guete morge :)

ha au ke emails becho gester

squishy: wow cool gratulierä, isch denn toll weg de wohnig !

daenu: freu mi scho ufe bricht :)

sasi: ou nei das tönt aso nid grad toll mit de TZ :(
cool wegem tanzkurs
danke für de link

pfingsti: lustig wegem spital irgendwie :) aber ich bi au jedesmal ime zweier zimmer gsi und bi ganz normal versichered :)

taeboyana: das isch denn toll mitem zmörgele und dem shuttle

fara: haha ich liebe sie ich säg der genau 3 wörter: pass uf !

jane: wow cool vo dinere chefin .) die vom bolero isch au doof.

lischtene: ou nei etz musi mini au wieder mal aktualisiere...

me: ha gester simmer ja i de location gsi. entgege allem isch er super professionell gsi (au wenn halt chli "jajaa, da luegemer denn usw". es isch eifach traumhaft det. hend villes besproche und er hät au vill input ge. de wii het er eus mitge, spöter no öpis dezue. denn hämmer gluegt wo was wird stattfinde und ihm all eusi specials gseit. ich han ja denkt gha das sig ev. z vill, weg de WM usw.
nüüüt :) er hät gseit er heb scho sache gha wo denn stressig für ihn siged wie samba tänzergruppene, theater uffüehrige usw.. de sind mir bescheide mit de candybar, em photobooth und em koffer haha :)
denn het er sogar no gseit, bi de turte tögemer denn uf ere chline bühne dusse en spot ane, und es lied la laufe, chli öpis drusmache mega cool. und s allerbescht : womer eus über musig unterhalte hend, meint er, ab de 12-i chöng er susch scho DJ mache !! gratis (aso mir zahled eh für personal, aber nid no extra dezue). es het ja det im partyruum, wo übrigens ganz toll isch mit stäge und galerie, neu gstrichne bode , en alag mit 300 CD's. mir chönd ihm denn d lischte ge mit dene lieder wod gäscht eus no schicked. vorher tömmer mitem laptop chli chillige sound am apero und am esse mache :)
ah und d schlechtwetter variante hät gar nid so schlimm tönt. am GG sini stumpe/whisky bar isch au kes problem. tischdeko sett au ga, er hät sogar no väseli, windliechtli usw. woni de cha bruche. aber muss scho no selber mache. eifach weniger :) und im materialzelt häts eus doch tätsch verputzt, hanged dete so papierigi chugle in mint, rosa und wiss ! die chömmer au ufhänke wemmer wänd (aso d rosa eifach nid) echt hammer !
etz no zum wi. aso de wisswi het eus allne vier gaar nid passt. bi eh mega heikel bi wisswi da muss en alternative ane. und de rotwii findet mi GG chli süess, aber eus fraue het er passt. s bier isch au sehr fein, er het da es speziellers.
sind denn no ad rüss ufne terasse e pizza go esse und hend d sunne gnosse und ganz vill beredt :) isch schön gsi und bi mega happy gsi.
mitem diskutiere hämmer denn 2-3 sache bemerkt wo nid ganz so super sind, wie tisch woner anschienend mal vor dem WM ufstellt und die möglichscht so la wett (de bode isch ja nid ebe und drum muss er das ganz guet plane amig, au mit untersetzte usw). und de het er ois 3 chlini rundi zeigt woner mängisch als eine anetuet. findi chli doof, wenns heisst 8er tisch, und die meischte viereckig, denn isch eine so verquetscht, und d deko chasch uf em natürlich nid glich mache...aber hend denn müsse säge, chum, egal, da hockeds vermuetli gnau während em esse. nacher hend so vill möglichkeite mit de outdoor-lounge mit sofas, de partyruum und susch de garte...weg dem einte tisch machemer etz keis büro uf. mir gend denn am 8:00 am morge det hi go vorbereite, tischdeko macht denn er, weg de tischtüecher, aber de reschte, und er isch denn nid wach, wil er immer events bis am morge früeh hät. aber s schöne isch, mir händ eus det würklich willkomme und guet betreut gfühlt, isch alles super !

