Daenu: Sooo hübsch... Und die Töpfli!!! Sooo herzig... Die händer als Gastgschänk abgeh oder? Was häts für Blüämli drin, häsch die sleber gmacht au mit de Spitze? Ich bin eifach soooo mega Bastelfuul! Richtig schlimmm...
wägem gschäft: aso ich han au niemer iglade, allerdings useme persönliche grund und nöd will ich die lüt nöd würd wele debii ha. erschtens isch eusi kapelle mega chli und es hetted genau no mini teamgspänli platz drininne. aber vor allem hämmer e freii trauuig wo mir eus es persönlichs verspräche abgehnd und das müend jetz mini arbetskollege ächt nöd ghöre. sie känned min gg und eusi story nöd würkli und i dem moment wotti eifach nur di wichtigste lüt bi mir ha...verstönder was ich meine?
Töpfli: Ja die hani selber gmacht. Also eifach Terracotta-Töpfli vode Migros mit selbstklebender Spitze vom Nanu Nana beklebt. Denn Erde dri und Kressesame für Gartekresse. Die sött etz nochli wachse "Go Kresse! Go Kresse" und denn chunnt de Name vom Gascht und "Danke" dri. Das stoht denn am Obig als Platztöpfli ufem Tisch und dörf denn mit Hai
Weddingbee: Hihi, das macht doch garnix... :) Also vo mim und GG Gschäft isch niemert iglade und chund somit au niemert. Find das garnöd nötig obwohl ichs mit allne mega guet han... Das isch mir eifach zprivat... Bi de Geburt münd die ja au nöd is Spital cho.
Taeboyana Danke für dini Links. Gseht nöd schlecht us.. Die mit de Spitze gfallemer mega guet.. Han nur no chli Angst öbs echt guet chunt, wegem aschriebe..
Janedoe Ja er hät scho mehreri Jahr e Saisoncharte.. Und usswärts isch er es Ziitli lang au immer gsi, abr momentan gaht er nöd mega oft. Am Samstig hät er au mal plant uf Lausanne zgah, abr er gaht nöd :). Ich han au mal die Phase gha wo i oft mitgange bin, abr jeze gahni eigendli nüm.. Du gasch amigs go luege?
Daenu Sind dänn bi eu scho Früehligsferie? Susch chasch ja nöd frei neh, wenn kei Ferie sind, oder? Vo däm här wärs bi mier no recht flexibel mit Ferie neh, chämt den scho spontan no meh frei über.. Wär meh s'Problem, dassi nüm vill han, will mer ja 6 Wuche für d'Flitterwuche nämed.. Muen no chli Überziit mache . Isch doch super eues Föteli!! Danke fürs teile :) So schön mit de Deko und de Töpfli :)
@daenu: Ja so härzig chunnt ihri Schwoscht us de USA! I finde dini Fotos wunderschön und du hesch absolut bombastisch usgseh i däm Chleid!! Und so härzigi Töpfli, schön! Was meinsch was no hesch gschriebe, hani öpis überseh?
@lil.lian: I würd fürs bedrucke de so Buechstabe-Schablone choufe wode d Farb chasch drmit druf male / stämple. De söttis gloub scho guet cho? Si de bi euch no nid Früehligsferie? hihi de si ja mir Bärner für einisch schnäuer Gäu i ha o dänkt 2 Tag frei znäh vorem Hochzit, aber je lenger je meh dänki, 3 wäre besser.. i sött scho gnue Überzit ha und ha de ou no Ferie, vo dämhär luegi de spontan wie mir drinne si.
@me: huch, hüt Morge hani mire Coiffeuse aglütte woni ga ga Haar und Makeup mache... mir heis drum mit de TZ no vom Timing gha u wette ja no vor dr Trouig ds Paarshooting mache. I ha dr Termin uf die 8i und cha nid früecher ga, wüu sie no es 2. HZ het zum frisiere... ig wirde zwar scho am 10i fertig si, aber mini TZ ersch am 11i, när sötti no Chleid alege und zum Schloss fahre (gfahre wärde) womer ds Shooting mache u dert 1 Stund Zit ha für ds First Look Shooting. Das wird knapp! Entweder muesi mis Mami uftriebe zum mir ds Chleid alege oder d Coiffeuse het mir abote, dassis o bi ihne cha alege (hei no es Rüümli näbedra). Hm wie machi itz das am gschidschte?? Hilfe!
Anmelden
.