Hallihallo ihr Liebe! :) Ändli chumi dezue mi au widermol z’mälde! Härzliche Dank ALLNE för die liebe Glöckwönsch und die liebe komplimänt zo de fotis! :) Sobaldi dänn die richtige becho han (mini kollegin isch völlig im seich momentan) dueni dänn paar uf d’homepage lade, so chönd ihr die au go aluege =) verhürotet z’si fühlt sich nach knapp 2 woche also immer no super a hehe ;) mir händ wonderschöni Mini Flitterwoche gha im Südtirol und sind wörkli vo A-Z verwöhnt worde! S’sind unglaublich schöni und erholsami täg gsi und mir wäret am liebste det blibe :p gönd uf jede fall wider! Die woche hanis wider sehr sträng gha und mir möchtet drum jetzt am osterweekend chli sache för s’fest vorbereite will phu s’git no sooo vil z’erledige.. :/
@taeboyana: hey das isch jo de hammer mitem fernsehteam und em müslüm uiii nei du :p s’foti isch jo geil :p und super händer grad en azug för de GG gfund e& sinder so vorwärts cho mit allem und händ so vil chönne plane! :)
@malinchen: hey cool gratuliere wäg de ringe! Ganz schön! :) Isch wörkli hammer det in wädenswil gäl ? ooh schöni frisur :) zöpfli sind immer super hihi jöö das isch jo ächt süess wägem papi & schwigerpapi – azugshoppe! =) <3 hmm schwirig wägem vw-büsli.. und häsch dänn au bi andernen garage nogfrogt obs det ev. Möglich wär? Oder direktimport oder so? müesst doch en möglichkeit gäh ned?
@sue: oh so schön was du / ihr alles sälber bastlet I’m impressed! =) ich het au so gärn einiges sälber gmacht aber inzwösche fählt mir eifach d’zyt dezue.. :/ oh so schön die etikette woner gmacht händ! Natürli sehr schön & persönlich wils vo dim papi chunt! :) <3
@pfingstrose: joo kenne de springfield! Isch ganz geil wörkli :) oh bechumi au en PN mit de homepage? :) dönt nach emene coole obig und show :) ojee goht jo gar ned voll d’zicke demfall :p haha :p oh so schön wäg dinere kollegin und em baby :) wäg de lieder bim izug: hmm weiss halt ned was ihr öich vorstellet mir händ s’river flows in you vo yiruma und dänn während de trauig witeri lieder..
@janedore: oh nei isch jo voll denäbe und doof vo dinere shwöschter! Würd mi au stresse! :/ aber wahrschindli isch si eifach uuh iversöchtig uf di! wow grosszögig vo dim götti hey hammer! :) hmm verstoh di han jo au paar so tantene woni amigs wider öberlegge, ob ich si ned au zum fest hett sölle ilade aber jetzt ischs so wies isch.. ich han imfall woni mitti märz ufem passamt aglütet han au blöd gluegt, wos gheisse häd erst mitti april – aber bin am mändig gsi und han scho en igschrebne vo bärn becho wird wohl de pass si – morn goni go güxle :) hey so witzig wägem polterweekend vo dim GG! =) mine häds genau am gliche weekend also abem 1.5. eifach und ich muess ihm au täsche und alles packe will si uf barcelona gönd ;) wooow die bluemestrüss sind de hammer! =)) genau so öbis hani mir au vorgstellt imfall! Die kate isch ächt super he! Hmm hetti die ächt glich sölle kontaktiere? :p hasi jo au gseh ade hochzytsmäss und bin hin – und her grisse wägem pris und so.. oh scheisse wägem TZ :/ aber hey de söl sich mol wider ikriege :p öise TZ (brüeder vom GG) interessiert sich null und isch froh dass mini mädels vil machet und sich ibringet.. und wäg dim GG: du redsch mir us de seel! Obermüehsam amigs gäl?!
