Hallihallo zäme!

@squishy: hehe jöö danke! =)) lustig alli säget s’gliche mit griechischi göttin und so haha :p :) jo a zoll hämer ebe au scho dänkt aber isch jo bi schlächtem wätter au nedso das.. hmm mol luege ob mini golf klappet :p hoffe s’rägnet ned so wie höt wär voll easy!! S häd det ebe glaub nedso spezielli sache.. hey so cool wägem job gratuliere!!! dönt super! :) hihi immer wieder lustig z läse vowäge vorstelligsgpröch :p die typische STAR froge halt ;))

@janedore: haha ich bin doch vil z’nöigierig :P aber nehme mer immer wider vor öfters inezgüxle aber glich klappets nie :p daaaanke vilmol :))) mir hoffet eifach witerhin uf schöns wätter morn ;) hey voll cool wgem polterweekend! :) hihi mim GG si best kolleg plant barcelona und ich döf au hälfe packe hehe und er meint a dem tag wird zöglet und er muess hälfe zügle :P aber statt s zügelauto bim flughafe go hole gohts dänn eifach nach barcelona hihi mega cool :))))

@lil.lian: jo und wie! Aber biin no nervöser jetzt haha :p chas ebe nedso ischätze wäg de prüefige gsehs dänn.. jo genau arianna-music.ch! si isch suuuper und mega sympathisch! Jo mir gönd i preidlhof im südtirol hihi fröiet öis mega! Jo gueti ex-arbeitskollegin vo mir macht mega schöni nägeli :) dankeee :) und wieni nervös bin ganz schlimm :p

@littlefoot: daaaanke vilmol!! =))) ooh mega schön die deko idee! =)

@sue: daaankeee :) I hope so :) aber s’söt scho mehrheitlich troche blibe – lömer öis öberrasche ;))

@daenu: juhuuu du bisch jetzt verhürotet!! =)) CONGRATULATIONS!! =)))) hoffe ihr händ trotz dem drama glich en superschöne tag gha und alles negative isch wider fast vergässe ;)) bisch du ächt hüt morge oder gester au so nervös gsi!? :p und haha din kommentar isch de hammer :p

@taeboyana: daaanke!! =) hoffes also au hehe gsehnds dänn morn :p mache chasch eh nüt :p ah wörkli so witzig :p jo museumsgänger sindmer ebe gar ned :p und bar rouge isch för d’basler au langwilig :p schiff fahre hämer au öberleit hmm mol luege :p aber ebe hoffe immerno s mini golf klappet und sust halt würkli bowle oder zoo und meh dinne si oder so luegemer ;)

@me: Ääääh hiiilfeeee!! A alli die wo scho ghürote sind: sind ihr au so mega fest nervös gsi vorem standesamt?! :p man nedmol baldrian hilft haha het ned dänkt dassi sogar vorem standesamt so nervös bin! Wie wird das erst am fest!?! :p gester händ mi mini kolleginne eifach nomol rasch abgföllt so als ledigi frau :p han öbe 1,5 liter erdbeermargaritas ellei trunke! :p bin entsprechend k.o. hüt :p aber glich de ganz tag go schaffe und han nomol endspurt gäh.. und jetzt isches eifach morn so wiit! Und ab morn heissi eifach anderst!! Sooo schreg! Identifiziersch di fast 28 johr lang mit emene name und dänn heissisch plötzli anderst?! :p am 7.45 muessi bi de kollegin si för hoor & make up :p ah und mis mami isch öisi strüssli und asteckerli no go hole sooooo schön!!!! =) und das för de schnäpplipris vo 80.- !! 2 strüssli (mine chli grösser) und 2 astecker! Halt mit dene 30% aber findes vooooll gönstig! Due def. Au mit ihne d’deko mache för im sommer hihi juhuu :) poste dänn fötelis am sonntig oder so ;) also hey dröcket mir de dume dass morn alles guet chunt unds vorallem troche blibt! :p buona notte a tutti!! :)

Gschriebe hüt 07:30 Uhr

Fara: OH WoW, dä Vorlagestruuss isch würkli uuuuuh schön! Und so hani dir au grad uf Pinterest chönne folge!

Littlefoot: Hey schöööön din Teschttisch. Mir gfallt de rustic Style vooooll guet. Und sGrillbuffet macht eeeecht grad Hunger (sogar am Morge, haha) yammiii

Jane: heyyy soooo schön weg de Flitties. Etz simmer denn fascht glichzitig weg. Hesch scho was usegfunde? Git ja sicher paar schöni Örtli denn

Weddingbee: Mir hüroted hüt innere Wuche und müend würkli nurno ganz chlini Sächeli erledige. Väsli woni für Deko bruch id Abwaschmaschine tue und denn wenn’s suuber sind Spitzebändli dratue….so Sache.
Bim Gelübte findi „die Hochzeiterin“ , glaub DE, inspirierend. Mir hend ebe nur Stichwort müese ufschriebe will mir’s denn nöd selber vorlesed. Hend also alles Wichtige ufgschriebe und de Diakon formuliert drus sini Sätz.

Principessa: Demfall bisch du etz grad am dich zwäg mache loh. Ooooh, gnüsses! Ich bin geschter au bim Coiffeur gsi und hami so richtig verwöhne loh! Wünsch eu hüt en wuuuuuuunderschöne Tag!!! Happy Zivilhochziiiit!

