| Bräute 2014 |
|
|
1 .. 380 .. 758 759 760 761 762 .. 880 .. 997
|
|
|
|
|
|
|
07.04.14 10:31
_janedoe 
|
Re: Bräute 2014
Daenu
Soooo schön mit dem Gschänk und din Bricht tönt eifach nur nacheme wunderschöne emotionale Tag  Danke villmal fürs teile, s hed mer au bim zweite mal lese nomal d Haar ufgstellt :D
Principessa
Härzlichi Gratulation So, schööön! D Föteli sind echt de Hammer worde und freue mi richtig für dich, dass dini Eltere sich so zemegno hend. Tönt würkli nacheme perfekte Tag.
Littlefoot
Mhhhhhhhhhhhhm tönt lecker eues Esse! Hender denn es ungefährs Total bi de Offerte? Das müesst ja eifach im Budget sii oder ischs das au nid?
Taeboyana
Was hesch bstellt uf Etsy? D’Ring chönntsch ja z.B. es Stück Watte mit eme Stoff oder Spitze überzieh und dette vier Bändeli anemache wo nachher chashc d Ring drabinde. Oder zwei Blueme, passend zum Bruutstruus driilegge und d Ring druf, fallses ned z wenig höch isch.
Hahaha de Müslüm, soooo geil :D Schad hesch das Bewiisfoti nid aghänkt 
S’Weekend tönt wirkli pumpevoll aber guuuet, cool hender so viel chönne erledige :)
Malinchen
Viiill Spass bim Probetermin. Hoffe s git es Bildli nachher :)
D’Ringe sind wirkli mega schön! Vorallem au d Schlichtheit machts us findi.
Sue
Wow, gseht tiptop us mit dene Nummere! Tüender sHolz de no verziehre oder chunnt das eso uf de Tisch?
Pfingstrose
Welcome back ;) Haha, aso da mit dine Zündhölzli bini au nochli skeptisch :D
Lil.lian
Mier hend keis Budget für d TZ. Da sie ja eh mega passiv sind, wüssti gar ned für was das sie Geld würded bruche :/
Me
Wow iher sind alli soooo flissig gsi am weekend und ich säg eu, mier hend kei Finger krümmt fürs Hochziit. Mis Mami und mini Schwöschter sind am Samschtig zum Kafi cho. Da ich mis Mami nume so eimal im Monet gseh, isches sehr schön gsi, sie chli um mich zha. Han denn mini neue Errungeschafte präsentiert, wo bi mim Mami super acho sind und bi minere Schwöschter natürlich komplett duregfalle (Ich bins mier ja scho langsam gwöhnt). Mich verletzts echt, dass sie immer denn ihre Unmuet so muess kundtue. Es langet nöd, eifach zsägä, ‚hmm isch ned so min Gschmack.‘ Es muess denn grad heisse ‚wääh nei, gfallt mier üüüüüberhaupt nid. Voll nid. Nei echt, wäääh‘. Irgendwie triffts mi uh mega.
Aaaaber, ich han immer no en schissfreud a mine Sache. Am Schleier übrigens immer meh. Hane minere Schwöschter ufe Chopf gsteckt und so Freund gha :)
Mich erwarted denn nächst Weekend de Marathon wo einigi vo eu das Weekend hinter sich bracht hend. Samschtig schaffe, denn id Abiglocation go s Menü und de Ablauf bespreche. Am Sunntig isch ganz viel baschtle agseit und am Abig gömmer no i de Aperolocation alles go bespreche 
Wünsch eu allne en wunderschöne Tag!
|
|
|
|
|
|
|
|
07.04.14 11:26
Fara
|
Re: Bräute 2014
Grüezi mitenand
@daenu und principessa: Wow, danke für eui Bricht (haha, und ich bin mine immer no schuldig). Tönt nach ganz schöne Hochzite! Gratuliere eu vo Herze! Jetzt dörfeder "min Maa" säge. Schono cool! 
@Taeboyana: Wi geil, de Müslüm!!!   Das isch ja mega luschtig, was dir passiert isch! Also, s Bewisfoti würdi also au gern gseh!
Hey, cool! Ich han au es Ringböxli gmacht. Han so chlini Truhe bstellt und lasiert und di eint isch dänn s Ringböxli worde. Mini TZ hät eus no es chlises Chüssi gneit für drii und Spitzebänder dra gmacht, det sind dänn d Ring abunde gsi.
