| Bräute 2014 |
|
|
1 .. 419 .. 835 836 837 838 839 .. 918 .. 997
|
|
|
|
|
|
|
|
|
|
|
24.04.14 19:49
littlefoot 
|
Re: Bräute 2014
huhu :)
wc: ja die diskussion füehrt jedi brut mal glaub 
jane: ha das findi guet mit de kündigung :)
nala: isch nid tür bubbles und säckli mit versand :)
haha dä mitem güselsack 
lilian: das A bruchts nid unbedingt. 
sissy: la mi au la schminke. eifach dass es au de ganz tag hebt aber da bisch du ja ideckt :)
taeboyana: uuh das tönt nid so toll das chleid
pfingsti: aso ich ha no zwei holz harasse, woni wiss amale. denn tuni sicher no es väseli zwei druf mit de blueme, und en grosse cherzeständer. ha im schaufenster vome antiklade sone coole ständer gse mit chalkboard und so vintage rahme in wiss. gseht hammer us. muss morn unbedingt go luege obs en no hät. de sicher au e rahme mit "nothing is sweeter than love" oder "all you need is love..and maybe some candy" ...de no d wimpelchetti irgendwo ine baum hinedra hänke...villicht no es paar windliechtli. ah und büecher als erhöhige woni vo de janedoe darf abchaufe :) ha eigetli vorgha endi mai en test candy bar z mache...mal luege.
me: bi im bluemelade gsi hüt woni mal agfragt gha han und wo d prise so vill günstiger gsi sind als i de stadt...die zueständig isch nid ume gsi aber het mer denn aglüte. isch ganz en flotti. de struss wird glaub super, ha mi etz für öpis entschiede, e mischig zwüsched zwei. und de hani sie gfragt wegem väseli befüllä, und lieferig id location...bi schier hinderegheit. lieferig sig 14.- (waaas nomal), und väseli befüllä choschti nüt. hä ?  eifach de pris vo de schnittblueme wo ja echt eher tüf sind. hammer. am 7.5 gani denn nomal verbi weg de details. eifach de hammer, oder ?
de isch no mini fründin schnell verbi cho und de hemmers vom poteri vom GG gha am sa..ha de gseit ich frögi mi wenn mine sig..sie het denn scho fast z vill gseit  sie heb etz es paar mal mit minere sis telefoniert, sie hebed dä zämeplaned (oje :)) usw...woni de gseit ha ich heb nüt zum alegge, het sie gmeint ich bechäm de es bedruckts shirt, aber das sig en witz..hmmm :) aso ich bin uuu gspannt. 
ah und hüt hanis gschenk a GG gfunde :) aso isch für eus beid haha :) gib die am belgeiter mit zum is hotel z lege wenn er sich umzieht...uf luzern chömed wieder mal d söhne mannheims. mir hends immer verpasst aber ich gang etz die tickets go hole
e schönä abig allersits
Zuletzt bearbeitet am 24.04.14 19:51
|
|
|
|
24.04.14 21:35
squishy-fishynicht registriert
|
Re: Bräute 2014
Guuätä Abiig iihr liiebe
Lil.lian: Woow, ii find eui Iladig mega schön! s'Foti zeiigt eu total verliebt!! So schön! 
I ha immer so es Biild vo allnä ii dem Forum ii miim Kopf, aber irgendwiä han iich miich diich immer bruunhörig vorgstellt. Werum ech das?
Nala: Es isch schön z'lese, dass diin GG so hochziitsproduktiv isch! Sus ghört meh hüüfig s'Gegeteiil vo Brütlis. Drum find iich's umso schöner Wiiä isch d'Location gsii? Het sii eu zuegsaiit?
Dä Trash-Bag!! Dä Hammer! Danke viiel mal fürs zeiige Aber so darf mii niemols öper gseh! Aber als allererst (muän iich ehrlich sägä) han ii mii gfragt werum sii bloss ä schwarzi Leggins under dem Kleiid anähet (wär ja wohl sehr ungünstig zum Leggins ufem Klo anäzha) Bis ii gstiige bin, dass da für d'Fotis isch Es isch ja scho spoot, da cha meh chlii uf dä Leiitig sitze.
