und die 2. Grossi Öberraschig isch en grosse, richhaltige Apéro gsi direkt vorem Standesamt – ächt si händ das so super organisiert mini Mädels natürli ;)) mit Moscato, Orangesaft, Mineral und Fleischplattene und Olive & Truube und weiss ich ned was alles! Ächt en mega mega glungniigi tolli Öberraschig gsi!! =)))) Händ dänn ganz vil cooli Gruppefötelis gmacht uf de Stäge vorem Standesamt :) Und öbe am halbi 2 hämer öis vo de Frönde verabschidet (bin scho mega am früre gsi!!) & sind dänn witer i Park Grüen80 – det hämer dänn meeega schöni Fötelis gmacht hihi han soo Fröid!! =) hasi leider nonig zum zeige erst fangs so Handyfotis aber han natürli dänn am Obig scho döfe güxle und WOW! Bin öberwältiget :)) si isch eifach es super Talänt mini Fröndin! :) zerst mit de Family und dänn nacher hämer si id Wärmi gschickt is Parkrestaurant öbis go trinke und mir sind no witer chli go fötele (im Juli am Fest hämer jo dänn ned so usgiebig & gechillt Zyt wie gester…) und hey dänn womer dure Park laufet, entdeckemer eifach es Karussel! Und ich so: loooos chum mir froget obmer es Föteli döfet mache! Und de wos bedient häd häd das mega lässig gfunde und gseit mir sölet doch grad en Fahrt mit de Kids mitritte hehe :p so witzig gsi ich säge öich! =) wie 2 chlini Chinder! :p er im Azug und ich i mim lange elegante Prinzässinechleid hehe :p häd glaub no rächt witzigi Fotis gäh :p ;)) voll die spontani Aktion gsi.. dänn sindmer dänn au no öbis warms go trinke & chli go Wärmi tanke und dänn sindmer witer nach Prattele go Bowling spile alli zäme :) (för zum Minigolfe wärs def. Z’chalt gsi!!) s’guete isch gsi, dasses sogar no es Topolino gha häd det för die chli – so händ alli ihre Spass gha :) haha ihr chönd öich mich sicher vorstelle i dem lange elegante Chleid am bowle haha bin dänn au entsprechend schlächt gsi aber defür isch mi Ma (oh dönt das guet hehe :p) 1. Worde und mini TZ (trotz Chleid!) 2.! =) aber s’händ alli ihre Spass gha und uf die 6i sindmer dänn richtig Rhyfälde gfahre zum fein go Znacht ässe :) S’ässe isch top gsi wie immer – nur de Service ned sooo super – d’Menucharte womer bstellt händ häd gfehlt debi hani am MI nomol aglütet und si händ gseit si drucket si… und si händ för d’Vorspis vergässe Täller z’serviere & so dass alli schön gsöilet händ :p und statt Moscato händ si Prosecco brocht und no so paar Sache und irgendwie gstresst sind si gi aber egal.. händ eifach nedso vil Trinkgäld gäh.. aber de Obig isch lustig und glunge gsi & mir sind dänn öbe am halbi 12i todmüed dihäi is Bett gfalle :)) händ wörkli en wunderwunderschöne Tag döfe verbringe wo mir niemols meh werdet vergässe! =)) s’schönste Gschänk isch för mi natürli gsi, dass sich mini Eltere so erstundlich, öberraschend guet verstande händ! För das, dass mi Papi bis vor enere Woche ned gwösst häd, ober chunt oder ned wäg minere Muetter! Si sind sehr aständig und respektvoll mitenand umgange und händ sogar (im positive) öber früener gret und so und puh glaubet mir das isch eifach wie Balsam för mini Seel gsi!!! Und au Fötelis hämer sogar gmacht mit ihne Beidne zäme! (han glaub keis einzigs Foti mit mine beidne Eltereteil will si sich trennt händ woni no so chli gsi bin und generell nedso vil Fotis gmacht händ) also wörkli eimalig gsi för mi :) mi Vater isch richtig guet droffe gsi und glöst und hanen sälte so vil gseh lache, er isch glaub au wörkli stolz gsi! Han de ganz Tag extrem gnosse! :))) hettet beidi ned dänkt, dass s’Standesamt au so en grossi Sach för öis wird und sind so positiv öberrascht worde!! =))
Jetzt chöntemer en halbe Bluemelade ufmache, mit all dene Blueme womer becho händ :p aber händ es paar devo grad wider unterenand verteilt wilmer jo morn Morge bis am Fritig wäg sind :) jo jetzt hämer grad fertig packt und gönd gli is Bett – morn gohts ab i Preidlhof is Südtirol go wellnesse i öisi Mini Honey-Moons :) fröiet öis mega!! =))
Sorry för de langi EGO-Post :p due öich no paar Fötelis i Ahang als chline Vorgschmack – die richtig schöne hani ebe leider nonig ;) Aber händ fangs paar abgfötelet vode Kamera – die sind halt eifach qualitativ nedso de Hit :p
Wönsche öich allne en guete Start id Woche morn & ich mäld mi dänn wider wenni retour bin :))
Liebs Grüessli vo de glöckliche frösch verhürotete principessa ;))
Liebi Laprincipessa, ganzganz härzlechi Gratulation Dir u dim GG di Bricht tönt wük nachemne wunderschöne Tag Merci viu mau für zBrichte u für zZeige vo dä tolle Föteli... Dir heit wunderschön usgseht u du hesches richtigs strahle ide Ouge dFöteli ufem Rösslispiu sich wük cool Iz wünschi euch ganz schöni Mini-Honeymoons gniessets
daenu: gratulierä ganz herzlich ! es tönt sehr berüerend und au dass di GG trotz alldem wo vorgfalle isch mit sim TZ hät chöne friede schliesse !
