*reinschleich*

wow sue, dä gartebank gseht de toll us! stöusch dir de vor, dass dir zwöi dört druffe sitzed während der trouig? de würdi eifach no es chüssi druf tue, süsch eschs de velich chli unbequem

Guete Morge mitenand

@ Sue
Das isch e mega tolli Bank, gseht denn sicher super us wenn si wiss gstriche hesch.

@ janedoe
Das wär jo super wenn eure Sänger bi eurem Hochzitstanz würd singe, mir jedefalls würd das super gfalle.

@ me
Einigi vo euch händ jo es Bild vo mim Kleid welle gseh. Womer am Samschtig wägeme Azug füre GG sind go luege hani grad chöne froge wie mis Kleid heisst. Wär also gärn e Föteli will gseh, ich schicks euch gärn per PN. Mir sind au no go Ring aluege. S stöhn 2 zur Uswahl aber mer hän uns noni für eine chöne entscheide.

Wünsch allne ganz e schöne Tag

Guets Mörgeli!

@Janedoe: Wo hesch dr Schleier und Gurt bsteut, bi JJs House oder etsy? I hätt Angscht dasses nid genau zum wiss vom Chleid passt, hesch das gnau chönne usläse oder hesch eifach mau uf Risiko bsteut?

Apropos Accessoires hani e Frag: I ga ja am Friti ga ds Chleid abstecke und ha dänkt i luegi de no fürnes Jäggli/Bolero oder öpis im Fall der Fälle... eigentlech wetti aber am liebste nüt obedrüber alege und für im Ougust hani scho no d Hoffnig, dasses de nid plötzlech nume 10 Grad si... würdet dir da öpis choufe oder nid? Isch ja o blöd weni Gäud usgiebe für öpis woni de je nachdäm gar nie alege...

@Sue: Sones cools Bänkli! Isches tüür gsi? I wett so eis für während em Apéro dass mir zwüschine e Pouse chöi ha... aber das heimer de TZ i Uftrag gä.

@Lula: Schön wieder vo dir zghöre. Ah de wär ja üse DJ de mit 1000.- vou im Rahme... Vor auem isches o no e relativ bekannte gloub (ämu zBärn...). Är het sech itz ds Datum mau reserviert und de telefoniere mir nächst Wuche. I wett de ar Sitzig mit üsne TZ am Samsti das Ganze no chli bespräche wägem Ablouf... bi irgendwie so unsicher, wüu mega früeh cha ja dä DJ o nid afah und mir chöi äbe o nid u lang Freinacht mache i üser Location (ca. bis 2, evtl. no chli lenger). U wenn dr DJ mau het agfange und tanzt wird, chöi ja de d TZ ou nümm mega Biträg u Programm iplane? U ds Ässe duret ja de o es Wili... Hm schwierig! Heiter mer e Rat?

@Pfingstrose: Oh nei, hani vor 2 Wuche gha, müehsam... hoffe es geit wieder wäg dass fit bisch für Madrid! I wett scho lang mau derthäre...

@lil.lian: Mega coole Rahme, wo hesch dä gseh?

@me: I ha gester no e rächt erfougriche Ichouf gmacht ir Stadt: es Holzböxli und Farbe zums Amale plus es härzigs Band, woni itz wott probiere es Ringböxli drus zbastle. Mau luege wie das usechunnt. Bruche aber äuä no chli Stoff zums uspoustere. Und de hani no gad so cooli Strümpf gfunge äxtra für Peeptoes, die wo ke Zäihe hei Die bruchi für am Zivile für i mini neue High Heels, je nachdäm isches ja im Mai no nid so warm.

ah so cool sue. das gseht sicher toll us!
mir esch grad no sone witzigi idee cho. chöntsch jo uf d'chüssi z.b. lo ufdrucke: bride und groom. oder here sits the bride oder so. hi hi, wär sicher no witzig. :-)

ou sunds, eg be zwar e 2013-er brut, aber dörfi äch dis chleid trotzdem au gse? *liebfrog*
finde das immer soooooooooo spannend :-)

Taeboyana
Bi mir steut sich di glichi Frag mege bolero oder nid. Auso für id Kirche wotti nüt da früri mer schlimmschtefalls lieber öpis ab;O) aber i wirde äuä eifach es wisses Jäckli oder öpis mitneh für den fall der fälle dases am Abig chüel wäri? Ds bänli isch inklusive Lieferung Fr. 99.90 ;O) isch mit abstand ds günschtigschte woni ha gseh und es isch neu! Het no meh vo dene bi Ricardo gloubs;O)

Pfingstrose
Ooh schöni Sache vo etsy…für was bruchsch d Tafele und Bride/Groom?

Dandi78
Hihihi das isch e super Idee!!! Muess gad mal go google obs so chüssi git;O)

Hoi zämä

@Pfingstrose: U wie chunnt de das Sockedings uf dSocke?

@Jane: Ig bi aso ou gspannt...
Nee, so normali Unterhose u ne trägerlose BH u so Summerstrumpfhose (http://www.ackermann.ch/is-bin/INTERSHOP...%B6schen+60+den) schön sicher nit, aber gäbig

@lil: Cooli Fotorahmeidee!!

@Pfingstrose: Oh nei, gueti Besserig!

@Sue: Di isch mega schön!!

@Taeboyana: I ha mini Stola vo mire TZ chönne uslehne, viellech hesch bi Dir im Umfeld ou öber wo scho ghürote het, u Dir so was chönnti uslehne. U für dWärmi hani es Strickjäggli drbi gha...
Wär de? *gwunderbin*
Mir hei üse DJ vo ca 18.00 Uhr bis am 00.30 Uhr gha, u ou gäng mit Unterbrüch vom Ässe u Biträg vo de TZ. Tanzet isch aber ersch nach am Houptgang u nach am Dessert worde, haut de zwüsche de Biträg Oder was meinsch wägem Rat? Bisch am überlege kei DJ zengagiere?

@sunds: Dörfti äch ou es Foti vom Kleid gseh?