@fara: wow d’fotis sind sooo de hammer wörkli!! Du häsch hammer usgseh!! =) und hey mer gseht dir also gar ned a, dasses dir gsundheitlich ned guet goht! Wörkli bisch en wunderschöni brut gsi!!! Und de oldtimer isch wörkli de hammer hehe und in mint! <3 hammer!!! =)
@broncos: wow ned schlächt mitem marathon!! Do chasch also ächt stolz si uf di! :p hammer! Ich wörd au gärn es foti gseh :)
@squishy: ooh so cool hey gratuliere dasses klappet häd mit de wohnig hammer!! =)
@daenu: GRATULIERE!! DU BISCH JO JETZT SCHO VERHÜROTET! =) Fröitmi sehr z’läse hände so en perfekte tag gha und s’wätter isch jo ächt hammer gsi!! =) ich würd gärn fotis gseh! =)
@sasileu: puh jo isch kei eifachi sitution wörkli ned :/ hmm hoffe ihr chönd mol rede und das kläre! Dönt chli wie im film bride war :/ scho speziell wenn di best fröndin im gliche johr hürotet.. eigentli jo es no go… :/ hoffe öiche nomi isch guet gsi?
@fara: heeey congratulations zum 2.! =))) hey fröitmi z’ghöre, dass du au sones super fest gha häsch und dass alles klappet häd! :) hey cool die nöi frisur! Stoht dir! :)
@nala: hey gratuliere zode schöne ringe! =) isch es tolls gfühl wemer si chan go abhole gäl? ;) und jöö isch jo voll härzig vo dinere tante mit ihrem verlobigsring! :) oh nei mega blöd gloffe mit de fotografin! :) das isch de noteil wennd öber privat häsch gäl :/ hmm hoffe es ergit sich gli öbis!
@weddingbee: hmm wägem auto isch bi öis au mol es thema gsi aber do bi öis nur 10 min. zwösche apéro und obiglocation ligget und mir sowiso gönd go fötele bevor / während sich d’gäst verschiebet und öis somit gar niemer wörd gseh im auto wilmer d’nacht vorem hochzyt scho in luzern öbernachtet, sparemer öis das gäld glaub :p
@helleborus: oh do kennt sich öber mit blueme us hehe :p döfi so schüch froge: was gits för blueme in coral / ivory im juli? :)
@heimatort / nöie name: mini isch blibe sovili weiss, do mi GG jo italo isch ;) mine isch köniz BE ;) ah öbrigens apropos: MIN NÖIE PASS UND MINI ID SIND HÖD ACHO!! =)) hihi scho speziell alles mitem nöie name! :p ah und do chuntmer jo grad no öbis zum verzelle i sinn: mini gschäftsgspändli händmir en meega härzigi öberraschig gmacht und uf d’fänster so en girlande ghänkt: JUST MARRIED MS. XY und s’ganze pult dekoriert gha nachem standesamtliche! =) han also schön fröid gha :p so vergissi au de nöi name ned weni s’tel. abnehme wiler jetzt so gross am fenster stoht haha :p aber isch scho en riiise umgwöhnig findi! :p wie ergohts öich scho verhürotete brütlis demit? :p
@me: bin rächt sauer ufs domino woni s’chleid kauft han! Si düend uh schwirig wägem termin verschiebe zum s’chleid ändere loh! Ich wet wörkli nonig negst fritig goh! 1. Hani öber d’wellnessferie zuegno (klar wämer jede tag en 7gänger serviert bechunt! :p und 2. Hani no kei schueh & onterwösch und mage jetzt ned so stresse!! Und si düend voll schwirig! S gieng immer nur am fritig debi häsch glaub du lilttlefoot gseit du heigsch au anderi termine vorgschhlage becho gäl? Will ich chan nie am FR wili schuel han und au a de fritige siget si sowiso voll ach mega müehsam wörkli.. si lueget jetzt nomol und gäbet mir am Mittwoch bscheid.. hoffe fest, dass si mir en termin mitti oder endi mai chönd gäh… han höt mol mit mim GG chli klartext gret will er sich eifach um nüt kümmeret was s’HZ betrifft!! Er weiss genau ich laufe am aschlag und s’git sooo vil pendenze und er macht eifach gar nüt! Drum hämer jetzt höt Obig (i 6 Stund!!) endli d’Lieder entschide för d’Pianistin und för s’Video – händ öis bide Pianistin uf 6 Songs müesse einige und bim Video för 12 – puh en mega Herusforderig gsi! Aber sind jetzt zfride mit öisere Wahl :) Puh bin schön froh wider 2 Pünkt abghöglet! Morn wämer am Theolog no s’Mail mache mit öisere Gschicht wiemer öis kenneglert händ etc., sodasser mol chan avo Red schribe und mir dänn gli en 2. Termin chönd abmache.. wasi au unbedingt no wet mache isch ändli sache uf etsy bstelle, wäge schueh umeluege, am thema deko chli nöcher cho.. a alli wo scho uf etsy bstellt händ: wie isch das mit lifergebühr und zoll? Isch besser, wennis einzeln bstelle oder alles zäme?
