Guete Abig Lula

Nei bis jetzt nöd... Du hesch dir din Verlobigsring selber derfe usläse? :) Nöd schlecht!!

Gruss nisliker

Morge Nisliker,

Sorry, am Wucheändi bi ni nit drzue cho u geschter hani mi komplett nit chöne amäude...
I bi scho vor am ne Zytli im Internet chli ga stöbere... U ha mi de i ne Ring verluegt. U mi Schatz het mir de am Samschtig gseit, er wetti mir genau dä Ring koufe, i heigi wenn i dr Ring agugge so ne verklärte Blick... U jtzt heisst warte; geit ca 28 Täg bis mir ne chöi ga reiche. Juhui

U wenn de mau chli geisch ga stöbere u Dm Schatz DIN TROUMRING zeigsch? Oder zmingst i weli Richtig das es ging?

@Lula: Gibts de nes Bildli vo dim Ring (Gwunderig wie ging, gäu?)

Bi üs gibt nüt neus, hei am WE wöue paar Sache abstecke, aber si de glich nid würklich drzuecho. Nur uf öpis simr gstosse, wo mr nid ganz sicher si, vilich weiss jo vo euch öper Bscheid: Wie lauft das mit dr Pfarrer/Chile/Organischte-Suechi? Wenn me nid im Wohnort wott hürote, muess me jo ne Pfarrer sueche, bzw muess me däm de e Lohn zahle und wie tüür isch das öpe? Oder "muess" me de dr Pfarrer näh, wo zur Chile ghört bzw wär dä de "gratis"? Und wohär bechunnt me de Musiker? Mi Fründ het gmeint, as e Pfarrer jo vili HZe macht und de au vil Musiker kenne lernt, de chönn me sich au eifach uf däm sini connections verloh. Klar isches nonig dringend, aber ig hätt halt glich gärn gwüsst, wie me do am beschte vorgeit.

@ lula

ja mir hend eifach gseit januar 2014. ich ha jetzt es wunder wunder schöns hotel gfunde wo ich über wiehnachte/neujahr möcht aluege. also ich weiss das min fründ no en atrag mache möcht. so offiziell mache... aber ich weiss nöd wenn... ich ha jetzt denn geburtstag denn chund no wiehnachte und neujahr.... mal luege :D

@ FringillaVigo

du chasch im normalfall de pfarrer frei wäle. de chost aber meistens ja... soviel ich weiss muesch für alles zahle... wennd öper möchtsch wo orgle spiel muesch de sogar zahle... ich denke ich wird sie bueche www.geigenmelodie.ch. sie chund vermuetlich mit ere kollegin wo cello spielt und das chost für 1 stund i de chile ca 400.- pro Person also 800 zeme... evtl chömed no spese dezue will de weg no es stuck sich....

Zuletzt bearbeitet am 20.11.12 10:35

@Lula: nei überhaupt nöd... aber ich lah mi überrasche