Malinchen
Vorallem heds mi so gnervt wege de Schwöschter, will sie während em Termin voll abschätzig zu de Chefin seit ‚Ja bi ihre dreiht sich alles nume um zHochziit, 24h am Tag’ Ich mein sie cha mi ja no meh blossstelle…? Ha mi ufem Heiweg de voll drigsteigeret :(
Soooo coool, dass din SchwiPa und din Papi zämä gönd go ikaufe! Hammermässig! Freue mi richtig :D

Taeboyana
Ich wirde keis Strumpband ha, daher bini leider kei Hilf

Mariee
Checks ez au ned so ganz. Iher teiled eu d Blueme quasi ide Chile? Aso da würdi uf jedefall luege, dass iher das bechömed, wo iher eu wünsched… De Bruutstruuss sött miner Meinig nah scho zu de Deko passe. Suscht fallts i mine Auge chli ab. Hmmm

Pfingstrose
Hehe meinsch din GG liest amigs da mit, was du so schriibsch?

Lil.lian
Wer weiss, wer weiss ob ich dim GG mal übere Weg laufe :D Nah hauen denn grad a!


Me
Yaaaaay, hüt isch en super Tag! Ha dOfferte vom zweite Reisebüro becho und mier sind bi 4000.- p.P… Es isch zwar chli tüürer, aber defür hed sie eus die bessere Unterkünft usgsuecht. Ez muess nurno GG ja sägä und denn wird buecht! Toooooooooooooooll!!!!

@Pfingstrose: haha, i chönnt äuä würklech ä Reisefüehrer schribe... Bi scho x mal gsi, isch mini absoluti Lieblingsstadt bis jetz (bi no nie in NY gsi ) und isch halt würkli nur ä Chatzesprung mit dr nöie TGV-Verbindig. GG u ig hei jetz agfange sogar nur Sa/So schnäll z gah wenn mir Fernweh hei.

PARIIIIIIS: Oh Mann... Müender grad jetzt das Thema ha, woni kei Ziit han?
Ich han vor paar Jahr (06/07) es Wiili dete gwohnt und "studiert"... Ähem... Nöd so flissig gsi.

Aaalso: Gönd is Resti Quincampe, das hani letschti als Tipp becho vonere Fründin, wo det wohnt. Isch uu herzig igrichtet, würklich es Bijou. Und fein. Müsstet aber vorher fascht reserviere, es isch glaub amel pumpevolle. Das isch im Quartier Les Halles/Pompidou und so. S Centre Pompidou isch eh no kuul jetzt so im Früelig/Summer. S hät so en Platz vorne dra, wo amel so Chliikünstler luschtigi Sache mached. No gmüetlich. Und näbed dra grad em Crèpes-Stand. Oder ich glauuub s hät det au en Glacélade vo dere Chetti, wo d Glacés so bluemeförmig macht (also, s Cornet zumindest). Sehr cool! Die Chetti da: http://www.amorino.com/fr/ Sie händ im Früelig/Summer, solangs s schön isch halt, amel au im Jardin des Tuileries en Stand und s git sie au a andere Orte i de Stadt.

Dänn Montmartre ja nöd verpasse, es ganz es herzigs Quartier. Und näbed dra grad Pigalle und s Rotliechtviertel. Spannendi Mischig. Falls uf Flohmärt stasch: s hät i de Nöchi vo Montmartre (naja, mehr oder minder) eine, woni mal gsi bin. Bi Porte de Clignancourt (Metrostation) glaub. Würdi aber eher nur, wänner lang gönd.
Vom Sacré Coeur us hät mer au e super Sicht über d Stadt. Und mer chönt det au allefalls no uf d Türm ufe, was au kuul isch. Und suscht au uf d Türm vo Notre Dame. Det häts no die Mönschterlis druf. Au no cool. Han ich persönlich fascht lässiger gfunde (Sacré Coeur und Notre Dame Türm) als uf de Eiffelturm ufe. Wobi... Ich bin eh nöd sonen Eiffelturm-Fan.

