Halloooooo zäme

Ha dänkt, mäld mi nomal churz... Mir gönd hüt nämli für es paar Täg weg. Schaffeds doch no i Flittis. Wänd uf Strasbourg und Paris. Werdeds det aber halt gmüetlich neh und eher so Omi-Ferie mache. Ha ebe hüt gfunde, dass ich hoffi, ich mögi überhaupt gnueg. Aber ebe, alti Ömis gäched ja au go Städtereise mache und die möged ja au nüm so. Werdemer halt i so Touri-Büs istige und i Kafis höckle.
Natürlich häts dänn müesse so cho, dass ich grad gester nomal chli Verdauigsproblem gha han und die Nacht mini Niereschmerze, woni immer wieder mal han, vill stärker worde sind. Boah, bin ich sauer xi die Nacht. Isch eifach frustrierend. Händ d Abreis wäg de Verdauig chli verschobe (zum sicher sii, dass es besser wird), wäred suscht scho hüt Morge gange. Aber ez luegemer eifach, dass mer am Abig in Strasbourg sind. Hoffentlich chömemer dure mit packe und allem.

Aber d Reis isch also au onkologisch abgsägnet. Min Arzt hät gfunde, ja, Paris seg sicher easy, det hegis ja au gueti Spitöler, falls öpis wär. Ich sell eifach nöd uf Ägypte go tauche. Mini Kollegin (schafft uf de Pfläg) isch au di geilscht gsi. Ha gfunde, chli Pariser Luft schnüpperle seg sicher kuul. Wobii, heg ja so viel Abgas. Dänn meint sie: "Isch doch guet, vilich tötet die ja grad de Tumor ab."

Ha gläse, was eu passiert isch, Pfingsti und Jane... Isch ja de Hammer! Bin aber froh, hät sich einiges chöne beruhige bi dir, Pfingsti. Aber verstahn dich, dass du jetzt nöd eifach chasch finde "isch alles easy jetzt"... Würdi au nöd.

Und Jane, das isch ja de Oberhammer mit em TZ. Unglaublich! De hät wohl würklich es riise Problem und brüchti eigetli Hilf. Aber er schiints sich voll nöd izgestah. Wobi, dass er sich mit dem vo andere Problem ablänki...

So, und nachdem ich de Bitrag vor paar Stund agfange han, schick ich en ez au mal no ab.

Hebets guet!

Liebs Grüessli,
Fara

@fara: liebi fara, ich wünsch dir wunderschöni flittertäg in paris (minere lieblingsstadt). freut mich dasd chasch gah und freu mi dänn ufes brichtli. hoff, das es dir au gsundheitlich so guet gaht dasds au richtig chasch gnüsse.
alles liebi!

littlefoot
Ja ha s SMS au mega gfunde, das er so offe gseit hed daser sich doof verhalte hed und im erste Moment heds mi voll erliechteret. Aber ebe. Kei Ahnig. Glaubem nöd

weddingbee
Hett aso au kein Rappe meh als die 130.- usgeh und das isch echt miesi Werbig wo die da mached... :/

Fara
Gaaaaaaaaanz viel Spass z Paris! Gnüsseds! Wünsche dier, dass du d Ziit gsundheitlich au guet überstahsch!

lil.lian
Heds klappet mit em Dokument?

me
Ez hani us luuter Fruscht und miteme Tipp das Gästebuech erstellt und als Fotibuech bstellt. Mal luege was ez da chunnt :D GG hed gmeint, er tägs denn no mit Jute und Spitze schön ibinde aber ich ha ez mal es Cover erstellt, für den Fall der Fälle

weddingbee
Verstahs voll. Mich würds au meeeeeeega ufrege.
Haha en Nähmaschine hemmer eu welle chaufe. Sone antiki für d Deko. Hend eus denn aber für d Schriibmaschine entschiede. Die passt besser zume Hochziit hemmer gfunde.
Was hed din GG gmeint?

littlefoot
cooool, sinds bequem?'

nicht registriert

Hallo iihr Liiebe

Ihr gebet so viiel Gas. I ha keii Chance zum mitchooh! Entschuldiget drum mini knappe Kommentär

Janedoe: Tuät mir leiid wegem TZ! I bii recht verschrocke, wo ii devo glese han! Es tönt würkli ernst, wenn über siis Spiielverhalte und sini Reaktione diir gegenüber schriibt. I frag mii denn au, werum bittet er diich um Geld und ned diin GG direkt? Es isch ja siin Bestkolleg und du "nur" dä Ahang. I bii ganz ehrlich, i het keiin Plan was machä in diiner Situation… Isch wohl au stark abhängig vo diim GG? Wünsch diir ganz viiel Kraft!
Woow, gfallt mir sehr eues Gäschtebuäch! d'Idee erinneret mich an Fründschaftsbüächär, find ii na meega lässig!

Littlefoot: Woow! Würkli schöni Schueh! Gsehnt extrem hoch us? Chasch dermit laufe Ich finde d'Ringe au eher maskulin. Liit wohl am schwarz. I finds au no schwierig es Pärli z'finde, wo Mann und Frau stot. Viellicht hilft eu au d'Uswahl vo 123gold.ch Diiä hend soooo viiel und ii find, meh cha sich suuper inspiriere looh! Uns isch wichtig gsii, dass mir dä gliich Ring hend. Aber grundsätzlich isch ja das ned es Must-Have!

Fara: Wünschä diir ä wunderschöni Reiis, dass diich entspanne und erhole chasch, diich wohlfühlä darfsch und wohlbehalte zurggkehrsch! Schön hend iihr zweii au chönä so spontan sii und uf dini Bedürfnis voll rücksicht näh!

Pfingstrose: Wenn ii miich recht erinnere hesch du es Kleiid im Meerjungerferstil? I würd mii jedefalls sehr über es guät (unverwacklets) Foti freue! Wiiä het siich's agfühlt ii diim Kleiid?
Was dini Schwiegerfamilie dir so an Kopf wirft, UNGLAUBLICH! Tuät mir meega leiid für diich! Im Moment gsehts ja so us, als ob sii dä Rank gfunde hend, ii hoffä fest für diich,dass es so isch und iihr nur no positiv uf da Hochziit chönt zuägoh!

Malinchen: Sooo kuul, diin Papa het es PINKS Hemmli! Freut mii gad sehr

Me: Mir machet gad verschiedeni Termine ab: Floriste, Apéro, Frisur, Make Up, etc. Da isch gar nöd so eiifach zum mit allnä en Termin z'finde. Aber vom Zivilamt hend mir jetzt grad dä Briiäf bechoh und sind zum Vorbereiitigsverfahre iglade worde. Es wird immer ernster!
Mengmol han ii so Phase wo ii denke: "Mama Mia, nur no 2 Mönet und 30 Tag!!! " und denn erinnere miich an läscht Johr wo's au no 2 Mönet und 30 Tag gangä isch biis mii GG vo Australiä zrugg chunt. Und denn gsehn ii's gad wiider glasse. Denn diä 2 Mönet und 30 Tag sind ä halbi Ewigkeit gsii

Wünschä eu allnä en ruhigä und erholsame Abiig! <3