Guete Morge Mädels!

Me: Man staune - ZÜNDHÖLZLI SIND DA!!! Sie sind de Hammer! Vorallem die Mint farbige sind so schön. Die Peach farbige sind leider au eher chli Gelb... Naja! Aber sind au schön. Hüt hani gad no alli Couvert mit de Infos für d Homepage uf Post tah und gester hani mit GG no chli gredet. De Lustig! Ich säges eu... Er hät ja umsverrecke kein DJ welle... Und jetzt findet ers doof das mer kei Band händ. Ja super! Het öpert e Bänd am Abig? Ich han mal gseit ich sammle Idee... Wie heisst eui Band, wie lang händer sie und was kosted sie (und was spielleds)?

Littlefoot: Tönt also au perfekt eui Besichtigung! So schön und ischer ganz erliechternd für eu... Supi!

Schöns Tägli allne! Es isch ja quasi scho Dunnstig!

Janedoe: Haha de Bolero! Tönt also würklich als wer er für de Chübel! Wie viel häsch für de zahlt? Ich han no keis Foti gmacht! Sörry!!!

Guete Morge Brütlis

@littlefoot: Tönt ja super mit eure Location, das freut mi! Wo isch de die? Tönt aso Hammer mit dere Lounge und Partychäuer und auem.

@Pfingstrose: Yeah ändlech, super dass sie schön si! I würd ou gärn es Föteli gseh faus mau eis machsch.

@lil.lian: Üse Sänger heisst Andreas Ammann und isch vo Thierachern bi Thun. Er het äbe no ke offizielli HP, isch aus im Ufbou wüu är itz de ou gli e CD usegit. We'd aber Inträsse hättsch, chani dir gärn dr Kontakt gä.

@Janedoe: ui nei, tönt ja Horror! hesch es Foti? Was machsch jetz?

@malinchen: oh das isch chli müehsam. Aber vielech isches eifach chli ihri Art? Hoffe dir findet e Termin wo aune passt. Mir müesse ou gli eine sueche, zmindscht mau für d Menubesprächig.

@me: Bi üs loufts irgendwie gad wie am Schnüerli... hanech ja verzeut wäg mim Dilemma mitem Coiffeurtermin wüu no e angeri Brut inkl. TZ e Termin het glichzitig. Itz lütet mir gester d Coiffeuse a und het gseit dass die angeri abgseit heig (irgendwie gäng bi dene aus drunger u drüber - o-oh.... ). Itz chani scho am 7.15 atrabe und es wird easy länge vorem Shooting!

Hihi wär lost SRF3? Es chunnt gad zum Thema Hochzitsorganisation

@Taeboyana: ah isch ja mega cool wägäm Coiffeur! Haha, was geit äch de bi de angerä ab, isch ja mega schreg...

@jane: Aha, nur 20.-... Da chasch halt würklech nix erwarte drfür. I ha d Usbildig ir Textilbranche gmacht und bi so Agebot fragi mi aube scho würum die das überhoupt abiete. Scho nur ds Material sött meh als 20.- choschte für sones Teil... Da cha d Verarbeitig ja när nume no sch..... si. Was machsch de jetz? Bstellsch nöime angers no mal eis?

Jandoe: Also du wotsches aber nöd im ernst nomal bstelle... Nurscho wills so chrazig isch was wotsch mit dem Ding! Häsch nachher no roti Huut uf em Foti...

Band: Sorry... Nomal ich... Händer mich überläse? Ich bruche so dringend Tipps! :) Ich bin en Stresschopf ich weiss.

Me: Han jetzt gad no zwei Pianiste/-ine agschriebe. Han gseit euses Budget isch nöd meh wie 300 CHF. Mir bruched 2-3 Lieder für ca. 30 Minute Trauuig. Jetzt mussi aber d Lieder ussueche... HILFE! So en Mist, ich bin so schlächt i dem... Kennt öper öpis fätzigs wo mer bim Uszug spiele chönti? Eifach Instrumental... Fänd au chli so Latin Ifluss no cool!