Nala: Cool händers so guet gha gester in Luzern! Und die Variantene döned doch jetzt alli mega guet. Fürs parat mache au no es Zimmer! Mega! Isch doch glich ischs nöd im Montana. Ich finds scho nett wenn mers zur verfüägig stellt aber ich find es isch kein Muss. D Blueme sind doch super... Guet händer eu so chöne ustusche und sind jetzt zunere Lösig cho! Ich find die beide Strüüs wunderschön... Da gfallt mir Violett mega guet! Es isch perfekt! Tischdeko chani mir nöd so guet vorstelle. Aber es isch sicher schönner meh Blueme wie Grünzügs... Es isch suscht sehr kahl.

Sasileu: Oh tönt aber glich lässig eusi Reis! Dini Erfahrige mit Globetrotter chani zu 100% nahfüle und au bestätige. Mir hends den dete nöd bueched. Die hät so schlächt Bscheid gwüsst über das wo mir welle händ obwohl mir scho bim Amelde gseit händ wohie und was mir wetted. Die het sich 0 Informiert und au nix speziells gseit woni nonig selber gwüsst hetti. Darum - ja es brucht meeeega viel Ziit - hani nachher die kompletti Reis alleige zämegstellt. S coole isch natürlich dass mer so enorm viel günstiger chömed. Wenn mir den effektiv 2 Mönet gönd, zahled mir eigentlich nöd meh wie de einti Monet Neuseeland wo sie eus vo Globetrotter vorgrächnet hät. En Witz oder?!

Sissy: Herzlich willkomme... Ich känne dich garnöd. :) Hihi! Häsch scho mal mitgschriebe? Gratuliere zu de Ehering! Gits es Föteli? Und au vom Chleid, häsch es Foti? Hahaha, die Besti, also bi mir isches sehhhr umständlich wegem ufs WC gah. Mir hend ja bim Resti direkt es Hotelzimmer und ich wird det immer is Zimmer gah für ufs WC will ich ziemlich sicher s ganze Chleid abzieh muss! Haha...

Me: Gester hani no mit de Bluemefrau telefoniert! Isch so e liebi... Jetzt sägi dem ab woni ursprünglich gwählt han. Mir sind jetzt mit de Offerte uf 1500 CHF abecho und händ würlich viel Blueme. Mega cool. Ich find das nämlich so schön... Es wird jetzt uf jedem Tisch (13 Stuck) ei grosse Struss mit de gliche Blueme wie de Bruutstruss ha. Und den wirds - 80 Antiki Gläser - also unter anderem die woni gester abgholt han mit einzelne Blütechöpf gfüllt geh. Wild verteilt uf em Tisch und den no 80 Cherze. Jepa! So bini mega zfriede wird glaub super.

Ich dödel han nach em Chleid abstecke eigentlich welle es Stoffmuster mitneh wegem Hemd vom GG und nachher prompt vergesse... Jetzt schickeds mir immerhin per Post. Muss nöd nomal verbie gah.

@pfingsti: Mega cool het das klappet mit dr Offerte! Das tönt würklech hammer... wird sicher super usgseh!!! Was heit dir für Cherzä? I möcht üsi Deko ou no chli mit Cherzli ufpeppä, aber i bi no unsicher obi eifach so 0815 Teeliechter söll näh oder ev. Schwümmcherzli? Wär äbä ou no schön...

Pfingstrose
Es Blueme und Cherzämeer, so schön!

malinchen
Mier werded hochwertigi Teeliechtli ha wo mind. 8 Stunde brenned. die 0815 Ikea Cherzli muesch ja nach 1-2 Stunde wächsle und weiss de nöd, ob das ned stört, wenn die dauernd gwächslet wärde müend

Janedoe: Nei es sind ebe spezielli... Nöd die "normale"... Die sind höcher und hend no so en Rand rundume. D Floristin nimmt immer die und die hebed würklich so lang. Sind nöd die mit dem Silberdings rundume.

Zu dene chund mer übrigens extrem günstig und au no schöni über...

http://www.candlecorner.de/product_info.php/info/p8962_CC-Sparpack-100-Teelichter-Nightlights--transp--Huelle--7-8-Std-.html

Die findi mega schön will hald Gold voll mis Ding isch und nöd Silber... :) Die 3te vo obe. Mit 8 h Brenndur.

http://kerzenmeyer.webstores.ch/ki/Teelichter-Recheaudkerzen-44.html

@Nala: Wow das tönt ja super euche Tag. Aber siter äch nid eher ar Reuss ghockt in Luzern ? (sorry, steue dr Klugscheissermodus gad wieder ab )
Tönt super mit dr Bluemedeko. Mir hei üse Termin mit dr Floristin am 6. Mai u i bi o scho gspannt. Für uf de Tischi hani irgendwie no nid würklech e Plan... Mir wette aber sehr wahrschinlech o so höchi Cherzeständer, üsi Location het settegi.

@janedoe: Süsch wär mir itz nume no etsy i Sinn cho, aber äbe mit de Lieferfriste und ou -chöste weissi natürlech nid... ha dert drum mau so Tags us Kraftpapier bsteut.
Wow du da chönnt sech mi GG mau e Schiebe abschniede, er isch sehr "bluemefuul". Sit er mir womer ca. 2 Monet si zäme gsi het 7 riesigi Rose gschickt (bi denn no am studiere gsi und aui Kolleginne si fasch vor Nid erblasst ), hani fasch nie meh es Blüemli becho... ha de aube as Witz gseit gäu, da het itz äuä jedi Rose fürnes Jahr müesse länge, aber das Jahr simer 9 Jahr zäme, aso wärs fäuig Drfür ischer i angerne Hinsichte sehr grosszügig.

@Sissy: Das chunnt gloub würklech ufs Chleid drufa. Wenns e mega Schleppe het oder je nach pompösem Stoff hani o scho ghört, dassme verchehrt mües ufs WC hocke . Das wird dir aber sicher dini Verchöiferin erkläre? Mini het gseit dass sie mir de au die Sache, ou wie Stäge loufe, wie alege etc. duet zeige, wennis ga ga hole. Drum nimi de äxtra mini TZ mit.

@Sasileu: Ig ha die bi etsy bsteut: https://www.etsy.com/transaction/192867653?ref=fb2_tnx_image
Sie hei ou angeri Motiv, evtl. hesch Glück mitem Ironman! I hase übrigens scho becho und finde se super. GG vergiblet fasch wüu er wott wüsse was i däm ominöse Päckli isch gsi Ig ha aber gseit dass är bis am Morge vorem Ziviler mues warte .

@littlefoot: BI etsy bini no über öpis gstouperet woni gad a di ha dänkt: https://www.etsy.com/de/listing/11289601...=af_you_favitem würde äch die passe? Si ja Bierdecku, de müesste sie scho gnue gross si oder?