Hoiii iher Liebe!

Phu, iher hend ja wider Gas geh hüt!

nala
Es isch sooo schwierig mit minere Schwö. Ich wett nid abfällig über sie rede, ha jedes Mal so fescht es schlechts Gwüsse! Aber glich fruschtrierts mi amel. Hmmm
Wege de Cam schribi de unne grad no was :) Danke!
Hey wow, schööööni Ring! Und das grad no de Verlobigs und Bisteckring gerbt hesch findi e wunderschöni Geste!

Lil.lian
Wüsseder scho, was iher tanze wärded am Hochziit? Oder gönder eifach mal prophylaktisch in Kurs? Wääähhh mier sötted au!!
Aso bi eus bedient niemer s Liecht. De DJ bringt en Liechtalag mit und wird de scho wüsse, waser demit söll astelle hoffi

Littlefoot
Sooo schön, din Probetisch. Findes ez mit dem Mint-Läufer grad au nomal Bombe! Hettsch denn für alli Tisch genau die Läufer? Oft isch bi dene farbige ja d Gfahr, dases denn so Vlies isch.. findi gar nid schön.
Yaaaaaaaaay gratuliere zu de Schueh!!

Malinchen
Ou nei, das tönt ja gar ned toll wegem VW Bus. Sind ja enormi Chöschte. Wüsst glaub a dinere Stell echt nid was mache. Verschiebe wär mega schad. Denn müessteder ja fascht es Jahr warte… Im Winter isch de au nüt mit bade und campe am Meer… oder zumindescht ned so schön warm? Aso ich drucke ez mal fescht de Duume dass das mitem Usstelligsmodell evtl glich klappet

Pfingstrose
Ohh, das schiintmer ja e rechti Schnepfe gsi zsi. Gell, hoffentli werded mier ned so!

Daenu
Ich wills eifach nomal sägä, nomal und nomal und nomal. Du bisch soooooone Schöni!

Me
GG und ich hend es recht hochziitsintensivs Weekend hinter eus. Hend beidi am Samschtig lang gschaffet und Sunntig, Mäntig frei gha. Geschter hemmer am Morge chli baschtlet, han MR & MRS und F & S Buechstabe kauft und die hemmer denn jewiils in gold und peach agsprüht. Bin recht zfriede mitem Ergebnis und isch sicher no en schöne Akzent ufem Bruuttisch und de Candybar. Denn simmer am Namitag id Aperolocation und hend dette alles besproche. Sie sind meega locker und ich glaub das wird super. Mier hend eus für Bowle no entschiede, eimal mit Alkoho und eimal ohni Alkohol. De Liter choschtet aber 25.-… findeder das tüür?
Hüt hed eus de Pöschtler früeh gweckt – Pompoms vo etsy sind cho. Ich han no keine ufgmacht aber bin chli enttüscht vo de Farbe, bzw vom ivory. Das isch eher gelb… Aber trotzdem bruchbar. De simmer los wegere Kamera. Ich han am Samschtig no mit eusere Hochziitsfotografin gredet und mich chli vo ihre berate lah und sie hed de gmeint, dass für mich en Bridgekamera am beschte wär. Da ich erstens echt de totali Handyknipser bin und die Kamera eh ned sehr oft wird bruche und zweitens ebe ned sehr viel Ahnig ha. Jez hani mier d Lumix FZ200 kauft. Mier isch zwar bewusst, dass die trotz ere Brennwiiti vo 25-600mm wird abfalle was d Qualität betrifft aber mier hend wirkli ca. 10 Kameras intensiv teschtet und die isch eifach mit Abstand am Beschte gange für mich. Jetzt muessi mi no um en Fernuslöser und es Stativ kümmere, damit mer denn am Hochziit de Photobooth selber chönd gstalte. Freue mi uuh.
Ufem Heiweg hedmer euse Tortebäckerin es Mail gschribe, obi mal Ziit ha, verbiizcho füre Besprechig und da mier ja eh grad Ziit gha hend, simmer au no grad zu ihre. Die Torte wird soooo toll. I de Theorie isch sie echt mini Traumtraumtraumtorte. Ich hoffe sie wird i de Realität genau so. Mier hend das ganze chli abgspeckt, da’s suscht definitv zviel würd werde und hend ez en 3.5 Stöckigi Torte inkl 20 Cupcakes bstellt. Wahrschinli schafft sies, das dChöschte chönd uf 500.- drücke. Ohhh drucked mer Düüme!
So, laaange Egopost.
Jez gahni go Bruschetta und Nudelsalat vorbereite. Hüt Abig wird grilliert :) Mjam!

@littlefoot: wow din biespieltisch isch mega schön. würd unbedingt au mint neh. seeeehr hübsch!

@lilian: min gg wett sich bis endi woche entscheide und dänn tuen ich mich ihm apasse. und s chleid hani jetz glaub zimli defintiv usgwählt.

@nala: gäll, scho chli dureknallt aber was sölls, hürate ja nur einisch. und s positive: ich muess für di nächste 5 hochzyt keis chleid meh go poschte oh ja, de chleiderschrank vode carrie

@janedoe: oje, ischs nonig besser mit dinere schwö? tuet mer uh leid aber schimbar gits fascht kei möglichkeite die dame no zändere. sie isch aber nöd dini tz oder?

@me: händ ihr es speziells auto zum vo de trauuig id location zfahre? find eifach die priise so tüür für das das eusi location öpe 7 min. vode chile weg isch...und trotzdem wers schön...

guguseli :)

tischläufer: danke eu allne für d inputs. die vo etsy sind ebe nid ganz gnau die farb, aber wär nid so tragisch. eifach 55.-, plus s mami wos denn no näht
fara du häsch no gseit obs nid gaht ei läufer wo nid so lang isch wie de tisch. ich nimen morn grad mit id location und probier das us
jane, das sind ebe läufer vom depot, us so jute/leine stoff aber ebe mega tür eine (16.-)...vlies wetti uf ke fall, ha ei itrag im netz gfunde vo dem stoff i dere farb. super oder :)

jane: wow gratuilerä zu kamera, so cool :) hui etz gaht öpis, so guet :) so kartonbuechstabe wetti au no hole, tu denn no mitem rest vo de doilies woni no ha die dekoriere. und au uf d candy bar und uf euse tisch stelle :) wow turte für de pris isch ja echt hammer ! ou schad weg de pompons :( aber s luegt eh niemert so gnau uf d farb e liter bowle 25.- ? chunt druf ab wieviel trunke wird, aber ich denke allzu viel wirds nid si...aber die dinger sind alig recht tür.

nala: ah das mitem ring wod becho häsch hani gar nid richtig mitbecho, so schön

weddingbee: mir hend ebe au das problem, d location isch au öpe 7 minute mitem auto entfernt vom rathus. finde s lohnt sich gnau nüt. wüssed au noni was mer mached. öppe es taxi haha .) mini TZ gaht ebe scho vor eus id location mitem auto
häsch denn alles wissi chleider gha fürs ZSA ? die chöntsch ja denn gar nie ame hochzit alegge

lilian: d helleborus seit ois sicher was me chent ne :)

jane: ou mir gfalt de erst. würd ich grad so ne :)
ja säg au, 112.- ishc mer denn doch z vill für läufer. etz musi hoffe dass die vo etsy halt farblich schön sind...