@janedoe: oh je, mega schaad cha dini Schwo nid dini Fröid a denä Sache teilä... Aber wahrschinlech isch würklech besser wenns eifach so lahsch und nid no lang drüber redsch, wenn du seisch dass dir das Thema scho oft gha heit.

Ds Agebot fürd Flittis tönt würklech meeega cool!

@Taeboyana: Ah da hesch würklech cooli Sache bstellt! D Uhr findi hammer... Ha ou scho überleit GG no irgend so öpis z schänke, aber hätt für ihn eher ä normali Armbanduhr dänkt gha. Jetz het er sich vor paar Wuche sälber ä nöii kouft.

@littlefoot: hihi, oh je di GG isch ja e Luschtige. Mir mache ja jetz ou eifach ä Playlist. Aber wehe det geit irgend öper dranne ga umespiele... Das geit ja gar nid! I gloub mir müessä das Teil de irgendwie inä Safe oder so due. Aber finges cool dass du di GG da eifach lahsch la mache!

Wägem Fotobooth findis ou ä cooli idee dass d Lüt d Fotos gar no nid gseh. Süsch luege sowieso alli dass sie müglechscht "guet" usgseh und das si ja när gar nid die luchtige Föteli...

@me: Dr Coiffeurtermin isch super gsi... Zersch hani no mini Tönig lah uffrüsche und chli d Spitzli schniide när het mir d Coiffeuse d Haar gstreckt und när mal paar Versüech gstartet. I ha ja es Bild gha vonere Frisur aber nur wies vo hinde usgseht. Mir hei när verschiedeni Variante usprobiert mit Zöpfli nur uf eirä Site oder uf beidnä u no mit Perlästecker oder ohni etc. Bi jetz fasch 4 Stund det gsi. Am Schluss hei mir die besti Variante no mal gsteckt dasi no ha chönne Föteli mache... I bi meeeeega z friede, findes hammer und ha so fröid dass d Frisur zu mir passt. Ha dänkt es chönnt ja de so si wie bim Chleid u das wo mir am bestä gfallt a mir när doof usgseht. Aber i däm Fall ischs jetz würklech super gsi. Jetz gangi de 2 Wuche vorem HZ no mal ga töne und no mal churz üebe dass es dem HZ-Tag mega zackig geit wöu mir ja scho am 11i d Trouig hei.

D Ringe choste üs jetz 2'100.- für beidi zäme.

Datei-Anhänge

	Frisur_1.jpg (54x) Mime-Type: image/jpeg, 278 kB
	Frisur_2.jpg (44x) Mime-Type: image/jpeg, 297 kB
	Frisur_3.jpg (42x) Mime-Type: image/jpeg, 299 kB

@weddingbee: I weiss no nid gnau was mi GG zur Uhr wird säge, aber i hase so cool gfunge und i gloub scho, dass er se ou toll findet... u wenns nume isch zum zeige, dass är mi Superman isch sie isch ja ou nid tüür gsi.

@Janedoe: Vo welem Reisebüro hesch das Agebot? Mir frage itz de mau bi Africa Tours a wäg üsne Flittis...

@malinchen: wow, cooli frisur! gseht würkli schön us! ich bin vorletscht samstig go frisiere und han irgendwie s gfühl das öpis nonig ganz stimmt...mal luege. gang dänn im mai nomal...
au bim schminke weissi nonig soooo richtig wasi wott.

eui ring sind übrigens mega schön!!

@taeboyana: ich hoff du häsch mich nöd falsch verstande. ich persönlich find d uhr uh cool. nur min gg isch ebe gar nöd fan vo comics. er luegt au kei x-men und so film wo nöd realistisch sind...ich finds witzig!! und ebe, schlussändli wär ja d message vor allem wichtig. er isch din superheld

@weddingbee: Neinei i ha di scho verstande und säubst wenn du's o doof fändsch, wär das kes Problem Mi GG steit äbe scho no uf Comics, drum chönnts no passe.

@Pfingstrose: jaaaaaa, PN bitte!!

@janedoe: Ja genau, Sambia und Zimbabwe Mir bruche äbe zum Teil so Flüg a Flughäfe wome chum cha bueche, süsch würdi ou aues säuber mache (bi ja vom Fach sozsäge ). Aber online vergliche wirdi uf jede Fau.

@malinchen: Härzigi Frisur!! Chunnt sicher super. Luschtig, bi dir muesme zersch d Haar strecke u bi üs angerne (oder ämu de meiste) müesse sie zersch glöcklet wärde

@littlefoot: Das isch ja würklech es krass günstigs Agebot für Grill und Apéro?? i gloub für das Gäud hei mir no nid mau trunke
Ach weisch das wäg sim Papi isch e lengeri Gschicht. Er cha haut o ke Gfüu zeige oder dasser Stouz wär uf si Sohn...

malinchen
finde ebe au, dass Perle ned so schön usgsehnd i Haar, chönnt mier zu dinere Frisur aber z.B. guet öppis vorstelle wie uf dim Profilbild.

Taeboyana
Was schaffsch de du? Ja vielleicht isch irgend sone Afrika Spezialischt die richtig Adresse mit dene spezielle Flüg.

lil.lian
hehe, isch glaub wirkli normal unter Gschwüschterti :D

all
Mieted eigentli öpper vo eu irgend es speziells Fahrzüüg? Oldtimer, Kutsche, wasweissich?

Malinchen: So e schöni Frisur... Richtig romantisch! Super häsch nomal en 2. Termin! Nüme nüt...

Janedoe: Ja mir mieted en VW Käfer...