So jetzt muessi go schlofe uiuiu isch 2 worde und morn muessi am 10ni wider uf spötistens :p fast ned usschlofe :p schöni ostere wönschi öich allne! =)
ich hoffe ihr hend all trotzdem schöni oschterä gha.
jane: hui aso das isch starke tabak...mit de religion isch es halt immer sone sach, aber ich finde wenn d tochter hürated chame sich wenigstens freue. ha dfotis vom zivile schnell agluegt und gmeint me erkennt din vater ziemli guet hesch du de name vo dim mami ? die TZ sach isch bi dir halt eifach würkli grad doof. ich verstahs überhaupt nid. fühl dich druckt
pfingsti: omg das endet ja nie. was isch au los mit dere familie. südländer hin oder her, aso ich kenn au ganz vill wo das fescht denns gröscht isch, und nid e alass zum so sau doof tue. und es schint würklich so dass sie dich nid ganz akzeptiered. die gründ wo sie da nenned, isch ja en witz. und dass das fescht es familiefescht sett si, hallo..??? gahts no! was nehmed die sich use. bi ois kennt sich ja d familie au chum, mis mami hät sis omi ei mal gse und de rescht no gar nie. mim GG isch das ja u wichtig dass endli mal ufeme huufe sind. nach 14 jahr aber bi ois freued sich all druf, und es isch EUSE tag und super zum sich kennelerne. nei regt mi scho grad uf echt. finds aber super vo dom GG dass er zu dir staht. das isch de bewis dass de richtig usgwählt häsch :) anderi würded vor de familiy kusche und das gäb de no me knatsch. de TZ isch ja au schlimm.. tuet mer u leid dass d vorbereitige mönd i some dunkle liecht stattfinde. au du bechunsch vo mir en dicki umarmig !
lula: hey schön vo dir z läsä
daenu: bi oi isch doch alles ziemli glatt gloffe, nid ?
principessa: hey schön henders guet gha ! gäll git no so vill z tue jetzt aso ich bi stammgast bi etsy :) ich han bis jetz nie öpis müesse drufzahle. eifach das wo bim chauf age wird. einisch hani en brief vo de poscht becho, ha müese de beleg nachliefere aber de hanis päckli becho ohni witeri rechnig.
all: aso ich finds d herti was da alles so abgaht. has scho mal gseit, nur scho die chlinschte sache, wo au bi de nala, malinchen, sasi usw. gsi sind. wtf ???? was nehmed die lüt sich eigetli use ? was isch mit dene los, was stimmt bi dene nid ? sorry aber mich nervts echt endlos grad. es isch en hochzit und das isch en grund zum sich freue. basta. nei eeeehrewort. bi grad u uf 180. bi ois isch es ja nur de TZ wo eifach nid vill macht, aber freue tut er sich ja glich. und es isch ihm eifach nid gä, easy, hemmer gwüsst und da gits ke grund isch ufurege.
me: GG hät sich entschiede für gastgschenkli. aso er hät en idee gha. u herzig: chlini fläscheposcht mit eme persönliche briefli zu jedem vo eus. uuuu das git no arbet. de hemmer d sitzordnig gmacht bime glas wi (2-3 ) isch mega lustig gsi. hend jetz eini wo für eus stimmt. hoffe es ändert sich nüm allzu viel, hend de verastalter müsse fröge ob er zwei 9er tisch cha mache de het mi GG no ring gse...aber us carbon, er findet das männlich :) für mich isch er nid so toll. muss etz mal luege ob ich chent en silbrige ha mit zb nur eme streife carbon oder so. mis mami und mini schwö sind am suntig no da gsi, de hemmer no gluegt wege organisatorisch...sie seit denn no ihre fründ heb gfragt ob mir no geld bruched fürs hochzit so herzig, er übernimmt so chli d rolle vom vater wo mer ja beid nid würkli hend. aber mir hend gseit er söll eifach öpis ines couvert tue, so wie all andere. isch üs ja nid recht so. und ich merke es gaht no zwei mönet und ich han no endlos z tue etz musi chli ad säck. ha und denn hani gester mir endli mal s braut heftli kauft. de stönd die 10 schlimmschte hochzitsfehler drin. mir sind guet bi allne und bim einte bini grad schockiert gsi chli. ipodde oder playliste nie deine hochzeit wenn du stimmig möchtest ! aaaaah :) zum glück hemmer de DJ etz trotzdem no. aber GG het gmeint, dem sini CD sammlig isch ja nid grad die neuscht wie er das machi mit de lieder vo de gescht, wenns neueri drunder hät...ha denn minere TZ gseit sie sell sich drum kümmerä :) villicht hänkt er de laptop nebed dra no a und muss det halt glich lieder devo ne ..?
