Hey mitenand...menno sind ihr fliessig gsi....mis iphone het hüt nur vibriert und obwohli gester gschriebe ha, hani jetzt 10 site cha
[b]Nala:[/b] Danke fürs kompliment und ha hesch richtig erkennt, bi eus isch au echo was gange die letste Täg Weg de Candybar chani dir leider nid witerhelfä,mach selber keini.
Weddingbee: Weg mim bruef, das stimmt scho wo du seisch, bi somene job wieni ha gseht ma immer wieder wie happy ma eigentli derf si, abe rebe jede het mal schlechti minute Weg de Haare, ich han scho vorcha zum was id Haare z’tue aber weiss gar nonig so recht was, ha denkt sone brosche woni über de schleier wot mache damit weni den de schleier abnüm na es highlite ume isch, und letstlich hani mal denkt ich chönt mir au na 2-3 chlini spreerösli in rosa id haare mache. Was machsch du?
Aja weg de Ring, also will din GG jo am zivile Ring scho wot tüschle, also mir hend am 12.9 zivile und tüschet den ring, den nachem Resti wird ich i mis elterhuus gah und min GG hei und er nümt den ring wieder mit, also ich ziehnen den wieder ab ☹ damit ich en am 13.09. bim kirchliche den wieder überchum ☺ Mir machet das, wills für eus dezue ghört zivile und seb au üse johrestag isch und igraviert hend.
Lil-lian: Gratuliere zude Ring, zeigsch den na es Foti weners am Sa abholet? Ich müsst mine immer aluege wennen scho dihei het, bi froh sinds bim goldschmied im tresor
Squishy-fishy: Danke für kompliment weg mim job, aber selbst wenn du nid die pfleg schaffsch und so mit junge mensche z’tue hesch wo sterbet bini mir sicher, dass au du en strenge job hesch und ich das nid chönt! Was min GG agaht...joo meinsch viellicht organisiert er jetzt echi frühner?! Bi mir da nid so sicher, da ich de grössti Teil scho ha oder er sich wahrschinli uf mich verlaht, hanem eifach gseit wenn er kei vorschlä bringt, laufts nach mim Kopf
Janedou: Ohh man, de muet wo du cha hesch zum din Götti aspreche, bruchi leider au na. Bi mir ischs mega doof. Mis Gotti isch Zwillingschwe vo mim Mami und de Götti ihren Maa. Mit beidne hani immer super Kontakt (cha). Immer was ade fiirtige ghört,zum geburi immer verbi cho und als Kind au oft bi ihne id Ferie dörfe. Eifach ald e guets Gotti und Götti cha. Vo ca. 2Johre hets echi kriselet zwüsche Gotti und Götti hani aber nur so hinedure erfahre und vomene Johr, also nachem Zürifest isches so gsi, das mis Gotti min Götti mitere andere verwütscht het und per sofort vor Tür gstellt het. Min Götti und sini Chind(also mini Cousinnä) het sit deht ha eher funkstilli und ehm jo ärger/hass was au immer. Mis Gotti het den sich entschiede, dass sie scheidig wot und er akzeptierts nid, also gahts vor Gricht etc. die ganz Trennig isch irgendwie offiziell und irgendwie au nid. Ich weiss das nüm zämä sind und de Götti au nüm dihei wohnt, aber wo weiss niemert. Er holt amigs no dihei Post und s’Gotti het mal gseit, wenni wot chani ihm scho e Iladig schicke, zu ihre hei mit sim Name agschriebe, er holi ebe amigs Post. Joo toll, ich hans jetzt nonig gmacht, willi eigentli zerst mal will s’Gotti aspreche obi de Götti überhaupt derf ilade, au wens nur zum Apero isch und au mini Cousinnä woti zerst asprechä....weiss aber nid wie...hesch en tipp?
