@Sue: I bechume o keni Mails meh, müehsam... Viu Spass bim packe u parat mache! So cool de chasch a dim Geburi a Strand liege.

@Nala: Sicher darfsch du das no spontan entscheide. Würd mi sehr freue we'd o mitmachsch! Dir müesst aso würklech nid Angscht ha, dir gloubet nid was ig aus scho für Lüt ha gseh. U weni da geng würd lache, wäri auso e furchbare Trainer I wirde nüt Komplizierts mache oder wo dir när totkaputt sit. Söu ja Spass mache

@Brutstruss: I weiss nur dasser i üsne Farbe mues si, auso rot mit chli häuem grüen drzwüsche. Und i möcht e möglechst kompakte, so chli chuguförmige. Die genaue Blueme hani no nid usgwäut, aber i fänd Gerbera und Dahlie schön, mit evtl. es paar einzelne Röseli drzwüsche. Und de sones Band ume Stiel...

nala
Die Büecher hani au gseh uf etsy. Aber ebe, USA... Chunnt de vlt nümm a bis am 17.Mai :/ Mal güxle, finde de scho no e Lösig.
Vorstellige vo de Blueme hani ja erst gad postet :)

Sue
Schöni Ferieeeeeee! Gnüssets!

Mails
Hend iher alli die Mail Benachrichtigunge igstelle? Iiiih das fändi de müehsam, alli zwei Minute es Mail, dass en neue Bitrag postet worde isch? Ich hasse alli automatisch generierte Mails. Han kein einzige Newsletter abonniert und wenn mal us versehe doch öppis chunnt, denn stelli de grad ab. Das isch so min Tick, da chumi Zueständ über

@***frustpost***: mädels, jetz muess ich eui grad öpis über honeyhome verzelle...gopfridli bin ich frustriert. han für chf 150.00 sache bstellt und han willi chrank gsi bin s päckli nöd chöne uf de poscht go abhole und min schatz händs nöd lah...dänn hani dene vo honeyhome es mail gschriebe sie selleds mir doch nomal schicke oder mir s gäld zruggüberwiese.
wüssed ihr was als antwort cho isch? das gächi nöd, stäch so ide agb nr. blabla, das sig mis problem wenn ich s päckli nöd chöni abhole...hallooooooo? das sind 150 stutz!!!
ich treie fascht ab. döf mer das?

@weddingbee: ok... mega krass! Das hani jetz no nie ghört... I dänkä eigetlech ou nid dass sie das dörfe. AGB's si ja nid bindend wes nid "normal" isch. Aber d Post isch ja ou mega doof, dass sies dim GG nid hei usegäh. Oder zmingscht zrug bhalt über die normali frist. Bi üs mache sie das amigs, aber mir hei rächt es chliini Quartierpost, wenns grösser isch chöi sie das halt äuä ou nid mache. I würd da uf all fäll no mal sägä dass du das nid akzeptiersch!

@brutstruss: I weis ou no nid so genau. Bi letscht Fritig bi derä Floristin gsi wo mir d Sue het empfohle, isch würklech super gsi. Warte jetz aber no ufd Offerte bevor mir de gnäuers würde bespräche... Vorstellige hani scho, aber ou nid soooo genaui.

Weddingbee: Isch ja scho total doof vorallem dass es nöd wennigstens nomal chönd schicke und du hald s Porto nomal zahlsch. Aber du hetisch imfall müsse de Post alüte und säge sie sölled paar Tag länger phalte. Oder din GG het chli müsse flunkere... Ich han nämlich letschtmal für min GG müse es Packet abhole den hani eifach gseit mir sind ghürate und hüt segis ja üblich dass mer de Name nöd eifach animmt. Denn het sies mir geh! Haha... Ich würd imfall nomal chli es frächs Mails chriebe. Wie Janedoe seit... Kundeservice keis Thema.

Bruststruus: Ich würd das würklich miteme Bildli erledige. Han das garnöd so schwer gfunde. Han ja min Struus so wie mis Profilbildli welle...

@***frustpost2***: aso, han jetz mitem chef vo dem lade telefoniert. schimbar han ich mit sinere frau gstritte uf jede fall luegt er sich die bstellig jetz nomal a und schickt mir das wo no ume isch. schimbar händs eifach alles wieder freigeh für anderi anstatt mich z kontaktiere...das ich s porto natürli übernimm wär für mich sälbverständli gsi. isch ja min fehler gsi...uf jede fall hät er gfunde mer finded scho e lösig.
bin bitzli beruhigt.

@sue: de struss isch sehr schön und elegant. passt leider au nöd i euses konzept...han mine aber au scho ewigs usgsuecht.

@littlefoot: und, sind d schueh jetz bequem nachdemd sie zum wäsche agha häsch?