Ihr beide - mit dir Jane hani jo scho gschriebe - findeder's nöd au krass, dass sHochzit sooo viel chan durerüttle!? isch doch mengmol echt zum devoseckle!

...d'Entspannig deno isch riesig, aber da nützt eu etz wohl au grad nix weni da seg.

Was het denn etz s'Fass zum überlaufe brocht liebi Pfingsti?

Ich han mich es bizli abgregt will d daenu so verständnisvoll mit mier gredet hed… Ich bin eifach irgendwie enttüscht, das weder min GG no eusi TZ irgendwas vo sich us organisiered. Da bin ich vielleicht eifach z egoistisch und zaspruchsvoll. Ich han mit mim GG gester gar nümme klar chönne rede, mier gönd aber morn i das Wellnesshotel und versueched mitenand de Chopf freizkriege und durezlüfte.

De Satz wo de Brüetsch vo dim GG uselah hed, han ich leider wortwörtlich au scho dörfe lose. Ich cha dier also zu 100% nahfühle, wies dier jetzt gaht. Das isch en Schlag zmitzt is Gsicht. Tued mer echt mega leid! Die Unsensibilität macht mich mängisch so sprachlos. Was isch de mit sine Eltere gsi? Immerno die ‚alt‘ Gschicht oder hed sich no meh aghüüft? Was möcheder jetzt? Sie chömed aber trotzdem ad Hochziit oder laded iher die drüü ganz us (falls de TZ ned spuuret)?

Ich bin echt au überrascht und truurig, wie sehr en Hochziit d Nerve, Fründschafte und Beziehige strapaziert. Ich han glaub i mim Lebe no nöd so viel umegmotzt wie im letschte Jahr. Mer möcht es perfekts Fäscht organisiere und im Umfeld wird’s nur als nervig empfunde. Ich glaub ohni s Forum wär ich hüt es Wrack. Momentan bin ich eifach froh, wenn de 17. Mai dureisch und ich wieder ICH bin, nümme BRAUTZILLA.

Daenu... Doch das nützt! Dere Entspannig sehni so entgäge...!!!

Uiuiui das tönt echt unschön!
Wenn für sie s Hochziit nüt speziells isch, denn sölleds doch echt eifach dKlappe halte. Es chan ja es Familiefäscht werde. Mit üchere Familie und dene Lüüt wo eu wichtig sind. verstah also au absolut nöd wieso sie sich so in Mittelpunkt dränged und alles schlecht reded. Au dich. Das isch ja au Unterschti! Aständigi Mänsche würded sich niemals s Recht useneh, so z urteile. Das Ganze mit dem 'Oberhaupt' und 'Chef' i de Familie isch glaub scho so chli südländisch. Oder au im Balkan isch ja das Gang und Gäbe. Wenn du öpis geg de Wille vom Oberhaupt machsch, denn isches Verrat und missbilligend. Voll bescheuert! A dinere Stell würdi das din GG entscheide lah. Mier sind mini Eltere au uh wichtig aber trotzdem han ich nach dem Ganze Chaos und de Reaktion vo mim Vater eifach beschlosse, das er nöd söll cho as Hochziit. Ich mag mich nöd rechtfertige, das ich a dem Tag mini Liebi zu dem Maa woni hürate wirde öffentlich und glücklich zeige. Da ihm das nöd passe würd, söller deheime blibe. Inzwüsche machts nur no ganz schwach weh. Vielleicht chan sich din GG au vo dem Gedanke löse, dass sini Eltere müend guet finde was iher möched - sich selber zlieb. Ich hoffe, iher finded en Lösig wo vorallem für eu zwei stimmt. Und wichtig und schön isch ja, das iher so zemehebed und a eim Strang ziehnd!

