyana: Nur churz... Ich muss mal chli id Gäng cho. Sett no paar Mails mache hüt und no go poschte und das am gschiidschte vor em 4i, wil dänn mini Fründin zum baschtle chunt. Ach, und Zmittag ässe setti au - und Staub suuge. Ich glaub fascht, das mag nöd alles ine. Und je länger ich drüber schriib, desto weniger Ziit hani. Hüenli, ich.
Jedefalls: Mir macheds vom Ablauf gnau gliich wie sust au planet am 12te. Händ sowieso d Iladige scho druckt gha und nomal en Gottesdienst findet mir eh schön und wänn eus de Priester dänn nomal sägnet (aber natürlich nüme traut, wil das simmer scho), dänn isch eh guet. Säge chan mer ja sicher nöd z vill ha.
Mir mached aber de Godi zimli andersch. Eis Lied nehmed mer nomal, aber suscht anderi und au anderi Text. Ev. nomal de Hochsigsmarsch vo de Orgle, das müemer no luege. Und d Hochsigskerze wänd mer nomal azünde. Aber wänd sicher kei Kopie vo de Trauig, die isch einmalig.
Aber ich legg nomal s wiisse Chleid a und min Maa nomal sin Azug.
Nacher Apero und dänn s Fäscht am Abig, alles a de eh bereits plante Ort. Händ au niemert gross informiert (usser d Florischtin, wo scho bi de Trauig d Blueme-Deko gmacht hät), dass mir ez doch scho ghürate sind. Aber ich nime jetzt nöd a, dass das für d Chile z miete es Problem isch.
Ah, und bi de Trauig händ mer nacher en Apero gmacht. S isch inere andere Chile gsi (e weniger schöni, defür bini det ufgwachse und verbinde vili Erinnerige demit) und de Apero grad im Pfarreizentrum. Nacher simmer mit Eltere, Gschwüsteti und TZ no bi mine Eltere dihei go Ässe (vom Caterer gliferet) und so am 10ni/11i sind dänn alli und am Schluss au mir sälber mal los.
Aber de gnau Bricht chunt dänn no. Ich glaub, ich mach vilich glich no en Ego-Thread uf. Und sammle det drin mini Bricht-Biträg und d Wiitergeh-Biträg. Das isch glaub fascht übersichtlicher.
So, und ez isch es natürlich doch nöd churz worde. Boah, ich Huen.
En schöne Nami! Ich hoff, ihr chönd d Sunne chli gnüsse!
Ich hoff ja zwar, dass es bald wieder mal wüeschter wird. Nöd dass s Wätter dänn usgrächnet am 12te ibricht, gäll, daenu!
aii aii aii, iihr gebet ja Gas Do chum ii gar ned recht mit lese mit.
Fara: I finds so herrlich, wenn du vo eune zweiite Trauig-Plän verzellsch. So persönlich und eiinzigartig und au unzwunge. Will eue Traumtag isch gsii und jetzt wiird eiifach na gfestet Eui Namensanstecker find ii wunderschön, schlicht und doch en Hingucker. Durch diiä verschiedene Farbe wirds so lebendig frisch. I like a lot!
Nala: I hoff mii GG luägt jetzt ned. Aber es isch öpä das: http://www.triumph.com/ch/de/11282.html#.Uzlc61yifbI (hmm… gseht ned so spektakulär us uf dä Fotis) Aber go poste gang ii denn am Donnstig mit miiner TZ. Sii cha mir siicher no bestätige, dass Männer dra Froiid hend. Kuul, iihr darfet nomol an es Hochziit vor euem Fest! Denn chasch nomol go spiienzle was guät und was absoluti No-Go's wäret Und meega kuul sind all eui Sachä da. Cha verstoh,dass bitz ungeduldig bisch I find also da Kleiid vom zara hammer schön!
Über mini Tasteklappere iisch klagt worde. Muä also höre. Aber no kurz: Ha es Telefon bechoh. I darf mii dä Mittwoch go vorstelle. I freu mii soo Danke fürs Duumedrucke <3
Fara Ou ja das wäri super wend mir würdisch melde wenn du die kügeli gar nid würdisch bruche;O) i bruchti öppe 70 stück… ou e schöni Idee mitde Table Numbers…! Ig ha vori bi etsy gad sörigi gseh womer meeeega würde gfalle;O) https://www.etsy.com/de/listing/98175469...ew_type=gallery woooow du hesch e wunder wunderschöni Deko….gfalltmer mega….
Littlefoot E separate Thread wäri sicher nid schlecht?? Und de chame ja säge was z verchoufe wäri und was z vermiete?