laprincipessa : au dir ganz herzlichi gratulation ! ihr gsend super us uf dene fotis, mit de passende farbe und mega happy .) so schön hend dini elterä sich für eu zämegno, das isch doch s gröscht gschänk .) au dass all kollege extra uf basel cho sind, de hammer !
me: test-tisch isch bm GG aso duregfalle :) han susch no es paar inputs becho, und ich glaub echti blueme mached meega vill us. ihr da ine hend halt shco so vill bildli usw gse, ihr chönd eu die falsche wegdänke und echti visualisiere mache etz denn nomal eine, mit eme breitere läufer, und echte blueme. d offerte vom caterer isch cho. wie immer gits überraschige er hät mr im vorfeld gseit gha dass mer öpe 10.-/ für personal müssed rechne..isch etz glich ca 26.- worde. aber isch ok für ois. und bim kafi hemmer glaub au falsch verstande, sie rechned etz 2.50 pro kapsle und mit 80 kafis bi 50 persone..mir sind aber e grossi kafitrinkergsellschaft..hmmm...das cha sich denn läppere. eventuell nehmed mir eusi eiget mit, da chasch statt 2 glichzitig halt nur eine usela.defür chömmer d kapsle chaufe (im migi sind ja die u günstig).
apero: (flügend serviert) - Bruschette (Tomatenbelag) - Crostini mit Oliven- und Frischkäseaufstrich - Pizzaschnecken "Margherita" - Datteln mit Speck - Chips assortiert
grillbuffet: - rosa gebratene Rindshohrücken-Steaks - Pouletspiesschen an einer erfrischenden Kräutermarinade - kleine Kalbs- und Schweinsbratwürste (60gr.) - schmackhaft zubereitetes Grillgemüse mit Peperoni, Zucchetti, Cherry-Tomaten, Frühlingszwiebeln und frischem Liebstöckel - gegrillte Maiskolben (geschnitten) - Blattsalat mit französischem und italienischem Dressing - Kartoffelsalat mit Essiggurken an leichtem Bouillondressing - Rüeblisalat an weissem Balsamicodressing - Tomaten-Mozzarella Spiesschen an Balsamico mit Basilikum - Randensalat gewürfelt mit Kräutern - Champignonsalat mit sonnengetrockneten Tomaten - selbstgemachte Chili- und Kräuterbutter - Senf und Ketchup - frisches Brot
so etz gani mit de nachberi zu einere hei go es brutchleid probiere (sie) wo sie ihre eventuell wett abchaufe fürs chirchliche im 2016
Guete Morge liebi Brütlis und wiukomme zum Wuchestart...
@Principessa: Gratuliere ganz härzlech und danke für dä schön Bricht!! Es tönt nachme ganz tolle Tag und du bisch e wunderschöni i däm Chleid und ou d Frisur gfaut mer super wod hesch gha! Ganz härzigi Föteli. Und super dasses nid grägnet het!
@daenu: Merci ou für di schön Bricht und i bi ou scho gspannt uf Föteli! Gratuliere dir und dim GG ou ganz härzlech. Wow jetz geits de würklech Schag uf Schlag da inne und eini um die angeri vo üs isch de verhüratet
@me: Itz chunnt no chli e Ego-Post vo mir nach üsem voupackte Wuchenänd Am Fritig hani ja frei gha und bi äxtra früeh ufgstande, damit i no chli Zit ha zum Hochzitssache erledige und paar Etsy-Bstellige mache . Ha de o no mitem Rinböxli agfange und es isch itz afang agmale und dekoriert, aber inne muesi mir no öpis la ifaue für d Polsterig und wiemer d Ringe wei drin befestige...