Ebe din GG hebt voll und ganz zu dier. Das isch schön! Und findes au voll guet vo ihm, das ers so klar gseht und ned mal so mal so denkt. Klar isches schlimm, ohni Familie zfiire, uf die eint Siite. Uf die ander Siite, iher wüssed, dases im Vorfeld immerwieder zume riese Stress cho isch. Iher hend immer klar gstellt, dases eues Fäscht isch und nach eune Vorstellige gmacht wird, was au absolut richtig isch. Wenn sie das nöd chönd akzeptiere, denn blibt eu ja fascht nüt anders übrig..

Aso min GG und min Vater hend gar nüt wo zwüschet ihne nöd passt. Es isch eifach mi Vater, hend da inne schomal intensiv über da gredet.
Nachdem mier d Verlobig bekannt geh hend han ich voll es guets Gfühl gha mit ihm,er isch Moslem und das isch immer chli schwierig gsi, aber ez hani gmeint daser sich chli öffnet, han sogar mit ihm bi eus im Gang gspielt, wie er mich ide Chile zum Altar füehrt und hend eus voll kaputtglachet mitenand.
Am nächste Tag schickt er mis Mami (katholisch, so sind mier au ufgwachse) vor, mier go mitzteile, das ers nöd cha mit sich veriibare, a eusi Trauuig zcho, sprich id Chile. Hetti ja no Verständnis gha mit allergröschtem Goodwill. Aber denn seit mis Mami, dass er au nöd an Apero und s'Fäscht will cho will "d'Lüüt" denn denked, er seg en Schmarozer. Ich mein, all eusi Fründe und au d Familie vom GG wüssed, das er Moslem isch und sind sowieso voll locker. Naja, ha denn sehr wenig Verständnis gha, vorallem au, will ers mier nidmal hed chönne selber sägä. Und denn isch no d Höchi gsi, dasmer weg ihm hend müesse eusi Aperolocation verlegge, da die ursprünglich Location zmitzt im Wohnquartier vo mine Eltere isch und er nöd möcht, dass alli (sini Brüedere, Cousins usw wohned au dette) wüssed, das ich hürate, da ich ja niemer vo dene iglade ha. Und denn heissts am Schluss no 'Schand über dini Tochter, kein einzige Moslem hed sie iglade!!'
Naja. Afangs hetti am liebschte mit ihm broche, das hed mich so verletzt, das de stuur Chopf wirkli meh wert druf leit, was anderi denked, als das sini Tochter en schöne Tag hed und daser sich ned mal ein Tag im Lebe chan für mich zemerisse aber denn ischer mitcho as Zivile. De ganz Tag heder ungefähr 3 Sätz gredet. Ansuschte ischer miteme suure Stei am Tisch ghocked und hed halt d Stimmig trüebt (wennmer nume z, 8te isch, isches schwierig, das zignoriere). Am liebschte hett er, das ich en Albaner würd hürate und alles nach sim Chopf lauft. Ich han trotz allem sehr sehr viel Respekt vor ihm und möcht mich nöd mit ihm zerstriite wege dem. Bzw striiti mim Mami zlieb nöd mit ihm. Für mich han ich demit abgschlosse und bim uf ei Art wirkli froh, wenner nöd chunnt. Ich mein wenn ich mier vorstelle, das mer primitivi Spieli müend mache, Strumpfband versteigere oder so (was ja durchus bime Hochziit chan passiere), denn chunnd de Zuständ über
Ui, das isch ez chli viel Text. Bin ned so guet im schnell en Zemefassig liefere.

Lula
Danke villmal für dini liebe Wort :-* Min Papi chunnt ez ebe gar nid as Fäscht und das isch au okay so. Bi eusne TZ chunnt aber leider echt nüt. Aso da glaubi nöd, dass die öpis vorbereited. Han grad nomal mitem TZ vom GG telefoniert ez und er hed keeeeeiiin Plan. Wirkli null, er motzt nur ume... Hettem am liebschte s Telefon abgwürgt aber ich will ja öppis vo ihm i dem Sinn.
Wie wiit sinder mitem Huus?