Museä: Bim Louvre lohnt's sich, vorher z überlegge, weli Teil ihr möchtet aluege. Bzw. wänn er det sind, aber eifach eher nöd planlos ume laufe. Wil alles aluege langet NIÄ!
S Musée d'Orsay gits au no, isch bekannt v.a. für d Impressioniste, wo's usgstellt händ. Chent au sii, dass eu eher das gfallt als d Sache im Louvre.
Wänn ihr gern d Nymphéas vom Monet händ: dänn gäbtis no d Orangerie im Jardin des Tuileries. Det händs die riiise Bilder ganz schön arrangiert. Isch en Augendweide, aber ja, ich han halt die Bilder au sehr, sehr gern.
Im Centre Pompidou isch moderni Kunscht usgstellt. Und suscht es Museum für Moderni Kunscht käni auno, weissi aber nüm, wie's gheisse hät. Bringt dir jetzt nöd vill.

So, ich belahns mal bi dem. Ah: shoppe... Bekannt isch d Rue de Rivoli (liessi sich mit Pompidou und Quincampe und Notre Dame verbinde vo de Lag) für di eher grosse Läde. Für chlineri Boutique gits im Montmartre rächt vill und mini Paris-Fründin findet d Rue Mouffetard für das (glauuubs, hät sie mir gseit) sehr cool. Ich känn sie allerdings, muess ich zu minere Schand gestah, nöd.

Ah, und falls e Handtäsche bruchsch: de Anoki im Quartier Latin (i de Nöchi vo Notre Dame, Pantheon, Jardin du Luxembourg) hät qualitativ sehr gueti zu günstige Priise. Bin begeisteret vo mine zwei.

So, fertig Paris jetzt, Fara, konzentrier di.

@Haar: Ich überlegg mer, öbi wieder so öpis will, wieni scho gha han. Ungfähr so, eifach nöd blond, sondern bruun: http://kurzhaarfrisurendamen.net/wp-cont...amen-2014-6.jpg
Oder öbi glich lieber en Bob will, hani au scho gha. Aber ich glaub, de löst s Problem vo de usfallende lange Fäde nur so halb. Die sind ja dänn immer no rächt lang. Aber hmm... Öbi de Muet nomal han vo lang uf drastisch chürzer z wächsle? Han bim erste Mal au zersch nonig grad ganz churzi gha, sondern chli länger, aber struub duregstuft, di oberste Haar sind sehr churz gsi.

Mal gugge.

@morn: Ich glaub, ich han bald alles fertig baschtlet. Ei Tischnummere muessi no. Min Maa muess no go poschte, ich no go dusche (ich Grüsel) und umbedingt Zmittag ässe und Candy Bar Gläser abwäsche und dänn am zwei chunt mini TZ zum alli Dekosache sortiere und packe. Ach, und min Maa müsst no de Unterricht für de Mentig vorbereite. Ich glaub, das chunt use wie letscht Mal, dass er's dänn am Sunntig macht.
Und packe tüemer glaub morn. Ich gib minere TZ dänn e Täsche mit mit mim Zügs für de Tag dur und für s Hotel müemer au no packe. Aber d TZ und d Coiffeusä zum schminke und frisiere chömed ja erscht uf di 11i, wie gechillt.

Fara: wow das tönt super dini paris tipps .) sind au scho gsi aber leider nur 2 tag
Isch s päckli cho?

Ohhh Fara, jetzt bechumi grad riiiiiiiiiiese Luscht uf Paris

@janedoe: 20 Rappe...
Ja, ich au... Mir hettet no sonen Guetschii, wo mer nüme lang chönd ilöse für es Hotel z Paris. Ev. gömmer. Und würdeds vorher vilich mit em Elsass verbinde (Strassbourg, käni nonig). Aber weiss halt nöd, öb mir das nöd z vill isch, Paris, jetzt, woni nöd so fit bin. Handkehrum känis ja scho und s isch drum sicher weniger stressig als en unbekannti Grossstadt. Und mir chönd au eher id Pärks go höckle statt umeschuene bis zum geht nicht mehr. Mal luege.

@littlefoot: Juhuuu, grad isch s Päckli cho!!!

@Fotos: Und s Päckli mit de Fotene au... Aber mached beides nacher uf, min Maa gaht zerscht go poschte. Vergizle vilich bis dänn, aber jänu.

Und ich mun langsam Gas geh. Am zwei chunt d TZ.

Ich Tröte, wieder d Ziit im Forum verbrötlet.