"Geschäfte der Braut" Gäscht werdet siich au denke
Pfingstrose: Gratuliiärä zur Blogger-Karriere! Meega kuul! Wiiä chan ii diich finde? Find dä Link vo dä Janedoe nüm 
Taeboyana: Also durchsichtig am Buch isch jetzt au total nöd miis! Sind mir wenigstens uns ii dem eiinig
Sissy: Ha scho ghört/gseh (4 Hochzeiten und eine Traumreise lässt grüssen) dass Bruut siich selber schmickt. Finds no ä guäti Sach, aber ii würds mir gar nöd getraue. 
Das sind unseri Ringe http://images.conftec.com/sets/600/m-1029-2.jpg 
Janedoe: Das isch echt än Ehr, dass Chefin für diich s'Gschäft schliässt. Darfsch denn dini Arbeiitskollege bsunders gniässä
Littlefoot: Diiä Priise vo dä Floristin tönet echt hammer! Meega kuul so es Agebot! Schön hesch s'Gschenk für diin GG gfunde. Da wiird er sich bestimmt froiie und du hesch ja gad au no was devo
Me: Maaama Miiiiiiiaaa, ii muä jo gad recht Kritik alose weg dä Bluämä Het mii am liäbste grad versteckt Aber so sind Gschmäcker unterschiedlich. Und wenn iihr sägät, isch recht farbig, denn bini wiiä froh. Will unser Motto isch "Gemeinsam ist das Leben bunter" Denn muän ii mir wenigstens kaii Gedanke meh über d'Umsetzig vom Hochziitskärtli-Spruch machä
Ansonste han ii hüt dä Termin fürs Make-Up abgmacht. Finally han ii mii überwunde. am 18. Mai isch es sowiit. I ha mit ihre telefoniert und ii has so schön gfunde, wiiä sii sich au amene Sunntigmorge für miich Ziit nimmt. Sii het ebe gmeiint: "Sii säg ja nur d'Visagistin und ii Bruut, sii möcht sich voll nach mir riichte
I bii gad chlii baff gsii, will ii ha eigentli Termin für unter dä Wuche vorgschlage und sii het denn gmeiint, sii het liieber es Wuchenend  Da isch mir ja no so recht
Jetzt no dä Termin mit dä Floristin. Sii wott uns ja au no Biilder zeiige. Viellicht stosset diiä denn meh uf Aklang
Hebet alli ä guäti Nacht iihr Liiebe <3
|
|
|
|
|
|
25.04.14 08:00
Taeboyana
|
Re: Bräute 2014
@weddingbee: Hey so cool, gniess dis Weekend und i hoffe dasses genauso wird, wie du möchtisch!!
@Squishy: I mues mi bi dir entschuudige, ig Doofs ha nur über ds pink abeglah anstatt dir süsch bruchbars Feedback zgäh zu de Blueme. Tuet mir leid, ha nid wöue dass du gad vo aune Site muesch ghöre, dass dini Lieblingsfarb schlächt gmacht wird  I finde würklech, dasses zu dir und ou euem Thema super passt, drum la dir vo üs nid drirede. Und wasi eigentlech ha wöue säge: I finde Gerberas superschön und es gseht würklech toll us uf dine Biudli! I chönnt mir Gerberas bi üs ou sehr guet vorsteue. Isch e u schöni Blueme.
Supi wägem Make-up-Termin und das no amne Sunntig, geniau! Ig ga am 3. Mai zum Coiffeur (ändlech wieder juhui) für Farb und schnide und de wotti de die Termine für Probemakeup und - frisur ou gad abmache. Gmacht isch gmacht!
@littlefoot: So cool mit de Priise vor Floristin, gratuliere! Hach dir machet mir aui Luscht für Blueme uszläse...
