@jane: bin 100pro überzügt das du nöd übertriebsch wägem tz...ich mein, er chan pokere sovill er will. aber: wänn er nöd süchtig wär hätti er eifach gwartet bis das gäld überwiese isch und hetti denn wiitergspilt. das isch ja s gliche wie wännd shoppingsüchtig bisch und en chlikredit ufnimmsch will d kreditcharte nümm chasch bruche bis ändi monet...oder ebe d nadle wod em junkie wegnimmsch.
ich han eifach chli angst das de eui als tz nüt meh bringt. er hät dich ja uh verletzt mit dene sms obwohl ihr ihn sogar bi eui wohne lah hät. spricht defür das er i sim züg inne kei ahnig meh hät was gaht und was nöd...und wänn er sich jetz total denäbe behandlet fühlt vo dir und em gg (häsch ja sini opferhaltig agsproche) dänn isch ende feuer und er macht je nach dem gar nüt meh. ich würd luege das ihr da usechömmed. wännd eifach mal e meinigsverschiedeheit häsch mitem tz dänn chasch drüber rede und meistens wirds ja dänn wieder guet. aber so ischs minere meinig na eifach kei gueti verhandligsbasis wänn de privat so problem hät. wott dir nöd angst mache gäll, säg eifach was ich dänke bzw. wie ich das gsächt wänn ich i dere situation wär...
wägem gelübde mueni no luege. bin ebe au nöd di gross rednerin vor lüüt au wänns mini ängschte sind. und vor allem weissi nöd öbi hüüle wie en schlosshund.
blueme: ja aso ich han di trochnete blüeteblätter abbstellt will mer die nöd döfed uf de chilebode streue und defür no zwei so ufhängerli für id chile (sind beschriebe gsi als reagenzgläsli mit blueme). han dänkt, ja easy, choschtet maximal 25stutz pro reagenzgläsli. stimmt aber nöd. 6stuck wo mer brüchted choschtet 500.00!!!! uf jede fall hämmer jetz entschiede das mer uf alli gläsli verzichtet und nur ufem altartisch es gsteck händ. dänn simmer wieder bi chf 1500.00 scho uh schad aber wänn mer ganz ehrlich sind ischd kapälle so chli das d lüt die reagenzgläsli nur gsend wänns id chile inelaufed...darum lömmers jetz.
weddingbee er hed gseit er lenki sich vo Problem ab mitem Pokere und ich hane de gfragt vo welne Problem. Denn schribter (wortwörtlich) "Sag ich nicht, das weiss niemand, wier auch nie jemand erfahren" und am liebschte hetti de gfragt ober eigentli es 10 Jährigs Chind seg? Aber ha mi de miteme "vo mier us" abgfunde. Du hesch tooooootal recht mit allem wo du seisch. Han ez zwar ned unbedingt Angst, daser das Ganze afangt boykottiere oder so. Und luut sinere eigne Ussag hed er ja eh no nüt organisiert, vo dem her wärs ez ned wiiter tragisch, ihm das Amt zstriiche. Aber für min GG wärs schad. IHM wetti das eifach nöd atue. Ich weiss daser de TZ extrem gern hed und sie sich uh super zwüschemenschlich verstönd. Sind beidi Dütschi und uf de gliche Wellelängi. Suscht hettne scho lang id Wüeschti gschickt. Aber ez mal luege was min GG meint.
Haha ez mal ehrlich, was wott sie i die Reagenzgläser inetue? Echts Gold? Dett hed ja gar ned Züügs im Wert vo 85.- platz? Das würdi sie mal frage, eifach so us Interessi. Das sind scho abzocker, die Florischte! Ich han ez grad nomal gluegt und mier zahled für d Bankstrüssli 8.- inkl s Reagenzglas. Unglaublich, wie die Priise gmacht werded, nöd?
jane: ich versta di dass hesch welle helfe. und häsch ja nid chöne wüsse dass de so ustiggt GG isch sauer und hets em gseit..was seit denn wieder er dezue ? aso ich würd echt nach es paar täg nomal rede mit ihm. knallhert säge obs em eigetli no gieng dich so azfahre nachdem du ihm scho geld gäh hebsch. das sig de nid selbstverständlich. was da dur ihn gfahre sig. ob er susch problem hebi...? und denn erst aspreche wegem TZ. ich glaub das sind aber zwei paar schueh ehrlich gseit. würden aso nid grad ustusche. aber das isch nid er wo d rechnige nie ufmacht usw.. oder ? (weiss nüm wer dä TZ gha hät haha)... ah etz hani grad gse, de het ja problem aber wett nid säge weli. da chasch au nüt mache. meinsch nid dass er trotzdem cha TZ blibe ?
