@jane: lug z.b. die: http://www.microspot.ch/msp/product/Digi...CFaQfwwod9YQAtg

(bi halt es canon-chind, pfingsti cha dir sicher no s sony-pendant vorschlah - de hesch scho 2 wode chasch vergliche... )

weddingbee
hahahah weddingbee du hesch imfall scho länger zwei Sternli! Ha dier letschti no welle schriibe, du hebsch dis Ziel erreicht
Aso dini beide Ideeä töned super, wobii ich persönlich eher zum moderne Stil tendiere würd, ez ohni dasi s Chleid gseh ha..
Was würded denn die churze Chleidli choschte? ich mein... ... why not? :D

malinchen
Danke vielmal. Ich ha ebe schomal chli nach 'Kameras für Safari' googlet, chume aber immer i Fore, wo für mich in völlig unverständlichem Fachchinesisch gschribe isch. Ich glaube, mer müend de glich mal ines Gschäft eus go lah berate.
Was isch de de Unterschied zwüschet ere System und ere Spiegelreflexkamera? (Isch die Frag ez peinlich?)

nicht registriert

Heyy Mädels

Pooah, iihr gebet so Gas!! I les eiifach mal so wiit hintere, bis es mir verleiidet

Weddingbee: I ha miis Kleiid ussem Joy's Abendmode in SG. I cha diir dä Ladä wärmstens empfehle, findet jedi öpis. Aber er isch in dä Ostschwiiz. Es isch das eiinfach in dä Farb "Beeri"
I wird mii selber "style" Es wiird bii uns au eher en ungezwungeni Grillparty.
I hoff, da het diir chlii instpiriert und viellicht au dä Druck weggnoh?

Kamera: I bii zwar überhaupt keiin Kamera-Profi, drum looset besser uf Pfingsti
Mir hend d'Kamera uf unser Wunschliste. Tüänd so eh Systemkamera wünschä. Kostet um einiges weniger als ä Spiegelreflex, macht aber fast so guäti Fotis.
Dezue isch sii ebe chliiner und eiifach zum bediiene: http://shop.mediamarkt.ch/de/foto-telefo...0k/idp7jcj5gm0a
Ha gad gseh, Malinchen isch gad miiner Meiinig, juuuuhuuuu

Fara: Guuätä Endspurt diir und diim GG! So wiiä iich les, chasch dä Tag vorem Hochziit au no gniässä und s'lustig ha und bisch ned im Dauerstress. Bii denn gspannt, wiä da bii uns wiird!
Ganz en schönä Abiig diir! Und für morn wünsch ii eu s'Best, ä lachendi Sunne und strahlendi Herze!

Malinchen: Da isch ja dä hammer gönds zämä go poste! Da isch uuh meega herzig und schön! I cha da bii unserne gar nöd vorstelle Nu scho priisklass wär drastisch andersch

Janedoe: Sooo kuul, was dä TZ für dii GG macht. Dä wiird siicher us allnä Wulchä gheiie und siich froiie So schön hets au klappet. Du hesch dir da ja chlii Sorge gmacht! Mengmol isch Glasseheiit vo dä Männer gar nöd so übel
Sogar im Resti muä dini Sis nervigi Kommentär briingä? Was söll denn das? Da find ii immer meega truurig. Tuät mir leiid für diich!
Mmmmhhhmmm! Eues Menu tönt meega guät!! Lauft mir gad s'Wasser im Muul zämä!

LaMariee: Schad gfallt iihm dini Wahl ned Zum Glück giits no tuusig anderi Farbe, ii hoff fest, iihr findet was, wo eu beiidne passt! Wiiä isch da denn, wenn gelb vo dä Sunnebluämä mit öpis lachsfarbigem kombiniersch? Giits lachsfarbigi Bluämä? Denn würd diis Kleiid ja perfet passä?

