pfingstrose: jö super homepage und denn alles no zweisprachig :) echt super !
taeboyana: oh nei, arme GG :( ja isch günstig, aber alles ohni getränk gälled :)
jane: wüssemer ebe au noni. irgendwas hettemer scho welle vom rathus id location. kutsche isch aber für die 15 minute z tür, limo au..und länger umefahre wetti nid, ke zit :)
lilian: aso min iTZ het no nüt gseit aber ich wirde ihre scho au säge, wegem brief usw was ich ihre muss ge..überraschige findi au nid dass mir das mönd zahle, sie wänd das ja mache...ich denke eh dass sie mir wird säge dass es ok isch. aber wegem polteri mömmer öpe scho luege. aber da sie nüt usgfallnigs macht gits öpe au nid so chöschte und esse & trinke cha ja jede selber zahle, usser mal en rundi oder so. wüsst nid warum das s bruutpaar au no sett offeriere, schliesslich gend ja d lüt susch au in usgang oder :)
malinchen: wow super schöni frisur. meeega lang pröblet läck :) haare : haha und ich mach keratin glättig mit mine krasse naturlocke ...damit sies denn wieder cha löckle am hochzit. deppert nid.
@pfingstrose: uh e herzigi homepage händ ihr!! mega cool. und wäg de lieder: mir stönd immerno voll im schilf und händ kei ahnig was für lieder mer söled neh...wird wahrschinli e sponti entscheidig.
Daenu: Herzlichi Gratulation und Danke für de Bricht Wow, das isch ja echt emotional gsi, wie wirds den bi üch ide Chile?
Principessa: Au dir herzlichi Gratulation und Danke für de Bricht Isch ja echt uu schön, dass es so fridlich gsi isch mit dinere Familie. Isch anschinend au für sie e wichtige Tag gsi. Und d Föteli sind echt schön, bisch also e hübschi gsi und so zuefäll wie mit em Karussel bruchts doch mängsisch
Weddingbee: Mir hend üs noni entschiede weg em Gelübde. Ich wür scho gern eis selber "schriebe", aber ich han irgendwie chli angst, das ich den ned mim GG so dumm dastah, will er sich so super chan usdrucke und ich eifach immer nur druflos blabere
Janedoe: Wow, das tönt ja echt cool mit üchne Flitterwuche... Das mit dinere Schwöster defür weniger. Also ich bin ja au e Person wo meistens z erst red bevor sie überleit, aber bi so sache chani mi guet zrughalte. Isch ja aber schlussendlich ja egal was sie denkt. Es isch üchi Hochzyt und s Züg söll so si wies üch gfallt.
Littlefoot: Du hesch mer ja e kritische GG Erinnered mi scho fast biz a mine, er isch amigs au uu kritisch undwür nie öppis sege nur wil ich s ghöre wet. Aber ohni Kritik wirdi au ned besser (wobi mer das jetzt ned so uf d Tischdecko bezieh chan )
Taeboyana: Uii das tönt ja nacheme Ereignisriche abstecke. Also ich han de Müslüm ned kennt, aber tönt lustig ... Hani richtig glese, din GG het es Churzarm Hemd? Uuu, da stönd mer d Haar z Berg weni das Wort nur scho ghöre. Isch für mich persönlich es absoluts NoGo. Das erinnered mich immer so a alti Herre miteme Ranze Sorry, also wet dich ned kränke oder so, ihr sölled ja das allege wo üch gfallt, ich bin da vilicht biz extrem
Malinchen: Wow, sowohl d Ring, als au d Frisur gfalled mer meeega
Sue: Die Tischnummere gsehnd u lässig us
Pfingstrose: So schön weg de Nastüechli. Also das mit de Zündhölzli glaubi au erst, wenns würklich bechunsch ... Mir hend Everything vom Michael Buble für de Izug.. Darf ich d HP au gseh?