Ha ezt über die täg au chli do inne gläse..s duet mir würklich vo herze leid was do die eint oder ander mue dure mache..obwohls jo eigetnlich de schönsti tag söt werde...Ich hoffe dass sich das bi eu wieder chli leit..ich ha zum Glück e super Trauzügin..wo scho ganz viel gmacht het und ich mich au 1000% cha druf verloh...Und ich ha minere TZ eifacht gseit sie söll em GG sind TZ chli id Mangle ne und ihm eifach ufgöbeli ge will vo selber chunt döt au nid viel:o) aber sie macht dass glaub ganz guet :o)
Defür het imch min ischwöster so ufgregt am Sunntig..het si chli gfroget wegem Hochzit und so und wer bi eus musuk macht..h aden gseit mir lönd eifacht chli CD`S laufe will mir beidi absolut kei Tänzer sind..min GG wettuf kein Fall en Hochzits tanz mache...und ich verstoh ihn au ..wiso en Tanz mache wenn mir beidi das absolut doof findet..sie het den gseit ja aber da ghört doch dezue..mag sie aber es mues doch für eim selber stimme und für was söllet mir ezt e musig zahle wo nid gnutzt wird..ha das bi minere TZ am Hochzit gseh..sie hend wohl de Tanz gmacht aber nocher het niemert me tanzt will me no spieli gmacht het und denn mitem esse und allem au nüm soo viel ziit bliebe isch..Die drischnorrei regt mi langsam au uf..ha ihre den gseit ich heg bi ihre au nid dri gschnorret und sie söll doch dne da fest so neh wes segi..mit oder ohni tanze sie cheng ja den suscht chli ume shake Musik hets jo :o) mamma mia :o)
Defür hani am Samstig im Chez Janine mis absolute Traumkleid gfund emamma miaa ich hets am liebste gar nüm abzoge :o)Es isch zwor en lange weg gsi:o) ich ha jo gaanz öpis schlichts welle aber all die Kleider hend furchtbar ugseh:o) denn wieder die woni schön gfunde ha z chli oder z gross oder denn absolut über mim Budget :o) noch öpe 10 Kleider bini denn nomol go luege ha den mis Kleid gseh und gfunde mol da probieri.und wonis agleit ha hani gwüsst das und keis anders :o) bi echt sooo happppyyy :o) ezt hani no chli schiss weg de Schueh.ha so breiti Füess und finde eifacht nüd rechts..hmmm het irgend öper e idee?..
Sooo und ezt isch scho wieder Zistig und arbet rüeft..:o( bwäää!!! :o)
Wünsch eu en super Start in Tag und schön das eu git:o) Grüessli Tindli
Hey Mädels :) Wie händers? Händer schöni Ostere gha? Ich bin au wiedr umenand :) Paris isch schön gsi, mier händs zämä gnosse.. Au wenns jeze für mich nöd die Stadt gsi isch.. Und ja jez wiedr schaffe schaffe schaffe..
Fara Haha mich häts au schier vertätscht mit em Bürgerort. SB West :)
Daenu Juhuii din Bricht :) Mueni nachher au grad no go nahlese.. Hihi dis Braut-Selfie :))
Littlefoot Woow dönt ja super mit de Location!! Echt kuuhl mit de Deko wo chasch mache und mit de Chugle isch ja au en riese Zuefall :) So schöön mit Istandbul. Gönd nur iher zwei? Gad nach de Hochziit? Voll härzig mit de Gastgschänkli :).