Am Nami bini de mit mim Mami iz Brutchleidergschäft ga ds Chleid abstecke und es isch auso würklech ungloublech, was mir dert passiert isch... woni im Chleid bi vorem Spiegu gstande und d Schniderin isch am abschnide /-stecke gsi, chunnt dr Ladebsitzer mitme Kamerateam vom SRF abe und fragt, ob sie no chli dörfe fiume... Und mir so ööööhm, wo chunnt de das...? Sie hei gseit es sig es Pilotprojekt und no nid sicher, ob de überhoupt öpis drus wird und ziemli sicher wärdis eh nid vorem Ougust 2014 usgtrahlet (wär no dr Best we GG mi plötzlech im Brutchleid im Fernseh würd gseh vorem Hochzit ). När heisi mir no paar Hiwise gäh dassmer nüt gross söue drgliche tue und nid diräkt id Kamera luege, süsch heisi nüt Gnauers gseit. U paar Minute speter chöme sie wieder abe - mitem Müslüm!! (für die wo nid wüsse wär das isch: http://www.muesluem.ch/) I ha gmeint i spinne und äuä o gad ziemli blöd reagiert (het mir ja niemer gseit, dass DÄ chunnt!!). Sones Timing cha o nume mir passiere, usgrächnet ga ds Chleid abstecke, we ds SRF ineschneit und fiumet... När heisi dr Müslüm ine wisse Hochzitsazug gsteckt und i ha de gfunge i wöu wenigstens es Bewisfoto, würd mir ja süsch niemer gloube Mim Mami hets fasch eis gäh, mir hei nümm chönne. Uf au Fäu heimer de für mis Mami ou no es wunderschöns Chleid mit Jupe, Top und Bolero gfunge, wo sie sech sehr wou drinne füut. Das Ganze isch nid ganz biuig gsi, sie zaut mit de Änderige über 600.- und i hami scho chli gehrt gfüut, dass sie sech das leistet für mi. Aber sie het gar nid gross mit dr Wimpere zuckt . Ig ha de no es schöns Chötteli gfunge wo guet zu mim Chleid passt mit chli Strass und me Perleli. Wägem Jäggli hani mi jetz so entschiede, dassi churzfristig wirde entscheide je nach Wätter, sie hei so schöni Stolas wo sie schints immer a Lager heige. A mim Chleid hani e Wahnsinns-Fröid gha I ha fasch e chli Angscht gha es gfau mir plötzlech nümm oder so, aber i has no fasch schöner gfunge as bim 1. Mau, wüus nomau viu besser usgseht, wenns när würklech apasst isch. Und d Stickereie si eifach dr Hammer... I ha de es Bitzli Stoff mitbecho für da Azugsshopping mit GG. Am Samsti isch de üses Programm gad witergange und mir si mit GGs Mami und sire Schwoscht wägem Azug ga luege. Si im Probst z Münsige gsi, dä isch aube ar MariNatal zBärn u mir hei no e 10% Guetschin gha und wohne gad im Nachbardorf. I ha dänkt mir bruchi sicher e grosse Teil vom Tag u müessi de no i 1,2 witeri Läde, aber nei, i weniger as 1 Stund () isch GG ikleidet gsi mit Azug, 2 Hemmli (Langarm und Churzarm), Schueh, Ungerliebli, Socke, Gurt... Und er gseht super us Er het es Gilet in écru und mir hei aui zersch dänkt das sig de chli übertriebe, aber es gseht Hammer us und i findes super, de wird är schön zu mir passe . GGs Mami het de ds Protemonnaie füregnoh und die ganzi Usstattig zaut (het sie scho im Vorfäud versproche gha). Mit auem zäme inkl. Änderig (haha, me mues genau ds Gilet chli änger mache, süsch nüt!!) hets 1600.- u öpis kostet. Findi aso no ok. Am Abe heimer de üsi TZ-Sitzig gha und i ha ja chli Schiss gha, dasses wieder chli schwierig würdi, wüu ig bi üsere auererschte Sitzig ziemli bi enttüscht worde. Aber mini Ängscht si unbegründet gsi. Mir hei super chönne bespräche und die 4 hei das ächt super im Griff. Bi Vielem wo mir hei gfragt hets gheisse, das sig scho organisiert u mir chöiges gsorget gä . Mir hei de ou üsi Date für Polteräbe gfixet und bi mir isches auso am 12. Juli sowit Hihi i bi ja gspannt was uf mi zuechunnt, la mi komplett la überrasche... As nächsts müesse mir üs itz mit dr Menuuswau befasse und ds gnaue Timing bestimme, am DJ alütte... steit immer no Einiges a, obwou i ds Gfüu ha dass mir mega dranne si . Am Sunntig si mir de zum malinchen und GG ga es Kafi ha und ihre Mini wo mir grosszügigerwiis dörfe uslehne für ds Hochzit (@malinchen: Meeeeeeerci nomau tusig mau!!!) ga aluege (inkl. Istiegstest mit Reifrock ). Mir si meeega froh!