@ME Ich zeig eui mal na de schmuck woni bstellt ha vo etsy...es isch e Kombi useme Armband und Ohrering, sie isch e mega liebi verkäuferin, will ich nid s'passendi Kettle gseh ha wot sie ide negste Täg eini afertige und schickt mir den es Bild und ich cha den wähle obis wot. Den zeigi eui na es Ketteli mit Herzli, die hani ebe gseh und han mich echi i die verliebt, aber sie isch u fiin und mis Mami findet sie au wunderschön aber sie meint, es isch viellicht zu fiin fürs Hochziit. Willi den nur ganz chlini Ohrstecker derf neh.... Mhm, jetzt mal luege....ich han mir jetzt glich eifach das vo Etsy mal bstellt, bi i Shoppingluune gsi. achtung Lady's nid verschrecke, jetzt hcunt blingbling
sorry ich han nachli meh... TZ: Joo isch echi e doofi sach, also sie het sich vo paar Mönet au verlobt, eigentli u cool wenn eini vode beste fründinne, also eigentli di best au hüratet. Nur isches so, dass sie ihres Fest in Süditalie macht, will sie natürli ital.wurzle het. Alles schön und guet, sie isch also grad 1.wuche frisch verlobt gsi und uf Italie abe zum Saal etc. o aluege/reserviere. Bevor sie gange isch, het sie vo mir nachli detail wele wüsse, will ich und min GG scho eusi honeymoon am plane gsi sind. hanere gseit, das de Flug mal reserviert segi und mir am 9.zrug weret, chöntet aber sicher au uf de 7.oder 8. schiebe. will sie het gseit sie wend am 10. oder 11.10. in Italie feste, abgmacht hemer das sie mir es sms schickt vo Italie une, will mir idere Ziit wo sie in Italie gsi isch besprechig mitem reisebüro cha hend. Ufjedefall hani nix ghört und us eifer der freude uf eusi Honeymoon de flug bestätigt uf de 9. Mini TZ isch zrug vode Reise und het grad viel gschaffet,also hemer eus erst paar Täg spöter gseh woni mitere ihri Hochziitsiladige uf Post bracht ha. Ich frög so doof "he ischs jetzt am 10. oder 11." Sie nei de Saal het sie nuna am 5.10. chöne ha. sie hüratet den Voila, jetzt hets agfange. sit deht ah ischs eifach irgendwie komisch, au wemer scho paarmal drüber gredet hend und sie beteuert, dases für sie okey isch dasmer nid debi sind und sie au nid böös isch, sie het e schlechts gwüsse würdet mir eusi Ferie verkürze etc etc etc. Mittlerwile ischs aber au echi so, dasmer eus amigs es Ziitli (ca.10-20Täg) eifach nid ghöret, sie nid nahfrögt wasi so mache HZ-Technisch und sogar trotz grossem verspreche ohni mich ihres Zivilkleid und TZ-Kleid isch go shoppe womer extra beidi mal 4wuche vorher gluegt hend dasmer de beidi frei hend...hanere au am Obig vorher na gschriebe aber nix ghört und wonere den um de Mittag aglüte ha, seit sie...sorry ha denkt öbis isch und sms heg sie nid gseh will ihres what's app spinnt, sie segi jetzt mit ihrere schwö und de schwö vom fründ scho in SG i dem Lade am Kleider shoppe mit ihne...am schluss het sie mir den am Obig föteli gschickt, toll nid?!
Und gster hani zum 1.Mal nach glaub bald 3wuche wiedermal was vonere ghört, so wies gaht wasi mach...isch irgendwie voll doof, will am afang isch sie no u herzig euphorisch gsi als TZ bis sie verlobt gsi isch....und mängmol frögi mi ob ich mir die distanz eifach nur ibilde, aber eigentli jo nid, will selbst anderi fründinne und mini fam. wo sie au kennt findets echi komisch, die findet so, viellicht isch sie unter druck cho oder iversüchtig, debi isch sie eigentli gar nid so eini, und das mini fam. findet ich söll für mich luege isch jo klar, aber ebe eifach doof Het eigentli nie denkt das ich mal zu dene Brut ghöre wo sich mal mit ihrere TZ nid verstaht oder stress het oder wie au immer, will finds irgendwie schad.viellicht wirds jo irgendwenn wieder ganz anderst, aber momentan hani fascht s'gfühl das a eusne beide HZ eusi Fründschaft echi usenand gaht
Ich hans zwar immer wieder i mim Kopf ha mir jetzt aber gseit, dasis ald eifach lah uf mich zuecho und jetzt meh mitere andere Fründin echi ustusch und mit minerä Schwö, sie het für mich eh au e spez. Bedütig und isch mini Tätschmeisterin. Ha ihre das au gseit und sie stimmts au für alli, au das ich jetzt mini Fründin glich als TZ bhalte, will so dramatisch für en wechsel vode TZ findi jetzt nid und ich denk den wer fründschaft würkli im A****
Sorry Lady's für mis gejammere aber viellicht mag jo glich die eint oder ander ihren senf dezue geh....leider weissi, dass nid alli so verschont worde sind mit ihrne TZ und hend mir en Ratschlag.
