@janedoe: oh jööö, häsch verbarme mit mir will ich so gar nüt weiss was miteme fuessball ztue hät

ps: das wo du mitem reisebüro häsch händ mir mitde floristin. sie isch uh herzig aber ich glaub e totali chaotin. sind im gsamte öpe 5 mal verbii gange, aber nöd will mer unbedingt händ wele sondern will mir immer bim letschte mal abgmacht händ dass sie sich mit de offerte mäldet und dänn isch wieder nüt cho bis mir wieder in lade sind...ich hoff nur das sie das mitem termin im griff hät...eieiei, das wird mir au öpis. weddingbee-hochzyt ohni blueme i so sache bini rächt unentspannt

hmm ich glaub die Reisebürofrau isch vooooll organisiert. Sie hed mier eigentli immer grad innert ere Stund oder so zrugggschribe. Nume ez nümme.... Jeeeetzt wos mi so richtig würd interessiere :D
Eusi Tortefrau isch öppe wie dini Bluemetante. Sie isch soooo lieb, aber sie hed immer alles deheime oder grad nöd da oder was weiss ich. Mier wohned zum Glück grad nebedrah, suscht wär das für mich es absoluts No-Go.
Aber d Offerte hender ja jetzt. Für halbpatzige Service findi 1600.- wiederum recht viel ehrlichgseit. Passt de Fara ihre Florischt für eu ned?

Janedoe: Echt wo hie gönder den? Ich wird vo mim liebe GG überrascht. Han ebe Burzeltag hüt... Oh nei meinsch die isch würklich beleidigt?! Evt. gahts eifach au chli länger zum das zämesueche, darum hät sie nonig gschriebe. Ich glaubs das chund scho guet.

Haha! Danke!

Yo!

@sasileu: Danke vill Mal für de Iblick i dini Tätigkeit und is Schicksal vo eune Jungs. Isch scho sehr krass! Ha mir scho au no chli Gedanke gmacht. Und irgendwie... Mini Läbenserwartig isch ja au nüm sehr vill höcher als die vo ihne. Ich bin zwar biz älter als 27-28 (nämli 29), aber min Onkolog hät ja klar gseit, dass er nöd dänki, dass ich längerfristig wird gheilt werde. Zwar au, dass er nöd chöng säge, was das heisst. Aber mit mega vill rächni us medizinischer Sicht nüme. (Hoffe aber gliich immer no, dass ich d Usnahm vo de Regle wird sii und es Wunder passiert. Die Hoffnung stirbt zuletzt). Aber eigetli hani wäg de Jungs wele schriibe... Ha mir eifach so überleit, dass ich wenigstens 28 Jahr vo mim Läbe nüt gahnt han devo und klar, das macht de Hammerschlag vilich chli krasser, aber defür bini vorher nichtsahnend und glücklich gsi (naja, meischtens ).
Han ich das richtig interpretiert, dass en grosse Teil vo dene Jungs am Ändi en Erstickigstod muss sterbe? Wobi, hüt chame das wahrschinli mit enere Lungemaschine verhindere?
Jedefalls, au vo mir häsch min grosse Respäkt für die Arbet, wo du tuesch!

Tuet mer leid, dass das mit dim Götti und Gotti so verfahre isch und du grad au no mit dinere TZ sones Zügs häsch (ich verstah dich aber guet, dass du vo ihrem Verhalte enttüscht bisch - wär ich au). Ich hoff fescht, dass sich für beides e Lösig/Verbesserig wird zeige.

@Pfingstrose: Oh, Purzeltag! Eini vo mine beschte Fründinne au... Häsch der also es guets Datum usgwählt! Wünsch dir alles Gueti im neue Läbensjahr, wo sich ja so einiges wird tue i dim Läbe mit em Hochsig! *umarm*

@janedoe: Ich hett ez au dänkt, dass sie das Mal ev. chli länger hät, wil sie meh muess zäme sueche und s weniger chan us em Ärmel schüttle.
Das mit dere Bruut mit em riise Budget hani nur so halbe mitübercho. Aber wär scho gwundrig. Hetsch mer da en Link? Und häsch du ihre det gschribe für chli meh Infos?
Finde das au chli komisch, dass ihr ohni grossi Bluemebesprächig det scho en Offerte händ...

@Florischtin: Also, mini chani würklich rächt empfehle. Mir sind sehr zfride gsi. De Bruutstruss isch u schön gsi, hät chlii weniger nach "sälber pflückt/Wiesebluemestruss" usgseh als dänkt. Wobi ich ihre au als Bispilbild nöd s krässischte geh han, wil so ganz fescht so hanis au nöd welle. Und au suscht d Deko hani äfach super gfunde. Usser, dass sie für d Asteckerli Tulpe gno hät. Das weiss sogar ich, dass die nöd lang hebed. Isch chli schad gsi. Aber für am Samstig hämmer d Tulpe usekickt und dur Germinis ersetzt. Hoffe, das gfallt mer dänn au so. D Asteckerli sind dänn aber Nägeli. Die findi kuul.
De Brutstruss hät übrigens letscht mal 70 Franke koschtet und d Offerte für das Mal isch glaub sogar bi 60. Obwohl bi ihre inere Broschüre staht "ab 80 Franken" (glaub ich zumindest so ungfähr in Erinnerig z ha). Guet, ich han ihre nöd offe gseit, dass ich d Broschüre känn. (Wobi mini TZ sie mal bi ihre isch go hole. Sie häts also chöne wüsse.) Findi voll kuul, dass sie dänn doch äfach de effektiv Priis rächnet und nöd eifach druf schlaht. Ha bi ihre ez au nöd s Gfühl, dass sie findt "Ah, geil... Es Hochsig... Da machi d Priise eifach grad mal chli höcher". Ghört mer ja mängisch, dass es so isch.
Sie isch eh bekannt defür, schöni Sache z mache für fairi Priise. (S git en andere i de Nöchi, det bini letscht Jahr gsi für mis Schwiegermami öpis go poschte... Also, han dänn scho öpis gfunde, wo mir gfalle hät - isch aber so zimli s einzig im ganze Lade gsi. Da gangi lieber zum Migros oder so. Oder ebe zu minere Hochsigs-Florischtin. Die isch erst no die nöchschti.)

Isch aber halt im Züri Oberland und wohnt ja nöd grad jedi i de Nöchi.

Sooo... Wieder vill gschribe statt baschtlet. Zum Glück chunt jetzt dänn grad mis Mami zum baschtle. Dänn muessi vorwärts mache. Maches ja zum Glück no gern.

Liebi Grüess,
Fara

Fara: Danke au viel mal... Hihi gad mehreri Besti vo dir händ hüt Geburi! Jaja die Widderli! Wünsche dir und dim Mami gaaaanz en schöne Bastelnammitag! Chönder das chli dusse mache. Isch a de Sunne ja mega herrlich. Cool bisch du so zfriede mit de Floristin und sind d Priise so fair. Chan mer also garnüt säge... Guet wege de Tulpe isch chli doof gsi aber ja jetzt händers fürs grosse Fäst ja nomal gändered. Chund den d Andrea wieder?

Littlefoot: Danke au dir! Mega lieb!