Nala I mache öppe 30 Fläschli Limoncello aber mache de für die wo gar nie Alkohol trinke no Sirup und da hani dänkt fangi doch scho mal a;O) was hesch alles scho für accessoires für zum drischlüfe vom kleid??;O) schöni Kleider heiter bstellt bi de gspannt weles dases wird!
Sue: ok machi morn de thread. Super schön die tisch nr!
Me: ha grad photobooth verchleidigsartikel gholt vo de post. Has denn voremhuus ufgmacht und minu chind und gspänlu händ es riese gaudi gha dra Sind echt tolli sache und so günstig (uf dem weg nomal tusig dank de lucylu) De hani mim GG es foti vom sohn gschickt mit so riese brülle und pertücke. "Oh lustig.. Vo wo häsch de plunder ...gnau das bruchemer förs hochzit.." Tja Schatz, DAS isch eus FÜRS hochzit
Sue Tönt super, eui Flittis. Und ja, jetzt falltmer uf, dass dus schomal gseit hesch, sorry! Mini Schwöschter kennt mich ja eigentli guet gnueg und ich bi eifach chli überrascht gsi ab de Reaktion irgendwie… Mini TZ hed vo sich us gseit, dass sie weiss, das ich nöd so Sache will mache und dass sie mich au ned will lächerlich mache. Chume au ned so recht drus.
Fara Chönder d Table Numbers benutze oder hender eu für anderi entschiede? :) Mega schöni Tischdeko!!
Nala Hey bi eu chunnt ja alles ufs Mal, cool :) überhaupt, bi eu laufts ja voll! Und au mit de TZ, richtig guet! :) s Chleid vom Zara gfallt mier au am beschte, das isch mega schön!!
Littlefoot Haha din GG isch de geilscht! Guet gmacht!
Me Ich han hüt de ganz Tag a mine Chileheftli umebaschtlet. Hie möchti grad mal es grosses Danke ad Pfingstrose und d MiMa usspreche. Iher sind echt riese Schätz. Am Morge ischmer in Sinn cho, dasi en alti Idee ufem Compi ha und die hani ez chli umgwandlet ines Büechli. GG heds damals nöd cool gfunde, wills zwenig detailliert seg. Was meineder zum Büechli, too much? (d Titelsiite wird de mit Kraftpapier, ned mit dem bruune Papier)
Nur ganz churz, i mah eigetlech voll nid, mi hets total flach is bett gleit... Aber es het mi scho dr ganz Tag gnärvt dasi nid im Forum cha mitläsä und öich mini Föteli vom Basteltag zeige, drum hanis jetz glich nid chönnä lah si.
@fara: Wow, mega schöni Deko-Sache hesch gmacht!!! Gfallt mir mega guet... und i findes ou hammer dass jetz 2 fescht darfsch fiire, das hesch würklech verdient! Wie isches eigetlech so als verhürateti frou?
@pfingstrose: haha, omg zwillinge, da lahni gärn andernä dr vortritt!
@dänu: i finges also ou üüüübel was di GG da het müesse erläbe. I wär ou mega enttüscht... I würd gloub ou ds Gspräch sueche und när entscheide, ob dir ihne weit ufgabe wägnäh oder villecht no öper anders bestimme wo de im schlimmste fall am hochzyt chönnt d Notbrems zieh. Nid dass dir öich denn de no mal müesst ufregä!
@broncos: wow, soooo cool!!! Gratuliere zum TZ-Amt!
@me: Üse Basteltag am Samsti isch cool gsi. Mir si zu mine Elterä, det hets meeega viel Platz und mir hei chönnä dusse adr Sunne bastle, isch natürlech herrlech gsi bi däm Wätter. D Mädels hei Blueme bastlet und ig ha scho mal agfange d Gläser woni ha gsammlet z verziere. Bi ganz zfriede mitm Resultat. D Gläser muesi de mal no ga fertig mache, vo de Blueme hei mir scho alli chönne mache...
Gester isch de ou rächt cool gsi mit de Kiddies. GG's Schwo het halt eifach total anderi vorstellige vo Erziehig als ig - aber i dues akzeptiere und sägä nix drzue. I hoffe eifach, dass es bi üs nid so wird. GG isch mega härzig gsi mit de Chliine, si när no mit ihne i Bärepark gloffe u wo sie när si gange gsi si mir total kaputt ufs Bett glägä, ig ha so für mi dänkt: phu, jetz ändlech no chli weekend u gg seit so: "Mängisch fändis scho mega cool es Chind z ha."