Pfingstrose Mier händ e Band.. Mier bechömed sie als Gschänk vo de Eltere vom GG. Mier händs sie ab em Apero (sie spilled am Apero & Abigesse) öbe am halbi 6i bis am Schluss (mier händ glaub d'Verlängerig bis am 2, wenns mi nöd tüscht). Und de Priis ischs scho recht tüür.. öbe CHF 4'000.-, mit vier Bändmitglieder.. Ich glaub pro Person wänds CHF 800.- und d'Sängerin wet meh plus ihri Alag isch au no zum zahle.. Irgendwie so. Und sie sind nur zämägwürflet, aso de eint isch de Arbetskolleg vom GG und den die drü andere, die trettet ab und zue mitenand uf.. De Priis findi voll ok mit de Pianiste.. Häsch dämfall eini bueched für Trauig? Voll dänäbet mit sinere Family.. Vorallem, dass iher zfest im Vordergrund sind, halloooo sisch ja eui Hochziit. :(((
Taeboyana Ah super, hät sich das gad no zum guete gwendet wege de Coiffeuse.. Isch au no schräg vo de andere, gaht alles drunter und drüber und dänn de Termin absäge? omg Ah kuuhl mit em Termin. Han zersch dänkt, ich han a dem Tag scho was abgmacht.. Abr Glück gha, es isch am Samschtig woni was vor ha :). Wär hät sich dänn alles agmolde? Gester woni de Termin no nahglueged han, isch mer no e Ilüchtig cho.. Han s'erst Mal kapiert wie du zu dim Name cho bisch hahahahaaaaa (ich bin mängisch scho e gmärkigi )
Malinchen Das mit em Lied bim chirchliche hani mier au no überleit.. Weiss es abr au nöd. Öbis Gospel-mässigs fändi mega kuuhl, abr ohni Säänger wierd das glaub ich schwierig zum umsetze.. Findi e super Idee mit dine zwei Fründine, beid chönd singe und Gitarre spiele!! Das würdi dänä beidne gad beufträge :)
Sasileu Und häts klapped mit de TZ? Isch sie jeze würkli uftaucht? Han nomol chli planed für d'Flitterwuche, han gmerk mier händ eifach zwenig Ziit ins SF. Wür u gern dete no de Lake Tahoe go aluege und de Yosemite NP ääääääh abr beides gad nöd, dänn hetemer eifach fasch kei Ziit meh in SF. Isch voll doof.
Weedingbee85 Voll dänäbet mit em Päckli!! Häsch no was gschriebe? Joah die AGB chasch halt scho zimli alles drischriebe, finds abr au zimli dänäbet!! Ah han gad de Frustpost 2 no glese.. Ja toll eifach d'Sache wieder in Verchauf geh.. Voll blöd. Hoffe chunsch no zu dine Sache und vo de anderne Sache wo nüm bechunsch, dass eifach s'Geld no retour bechunsch.
Janedoe Ou scho e doofi Gschicht mit dim Vater. Finds abr glich uu schad, dass er nöd wet cho. :-/ Händer den effektiv no d'Location gwechslet gha?
Laprincipessa So härzig mit dine Arbetsgspändli :) So vergissisch de Name würkli nüm.. hihi Voll müesam mit em Chleidertermin :( Da würimi aso echt weigere, zum dänn verbi gah.. Hoffe bechunsch en andere Termin. Phuaa sechs Stund händer gha wege de Lieder.. uiii… Für welli händer eu dänn entschiede? Aso Zollgegbühre bechunsch erst ab me gwüsse Betrag.. Chas der abr nöd gnau säge. Han gad de Monät was in Dütschland bstellt (nüt für d'Hochziit), dass händs mer den exklusiv Mwst gschickt und ich han den de DHL müese eusi MWST zahle..
Ig ha zwüschine ou chli mitgläse und i weiss gar nid rächt was säge zu dene Sache wo dir (v.a. Janedoe und Pfingstrose) euch da müesst alose und la vorwärfe. Das tuet richtig weh, o weme säuber nid betroffe isch. Me sött doch meine, dasses nid zviu verlangt wär, weme wett dass sich d Familie mitfreut? Isch so trurig wenn kulturelli oder religiösi Überzügige vor auem stöh. Wär doch schön wenn me trotz auem für sones Fescht chli Toleranz chönnti zeige? Füehlet euch beidi drückt und i drücke fescht d Düüme, dass sech die Problem no chöi la besitige und euch nid d Fröid ade Vorbereitige chöi näh.
@Pfingstrose: I hoffe du chasch die Vorwürf wo sie dir mache wägem Gäud irgendwie a dir la abpralle, isch ja würklech ungersti und vor auem so verdräiht wes überhoupt nid stimmt... Aber würklech ganz toll und schön vo dim GG, wie är zu dir steit. So söus si!