Soo, ich lah eui jetzt.... Wahrschinli gender den mornmorge wieder Gas mit schriebe, wenni mini Jungs betütlä Wünsch eui allne en schöne Obig
Claudilein Ah ja stimmt im Shoppy!! Merci!! Het mi doch dünkt de name seit mir öpis;O);O)
Sasileu Hihi witzig, ig ha vo thailand genau öppe die ohrstecker wo du bstellt hesch, gfalle mir mega!!jööh das härzli – ketteli isch mega härzig…hesch das ou bstellt? Ou nei das tuetmer de leid meg dire TZ….auso i würdis uf jede fall aspreche ou wenn das mega schwierig isch…..wäri ja mega schad wenn öpis isch und dirs chöit löse??
Nala Hei nei das isch der börner……die ohrsstecker wo du mir empfohle hesch sind ds gegestück vo mim Ehering und hani scho uuuu lang abgspicheret i mine Favorite;O);O) sooooo luschtig;O) mir hei ähnliche gschmack isch mir scho oft ufgfalle;O) und hesch fotis vode Schueh??;O)
Littlefoot Ja i ha scho spitzeband agmacht und ner eifach mit emne tropfe Heissliim zämegmacht!!
Pfingstrose Ou schön das körbli vom Depot!! Wotsch d Haar schnide nachem Hochzit??
Daenu Wooow merci fürs foti dir gseht super us und das Chleid steit dir MEGA!!!! bi ja scho gspannt uf Föteli vom Kirchliche;O) ganz härzig die töpfli!!!!
schueh: hey merci für de tipp. musi mal luege obis richtig verstande ha und mal probiere :)
sasi: ou nei das isch denn doof mit götti und au mit de TZ ! aso ich hett müeh wenn eini bi mir TZ wär und ich a ihrem HZ nid deby chent si... aber isch au komisch dass sie kes SMS schribt, und au dich erst naches paar täg aspricht..eigentlich het sie dir doch das voller freud selle direkt verzelle...? wenn e tätschmeischter häsch, würdi sie aber glaub au als TZ bhalte, sie muss ja nid allzu viel mache. suech doch mal s gspröch ! warum dass ihr plötzli weniger kontakt hend, ob öpis isch etc.. isch sicher s beschte en offnigi kommunikation. ou das armband tät mer au no gfalle, chasch mer echt de link schicke vo etsy ? wett luege obs es au in mint het .)
jane: ja nei weh häts etz au nid ta, sind eifach neui und chli eng. luege etz mal mit de socke.
nala: du häsch no gfragt gha wegem umzieh glaub ob ich s nachem apero mache. nei uf ke fall, has ja erst abem 14.00 a. wenn de würdis nach allne sache wo programmiert sind mache, aso nach de turte, nach de lüchtende Luftballons etc..aso nur für die reelli party.wett s brutchleid scho so lang wie möglich aha :) weisch d schueh hani vo de weddingbee chöne abchaufe und ha eh vorgha die für d location abzieh wil s ja high heels sind und das chani im garte überhaupt nid bruche. :) drum muni so oder so no es paar bstelle. bstelle etz eifach wedges ballerinas, die gsedn schön us und sind bequem :) git ja tonne uf etsy, sogar no chli weniger höchi. :)
taeboyana: guet hesch e lösig gfunde wegem umzieh :)
me: womers scho vo fuessball hend, mini fraktion het grad gester nomal eine drufgleit haha :) atletico MARDID het doch tätsch barça usegschmisse, so toll. und am suntig gani mit mim sohn und ere bekannte, woni immer wieder uf de strass triffe und vo früener kenne a FCL match. sie hät gratis billet. mi sohn het schisse freud, isch er doch no nie gsi...:))
sue: mir liebed bildli :) finde die vo etsy super und au die grössere...aber au d swarovskis sind guet, wenn scho de ring glich isch. hilf der nid grad gäll :) ja ich ha gester au no versuecht es mäscheli z mache mitem spitzeband, gaht aso nid. wirds so mache wie bim juteband, woni eifach aklebt han.
@schueh: aso läderschueh chamer glaubsch scho mit dene nasse söckli uswiite, aber satin? ich weiss dänn nöd...
