Hey mini Liebe Brütli...

Am Samstig isches bi mir sowit und ich gang mit minere Mami und mit minere Fründin is Chez Janine mit Kleid go ussueche..leck ich bi soooo nervös...ha jo immer es gfühl ich finde nüd..oder ich gseh i jedem Kleid us we en trottel :o))

Han ezt aber grad uf de Hompage gseh dass wenn me Kleider vo de Outlet abteilig wett chan me das nur bi dere kostelose Beratig ha..

Ich ha aber natürlich die Exklusivberatig woni au en baze defür zahol wo absolut in Ornig isch..jezt hani aber denkt dassi vielicht glich mol au no bim Outlet wett luege öbi döt öpis finde me..me schwümmt jo au nid im Geld :o) Weis öber vo eu öb das glich goht? Dass me au Kleider vo döt chan probiere?

Viele Dank und gaaaanz e sunnigs Täääägli

eues Tindli

Guete Morge ihr liebe!

Janedoe: Aha jetzt verstömmer eus wieder. Isch doch super!

Fara: Wow würklich en coole Haarschnitt! Passt dir also mega guet!

Taeboayana: Also ich bin debie nach em Hochziit go d Haare abhaue… Super sinder so überzoge vo euem Sänger. Isch ja mega schön wenn die Gfühl bi eu beidne gad so isetzted. Chönder eu also mega freue. Wo hie wänd ihr den id Flittis?

Nala: Und wie isch dis Konzert gsi? Han nur chli am Radio glosed hät also super tönt!

Sue: Oh NEID!!! Ich wott au so lang id Ferie. Mega cool… Wie heissts Hotel ich wott go gugge! Dass mer no schlächter gaht. Haha… Nei seich… Luegsch den, dass ohni träger sünnelisch, wenn du es trägerloses Chleid häsch. Hihi!

Malinchen: Wie isch eigentlich s Azugshoppe vo eune Vätere usecho? Hihi! Häsch garnix meh gschriebe, oder ich hans verpasst!

Me: Eini vo mine beste Fründinne hät hüt Nacht s Baby übercho. Soooo e herzigi Bohne! Hetti eigentlich am gliche Tag uf d Welt sölle cho wie ich Geburi gha han und isch jetzt satti 5 Tag „zspat“. Aber alles gsund. U süäss! Chli und chugelrund. Haha!

Trindli: Hoiii! Au wieder mal da... Was lauft suscht so bi eu? Frög doch schnell im Lade ah... Das sötti doch mögilch sie. Oder du machasch es so, dass i de "normale" Abteilig alles dureprobiersch wo du lust häsch und wenn en Stil gfunde häsch chasch ja direkt förge obs so öpis au i de Outlet Abteilig hetti... Uf jedefall so viel ich weiss het Janedoe ihres Chleid dete kauft.

@Sue: oh wie schön, Neid! De gniesses ämu de!

@Tindli: Das fändi aso o chli komisch, dassme nur i Outlet darf, weme nüt zaut, aber weme zaut nid...? Frag doch am beste würklech a.

@Pfingstrose:Uf Sambia und Simbabwe (Safari und Victoria Falls). Jöh wie süess, bisch aber nid Gotti? I freu mi scho, a Ostere ändlech wieder mau mini Nichte zgseh wo itz 6 Monet isch, hase sitem Januar nümm gseh... hihi und im Septämber wirdi scho zum 4. Mau Tante! Es haglet Babies das Jahr

Pfingstrose
Haha has au grad denkt Cha ja nur en guete Gedanke sii.
Sind Gotti und Götti nöd obligatorisch?

Taeboyana
4fachi Tante, wow, wieviel Gschwüschterti hesch de du?

@pfingsti: ou so cool... Isch scho immer mega speziell wenn öper so nöchs es Baby bechunnt! De bisch soooo lang gspannt druf und när ischs ändlech da... Hihi, i ha das imfall falsch im Chopf gha, üsi Papis göh ersch dä Samstig ga Azug probiere. Bi soooo gspannt, möcht mi am liebstä det irgendwo ga versteckä und sie beobachte - haha.

@Tindli: Ja i würd ou gad schnäll alüte und frage... villecht isch guet wenn sies scho gad wüsse. Bi mir ischs mängisch chli es gstürm gsi bis sie mir ändlech die "günstigere" Chleider hei usegrückt... Bi aber nid im Chez Janine gsi, wies det isch chani dir nid säge.

@Gotti/Gotte: Nö, das bruchts ja nur für Toufi... Kennä ou Lüt wü das nid hei.

@me: I ha gester mis Fitness-Necessaire mit dr Zuetritts-Charte drinne dehei vergässe u när hets mi so gnärvt dasi halt gad hei bi statt ga spörtle... Drfür hani när ä länge gmüetleche Abä mit GG gha, het ou gad guet dah. Mir hei no mau das ganze Bus-Zügs diskutieret und d Unterlage füre Pfarrer usgfüllt. Mi Brüetsch isch no verbi cho, er isch so härzig! Er het verzellt er heig ä mega coole Azug gseh im Strellson, aber er mües no chli spare bis er ne chönn ga choufe. Er isch überhoupt nid dr Azug-Typ u ha dänkt er chouft de öpis im H&M oder so - wär für mi ou völlig ok gsi!