@lil.lian: Hihi du bisch luschtig dass mim unkreative Nickname ersch jetz bisch uf d Spur cho
@Brütliträff: Ig ha ersch e Zuesag vo malinchen, Nala und lil.lian. Wo isch dr Räschte...? Principessa und Sue heisech gloub o no itreit gha u süsch no öper... Würd drum de no imne Resti für üsi Hugorundi reserviere
@Tindli: Gratuliere zum Chleid! Darfmes gseh? *gwunder*
@me: Isch wieder chli öpis gloffe bi üs. Am Samstig simer mit GGs Mami und ihrem Fründ uf Murte zum Caterer ga ds Apéro fürs Zivile bespräche. Das isch e ehemalige Schukolleg vom GG und es tönt super waser wott mache. Er het de gseit er steut mau öpis zäme und de seit GGs Mami, ja sie übernähm de das grad. Sie het scho ds ganze Outfit vom GG zaut! När simer no uf die angeri Seesite iz Vully ga dä Wiichäuer (bzw. sie hei es äxtra Pavillon für so Aläss) womer de ds Apéro mache ga aluege und ga Wiisswy degustiere. Mir stöh süsch nid so uf Wiisswy us dr Schwiz, aber dä isch ächt fein gsi! Für d Uswau vom Rotwy hei sie üs de 4 Fläsche verschiedene mitgäh, dassmer dä dehei i Rueh chöi degustiere (mir söue gad aui 4 Fläsche näbenang uftueh, damit mer dr Ungerschied usegspüre) Das heimer jetz hüt Abe vor Denn simer no fein ga Zmittag ässe, Eglifilets mit Bärlouchsauce mmmh...
Am Sunntig Abe simer de no uf Gstaad zu GGs Papi und Schwoscht. GGs Vater het scho mau atönt gha, dass är üs gärn no möcht öpis Gäud gä fürz Hochzit. Gester simer de no druf zspräche cho und ab däm Betrag wo är üs wott gä, isch mir ächt fasch schwindlig worde... I weiss är het viu Gäud, aber dass är üs so viu wott gä, hätti nie dänkt. Weiss gar nid ob mir das eifach dörfe akzeptiere... Uf jede Fau müesse mir nach däm Wuchenänd budgetechnisch nümm Sorge mache.
Denn isch no die cooli Superman-Tascheuhr füre GG cho, dr Hammer!! Freue mi scho mega druf, ihm die zgä.
Und letscht Wuche hani no Antwort becho vom Reisebüro für üsi Flitterwuche. Het mi gad chli gnärvt... het so imne Ton gschriebe as wäre mir o no luschtigi, so spät afa zbueche (es si immer no 5 Monet und i kenne mi i Sache Reisebuechige us...). Blöderwis isches itz eso, dass usgrächnet a däm Datum wo mir wette acho, dr Witerflug mitem chline Flügerli usbuechet isch und am nächste Tag gits kene. D.h. mir chämte ersch am Mittwuch statt wie planet am Mänti a. Itz müesse mir wieder mit GGs Gotte luege, ob mir auefaus scho chönnte früecher acho, de müesste mir aber scho am Friti flüge... I hoffe, das laht sech aus no irgendwie la regle dasses de mit üsne Ferie ufgeit.
lilian: warum meinsch paris isch nid so dis ? *gwunder* jep, nur ich und mi GG. s mami hät gseit mir selled ei wuche ga aber ich glaub 4 tag langed ohni kids
taeboyana: ou nei so guet wegem geld...isch ja hammer GG's eltere sind grad chli spendabel :) aber wenn de betrag nid seisch chömmer dir au nid säge obs chasch ane haha, ich gwundernase nei echt :) ich würd...aber ich weiss was meinsch. hett au chli müeh, usser weni wüsst de schwümmt würkli i geld oh wisswi us de schwyz, was hender für eine ? weiss nid ob gseh häsch, eus passt de ja nid vom verastalter und drum suechi eine... ou nei schad wegem flug. aber he das isch d gotte vom GG, die findet sicher en lösig chline glückspilz du
Also... Für mich isch überhaupt nonig alles in Ordnig. Aber es händ sich paar Sache klärt und ich bin chli besser gstimmt. Irgendwie magi amigs garnüme drüber rede. Sie hend nomal alles besproche bis am Morge am zwei. Ich han zum Glück schön chöne abschalte und han mini Schwöster vom Flughafe abgholt. Sie isch jetzt ei Wuche da und gaht den wieder bis zu einere Wuche vor em Hochziit is Usland! Aber han mega freud gha... Sie het jetzt ihres Chleid! Und het mir no e Modeschau gmacht, obs für mich guet isch oder nöd. Und ich finds perfekt! Mega schön! Die Wuche mached mir zäme no chli en Hochziitsmarathon und bespreched eus mal no. Uf jedefall bini extrem froh um sie und au um min Brüäder und mini Familie, die lähned sich so fest dri uns sind mega viel am Organisiere... Au paar Überraschige so wie ich das vernoh han.
