Jandeo: Ich erlaubes dir... Ghan hei und mach das Päckli uf ich will en Bricht! Haha! Du häsch rächt... Aber jetzt mussi mie wieder um Musig kümmere... Hihi! Du hüratisch ja vor mir... Hànd ihr en Tanzkurs gmacht?

Aso ich säg minere Chefin ez, dass d Pfingstrose mich heigschickt hed :D haha weisch wie würd die luege.
Ah das mit de Musig schaffsch du scho. Mier hend viel zviel Wünsch gha und fascht ned chönne usselektiere. Aber euses Ilauflied isch so perfekt für eus beidi. Freue mich glaub am meischte uf de Moment woni zu dem Lied inelaufe :D

Mier hend kei Tanzkurs gmacht bis jetzt. Aber mier sötted! Ich bi sones gstabi und tanze nie. Und GG au nid. Aber da er im Moment sooo viel schafft und am Abig oft vorem halbi 10ni nid heichunnt hani kei Ahnig wenn mier de sötted mache. Möched iher eine?

Taeboyana
Verstah voll was du meinsch. s'Persönliche isch zwichtige :)
Ich ahne, dases d Blueme für d Haar sind. Sie hed gseit das gieng nur es paar Täg aber GG hed vo zwei Päckli gredet und ich ha ihm ebe ganz bös verbotte daser de Absender liest oder s Päckli ufmacht :D

@Janedoe: Genau . Oh was hesch für Blueme bsteut? I ha o bsteut bi etsy und die sötte o demnächst cho...

Tanzkurs: Ich find ebe mir sind jetzt sogar scho spat drah... Es isch i zwei Mönet! Ich drähe langsam dure. Haha! Aber mir werded eine mache suscht gits kein Hochziitstanz, das isch mini Bedingig gsi. GG sötti mal s Lied ussueche... Ich känn mich eifach au schlächt us mit de Tanzstil. Welles Lied händ ihr Teaboyana?

@Janedoe: Oh schön! I ha o so Haarnadle mit Blüemli dranne, aber nid us Stoff. Ha eismau dr Link postet, het aber gloub nid funktioniert... mache de es Föteli, weni se ha.

@Sue: Aha, de gits scho no chli z'bastle. Aber bisch ja no früeh dranne im Ougust de sött das scho klappe. Merci, üs het dä Spruch o so gfaue.

@Pfingstrose: I möcht "Something stupid" vom Frank Sinatra und GG mues de eifach zuestimme oder e bessere Vorschlag bringe . I liebe Sinatra und finde das Lied wär mau öpis anders und ou dr Tanzstil...