hihi böses omi neiii eifach stur, sehr stur und sie weiss eh alles besser. wie gseit wenn denn da d prominenz vo eusere familie chunt wird de rot teppich usgleit i jedem sinn. am GG sis gotti het letscht jahr ime "buure" resti de 60. gfiired...sie hets schön gmacht gha aber so plastik tischtüecher und hussene, aso ich has schrecklich gfunde und susch hets no grad en band gha, aso en sänger...und das isch ja ach so toll und tür usw.. gsi weisch...pff was meint die denn was es bi ois choschtet. nur wil ich so guet bin und immer s bescht agebot finde mit 50 gäscht wär oises budget öpe gsprengt inere normale location. die wird de scho auge mache, das versprich ich dir haha :)
danke stimmt scho :) ha würkli freud au z gseh wie sich mini TZ/schwö vom gliche papi, und mini anderi schwöschtere und mis mami so guet händ mitenand und "hinder mim rugge" kommuniziered. da isch nüt negativs deby, vo irgend ere site..sie kenned sich ja quasi au nid. und ebe beschti TZ hani sowieso ha überleit öpis z mache für die 4..es armchetteli oder sone täsche mit mother of the bride usw...
@jane: ja super eue tz. dänn hät er scho problem und tuet sich zum ablänke eifach no e spielsucht zue...(ad stirn tipp). weiss was du meinsch, us eme grund hät mer ja sin/sini tz usgsuecht. und es isch ja scho de zweit und so churz vor de hochzyt...glaub aber glich das de en knall hät (tschuldigung).
blueme: ja ebe. han ich mir au überleit us was ächt die blueme sind wo sie i die mickrige reagänzgläsli wott tue aber ebe, ich LIEB eusi floristin...aber ich frög si dänn schono. ide offerte schriebt si das det englischi rose und ranunkele iechömed. aber wänn ich mich an chemieunterricht zruggerinnere hetti det maximal ei rose und öpe 2 ranunkele platz ussert sie hät so reagenzgläser wo en halbe meter durchmässer händ
@littlefoot: gib dir vollkomme rächt. uf de andere siite ischs en uhuere chnochejob wo würkli di wenigste guet verdiened. und vo daher druck ich mini drü auge zue aber das isch halt jetz würkli too much. vor allem chömmer die blöde gläsli ide location gar nüm bruche...und für das 500.00 isch mer eifach zvill.
momol, schimbar sind ranunkele voll ide saison ändi mai
littlefoot Ja lahs ez mal sacke. Ha das SMS vo ihm au becho, ich sölli ez keis Drama mache und uf das antworti ez erstmal nöd. Gässe isch die Gschicht bestimmt nöd. GG hed am TZ ziemli gnau das gschribe, wo du obe gseit hesch. Ich glaub erstmal tued chli Abstand guet. Min GG gseht immer alles so sachlich und chan voll guet mit so Situatione umgah. Ich würd em andere am liebschte go d Auge uschratze und en wiiit id Wüesti schicke aber das isch ebe au ned d Lösig. Mal abwarte. Und haah, nei er leert sin Briefchaschte glaub regelmässig :D
Chamers genaaaaaau vorstelle mitem Omi. Aber bin sicher, dass ihre d Chinnlade abegheit, wenn sie gseht, was iher uf d Bei gstellt hend. Umso besser wenn sie ez denkt, wird eh e billigi Grillsause :D Ich han zerscht au welle Chetteli bstelle, han uh schöni gseh uf etsy mit de Initiale. nachdem ich aber mit mim OK immer wider chli ghaderet ha, hanis erstmal blibe lah :D Chani ja de nachem Hochziit immerno nahhole als Dankegschenk.
weddingbee Sägs nur. Ich gsehs ja genauso inzwüsche. Luschtigerwiis hed mier mini TZ immer gseit, das irgendwenn de Punkt wird cho, wo de Typ mich sooooo ufregt, dasi ned niemeh wott gseh (Sie hedne sit de erste Minute ned möge liide) Hahaha de wetti de gseh wie sie die riese Reagenzgläser würd welle abinde. Nei es isch gspunne. Echt. Nimmt mi de Wunder was sie seit
Weddingbee Findi au mega vill mit de Blueme.. Was isch den alles debi? Müends au no Sache go ufstelle? Uiii han das mit de Reagenzgläsli gläse, unglaublich… Es gaht mer öbe glich wege de TZ. Aso nöd umbedint wegem chaotisch, abr meh wegem nüt wüsse.. Ich glaube sie säged absichtlich nüt, will ich au gern alles wet wüsse.. Sie wännd sogar, dass s'Konto uf de TZ lutet.. Das chunt abr uf kein Fall in Frag, weiss nöd wies überhaupt uf so e Idee chömed..