D Eltere vo mim GG händ sich jetzt mal besinnt (ich vertrau dem nonig so ich wott das zerst mal gseh). Ich find nöd das mer eifach säge chan, jaja isch jetzt wieder guet. Er hät ihne mal alles verzellt wege de Hochziit, Ablauf und Planig... Will sie immer umegmotzt händ. Und lustigerwiis händs garnix zum beastande gha... Mir hebed eus mega viel überleit und mega guet planed. Ah und mer chan nöd vo afang ah fröge ohni eifach mal drulos motze. Sie gsehnds den nur immer so dass mir i de Informationspflicht sind. Uf jedefall hät min GG das au mal klar gstellt. Ich hoffe es isch eifach acho. Ich mage nämlich ächt nüme. Es kakt mich so ah... Das min GG mit ihne s Guet ha will isch mir klar und würdi au welle. Aber er möchti logischerwiis au dass ichs einigermasse guet mit ihne han. Aber das chan mer erstens mal nöd verlange und zweitens mal brucht das jetzt eifach Ziit und wenn kei Geduld da isch den gits au garkein Weg für mich.
Sin Brüäder hät uf jedefall en mega Zämeschiss übercho vo sim Vater no will er so en Seich im SMS gschriebe hät. Und er hät au gseit er engagieri sich viel zwenig. Suscht söller hald um Hilf oder Rat fröge aber eifach full umehocke gaht garnöd. Er schnalleds glaub nöd 100% aber er isch mal uf de Bode vo de Tatsache zrug gholt worde. Für de TZ wächsel wäri eigentlich immer no. Aber ja...
Zündhölzli: Hani jetzt nomal chöne "gratis" bstelle. Muss nur de Versand zahle. Scho mal öpis... Hoffe die werded den eifach chli schnäller uf Post bracht wie letschmal suscht wirds den knapp.
Kleid: Hüt gahni uf die 4i us em Gschäft. Han am 16.30 im Merys en Termin zum mis Chleid abstecke für d Änderig! Freu mich mega nach so langer Ziit wieder mal drih zschlüfe! Mini Schwöster und mis Mami mit de chline Gschwüsterte chund au no! Nachher gahni den mit minere TZ go zNacht esse und paar Sache chli bespreche!
Homepage: Eusi Homepage isch mega guet acho und das het eus mega gfreut! Vo allne Kollege und vielne Familiemitglieder hämmer schöni Kompliment übercho... Und hey de BESTI! Beidi Flüg, jensti Übernachtige, Automieti, Benzin, Camper... ALLES SCHO WEG! Das isch scho meh als 2/3!!! Und es sind gad mal 4 "Parteie" wo bis jetzt Sache kauft händ! Soooo nett!!!
Klavierspielerin: Haha... Hani ja eigentlich eini welle organisiere... Bzw. wotti immer no! Aber mini Schwöster hät da eigentlich öpis planed. Sie het nur d Auge verdräht woni gseit han, dass mer öpis am aluege sind! Das wer no cooler! Will de ander würdi eus en Fründschaftspriis choste und spielt ober hammer mässig! Eifach cool! D Lieder hämmer das Wuchenend mal no zäme usgsuecht gha.
Sorry für de Egopost...
Guete Wuchestart! I die CHURZI Wuche! Nächst Wuche isch den übrigens de 1. Mai! Jeppppa!!!
Oh je.... Ha jetz gad aus nachegläse u bi irgendwie ou gad down! Es duet mir ou mega Leid was d Jane und d Pfingsti hei müessä erläbä! Das isch würklech untersti... Es isch so schaad wenn die schöni Vorbereitigszyt när mit so dumme Gstürm belastet wärde. U de no us dr Familie!!! Me investiert so viu i sones Fescht und bechunnt immer wieder eis ufs Dach u das no vo denä Mönsche wo eim so nöch stöh... Oh i möcht öich zwöi gad knuddlä!!!