Janedoe Wooooow das Kirchebüechli??!! Der hammer??!! Hesch das selber ner rund usgchnitte?? Gseht echt mega spitze und schön us…würdi ou gad neh i findes perfekt!
Malinchen Ohje gueti Besserig wünschi! Woooow die Bastelsache…die Lämpli si ja der hammer!! Wo tüeter die ner häre, nöime mit kerzli dri gell? Und d glesli si zuckersüess…..
me i hätt e Frag a öich woni Hilf bruchti...ha voremne Jahr im Tunesien-Urlaub sone grosse Vogelkäfig mitgschlepptha iz immer dänkt mir bruche de aus "Kartenbox". ize weisi nid ob de gnue gross isch? mir müesste unde fasch d Stäbli useneh dasme Couverts chönti dritue...was meineter isch das gnue gross? oder söuemer ender sone Koffer mache?
malinchen Mega schön eui Gläser! Da wäri aso au zfriede. Und d Blueme sowieso. Gseht hammermässig us!
Sue Ja, has selber usgschnitte, han ez eifach chli s Problem, dasis ned uf beidi Siite uf de gliche höchi bedruckt bechume (Bin ned so de Könner :D) Danke villmal fürs Kompliment :) Möched iher au eis? De Vogelchäfi würdi sägä isch gnueg gross. Weli Stäbli wettisch de usenäh? Mier hend ja au en Chäfig und dLüüt sölled ihres Kuvert eifach dur d Stäb durerüehre :D
Fara S’Dönt mega schön mit dim Fäscht. Mags dier würkli au vo ganzem Herze gönne :). Häsch gester no chli fürs Hochziit bastled?
Littlefoot Han müese lache ab dim Text.. Das bruchemer fürs Hochziit! Has den mim GG vorglese, er hät müese schmunzle.. Er meint amigs au, bruchemer das würklich? Isch das nötig?
Janedoe Finds Chilebüechli mega kuuhl gmacht. Was hät de GG dezue gmeint?
Malinchen Dämfall ganz gueti Besserig!! Dini Bastel-Sache gfallemer guet!! Find dini Gläser mega schön gmacht. Gueti Ussag vom GG .
Sue Lustigi Gschicht mit em Chäfig Finde s’Chäfig gseht gnueg gross us.. Meinsch wege de Stäbli, will d’Chartene nöd inepassed?
@malinchen: Oh nei, hesch d Grippe verwütscht? Wünsche gueti Besserig! I bi ou wieder am hueschte sitere Wuche... Dini Bastusache gseh u schön us!! Super gmacht. Die Liechtli si nid mega schwierig zum mache, oder? I fänd so öpis für dusse vor dr Location ufzsteue o sehr schön...
@janedoe: Würklech es cools Chileheftli hesch da gmacht. Und e lustige, nid so brav-konventionelle Text, findi no witzig. Ja es wird sunnig hüt, ämu bi üs und warm!!
@Squishy: Yeah gsehsch, gratuliere zum witere Gspräch! Wärs e Ort wo dir eher würd zuesäge oder chasch das no nid so säge im Vorus? Mini Düüme si drückt! Mega schöns Korsett, gfaut mer guet (und dim GG sowieso we du drin stecksch, da hani gar ke Angscht... )!
@Sue: I finde die Idee mitem Voguchäfig schön. Dänke o, dassme die Couvert scho irgendwie sött inebringe oder? Süsch chasch ja no irgend e schöni Chiste oder öpis mache füre Notfau, dass sie so viu bringe und sie nid aui Platz hei I mache sones Köfferli (das isch auerdings o nid sehr gross...) mitere Wimpuchötti, aber o nur wüu ig sones Köfferli scho dähei ha wo mega guet passt. De muesi nid no äxtra öpis choufe / bsteue.
@lil.lian: Schön heiter e Azug gfunde wo dim GG (und dir natürlech o) gfaut. Aber i verstah dini Ängscht wäg de Änderige... mi GG isch ou sone schmale Wurf und das wird gloub o nid eifach... mir gö ja am Samstig uf Suechi, bi scho mega gspannt! Freue mi eh wahnsinnig uf das WE und hoffe, die Wuche geit schnäu schnäu verbi...
Anmelden
Sind sehr zfride mit dem Azug. Ich glaub, er hät öpe 950 koschtet.
So persönlich und eiinzigartig und au unzwunge. Will eue Traumtag isch gsii und jetzt wiird eiifach na gfestet 
Aber es het mi scho dr ganz Tag gnärvt dasi nid im Forum cha mitläsä und öich mini Föteli vom Basteltag zeige, drum hanis jetz glich nid chönnä lah si. 
Nid dass dir öich denn de no mal müesst ufregä!