@malinchen: Gratuliere zu de Ring! Schön, händer so schöni Ring gfunde, wo au im Budget liged! 
@Pfingstrose: Hoffemer s Bescht für dini Zündhölzli! 
@janedoe: Ach, das tuet mer leid, dass dini Schwöster das so verletzend usdruckt, dass sie en andere Gschmack hät. Oh grad gläse, ja, vilicht isch das würklich au chli wäg ihrer Trännig. Aber ich finde au, mer chan sich au, wänns eim sälber mies gaht, no ok usdrucke.
Aber cool, dass es dim Mami gfalle hät!
@me: Mir wartet ganz gspannt uf eusi Fotis vo de Andrea. Zwei hämmer ja schomal becho. Ich hoff, di andere chömed bald.
Defür sind hüt eusi Candy Bar Sache cho. Die hämmer rächt knapp bi World of Sweets bstellt. Aber sie händs no da ane gschafft, juhuu!
Ich sett no rächt vill mache für am Samstig. Zum Bispil eusi Serviette fertig zäme binde und d Asteckerli mit Näme versehe und mit Chläbi hine. Und es paar Mails und Telifon. Und e Checklischte mache für eusi Hälfer. Und es Chilebüechli. Und es Plänli vom Apero-Ort zu de Abig-Location. Und joa... Achja, alles Züg packe. Aber en Teil wird mir abgno. Und ich dänk, ich sett scho dure cho.
Achja, mis Chleid muessi nomal aprobiere. Ich hoffe es passt no/wieder. Zwüsched dure isch es scho wieder chli wiit gsi. Ich hoff, mir chönd das Mal uf sone Fürwehrüebig mit Änderige in letschter Minute verzichte.
Nacher chunt no e Fründin zu mir und chocht dänn für mich. Mega herzig!
Für das setti vilich mal unter d Duschi und mich alegge. Ich lümmle immer no im Pischi umenand. Ha aber immerhin scho abgwäsche.
Liebi Grüess,
Fara
|
|
|
|
|
|
|
|
07.04.14 13:16
Taeboyana
|
Re: Bräute 2014
@janedoe: Findi aso ou nid fair vo dire Schwoscht, dass sie's so offesichtlech und verletzend mues zeige, we ihre öpis nid gfaut. Das wär würklech nid nötig. Cool wäg de Ohrstecker! Ig ha am Fritig mini Blüemli für d Haar becho und sie si wunderschön, genau wie ni mer se vorgsteut ha. ha aber vergässe, es Föteli zmache.
Ds Bewisfoti mitem Müslüm muesi de gloubs no ahänke dehei
I ha uf etsy I do und Me too Schuestickers bsteut in rot für mi und GG, d Schlüssuahängerli woni mau ha postet "thank you for raising the man/woman of my dreams" für üsi Eltere, Manschettechnöpf füre GG und as Überraschig füre GG no sone Superman Pocket Watch: https://www.etsy.com/de/listing/15771258...ew_type=gallery Die wott ig ihm de am Morge vom Zivile schänke
@lil.lian: Mir hei üsne TZ es Budget vo 1000.- gä. Zersch heimer 500.- wöue, aber sie hei das zweni gfunge... i wär ehrlech gseit glich froh, we sie nid ganz aus würde bruche...
@me: Mir hei am WE ou no üsi Outfits fürs Zivile testet und mues säge, dass mer üs no hei gfaue gloub mir mache nid e auzu schlächti Faue. Vor ca. 2 Wuche hei mir es Email a üsi Familie u TZ useglah mitem Programm fürs Zivile und dass sie doch schnäu söue Bscheid gä, ob sie drbi si. GGs Schwoscht het de am Samstig vom Vater la usrichte, er chäm lieber nid "wes nid mües si". Hani aso drnäbe gfunde. Wes sones Muss isch, söu er lieber deheime bliebe. So Kommentär si doch nid nötig. Guet, GG und är hei nie es ängs Verhäutnis gha und das merkt me haut i dere Situation.  Uf jede Fau chämer jetz glich o...
|
|
|
|
|
|
|
|
1 .. 380 .. 758 759 760 761 762 .. 880 .. 997
|
Anmelden
.