mima: haaa du bisch super, wireless drucke so cool. mini nachbarin hät ebe gseit sie heb so eine und ich chöng de uslehnä. etz muni mi nur no schlau mache wie das alles zämehänke aber ich schaff ja inere informatik bude, keis problem.

danke bisch super !

me: han no vergesse: bi über de mittag im depot gsi ha etz so väseli i verschidnige dicki und höchi kauft, für de tescht tisch woni etz morn mache cha weni hortensie und schleierchrut bim florist bechume.

Janedoe
Joah das glaubi, wenn halt würkli grad im Chueche wohnsch, gasch halt würkli vill schneller mal no noimets hi, wie was go trinke, als wenn extra für das no id Stadt müsstisch..
Homeoffice isch voll kuuhl :) Heti au no gern..

Squishy
GRATULATION!! :) so lässig !!
Häsch de Job ab de Summerferie?

Daenu16
Ich finds guet, dass din GG mit TZ und TM telefoiniert hät.. Das er gfrägt hät wies zu dem cho isch und au beidne gseit wies um d'Fründschaft staht.. Guet häts de TM igseh und sich au entschuldiget.. Abr das mit de Stimmig isch würkli nöd toll.. :-/
Hoffe abr trotzdem für eu, dass iher morn e wunderschöni Trauig und no de schöner Tag werded ha :)

Littlefoot
Sinds die Väseli wo uf Pinterest pint häsch? Söttigi hani ebe au kauft, die für CHF 1.95 händ e super Grössi. Die weti für d'Chilebänk näh und dänn gids no vill die grössere, die chönti mier guet für uf em Tisch am Abig dänn vorstelle..
Bin gspannt wie din Testtisch dänn wierd usgseh..

Zuletzt bearbeitet am 03.04.14 15:35

Hey zäme

Glesli wiiter z geh hetti au. Eifach zwei Sorte. S einte da di Vintage-Väseli. Sind aber halt mit enere Etikette druf. Und suscht Uni ganz vill Sanbitter-Glesli. Also, wänn das bi öperem würd dri passe, sehr gern.

Sorry, han alles gläse, aber nöd systematisch beantwortet. Aber ihr händ ich gester chli vo de Chemo abgklänkt. Hüt gahts mer rächt guet. Bi zwar nonig under d Duschi, wil das immer biz öpis stressigs isch für mich grad nach de Chemo. Aber joa... Stinki halt chli vor mich hii. Solangi eifach s Ässe ez verträg.

Irgendwänn isch no s Thema Unterwösch ufcho, woni no kän Sänf dezue geh han. Also ich han us em Brutmodegschäft en BH kauft für 145 Stutz. Isch also absolut vill für mini Verhältnis. Aber han ebe kei Ziit gha zum vorher go luege, wili im Spital gsi bin (Arsch-Spital, ha di langsam gseh, wett so schnäll nüm cho - aber d Lüüt sind u liebi, so isch es nöd). Dänn hani gfunde, ja chum, wänn de BH scho so tüür isch, isch au schad, de passend Slip nöd z ha. Hani halt nomal 80 Stutz für de String usgeh. *gg* De hani aber am Tag dur am Hochsig nöd agleit, sondern en andere String (eine, woni gwüsst han, dassi de ganz sicher bequem find). Han gwüsst, dassi am Abig eh lieber wett unter d Duschi hüpfe und dänn de passend String früsch chöne alegge.

Strümpf hani eifach huutfarbigi agha. Wissi Strümpf gfalled mir irgendwie nöd. Und ganz blutti Bei wäred bi dene Temperature nöd sooo de Brüller. Wobi, mer hät no tuusig Schichte Chleid drüber. Aber ich träge eh vill so di fiine huutfarbige Strümpf, au mängisch im Summer under emene Röckli. Find mini Bei nöd sooo de Hit. Die chönd chli Make Up verträge. Sind halt vor allem chäsbleich und s hät e chlini Art Narbe.

Soooo, ez wüsseder das au no vo mir. *gg* Ich finds luschtig... Über was mir eus scho alles ustuscht händ. *gg*

Ah: Ringböxli: Öper (ich glaub d Taeboyana) hät welle es Ringböxli sälber mache. Han ich au gmacht, hät rächt guet klappet. Ich han so helli, chlini Truhe bstellt bi Opitec (chani übrigens eh empfehle für günstigi Baschtelsache) und dänn so dunkel lasiert. Drüber dänn obe druf mit enere Schablone es florals Muschter gmalt (das isch leider chli verloffe, aber glich no schön gsi) und drin ine hät mir mini TZ es Chüssi gneit und zwei Spitzebänder dra zum d Ring amache.
Tiptop klappet. Han u Freud gha.

Min Maa hät dänn prompt zerscht de falsch Ring verwütscht. Aber händs no gmerkt (phuuu). Aber das ghört eher dänn i d Fortsetzig vo mim Bricht, woni aber no chli useschieb. Bin nonig dezue cho und wetts lieber schriibe glaub, wänn d Chemo ganz wieder dure isch. Nöd das emotional z fescht verhänke. Würd glaub scho nöd passiere, aber mer weiss nie.

Ah, min Ehering isch mir scho wieder z gross. Letschti ischer abgflutscht. Normalerwiis hani de Verlobigsring als Stopper vorne dra jetzt. De isch e halbi Nummere chliner. Aber ez bstelli glaub uf Etsy no en herzige fiine silbrige Ring, wo chliner isch und de Ehering sell zrugg bhalte. Grad definitiv chliner mache, wetten ebe eigetli nöd, wil de isch ez nur so gross, wil ich so vill abgno han. Wett ja aber eigetli wieder zueneh. (Haha, ich bin au di einzig Bruut wo sich beklagt, dass sie vor em Hochsig abgno hät. - und muss ehrlich sii, di jetzig Figur gfallt mer. Aber ich weiss, dass es nöd mis gsunde Gwicht isch - also, das, woni han, wäni normal isse und gsund bin).

Haha, ez hani churz wele wäg de Glesli schriibe und schwupsdiwups händ ihr erfahre, was ich une drunder agha han.

BTW: De Wonderbra, wo d Taeboyana hät, hett ich suscht au no. No nie treit, aber aprobiert. Isch mer nöd gange, hetten au für s Hochsig dänkt. Und s zrugg schicke hani zwüsched allem gsundheitliche Stress chli verpasst. Falls öper intressiert wär a dem BH und dänkt, dass es 80B ungfähr chönt passe... Chönders säge, dänn schicken eu mal zur Aprob. Ich glaub, ich han öpe 45 zahlt defür. Würd en aber au günstiger weg geh. Wil: was wett ich mit eme BH, woni nöd chan alegge.
Es isch de da in huutfarbig: http://www.laredoute.ch/de/bandeau-bh-pe...498-235914.aspx

Liebi Grüess,
Fara

fara: schön das es einigermasse gange isch geschter
ja säg au, gäll mir wüssed afig so vill vonenenand
hauptsach fühlsch dich wohl i dim körper wegem gwicht, obs etz s ideal gwicht isch oder nid...wenn du der gfallsch so
ou sone wonderbra chetni au bruche aber 80B isch glaub nid mini grössi

lilian: oh scho uf pinterest gse :) jep, ha die für 1.95/3.95 und no es dicks weiss au nüm wie tür kauft. mal luege obs zui de configläser passed, wohl eher nid

mima: wär schön cool wenn mer dini chentsch witerge aber ich glaub dis fäscht isch ei wuche nach mim, oder nid ?

taeboyana: so cool es hochzitsmarathon weekend :)