Janedoe Nei bastle wär au e Idee.. Bstelle würdis jeze au nöd grad.. TZ hät scho mal was adütet wegeme Gästebuech, ich säg ihre eifach, dass ich das umbedingt das so wet!! Ich sägere susch scho, dass mers au sälber chönted mache :) (odr ich schickere grad d'Vorlag ) Mier gfallds u guet. Joah den heti abr au chli Angst wegem poltere.. Red unbedingt no mit em GG hüt.. Und ich wür ihm au grad nüm antworte, bringt glaub nöd vill..
Littlefoot haha ja genau das hät au mal öber gschriebe, dass de TZ d'Post nöd öffnet.. Mier hät das au mal eini am Telefon gseit, sie duet nur die wichtige Brief uf.. ahjaaa... Den sind hoffendli alli positiv überrascht vo euem Fäscht .
@lil.lian: ja gäll, scho tüür. aso debii isch de afahrtsweg vo 2x40minute, alles ufstelle (sie mached ebe au grad d tischchärtli etc. ane), min brutstruss, 4 boutonniere, eis grosses gsteck uf de tisch ide kapelle, 7 gsteck uf de tisch ide festlocation und ebe die 6 reagänzgläsli...
@me: han hüt no s telefon übercho vo dem wohni agfrögt han wäg somene schnüsige herzige chline autöli für nach de chile id location fahre. aber de isch ebe soooooo chli das er au langsam isch. choschtet darum glich vill wie es grosses auto, aso fascht en tuusiger. ich glaub ich spinn. entweder müemer euses budget langsam in egge stelle oder mir chaufed/bstelled nüt meh womer nöd scho händ
jane: das leit sich hoffentlich mitem TZ und er het denn sogar no schlechts gwüsse haha e billigi grillsause, gnau so gseht sies denk ja ich würd au warte wenn nid so ganz zfride bisch. mini eint schwö macht au nid gross öpis, aber erstens chani nid nur de andere und zweitens weissi dass sie sich mega freut (siehe kleidstory, hetti nie denkt)
lilian: joaah (hani de vo dir haha) das werdeds hoffentli si. aber bi de andere weissi dass sie sich freued usw..erwarte tönds eh nid vill bi ois, aber me wird hoffentli gse dass mer mit vill herz das alles planed händ und das isch eigetli s wichtigscht ob denn s omi das so "werted" wenn s nid e 5- gänger git und tisch gwackled, sei dahingestellt mi GG het mer nur verzellt dass er mit ihre gredt heb. und me au nüt a geld söll erwarte, vo wo au heisst also sie würd ihm, wo bi ihre als sohn ufgwachse isch, nid mal öpis speziells ge. aaaber da weri mir etz nid mal so sicher. villicht macht sie uf understatement
weddingbee:ich find das ebe u tür, au wenns e strenge job isch. drum machi ja selber, ich lappi :) oh schade wegem auto :( mini mam hät au wele öpis organisiere und das überne aber ha ihre gseit für die 7minute lohnt sich echt nüt. aber defür isch de götti vom sohn da gsi und er het mal in graubünde eine kenneglernt, sone rockabilly typ und de heb en cadillac in - hebed eu fescht - mint ! er frögi etz mal...so cool. GG findets zwar überflüssig
a propos : ha da mal bluemestrüss usgsuchet. tu mir schwer, mir isch nid sooo wichtig was da ghnau dine isch wele findet ihr guet ? immer mit peach tön mini reihefolg :
Anmelden
und susch hets no grad en band gha, aso en sänger...und das isch ja ach so toll und tür usw.. gsi weisch...pff was meint die denn was es bi ois choschtet. nur wil ich so guet bin und immer s bescht agebot finde 
mit 50 gäscht wär oises budget öpe gsprengt inere normale location. die wird de scho auge mache, das versprich ich dir haha :) 
ha überleit öpis z mache für die 4..es armchetteli oder sone täsche mit mother of the bride usw...
aber ebe, ich LIEB eusi floristin...aber ich frög si dänn schono. ide offerte schriebt si das det englischi rose und ranunkele iechömed. aber wänn ich mich an chemieunterricht zruggerinnere hetti det maximal ei rose und öpe 2 ranunkele platz 
ussert sie hät so reagenzgläser wo en halbe meter durchmässer händ 
Und ich wür ihm au grad nüm antworte, bringt glaub nöd vill.. 
.