Lilian: Wow, grad es ganzes Wuchenend Poltere, so cool! Bin scho gspannt, was er denn möched
Me: Ich han de Marathon also tatsächlich gschafft, i 4h 10min, bin uuu happy. Und es isch u guet gange, han gar ned so fest glitte, wieni denkt han. Chunt mer biz vor wie d Hochzyt, han sit em Dezember druf trainiert und uu viel zit investiert und jetzt isch s eifach scho verbi. Defür tuet mer jetzt gfühlt alles weh. Bin ja die Wuche quasi Strohwitwe, da min GG in Vegas isch. Stört mi eigentlich ned gross, usserd s elei schlafe, das hassi Er het ja de Uftrag Dekoartikel z sueche und het mer gester scho es erst s Bild gschickt. Bin ja sooo stolz uf ihn, er het so super Sache postet, wo perfekt passed. Denn bini hüt ganz spontan go s Chleid abstecke. Ich het ja eigentlich am Fritig de Termin gha, aber ich han hüt eifach Uni gschwänzt und aglüte, öbi hüt chöng cho. Ahhh es eifach immer no mis Traumchleid und jetzt gits also au Föteli mit mir drin, falls es öpper möcht gseh und es passt wie agosse, es muess nur bide üsserste Schicht 2 cm kürzt werde und chostet drum nume 180 anstatt 250 wie s am afang gseit hend. Leider hends es ebe ned für mini Grossmuete chöne umstecke und drum het mini Grossmuetter gfunde, es sig ihre lieber wenis im Gschäft mach la.
@prinipessa: WOW eure dag tönt jo sooo schön und d föteli sin ganz süess! ihr sind so es härzigs päärli! gratuliere nomol gaaaanz härzlig!
@littlefoot: mhhhhmm eures menü macht grad huuunger und dä priis isch jo mega super! schad het di gg de tisch nid möge, hoff fescht dases mit dine änderige den besser isch! ich hane ämel ganz schön gfunde eso was het den di gg genau für tipps kriegt wäg dr musik? könnti evtl au bruche und was hesch für e software gfunde? uii jetzt lynch i di grad mit froge
@taeboyana: wow ihr händ ächt es mega hz-weekend ka! toll händir so viil könne erledige! die gschicht mitem müslüm und em srf isch jo de hammer! das bewiis foti wär aso wirkli sehr interessant. hihi. aber schön isch alles so guet gange und gfallt dir dis kleid ez no meh. so mueses doch eifach si! dim gg si azug tönt sehr schön hmmm so doof vo dim gg sim vatr.. mues ächt nid si so öbis!
@malinchen: schöngohts dr widr besser. hey aso vo dir hani hüt jo au nur positivs gläse freut mi das ihr euri ring gfunde hän! mir gfalle si aso au sehr guet. ich ha die schlichti eleganz halt no gärn bi schmuck au dini frisur gfallt mir mega guet. ka mir guet vorstelle dases zu dim kleid de hammer usseh wird
@sue: tolli tischnummere! ihr sind immer so schön am bastle, findi mega toll! sött au chli meh mache!
@pfingstrose: drugg de duume das die zündhölzi wirkli untrwägs sin! ich nähmt au e pn mit dr homepage wenni dörf izugslied nämme mir worschinli das: https://www.youtube.com/watch?v=o8pQLtHTPaI
@lil.lian: mir hän au kei budget für d tz. mir hän aber gseit ka das wen irgendöbis wär könnte mir scho so bis 500.- ihne zu vrfiegig stelle, isch aber no nüd ufkoh zu däm thema.
@janedoe: so schad wäge dinere schwöster. mini isch au relativ diräkt, aber ich ka das ignoriere oder sagere ame das ich ihre gschamck au nid zu 100% teil. für uns zwei goht das irgendwie so wil mir wirkli beid zunenadr diräkt si könne und das meistens nid allzu bös ufnäme. aber i bi trotzdäm dr meinig das meh scho chli rücksicht ka näh, au wens eim nid so guet säbr grad goht duet mir wirkli leid für di, probier di an dr freud vo dim mami festzhalte! d offärte tönt toll! hesch ez trotzdämno susch öper ahgfrogt?