Zum Glück gits das Forum, i gloub i wär süsch scho lang ir Psychi glandet...
@Taeboyana: Immerhin gits vo dir öpis positivs z läsä... Das tönt würklech super mit öiem Apéro!!! Wird sicher meeeeega schön!
@lillian: Was? Hets dir nid so gfalle ds Paris? Das chani gar nid nachevollzieh... Aber cool dass dir d Zyt glich heit chönne gniesse!
@Tindli: Schön hesch dis Chleid gfunge!!! Bi natürlech ou gwunderig...
@principessa: Hmm, isch ja mega doof dass die so kompliziert düe wägem Termin verschiebä! Das sött ja nid sones Problem si...
@me: GG und ig hei es cools Weekend gha. Heis rächt easy gnoh u si när halt chli viu umeglägä wöu ds Wätter nid so mitgspielt het... Ussert am Sunnti, denn si mir bi mine Eutere gsi ufm Land u hei ä usdehntä Spaziergang gmacht. Het ou gad guet dah. Am Samstig si üsi Papis ja ga ne Azug poste, es sig schiins mega luschtig gsi! Vo mim Papi hei mir scho es Foto gseh, er gseht soooooo super us!!! I fröie mi scho riesig we mir zämä id Chille loufe... Er het ä Azug und es Veston in Antrazit und drzue es rosa Hemmli und Cravatte (hätti ja nieeee dänkt dass mi Papi die Farb treit, aber es steit ihm mega guet...). Dr Schwigerpapi het schiins ä ähnleche Azug und när aber es hällblaus Hemmli und Kravatte. Sie passe i däm fau perfekt zu üsem Farbschema. Mi Brüetsch het si Azug ou kouft, aber er wott de no es Veston ga choufe... Er isch so härzig! I ha ihn no nid gseh drmit, aber er het schiins e beigi Hose, es Dunkublaus Jacket und es wiisses Hemmli...
Jetz si scho fasch alli ikleidet, nume mini 2 Fründinne hei immer no nix. I gloub die stürme no so lang, dasses de am Schluss nümme längt es Chleid z bsteuä...
Am Sunntig hani bi mine Eutere no gseh, dass mis Mami scho sone Getränkespänder het. Jetz chöi mir dä usleihä, de bruchi gar keinä z choufe... Hihi, ha gad fröid gha. GG het ja gfunde gha, dass sig öpis wo mir jetz nid umbedingt bruche. I ha mir vorgnoh, no verschieni sorte Sirup ds mache u när eifach Wasser im Spänder z ha und dr Sirup drzue azbiete. Findet dir, dasses när no Süessgetränk brucht? I finde eigetlech, dass das längt... Es git süsch no O-Saft für die wo kei Alkohol trinke.
Die Wuche wotti no d Pompons uf etsy bstelle u villecht mal afah sone Wimpel bastle zum dr Gschänklitisch aschribe. Anstatt e alte Koffer näme mir det jetz sonä alte Wanderrucksack us Läder... Dä hani no vo mim Grosspapi u ha plötzlech gfunde, das würd eigetlech no fasch besser passe. Mir si eher d Rucksack-Reiser.
Anmelden
hesch du de name vo dim mami ?
so herzig, er übernimmt so chli d rolle vom vater wo mer ja beid nid würkli hend. aber mir hend gseit er söll eifach öpis ines couvert tue, so wie all andere. isch üs ja nid recht so.
etz musi chli ad säck.
). Blöderwis isches itz eso, dass usgrächnet a däm Datum wo mir wette acho, dr Witerflug mitem chline Flügerli usbuechet isch und am nächste Tag gits kene. D.h. mir chämte ersch am Mittwuch statt wie planet am Mänti a. Itz müesse mir wieder mit GGs Gotte luege, ob mir auefaus scho chönnte früecher acho, de müesste mir aber scho am Friti flüge... I hoffe, das laht sech aus no irgendwie la regle dasses de mit üsne Ferie ufgeit. 
Es isch so schaad wenn die schöni Vorbereitigszyt när mit so dumme Gstürm belastet wärde. U de no us dr Familie!!! Me investiert so viu i sones Fescht und bechunnt immer wieder eis ufs Dach u das no vo denä Mönsche wo eim so nöch stöh... Oh i möcht öich zwöi gad knuddlä!!!