Pfingstrose: Liieber zu spät als nie: Happy Birthday zu diim Geburi! Scho es Jöhrli älter. Und jetzt treiisch da Alter, wo hürote wiirsch
Uf em chliine Bildli han ii z'erst denkt: Was isch denn da für ä Knoche, wo sii in dä Hand het?! Und ufem grosse han ii denn dä Schueh erkennt
Dä Azug iisch meega hübsch! Schön iisch dii GG fündig worde!!
I ha so müässä lachä, woo ii vo dä Piji-Hose glese han! Gratuliärä zum Fund
I ha miim GG devo verzellt und er nu so: "Ja, bii diir wärs ja ned andersch "

Daenu: Morn wünschi diir und diim GG en wunderschönä Tag. Dass iihr eu dörfet feste looh und all da Schönä gniässä chönt! Viiel guäti Fründä, riibigslosä Ablauf und dass iihr eiifach dörfä guät in eues Ehelebe starte! I froiie mii sehr mit eu!

Me: I ha hüt en Shopping-Tag mit miiner TZ gha und ii war so erfolgriich, dass ii gad wiitermachä wott I ha Unterwösch kauft. I ha mii gliich gege Corsage entschiede. Verkäuferin het gmeiint, wenn's Kleiid scho Stäbli het, dass es denn z'viiel Stäbli sind. Vor allem im Summer het meh jo scho gnuäg warm. Dezue isch es eiifach wahnsinnig bequem! Perfekt!! Im H&M han ii denn ä Corsage gfunde wo meega abegschriibe gsii isch, meh als halbä Priis! I has im Beldona kauft. Es war gnuäg tüür, defür han ii es Strumpfband gschenkt bechooh Weiss aber nonig wohii mit dem Ding Denn han ii au so rosa Bänder kauft. Jetzt bin ii ready für d'Schniiderin, dä Termin bin ii jetzt am abmachä. I bruuche no en Bolero und so en kuule Schuehclip möcht ii ha… Denn bin ii usgstattet.
Gester het denn miis zuäkünftige Schwiegermami es tolls Oberteiil kauft fürs Hochziit. Sii hets mir denn umbedingt zeiige welle. Denn falls Bruut ned iiverstandä iisch, müäss sii ja es anders ha. I ha da voll herzig gfunde Männer hend sich natürli lustig gmacht, diiä hend eiifach keii Gschmack

Hebet en guäätä Abiig <3

nicht registriert

Phuuu, tatsach nach miim langä Post no was vergesse.
Gester het uns Verwaltig vo dä einte Wohnig aglütä. Sii brüchet no ä Bestätigung vo unserne beiide Jöbs, öper wo für uns bürgt und Formular vom Betriibigsamt, damit sii uns ä Zuesag chöni machä. Mir hend da denn gad per Fax gschickt und sii het gmeiint, sii meldi sich, sobald sii's duuregügslet het… I bii soo ufgregt, irgendwiä tönt für mii da so, dass mir d'Wohnig scho fast im Sack hend?
Oder tüsch ii mii dooh? Bruuchets das sowieso, au wenn sii sich nonig für uns entschiide hend? Viellicht hets ja unter uns im Forum öper wo do meh drus chunt als iich
Jedefalls wart ii scho dä ganz Tag ungeduldig uf es Telefon…

@ 12.4.2014 Brüütlis

Wünsche allne morgige Brüüt en traumhafte, unvergessliche, emotionale und einfach wunderschöne Tag. Gnüsseds in vollste Züge und lönd eu Liebi fiire

@jane: Due mi wieder ar Pfingsti aschliesse...

Es git beides... serigi wo es fixes Objektiv dranne hei, aber ou settigi wo du chasch wächsle. Das chunnt när ganz ufs Modell druf a.

D Sensorgrössi isch no rächt wichtig. Aber we du ä günstigeri SLR choufsch het die meistens APS-C. Das isch bi vielnä guetä Systemkameras ou so. Ä grosse Sensor isch eifach gseit = gueti Bildqualität. Je chliner dr Sensor umso schlechter...

Systemkameras si halt würklech eifacher ir Bedienig wie Squishy miner Meinig nah richtig het gseit u biete glich ä sehr höchi Qualität. Wemä sich nid mag chli id Bedienig vore SLR vertiefe findi, dass me mitere Systemkamera drum besser fahrt...

I finde das no ä guetä Bricht drüber: http://www.systemkamera-test.com/blog/sy...lex-slr-besser/

@squishy: ou cool hesch sone erfolgriiche Shopping-Tag gha... Und wäg dr Wohnig dänki dass das sicher es guets Zeiche isch! We sie nid a öich intressiert wäre, würde sie sich sicher nid die Müeh mache und däm no nachetelefoniere...