Me just married: Wolke 7 säg ich eu! Mir hend en wunderbare Tag gha!
Am Morge bini zum Coiffeur. Ha de Termin scho vorem Verschiebe vode Zivi-HZ gha für Méches, damits nöd grad gaaaanz frisch sind nögste SA. Nach de Méches het sie mir eifach no dHaar schön gföhnt und es chlises Zöpfli gmacht…ganz romantisch wienis gern mag.
Ich bin überhaupt nöd nervös gsi und han immer denkt es chäm denn no.
Dihai acho isch im Huusigang es rieeeese Päckli gstande, würkli überdimensional. Adressiert a „GG und Dänu NEUENAME“. Das riese Päckli isch aber so liecht gsie wie wenns läär wer. Bim uftue chunnt üs plötzli öppis entgege. Läck bin ich verschrocke. USem Päckli chunnt en riese Ballon use anere 3m Schnuur (ja mir hend hohi Deckene), dForm vomene Auto wo druf stoht JUST MARRIED. Vo üsne Nachbare/Fründe im gliche Huus. Soooo geil ich sägs eu!
GG und ich hend denn no gesse und üs parat gmacht. TZ isch denn chli früehner cho und GG und TZ sind denn no churz go spaziere (ihr wüssed scho, wegem Polteri). Jedefalls isch das sehr guet gsi und me het würkli sGfühl gha es seg wieder guet (hoff das wird denn au mit TM).
Mini TZ het üs denn abgholt und mir sind z’vierte zum Standesamt Steckborn TG. Alli sind scho det gsi ussert min Dad. Er isch denn auno cho mit mim Bruutstruuss. D’Beamtin het scho gwartet und mir sind denn alli ine. No bevor sie üs begrüesst het hemmer zerscht zämä grad müese üsi Hochzitskerze azünde. Sie het denn uh schön gredt und me het ihre super chönne folge. Sie het nur ein einzige Paragraph zitiert, dass sich dEhepartner Biistand und Anteilnahm schuldet. Denn han ich no öppis gheims vorbereitet gha für GG. Es chlises Gedicht woni für ihn gschriebe han über üsere Afang und üsi Beziehig, über s’Besigle vo üsere Liebi. Bim Vorlese hets mi denn natürli voll verrisse. Ich han unter Träne vorglese und GG het mega kämpft mit füechte Auge. Mega emotional. Mir hend denn JA gseit und unterschriebe. GG’s Dad het denn no gseit „Willkomme ide Familie“ (mir hends nöd immer so eifach gha) und denn hani grad nomol voll ghület.
Zur üsere Überraschig isch den vorem Traulokal grad no mis „Pflegmami“ gstande. Nomol Träne!
Denn hemmer Föteli gmacht und sind denn an See ines mega schöns Resti go Dessert esse (Seehotel Schiff Mannenbach). Uuuuuh schöni Ussicht und uuuuh feine Dessert.
Spöter simmer TZ und TZ, min Brüeder u. sini Frau und mir go esse is Hollys uf Konstanz. Hend alles Revue passiere loh…hend gredet, scho chli Chopfkino für s’kirchliche gha und eifach in volle Züge gnosse. Hend en herrliche, luschtige, emotionale, glückliche, verliebte Tag gha. Sind wie frisch verliebt!

Daenu, ganz härzlechi Gratulation dir u dim GG ä mega schöne Bricht, tönt nachemne Troumtag merci viu mau für zTeile...

nur kuuurz ladies:

@daenu: härzligi gratulation und merci für dä schöön bricht! ha s gfühl ihr händ e total tolle dag dörfe erläbe! so mueses doch si!!!

@principessa: au dir härzligi gratulation hoff ihr händ (trotz em wättr) e super dag dörfe ha! bi gspannt uf din bricht!

@squishy: cooooool hesch de job! sooo toll! congrats!!!

@littlefoot: mir gfallt de test tisch super guet! seht sooo toll us mit de ponpoms!

@fara: tolle bruutstruss!

@broncos: gratulier dim gg zur bestandene priefig! Mega toll!

@janedoe: cooool bald polteriiiii hoff das dim gg si tz das no anekriegt mit organisiere! ich akzeptier natürlig dini antwort do inne

@taeboyana: und ischs weekend erfolgriich gsi? merci no für e link mitem böxli

@me: mir sin geschter anere hochzyt iglade gsi! isch mega schön gsi.. das ganze isch us vrschiednige gründ relativ kurzfristig organisiert gsi (d bruut hätti, do si usländerin isch gli widr miesse usreise hätte si nid ghürote) und vo dämhär nie mit däne fester wo mir do inne organisiere z vrgliche gsi. aber trotzdäm ischs wirkli schöng gsi. wo si usem rootshuus ko sin, sins immerno mega nervös gsi, hän sich de ganz apero dure kum los gloh und hän eifach so e vrliebte/glückliche/zfriedene idruck gmacht - so schön! währendem apero isch em brütigam sis mami im resti im schwarzwald die ganz deko go anezaubere, isch mega härzig gmacht gsi. s isch e sehr kleini gsellschaft (15lüt) gsi aber trotzdäm sehr schön. mir hän super gässe, häns lsutig und guet zämme ka und das isch doch im ändeffekt d hauptsach! ich glaub s bruutpaar wirds as e schöne dag/obe in erinnerig ha und das findi wirklich isch sooo viil wichtiger as viiles andrs.
so ez hani das au no schnäll mit euch teilt mues ez grad los! wünsch euch no e schöns wucheändi!