Hui mi usfüehrlech Bricht vom WE sprängt sogar dr Platz hie (wie wird das weni mau vom Zivile und chirchleche brichte)...
Jedefaus isch das super dass das klappet mitem Mini, e Sorg weniger! Am Nami si de no GGs Mami u sini Gotte (die wo die Lodge in Sambia het) zumne Kafi cho zu üs und sie het üs chli Infos gäh wägem Flug etc. Das müesse mer jetz langsam i Agriff näh und de mau bueche.
Am Abe si de GG und ig as Abschluss vo däm ereignisriiche WE no zäme fein ga ässe, das het o sehr guet ta. Isch würklech es super Wuchenänd gsi!
Aber jetz giuts wieder ärnscht und i hane längi Wuche vor mir u fasch jede Abe Programm...
aus erst gad: I gratuliere de nöi verhüratete Brüt gaaaaaanz härzlech!!! Fröit mi mega dass dir sone schöne Tag heit dörfe erläbe!!!
I ha gloub mega dr Fade verlore wöui letscht Wuche chuum bi zum mitläsä cho wöui bi chrank gsi... I stige gloub jetz eifach wieder ii statt no lang nache z läse. Oder hani öpis verpasst woni uuuuuumbedingt mues läse?
@Taeboyana: Merci fürs Bsüechli gester! Fröie üs ou dasses klappet... De het üse Mini scho si zwöit Isatz als Hochzyts-Modell.
@me: Mir hei ou es rächt intensivs Weekend gha. Mir si am Samstig id Trauringlounge und hei äääääändlech doch no üsi Ringe gfunge!!! Es het sich mega glohnt der härä z fahre, isch ja vo üs glich nid gad ä Chatzesprung. Mir hättä ja eigetlech Ringe vo Niessing gseh gha aber die hei üses Budget bi witem gsprängt. När hätt ig ä relativ günstige Ring gseh wo mir no fasch besser gfalle hät wöu er mega liecht wär gsi u sehr schlicht. Aber det het GG när nix passends drzue gfunge... Und jetz hei mir ä Ring gfunge wo sozägä mini beide Favorite in sich vereint. Es isch so dass bi mim inne graugold und usse gälbgold isch, bi GG ischs umbekehrt. I hänke öich es Foto a, me gseht halt nur d Obersite... U mine het de no es Steindli ir Mitti. Mir hei beidi sooooo fescht Fröid dranne! Aber zum Glück si mir jetz langsam würklech drhinger, d Ringe wärde nämlech erst am 6. Juni glieferet... Da isch nümme viel spatzig bis zu üsem Fest.
Süsch isch nid viel gloffe... Aaaaber, i ha am 10ni dr Probetermin für mini Frisur. Bi chli nervös...
Laprincipessa GRATULIERE dir vo ganzem Herze!!!! tönt würklich nach emne wunderschöne Tag und d überra-schig mitem Spalierstah isch ja meeega härzig….gäu es isch sooo schön weme ner cha vom MAA rede??;O) wends mal lisisch wünschi uuuu schöni Mini-Moons;O) heit auso beidi suuper usgseh und glücklich das isch schön;O)
Daenu Woow merci vielmal für di schöni Bricht….tönt nachemne wunderbare Tag und i wünsche euch vo Herze alles guete!! Isch ja ganz härzig mitem Gedicht wott gschribe hesch! Gits Fotis???;O)
Nala Das Hochzit tönt auso sehr härzig…und wenn s Brutpaar verliebt würkt unds schön zäme het isch doch s Ziel erreicht;O)
Littlefoot Was het dim GG de nid gfalle am Testtisch?? Mir heter sehr guet gfalle mitde Pompons und mit echte Blüemli ir Vorstellig;O) Hmmmm bechume gad hunger bi dene feine Ufzählige vo dir!! Tönt super!! Ou spannend megem Kleid;O) Viel Spass!!