@fahrzüg: ich würd scho gärn e oldtimer miete, das isch aber bi uns no e offene punkt.
@fara: bi euch gohts (scho widr hihi) nüm lang! so toll! huch guet isch das züg no ko, susch händr jo meh no kleinigkeite wie's tönt. drugg de duume das s kleid no passt. ha uf jedefall s gfühl das kunnt alles guet am samstig bi euch. gang nochär au grad bi de andrea ufe blog go abchecke
@broncos: iiiiich wot sooo gärn es föteli vo dir im kleid! dörfsch au gärn no eis vo mir ha, glaub ha dir mis nie zeigt ka.. mega cool het din gg cooli sache für euri deko gfunde, do wäri aso au stol druf :biggrin; uuuuund hui fast brgässe: gratuliere zum gschaffte marathon! du dörfsch aso au meh as nur stolz uf di si!! bi mega beiidruckt das du das gschafft hesch, könnti nie! aso nomol härzligigratulation marathon frau broncos! *whatsapp smiley daumen-hoch*
@me: mini bridesmaids hän gescht mol die ersti ladig kleider ahprobiert. und s einte isch meeega schön gsi. jetzt fehlt no das vom zara und de könne si sich entscheide! *freu* am samstig gömir spötistens go gügsle. susch muessi no paar emails useloh an d locations zum mol e ersti besprächig z mache. wen händ ihr das so gmacht, aso wie viil vorus zums menü festlege usw? bini no z frieh für am erste august? und etsy sötti au no sache bstelle, das machi hoffentli die wuche au no
wünsch euch allne wiitrhin no e guete start id wuche!
Hallo zäme! Ich bin nuni so lang do inne aber es sich sehr spannend was ehr so alles erlebend und organisiered! Allne wo scho s zivile gha händ wünsch ich vo Herze alles Gueti!!!!! Bi Eus isch es den im September so wit. Am 17. Und 20.9. sind Au schon fleissig am organisiere und die wichtige Sache stönd und d ildadige sind Au verschickt!!!!
Principessa: Wooow, es tönt würkli wunderschön, wenn du vo euem Tag verzellsch! Gratuliiärä diir herzlich zum Hochziit und wünschä eu viiel Glück und Sege uf euem gmeinsame Weg! Du hesch fantastisch usgseh mit dä Frisur, em Kleid und am Make-Up. I froiie mii scho uf dii "richtige" Fotis!! I wünschä eu tolli Mini-Moons, dass iihr eu so richtig entspanne chönt!
Littlefoot: Mmmhmm! Bii euem Buffet lauft mir s'Wasser im Muul zämä! Vor allem han ii scho so en Znacht-Hunger Und wiiä isch s'Kleiid gsii für Nachbuurin? Denn muä diiä aber recht "in ihrer Form" bliibe, wenn sii's erst in zweii Jahr träge will Was glätte, damit meh's nachher wiieder lockä chan? Da got siicher au andersch?! Find ii jetzt grad chlii eh Witz. Lockewickler oder ähnlichs tuät ned? Wär ja tuusigmal weniger Haarschädigend!
Taeboyana: I cha nümä!!! Dä Müslüm, dä oberhammer!! Gratuliiärä zu dem Star-Treff! Wenn denn im TV chunsch, muän ii da umbedingt wisse! Au sus hend iihr da Weekend meega viiel gmacht! Schön zum Lese, wiiä'n iihr so erfolgriich fürschi gönd!! Miir hend demfall am gliiche Tag dä Polteri Denke denn an diich Oooh, ii bii gad chlii entsetzt vo dä Reaktiion vo GG's Papa. Reg mii gad uf, vor allem dass er jetzt "diiä Last" uf sich nimmt und doch chunt… Woher dä sinneswandel?
Malinchen: Gell, diä Traunringlounge het eiifach für alli was Uns hets au gheisse, Ende März chömets aah und denn sind's mir scho am 1. März go hole! Viellicht gebets extra z'viil Ziit aah? Wunderschöni Ring hend iihr usgwählt! Gfallt mir mit dem inne-usse-andersch! So schön het siich dini Coiffeusin Ziit gnoh zum mit diir so experimentiere! Es gfallt mir meega guät! Kompliment!