@sasileu: mmh, aso das mit dinere tz tönt mässig...tuet mer uh leid für dich. aber irgendwie ghöri das no oft das tz/brut sich während de planig "usenandläbed"...weiss aber nöd a was dases liit. würd mi aber nöd zfest demit beschäftige demit, bringe tuets meistens nüt.
weiss no nöd wasi söll id haar mache...bin ja nonig mal sicher wäg minere frisur...
@janedoe: oje, chündsch mer jetz dini liebi aso wie gseit, mir isch s eigetli so lang wie breit wer was günnt. chum ja eh nöd drus
Fuessball: Ich bin froh interessiert mich ussert WM / EM überhaupt nix. Schwiizer Fuessball findi eifach Katastrophe. Fast die schlimmste Houligans (schriebt mer das so) und defür de schlächtischti Fuessball. Bin paarmal go Arsenal luege... Die Stimmig und die Fans sind eifach de Brüller. Alli schön konzentriert und für sich am Fane und nöd am so umepöble. Für mich isch de ganzi Fuessbalzirkus eifach en korrupte Lade mit total unrealistische Ghälter und Gage... Da chammer no lang über d Banke rede mer sötti die ganze Verbänd mal unter d Lupe neh... Au die riiise Verschuldige vo dene Clubs. So viel ich weiss isch ja Bayern eine vo de einzige wo d Finanze im Griff hät. Soo fertig gemotze... Haha! Sorry, bin gad in Fahrt cho. Min GG muss sich das immer alose er isch ja total Fuessball begeistered. Aber i vielne Pünkt simmer eus sogar einig.
Sue: Jaaa das machi... Razfaz Haare ab. Je älter dasi wirde findi eifach mini Frisur immer langwiliger. Immer die glichi Längi und so fad... Haha! Isch eifach immer stercher das Gfühl.
Sasileu: Oh nei! Ich chan der garnöd en Tipp geh oder suscht öpis. Ich finds total schad. Du häsch rächt dass es no viel komischer isch wenn mer quasi so oberflächlich redet und duet wie alles guet isch und glich spüret beidi es stimmt nüme. Das du sie nöd gad vom Amt TZ weg wotsch findi eigentlich guet. Will du häsch ja so glich au no dini Schwöster. Mach hald jetzt s Beste drus. Ich hoffe ihr findet irgendwie en gmeinsame Nänner wieder. Du bisch bi ihre au TZ oder?! Finds uh schad, sie chönti dich doch würklich au meh ibezie. Suscht söttis ihre ja au klar sie, dass dir d Lust für sie öpis schöns zorganisiere au chli utnergaht. Mega truurig... Hoffe dass es sich iränkt. Meinsch wenn ihre würdisch en Brief schriebe wo ihre mal s Herz usschütisch würdis nüt nütze?
Me: Ich bin gester ja no bi de Floristin gsi... Die isch soooo herzig! Ich bruche ja kei Bestätigung aber sie isch ab de Vorschläg fast usglipped das het mega guet da. Vorallm die Tags wo ich kauft han zum Fotis dri tue und am Bluemestruss zbinde isch sie fast abegange. Sie het gad gseit musch mer de Link schicke die müss sie chaufe für de Lade. Ich bin jetzt gspanne wies wiitergaht. Schriebe ihre hüt es Mail mit de Bilder wo mer gester aglueged hend vo de Bluemesorte und wie de Strusbinde etc. Und sie het au suscht mega gueti Tips gseh für bim Standesamt will sie dete au scho go dekoriere gange isch... Bini mega froh, dass sind Sache wo eim im Nachhinein mega störed uf de Bilder aber natürlich vorher nöd gmerkt hät. Haha, jetzt de best am meiste gfreut im Bluemelade hani mi über ihre Hund... De isch sooooo mega herzig! En Dalmatiner de BEN! Hihi... Han de scho gseh gah woner jung gsi isch und isch so en Schnüggel. Wott au unbedingt mal en Hund.
Sodeli... Jetzt mussi eusem Resti no schnell de Menuvorschlag schicke! Den chömmer de i zwei Wuche go degustiere gah. Und d Menucharte hani jetzt au gad wieder bi Minted designd gad im gliche Stil und Farbton wie eusi Iladige! YES! Den mussi die nurno bstelle und alles isch pünklich da.