Taeboyana Woow du hesch würkli es ereignissrichts Weekend gha!! Hesch föteli vo dine Bastelwerk??;O) Hahahahhahaha das isch ja der hammer betreffend Müslüm!! Tüesi dirs de melde wenn dases chunnt??? Super het de GG der Azug und alles dezue gad gfunde, de chöiter es RISE TO DO ab-krüzle,O)
Malinchen Gratuliere zu öichne Ring!!! Si ganz schöni, würde mer auso ou gfalle!!;O) weisch scho was fürne Frisur wotsch mache??
ME Mir hei ou es mega vollpumpets weekend gha….betreffend Hochzit simer am Samschtig go ds Apero bespreche und hei ageh wasmer aues wette und wiemer öppe Tische und alles werde stelle und ize chöimer ou chli besser plane betreffend Deko und wie dases dert de öppe usgseht. Gestern hei der GG und i mau nüüüüüüüüüüüüüüüt los gha…het so guet ta…mir hei ner de ganz Tag bastlet fürs Hochzit;O);O) ig ha Limoncello gmacht und Fläschli dekoriert, er Bier brauet, ner heimer no agfange für Tischnummere s Holz amale und d Zahle silbrig drufspraye und mir gfallts meeega ha u fröid;O) ha öich gad es foto im Ahang;O)
Principessa: Oh sooo schön… Es chribeled gad i mim Buch! Es tönt eifach perfekt. Du häsch ‎also uuu herzig und schön usgseh und vorallem eifach glücklich. Besser gahts ja fast nöd. Schön ‎händ sich dini Eltere so zämegrauft bzw. sogar wohl und glösst gfühlt. Mage dir das vo herze ‎gönne. ‎
Taeboyana: Haha de Müslüm und du im Fernseh! De Hammer… Lustiger gahts ja fast nöd. ‎Häsches dim GG verzellt oder schänkschem s Foti uf d Hochzit? HihI! So cool chömeder de ‎Malinchen ihre Mini über! Isch ja richtig perfekt… ‎
Malinchen: Sooo coool händer eui Ring! Isch ja super… Und händ doch viel vo dene wo ihr zerst ‎im Aug gha hend. Wie viel chosted die jetzt?‎
Me: Zrug us Madrid und mega heisser… Hihi! Aber was sölls mir hend meeega lustig gha. Die ‎ganz Stadt aglueged, guet gässe und glädeled… Ich liebe de Springfield… Kenneder de Lade? ‎Gits ja da leider nöd… Han dete gad mis Geburigschänkt vo mim Mami und de Oma kauft ‎übercho. Minere Schwöster gahts guet in Madrid und bin froh chund sie i 2 Wuche endlich mal ‎hei… Vermisse sie scho mega! Hend aber richtig lustig gha die Tag. ‎
Etsy: Ich han eusi Nastüächli übercho… Sie sind de Hammer! De Priis also total wert und 5 Tag ‎nach bstellig hanis scho gha. Und ja mer glaubts fast nöd… Aber eusi Zündhölzli sind ‎unterwegs!!! Glaubs aber erst wenis vor Auge han… Hihi! ‎
Anmelden
di Bricht tönt wük nachemne wunderschöne Tag 
Merci viu mau für zBrichte u für zZeige vo dä tolle Föteli... Dir heit wunderschön usgseht u du hesches richtigs strahle ide Ouge
dFöteli ufem Rösslispiu sich wük cool 
Iz wünschi euch ganz schöni Mini-Honeymoons 
mache etz denn nomal eine, mit eme breitere läufer, und echte blueme.
er hät mr im vorfeld gseit gha dass mer öpe 10.-/ für personal müssed rechne..isch etz glich ca 26.- worde. aber isch ok für ois. und bim kafi hemmer glaub au falsch verstande, sie rechned etz 2.50 pro kapsle und mit 80 kafis bi 50 persone..mir sind aber e grossi kafitrinkergsellschaft..hmmm...das cha sich denn läppere. eventuell nehmed mir eusi eiget mit, da chasch statt 2 glichzitig halt nur eine usela.defür chömmer d kapsle chaufe (im migi sind ja die u günstig). 
). När heisi mir no paar Hiwise gäh dassmer nüt gross söue drgliche tue und nid diräkt id Kamera luege, süsch heisi nüt Gnauers gseit. U paar Minute speter chöme sie wieder abe - mitem Müslüm!! 
När heisi dr Müslüm ine wisse Hochzitsazug gsteckt und i ha de gfunge i wöu wenigstens es Bewisfoto, würd mir ja süsch niemer gloube 
Hihi i bi ja gspannt was uf mi zuechunnt, la mi komplett la überrasche...