@janedoe: Ig ha d Mails aktiviert wüu i no oft vo ungerwägs mitliese und de isches ufem Natel gäbiger. Aber janu, de gwöhni mi haut um

@weddingbee: ui nei, aber hoffentlech chunnts itz glich no guet. Aber zmindscht ds Gäud zrügggäh müesste sie ja scho, oder?
Hihi bi üsere Post gäbe sie GG sogar Sache für mi ungfragt mit, wenn är gad öpis geit ga abhole für sich


@Nala: Isch doch guet wenn dir viu gfaut, de hesch o meh Möglechkeite. D Floristin cha di sicher o no chli berate. Zviu grüens Gras oder süsch so "Chrut" gfaut mir o nid, aber wasi scho ha gseh si so Sukkulente, das gfaut mer no...

@Sue: Di Struss isch mega schön und passt ja perfekt i dis Konzept mit de Orchidee. I wett für mi kene wo so läng isch bzw. wo so viu abgehanget, ha zGfüu das würd mi störe... aber schön ischer uf jede Fau! Nimmsch de wissi oder farbigi Orchidee?

@weddingbee: ah guet wenigstens het är chli meh mit sich loh rede! aber was hän die au für e konzäpt, s züg eifach zrugg in vrkauf z gäh hoff wiiirkli das sich e lösig loht lo finde.

@blueme: so i ha mol cshnäll paar föteli zäme gsuecht: was meinet ihr? eifach alles mit chli weniger grienzüg und bim zweite und vierte miest d farb natürli au violett si...

Datei-Anhänge

	stunning_purple_wedding_bouquet___Wedding___Pinterest.jpg (25x) Mime-Type: image/jpeg, 87 kB
	strauss_violett statt rosa.jpg (24x) Mime-Type: image/jpeg, 92 kB
	blumen_mix_violett.jpg (27x) Mime-Type: image/jpeg, 125 kB
	bliemli_purple.statt.orange.jpg (26x) Mime-Type: image/jpeg, 75 kB

@honeyhome: ja ich hoffes au das es jetz guet chunnt. oder ebe zumindest s gäld wetti zrugg...chan ja nöd sii das mer öpis zahlt und dänn nöd mal meh s gäld retour überchunnt wänn mer d war us welem grund au immer nöd übercho hät.
bin ja näbebrueflich onlineshopperin (gits für das en eidg. fachuswies?), aber das mer s gäld nöd retour überchunnt isch mer nonie passiert...

@blueme (nala): ich bin ebe nöd so calla fan...aber di letschte beide gfalled mir guet. händ ihr demfall violett als hauptfarb? mir händ ebe pastelligi tön (vanille und zartrosa) darum würd mir de letscht genau so wie er isch gfalle

@mails: aso ich chum nöd mal meh bi pn's es mail über und han nüt ab-, umgstellt...defür hani gester e pn vode pfingstrose exakt 9x übercho

*reinschleich*

nala: also eg finde der erschti brutstruss wunderschön mir gfaue callas sowieso sehr guet, und eg ha lang au e brutstruss mit callas wöue. schlussendlich hani mi de doch für rose entschiede

*rausschleich*

@blueme: haaach herjee. i weiss nid so rächt, ha angst das weni i en vrspielte struss wähl könnt das zu mim kleid nid so passe.. das das ganz den zu verspielt wirkt. wüssed ihr was i mein?
mir gfalle jo logischerwiis alli, dr zweiti und dritti am beste. heieiei ich mues mi entscheide.. aber ich bi eifach nid sicher! mues no chli meh recherchiere. danke für euri inputs!

@weddingbee: ich bikum au kei mails, trotz au alles ab und aschalte! die dienstleistig isch wohl gstriche worde

@jane: hesch den bi däm shop au agfrogt wie lang ases goht?

@littlefoot: jööh isch de cool vom kolleg wägem polteri! aber jetzt muesch wohl ufs schnüürli sitze

Pfingstrose: oh jööhh merci fürs use sueche! Dr 2 und dr dritt gfalle mir mega.
Bim dritte würdi eifach s pinke durch evtl ivory ersetze (Ich mag pink nid as farb) abr susch findi dä super schön.