Lil.lian Hehe, stimmt, eui Wett chönnt das Jahr uf beidi Siite möglich sii. Hmm, chasch dim GG ja mal es Bild zeige. D Homepage Agabe hani dier ja glaub mal geh? :)
Sasileu Ui isch au no schwierig mit dim Gotti und Götti. Aso ich ha mim Götti eifach ganz offe gseit, das ich es fröhlichs Fäscht möcht und niemer will vore Chopf stosse aber en Entscheidig ha müesse treffe. Er hed de sofort gseit, das ihm das absolut klar seg und er ja wüssi, wies mit sine Chind amigs usechunnt. Er wär mega anere Versöhnig interessiert. Aber ja. Ich würd a dinere Stell eifach offe sii zu dim Gotti und ihre sägä, dass du gern alli a dinere Hochziit hettsch und chli unsicher segsch weg ihre und dine Cousine. Mit dinere Beschte würdi uf jedefall au nomal rede und ihre klarmache, dass du en Distanz gspürsch und das eigentli nid wettisch…
Sue Mier gfalled d etsy Ohrering irgendwie am beschtä :)
Weddingbee Nei, ich chünde dier MINI LIEBI () nöd :D Die isch nämli grad ufkeimt wo du de Satz mit em neue Modestil uselah hesch, hahaha.
Pfingstrose Hmm aso wegem Fuessball und de schlimmschte Hooligans: Da muesch mal in Oste gah, wenn wirkli schlimmi Hooligans wettsch erlebe ;) Aber ich chas voll nahvollzieh. Ich bin halt ufgwachse mit GC und han viel Kollege i dene Chreise. Mier sind en grossi Gruppe Fraue wo sich eimal i de Wuche zu Fuessball und Gequatsche trifft. Min GG isch amigs immer de einzig i de Gruppe wo voll konzentiert de Match luegt, hahaha :D Ouuu wooooow, tönt ja mega super mit de Blueme. Weisch scho i welem priisliche Rahme iher eu beweged? Drucke Duume!
Me Mier gönd hüt Abig is Resti mal alles go bespreche. Hetted eigentli am Sunntig de Termin gha aber die sind immer so usbuecht, das ich gahnt ha, dases am Sunntig wider nöd passt und drum hani geschter no gschnell aglüte. Die sind dett soooooooo offe und fründlich. Han so es super Gfühl mit ihne.
Sasileu Ja mier möched es Föteli vo de Ring.. Chas chum erwarte.. De GG hät gmeint, öb mer nachher de Ring sölled inen Safe tue :) Ich glaub das möchemer.. Oouuu ja dini TZ Würkli blöd die ganzi Sach!! Ich glaub ich wür sie au nöd ustusche.. Wür eifach meh mit dinere Schwöster mache / bespreche, will sie halt ebe als TM häsch..
Sue87 Schöns Chleid!! :) Aso mier gfallt am beste de Esty-Link. Abr chan der au nöd säge, öb die grössere zvill wäred… Weiss es au nöd..
Littlefoot So härzig mit dim Sohn :)
Pfingstrose Ja du häsch scho recht mit de Verschuldig und däm ganze Züg und die wo immer n ur Krach mached.. Han das in Barcelona so schlimm gfunde, überall die Chübel-Grübler (böses Wort, es sind würkli mega vill Lüt amigs d’Abfallchübel am druchwüehle gsi) und uf de andere Siite en riese Fuessballklub mit Spieler vo weiss ich was für Salär bechömed.. Dönd ja hammermässig mit de Floristin!! Super bisch dete gsi!! Weisch den scho en Priis? Was hät sie dänn gmeint, was störe chönti wege de Blueme?
Janedoe Nei dini HP hani no nie gseh.. Schicksch mer no din Link?
Blumelade: Priislich weissis nonig... Sie schickt mir d Offerte, wenni ihre d Bilder gschickt han. Das machi jetzt den gad. Das wo sie no als guete Tipp geh hät isch nöd mal wege de Blume... Sondern wegem ZSA... Es het ja e meega schöni Farb a de Wand. Genau eusi Hochziitsfarbe. Er isch au schön liechtdurchfluetet... Und den häts so es hässlichs Tischtuech für Trauuig eifach imene andere Grüän und nöd mal bis zum Bode. Jetzt nämed mir selber es wiises bodelangs Tischtuech mit. Siehe Beispiel unten... Eimal hässlich eimal schön... :) Ja ich weiss mega pingelig! Haha!
Janedoe: Ja das stimmt... Aber mit em Oste verglichi de Rest vom Fuessball eigentlich nöd. Im Gegesatz zum Oste nänned mir eus ja au entwickleds Land... Wo mer i dere Hiesicht nöd gad so merkt.
Anmelden
