@sue: Ja, me cha det mitemnä Entwurf vomnä Chleid härä gah und sie chönntes när umsetzä. =D Und d Priisä si enorm günstig: 800-1'800.- fürnes Brutchleid. Es wird haut vo Lernendä gmacht, aber sie wärdä ja betreut vo Fachpersonä und die überprüefä ou d Qualität. I fänds äbä würklech no cool, v.a. wöui säuber ou mit Juegndlechä schaffä...

Ja, das Zelt dussä chamä ou mietä. Mir si aber nur ca. 30-40 Personä am Abä und de wärs z gross. Drum hani när äbä nid witer nachä gfragt wies priislech usgeht etc. Aber i chönnt dir süsch ä PN schickä mit dä Kontaktdate vom Chef detä!?

@Delfinchen: I ha geschter no ä Geistesblitz gha fürne Location am See: http://www.edenbeach.ch/

FringillaVigo: Sorry, di hani vori gad überläsä! Jaa, das mitem Wasser isch würklech meh sonä Troum vo mir! Mir hei nid würklech plän für no ga Schifffahrä oder weis nid was... Mir wärdä d Trouig scho rächt früeh ha (11i oder 12i) und de würdä mir zwüschä 5i u 6i bir Location iträffä, denn ischs ja när schono ä zyt lang häu, im Juni wirds ja ersch so am 9i dunku. Aber für mi ischs ke Wältuntergang wenns nid würdi klappä - äbä eifach sonä Troum halt!

nicht registriert

Guätä Morgä ihr Liäbä,

Es giit tatsächlich scho en 15er Tread.

Leiider chan ii bii dä Marinatal ned mitrede. Sii wär gad chlii gär wiit weg vo uns gsii.

Es tuät mir voll leiid, dass da mit em veschicke vo dä Fotis ned klappt. I weiss au ned, werum... I ha jetzt einfach ä Dropbox iigrichtet, extra für uns. Dert druf hets bis jetzt nur Föteli vo miim Kleiid. I giib eu allnä per PN s’Passwort und ihr chönts dert go aluägä. I weiss, Dropbox isch ned für da denkt. Aber isch eiifacher, wiä das ihr mir alli eui Privat-Mail-Ady gebet. I hoff ihr verstönd wiä ich’s meiine?

Wünsch euch en tolle Wuchestart!

Lg, dä squishy

@FringillaVigo: Da bini jetz ehrlechgseit gad nid sicher. I nimes nid a, süsch wäres ja scho fasch Dumping-Priisä... Me cha dr Stoff aber sälber mitbringä. Es git ds St. Galle e Stoffhärsteller wo jewiels ändi Saison d "Räschtä" vor Kollektion mega günstig verchouft. I bi det scho miterä Kollegin gsi, da chamä Rolläwiis Tüll und Spitzä choufä zumnä Schnäppli-priis...

Jep, hani ebe oh dänkt. Isch aber eigentlich jo glich no Priswärt, we dr Stoff sälber bringsch und günschtige chasch näh u de erscht no nes Chleid nach dine Vorstellige hesch! Ig meine, im Brutlade chasch jo locker 3000.- lo lige...

heeey hoi zäme!! oh do isch jo grad wider chli öbis gange im forum chume fast ned no mit noläse :p

danke allne für d'tipps! :) müend jetzt dänn würkli chli gas gäh! glaube wämer mol d'location & s'def. datum händ werdi meeega erliechteret si! :)

@malinchen: ooh midnight summer dream - das dönt scho mega romantisch! =) finde das au mega lässig mitem motto! =) und s’zält wod postisch häsch findi au voll schön! :)

jo also ich bin au froh gits das forum
wenni nämli mini kolleginne immer würd volllabere dänn würds ihne glaub schnäll verleide :p debi wöti si dänn gseh wänns bi ihne so wiit isch hehe ;) muess chli dosiere ;) aber s'fröiet sich alli mega für öis das isch voll schön :) <3

@squishy-fishy: dis chleid isch würkli meeega schön! :) <3

Thema partner: hmm ich finde s’chunt chli drufa – bi mim schatz häd er paar lüt vom gschäft woner wet ilade will si wie en clique worde sind und au scho zäme en City Trip gmacht händ (obwohl ebe us so Gründ chömemer halt u.a. uf die 100 Lüt am Obig müend scho nomol luege obmer det ned no öbis mache chan) und det werdemer ohni Partner ilade will si als Grüppli vom Gschäft chömed.. aber sust lademer scho mit partner i.. han es paar kolleginne wo jetzt z.bsp. single sind aber weisch jo ned wie das isch bis negst sommer drum veränderet sich die liste jo au immer wider.. & ev. sind päärli (hoffes jo ned) bis denn au nüme zäme wüssed ihr wieni meine? Aber generell sust lademer scho mit partner i obwohl han au en kollegin woni unbedingt wet debi ha aber ihre frönd hani erst 1x gseh.. werde si mol mit ihm ilade aber ev. seit si jo dänn vo sich us, dass si ellei chunt will er gar nedso lust häd.. (also min schatz isch emel so wänner öber gar ned würkli kennt, dänn häder gar ned würkli bock zum mitcho :p)
Das wär dänn jo ihri entscheidig ;) aber wie au d’sue87 schribt: ich finde au s’isch s’fest vo de liebi & dänn ghört de ahang doch dezue ;)

@novia_mayo: wenn de fall allerdings so isch wie bi dir und die hohli nuss (sorry) sogar no schlächt über di ret dänn würdi die also au schweeer ned ilade irgendwo häds jo gränze.. nei also muesch sicher ned a DIM tag öber det ha wo sich no s’muul zerrisst.. s’isch ÖICHE tag ! also do würdi würkli churze prozäss mache.. ich han s’glück,
dassi mit de fröndinne vo de kolleginne vo mim GG mit allne sehr guet uschume au wämer öis nedso oft gsehnd..
und de einzig männlich kolleg vo mir wo öbe 10 johr min beste kolleg gsi isch woni seeehr gärn debi gha het a öisem grosse tag mit dem hani leider kei kontakt meh, sit dem er en fröndin häd will si iversüchtig gsi isch, dass mir so guet uscho sind :( trurigi story aber chasch ned vil mache daher das wär dänn wohl die einzig gsi, aber do mir jo kei kontakt meh händ erübriget sich das… ah und übrigens: gseht schön us d’fotis vom resti woner sind go aluege! :)

@malinchen: ui nei krass haha :p wenigstens direkt und ehrlich aber goht jo gaar ned :p nei do würdi au kei gäld usgäh def. ned :p

MariNatal: ich bin jo z’basel gsi isch jo die glich mäss und no a de hochzytsmäss in luzärn und ich bin also scho au chli enttüscht gsi dasses ned meh locations gha häd nur grad die türste.. defür 100 trauringeständ, fotografe & chleider :p und das isch für öis halt alles no chli wit weg :p

schöns tägli wünschi öich allne & vil spass bim tröime! =))