Pfingstrose: Schön hesch es so schön gha und mit diine Ladys chönä gniässä! Guäti Besserig diiner Stimm! Yess, i would love to see your Homepage! Bim Izug wird am TZ siis Mami klassisch uf dä Orgle spiiele. Mir hettet ja gern dä richtig Hochziitsmarsch, aber sii het gmeiint, bevor iihr eu für dä entscheiidet, müänd iihr verbii cho und anderi go alose
Janedoe: Ojeeh, tuät mir so leiid weg diiner Schwester. I cha da gar nöd novollziieh. Wiä du saiisch, meh cha sägä "das entspricht mir jetzt ned" aber gad asä fertig machä, find ii meega schlimm. Tönt so, als ob sii diir das alles nöd gönt. Aber ii glaube fest, wenn sii denn mol ihre GG gfunde het und ii dä Vorbereiitige steckt, wiird's ihre leiid tuä. Jetzt verstoht sii eiifach nonig, wiiä wichtig das alles für Bruut isch… Wunderschöni Ohrring! I like a lot. Vor allem sind diiä garantiert au es andersmal wiider tragbar. Da find ii kuul! Wooow, en hammer Priis!! Gell, wenn iihr in dä Nebetsaison gönd, isch das sehr guät möglich!! Mir hend en Oldtimer. Aber ned gmiiätät Dä GG het mol mit siiner Training-Kampf-Partnerin über s'Hochziit gredet und dass er gern äs hübsches Auto hetti und sii: Ja mii Papi het doch zweii Odtimer im Keller. Er fahrt eu siicher umenand. Und derum hend mir en Oldtimer "gschenkt" bechooh Vor allem für mii GG isch das en Traum! Es isch en alte Bentley.
Fara: Darfet mir denn d'Fotis vo dä Andrea au gseh?
Broncos: Dii GG het es guäts Händli bim shoppe. Isch viellicht au siis Glück dass er ned nach pinke Teeliächtli muä usschau halte? Wa hend denn iihr für es Motto? Gratuliiärä zum Kleiiderabstecke! I finds wunderbar, dass diir s'Kleiid immer no total zusaiit! Da isch schönst! Und ii het gern es Foti
Helleborus: Herzlich Willkomme bii uns im Forum! Schön diich kennezlerne Hesch gseh mir hend au ä Gwundernaseliste, falls dich iiträgä möchtisch? Und natürli darfsch du uns au gern meh vo diir verzelle? Vo wo chunsch, wiiä hesch dii GG kenneglernt? Het eues Hochziit es Motto, Farmmuster?? Ich bin wahnsinnig neugierig http://www.heiraten.ch/forum/board/perso...014-12_237.html
Me: Hochziitstechnisch lauft immer no nixx bii uns Miir sind chlii hilflos. Mir wüsset wohl ned wo afangä. I denke immer "ja naii, da isch z'früäh, da het no Ziit…" (vor allem wenn's um öpis bstelle got. Defür han ii denn wohl vorem Hochziit en stress. Zum Glück isch Semester ende Mai fertig. Denn han ii gnuäg Ziit zum stresse Sus sind mir dreii Wohnige go aluägä das Weekend. Und jedi devo würdet mir sofort neh! Aber es het so viiel Konkurenz und da macht mir scho Sorge I finds recht müähsam immer eh Stund Richtig Züri fahre und retour zum gschnell 15-20min eh Wohnig aluägä. Vo mir uns, muä da nüme oft sii Wär ja au dä hammer zum scho vo unserer Wohnig chönä z'schwärme So und ez mach ii entweder was für PH oder doch nomol en Checkliste für Hochziite duureprüäfä???