@Sissy: I schminke mi zwar täglech und gloub o nid auzu wüescht, aber i wett das a däm grosse Tag glich i professionelli Händ gäh...
@Nala: Cool mit de Seckli und de Bubbles! Bruchsch d Seckli für d Candybar oder Gastgschänkli?
@Janedoe: Und, het d Chefin d Kündigung vor Kollegin ungerschriebe? Bi schön froh hesch nid du kündet! Söu sie d Konsequänze zieh we sie sech so soudoof uffüehrt.
@me: I bi gester no i Abeverchouf und loufe unschuudig und ohni bösi Absichte nume schnäu i Intimissimi ine... und ha ds perfekte Outfit für d hochzitsnacht gfunde (und o kouft...): http://world.intimissimi.com/product/rom...ties/158475.uts Isch es Neckholder und hinge zeigts no chli Rügge und us reiner Side. Drzue hani no dr passend String kouft GG het schön gluegt woni mit däm Täschli bi heicho und no grösseri Ouge heter gmacht, woni ha gseit dass är das bis ir Hochzitsnacht nid darf gseh I ha gad mega Fröid, isch öpis schöns, sexy aber glich bequem und passt gloub guet zu mir.
|
|
|
|
25.04.14 08:05
malinchen
|
Re: Bräute 2014
@weddingbee: wuuuuuue, viu Spass!!! Bi scho gspannt...
@Pfingsti: Hei so coooooool wägem Blog! Isch ja hammer... haha, jetz hani ä guetä Grund ou no nachem Hochzyt dä Blog ds läsä.
@Taeboyana: Haha, das Chleid tönt ja ächt bezaubernd. Wär sicher no öpis gsi für mi a üsem Polterabä... Wow, mega schöns Hochzytsnacht-Outfit!!! I bi no gar nie det inne gsi, muesi gloub mau nachehole...
@Jane: und, het d Cheffin unterschribä? Wär ja super wenn die Mitarbeiterin würdsch loswärde... Geit ja würklech gar nid was die da a Tag leit...
@littlefoot: wow, das isch würklech es mega guets abgebot vo derä floristin!!! Mega günstig... Und d Idee mitm Konzert findi super!
@squishy: oh nei, muesch di sicher nid versteckä! Gschmäcker si halt verschiede und am schluss mueses öich gfalle und niemertem süsch....
@lillian: coool wäg dä Iladige!!! De chömä sie hüt a, bisch scho chli nervös?
@sissy: i due mi ou sälber schminke. Aber i wot kes mega ufwändigs makeup, i schminke mi immer eher dezent und wirdes denn sicher nid gross anders mache als im Alltag. I ha halt ds Problem dasi uf vieli Produkt allergisch bi und drum wotti lieber kes Risiko igah und maches gad sälber. Scho nur bidr Vorstellig so "zuekleisteret" z wärde bechumi Usschlag. Aber i gange mir de ou no nöii Produkt ga choufe.
@candybar: i weis gad nümme wär gfragt het... I due d Candybar eifach mit sonere Wimpelchetti aschribe (love is sweet oder so, bi no unschlüssig ) und när eifach d Süessigkeite i denä Gläser und drzwüsche ou die "normali" Tischdeko...
@me: mir si gester üsi Polterparty-Location ga aluege. Es isch super und würklech es mega guets Agebot. Mir hei ä Ruum für üs mit eigener Toilette und Garderobe, d Bar isch bedient und mir müessä nix putze oder so und ä Erdbeer-Wiisswy-Bowle isch inbegriffe. Ds Einzige was mir sälber müessä mache isch d Musig, aber da het sich mi GG nur gfröit drüber, de chaner no sini Playlist mache... Für 400.- findi das super! I gloub das isch öpis woni cha abhägle uf dr To-do-List...
|
|
|
|
|
|
|
|
1 .. 419 .. 835 836 837 838 839 .. 918 .. 997
|
Anmelden
Aso ich heb zu dier, finde rosa/pink e hammer Farb