Hebet en guätä Abiig iihr Liiäbä! Nu no 4 Tag und es isch wiider Weekend
@broncos: WOW, das isch ja ä super zyt!!! Gratuliere zu däm Erfolg!!! D Dekoartikel si ja hammer, das würd super zu öierä Deko passe... Da hesch di GG guet instruiert. Iiiiiiiig möcht ou gärn es Foti vo dir i dim Chleid!
@squishy: Hihi, i liebes go Wohnige azluege... Aber we dir so wit müesst fahre jedes mal ischs scho chli doof. Wär natürlech super wenn dir gli eini würdet finde! Mir hei bi üserä jetzige Wohnig meeeega viel Konkurrenz gha u drum sonä schliimige "Bewärbigsbrief" mitem Formular mitgschickt würum mir die Wohnig umbedingt wöi, d Vermieterin hets super gfunde u mir hei d Wohnig becho...
Hihi, i ha eigetlech dr PC aglah für no schnäll öpis fürd PH mache - jetz bini im Forum... tja!
@nala: Ah cool heit dir erfolgriich Chleider aprobiert!!! Hesch es Foti vom Favorit? Mir hei ds Menu mit dr Location scho letscht Herbscht besproche, bisch also scho nid z früeh dranne dänki mal. Mir hei jetz de im Mai no mal es Träffe wo mir dr gnau Ablouf mit ihne aluege, d Aordnig vo de Tische und Deko etc. bespräche. Das hei mir denn halt no nid gwüsst und jetz hei mir ja de ou d Amäldige u wüsse wie viel das chömä...
@helleborus: Härzlech willkomme bi üs! Bi natürlech ou gwundrig: Was heit dir scho alles? Wo fiiret dir? Was stellet dir öich vor etc.?
@me: Mir isch no gad öpis witers i Sinn cho woni öich ha welle verzelle: Mir hei ei Wuche nach Ablouf vor Amäldefrist alli Amäldige becho! Hei niemerem müesse nachetelefoniere oder so, bi sälber mega überrascht gsi!
Pfingstrose Sone schöni Homepage! Und wirkli cool, hender alles in Dütsch und italienisch. Mier hend als Izugslied Sweet Child O’Mine akustisch ufem Piano. Hed en sehr persönliche Wert für eus :)
Littlefoot Genaaaaaau das isch min Gedanke. Es isch Geldverschwendig aber glich hettis gern. Würd gern min GG miteme coole Gfährt überrasche aber ebe :D
Broncos Herzlichi Gratulation zum abgschlossne Marathon!!!! Din GG schiint sini Ufgabe guet zerfülle, hehe Ich würd sehr gern es Föteli gseh vo dier im Chleid :) Voll cool hends direkt Ziit gha zums abstecke und au dass ez nachli sparsch
Nala Ohh bi gspannt wie sZara Chleid denn isch! Mier hend scho fast voreme Jahr sMenü besproche, eifach mal so s’Grundsätzliche.. Und de Fiinschliff folgt ez am weekend, ein Monet vorem Hochziit. Ich denke, was gmacht isch , isch gmacht, go fot it :D
Helleborus Herzlich Willkomme bi eus!
Squishy Mini Schwö will ebe gar nie hürate und das tamtam… Sie verstaht völlig nöd, wie sich Fraue so chönd verlüre i dem Thema :D Ich müesst halt vlt au mal chli meh Verständnis für sie ufbringe, kei Ahnig. Hey sooo geil mit dem Oldtimer, das isch ja richtig toll! Also drücke wiiterhiin Düüme für dWhg. Hender scho irgendwo Bscheid?
Malinchen Soooo Gäscht wünschi mier au! Supiiii!!
Me Ich han ez glich nomal en andere Abieter agfragt wegere Reis und sie hed mer umgehend es meeeeeeeeega langs Mail gschribe, dass sie eus würd en privati Safari empfehle wo nur mier zwei seged, schliessli isches eusi Hochziitsreis (recht hed sie!!) Hanere ez mal euses Budget gschickt und denn luegemer mal was sie meint. D Pfingstrose hed ja no gfragt ob mier no Geld hend, das hani ganz vergässe… HAHA :D Mier chönds eus leischte, ja. Hend ez komplett ohni Gschenk mal grechnet und es würd dinne ligge aber nachher lit euses Hochziitskonto zimli brach :/ Aber hey, me gönnt sich ja suscht nüt :D
@Broncos: Gratuliere, isch ja würklech e u gueti Zit wo du da bisch gloffe! , i nime itz dini Meinig zum Churzarmhemmli nid persönlech - obwou i dr Vrglich mit aute Herre mitme Ranze nid gad schön finde Aber chli schmunzle hani scho müesse - wüu mi GG isch so ziemlech ds pure Gägeteil vo aut und dick Weisch es isch eso: Er het leit für d Trouig und ou für ds Shooting und Apéro es Längarmhemmli a (süsch hätti ja o ke Manschettechnöpf müesse bsteue ), er hätt eifach no es Churzarm zum wächsle. Im Ougust chas ja de scho sehr warm si... Das isch nid öpe üsi Idee gsi, sondern das het dr Berater vom Chleidergschäft vo sich us so vorgschlage. I bi de ou no erstunt gsi, ob sech das de fürne Brütigam nid angers ghört, aber är het gseit das sig absolut ok. Sooooo drnäbe chas dänki nid si i däm Fau - dä kennt sech ja us u verchouft scho ds ganze Läbe lang Azüg . Mi GG louft haut nid jede Tag im Azug ume und er hasst längärmligi Hemmli, isch ihm eifach nid wou um d Handglänk. Drum isch ihm das natürlech entgäge cho. Und mir isches wichtiger, dass är wou isch a däm Tag und i finde, er gseht mitem Hemmli und em Gilet drüber super us - egau was da angeri möge dänke...
Cool het di GG so tolli Sache ikouft! Ig möcht ou u gärn es Foto vo dir im Chleid gseh!
@Pfingstrose: Merci für d PN mit dr Homepage, heiter auso schön gmacht! Und super mit dr Wunschlischte, bsungers dr neu Pass wome dir cha schänke findi dr Hammer
@Squishy: oh so cool, de chöimer de anenang dänke am 12. Juli Du weisch o no gar nid, was di erwartet? Mir düe so Sache mit GGs Papi aube fasch meh weh aus im säuber gloub i bis eifach nid gwöhnt, mini Eutere si haut ganz angers. Oje, siter eifach nid so motiviert wüu viu Angers louft im Momänt? Oder scho so super dran dass nüt dringend isch ?
@malinchen: Wow, so guet mit de Amäudige! Bi üs chunnts ou langsam guet. Mir hei am 16. Amäudeschluss und es chöme immer wieder paar ine. Hoffe ou, dasses de klappt. Ja genau, mir hei o sones Mail gschriebe bi üser Wohnig, das isch erstundlech wie das aube wirkt!
@me: I hoffe üsi bsteute etsy-Sache chöme gli, bi so gwundrig
Anmelden
...damit sies denn wieder cha löckle am hochzit. deppert nid.
Wow, das isch ja echt emotional gsi, wie wirds den bi üch ide Chile? 
Erinnered mi scho fast biz a mine, er isch amigs au uu kritisch undwür nie öppis sege nur wil ich s ghöre wet. Aber ohni Kritik wirdi au ned besser 
)
und dä priis isch jo mega super!
duet mir wirkli leid für di, probier di an dr freud vo dim mami festzhalte! d offärte tönt toll! hesch ez trotzdämno susch öper ahgfrogt?
Miir sind chlii hilflos. Mir wüsset wohl ned wo afangä. I denke immer "ja naii, da isch z'früäh, da het no Ziit…" (vor allem wenn's um öpis bstelle got. Defür han ii denn wohl vorem Hochziit en stress. Zum Glück isch Semester ende Mai fertig. Denn han ii gnuäg Ziit zum stresse 
I finds recht müähsam immer eh Stund Richtig Züri fahre und retour zum gschnell 15-20min eh Wohnig aluägä. Vo mir uns, muä da nüme oft sii